短篇sweet(間中有咸)故合集(6)
上一頁
第 35 頁
下一頁
油尖旺金毛lin
2023-1-16 09:37:39
同你個名一樣 隔一陣就冇曬
:^(
Ads
Bottas(已硬)
2023-1-19 14:50:25
3.
就係咁,我順理成章咁跟咗我男朋友返屋企。
佢帶我參觀咗一次成間屋。
過程中我不斷纏住佢問長問短,好想知道我哋以前嘅生活係點。
佢好有耐性咁一一答我。
之後我哋行到睡房門口。
入去之後我先發現房入面嘅牆上貼咗好多張相。
當中有好多張睇落都係以偷拍角度影佢嘅單人相。
「全部都係你嘅傑作嚟。」佢注意到我放喺牆上嘅視線,笑住同我解釋。
我有啲面紅。
我估唔到自己痴漢成咁......
「喺醫院咁耐,你應該都想唞下喇,快啲去沖個涼啦,我買嘢食上嚟好冇?」佢適時轉移話題,化解咗我嘅尷尬。
不過到咗夜晚,我哋面臨住一個更尷尬嘅問題:瞓覺。
「你瞓啦,我出廳。」佢好自然咁攞起枕頭行出去。
我眼明手快咁阻止咗佢嘅動作。
「等陣先!」我拉住佢講。
佢停低腳步,企喺床邊望住我。
「而家......而家天氣咁凍,瞓廳唔係幾好嘅......」我有少少心虛,唔敢望佢:「我哋本身唔係男女朋友嚟㗎咩?咁瞓同一張床應該都冇咩大不了啫......」
講真,連我自己都覺得我講嘅理由站唔住腳。
失咗憶之後,佢對我嚟講就係陌生人,正常人點會邀請陌生異性同自己同床瞓吖。
但我唔係正常人。
我係見色起意嘅花痴......
佢隔咗幾秒都冇出聲,唔知喺度諗緊啲咩。
呢短短幾秒足以令我打退堂鼓。
死啦,其實佢會唔會覺得我好隨便?
「不如......」我已經縮沙,諗住話不如算啦,費事佢當我係奇怪人。
點知佢同我同時開口。
「咁好啦。」佢講,然後喺我未反應過嚟之際爬上床,瞓咗喺我隔離。
「早唞喇。」佢同我講。
「早、早唞......」我個心跳得勁快。
呢刻我哋兩個冚住同一張被,中間隔咗一段距離,唔遠唔近。
佢啱啱沖完涼,我聞到佢身上同我一樣嘅沐浴露香味。
唔單只咁,我仲聽到佢微微嘅呼吸聲。
聽呼吸聲,佢好似同我一樣都瞓唔著......
之後又過咗差唔多半個鐘,我哋兩個都仲係瞓唔著。
因為我哋冚住同一張被,中間又隔咗一段距離,所以我哋之間嘅空位會有風走入嚟。
我開始有啲凍,忍唔住瑟縮咗一下。
佢sense到我嘅動作。
「不如......」佢擰過嚟望住我,「我哋貼埋少少?我都有啲凍。」
「好。」我梗係求之不得,幾乎係即刻就痴咗埋去。
我哋手臂貼手臂咁平排瞓咗喺度。
同佢痴埋咗之後比頭先暖咗好多。
但問題係,而家呢個咁親密嘅距離令我更加瞓唔著。
因為近咗,佢嘅呼吸聲變得比頭先更清晰。
我開始有啲心猿意馬。
我忍唔住擰轉頭望向佢嘅方向。
佢即刻就望咗過嚟。
我哋喺黑暗中四目相對,我依稀辨認到佢嘅輪廓。
「做咩呀。」佢放輕聲音問,我隱約聽到當中有一絲沙啞。
「我......」我開口,但又停住。
其實我都唔知自己想講咩,淨係覺得眼前呢個人真係好吸引。
如果唔係因為失憶,我肯定會毫無顧忌咁撲上去T.T
我哋沉默咁又對望咗一陣。
然後我做咗一件自失憶以嚟做過嘅最大膽嘅事。
「我可唔可以問一樣嘢。」我開口。
「咩呀。」
我深呼吸咗幾下。
「我哋以前係點樣kiss㗎?」
回應我嘅係一片靜默。
我feel到佢呆咗,冇諗過我會問咁嘅問題。
呀,死就死啦。
我哄埋去錫咗佢嘴唇一下,然後又緊張咁快速退開。
痴線好軟……
明明只係輕輕錫咗一下,我個腦就已經好似就嚟爆炸咁。
「係唔係咁......」我滿面通紅咁問。
我聽到自己把聲都有啲沙啞。
佢過咗好耐都冇出聲,耐到我以為佢瞓著咗。
喺我即將放棄嘅時候,我終於聽到佢開口。
「唔係。」
話音剛落,佢就翻身壓咗過嚟,雙眼緊盯住我開口。
「我教你。」
反肚三柴
2023-1-19 14:56:47
呀
:^(
Bottas(已硬)
2023-1-19 14:57:43
:^(
:^(
油尖旺金毛lin
2023-1-19 15:13:20
狂賀
:^(
Bottas(已硬)
2023-1-19 15:24:24
推
Bottas(已硬)
2023-1-19 15:25:40
點解我明明啱啱先覆完呢個post 但出返講故台完全見唔到呢個post
:^(
羊腩煲冇羊
2023-1-19 15:51:06
我教你
:^(
:^(
:^(
:^(
:^(
扑野未?
:^(
:^(
Bottas(已硬)
2023-1-19 15:57:00
下章扑
:^(
羊腩煲冇羊
2023-1-19 15:57:55
腩好野!!!
:^(
:^(
:^(
油尖旺金毛lin
2023-1-19 16:27:49
出文數量太少 已沉底
:^(
Ads
Bottas(已硬)
2023-1-19 16:36:28
哭𠹌咗
:^(
油尖旺金毛lin
2023-1-19 16:47:36
出返多啲文就會冇事
:^(
村上真都市傳說
2023-1-19 16:55:52
珍
芫荽狗也不屌
2023-1-22 16:25:38
:^(
新年快樂 月南
期待下章
:^(
Bottas(已硬)
2023-1-22 16:26:35
新年快樂
:^(
:^(
油尖旺金毛lin
2023-1-22 16:33:44
恭喜發財 下篇快來
:^(
Bottas(已硬)
2023-1-24 19:10:58
4.
呢一晚好漫長。
熱力源源不絕咁喺我體內流竄,我眼神迷離咁望向壓喺我身上嘅男朋友,意識隨住佢嘅動作浮浮沉沉。
「嗚......」佢帶俾我嘅刺激太過強烈,令我忍唔住低聲悲鳴。
我不自覺咁手指蜷縮,捉實佢件衫唔放。
然後我感覺到佢放慢咗動作。
男朋友烏低身喺我耳邊輕聲安撫,但我已經聽唔清佢講緊啲咩。
後來,佢嘅動作漸漸加重,即使我已經不斷嘗試推開佢都無法阻止佢越嚟越霸道嘅入侵。
我雙手無力咁放喺佢膊頭上面。
「鍾唔鍾意我?」最後,佢一邊用力撞我,一邊微微喘住氣問,眼眸中似有火光。
呢個時候嘅我已經意識模糊,只係本能咁回應佢。
「鍾意......」
結束之後,我哋攬住對方瞓埋一齊。
我覺得有少少唔好意思,所以將頭埋咗喺佢懷中。
好怕醜呀><
但同時,我又不得不佩服自己咁快就將佢成功攻略。
我本身以為自己今日最多只可以同佢kiss,估唔到咁快就可以同佢做到最後。
好開心好開心!!
而喺我獨自陶醉緊嘅時候,男朋友突然低頭問我:「其實你係咪一醒返之後見到我就鍾意咗我。」
?!
咁……咁明顯咩?!
我以為自己係行暗戀路線喎……
佢好似識讀心咁,對我挑咗一下眉:「有幾難估,我明明就係你最鍾意嗰type。我肯定你啱啱醒返嗰陣個腦一定係諗緊:『好靚仔呀!!!』咁。」
「……」
好可惡,咁都俾佢估到……
怕醜咗一陣之後,我突然又諗起一件好重要嘅嘢。
既然佢一早就估到我鍾意佢……
「咁……咁我鳩噏話要熟悉下環境,借啲意痴住你跟你返嚟嘅事……」我小心翼翼咁望向佢。
佢望住我,好詭異咁笑而不語。
屌!即係佢知道啦!!
佢嗰陣望住我絞盡腦汁咁諗藉口嘅時候一定喺內心笑到仆街……
媽呀好柒呀!
諗到呢度,我羞憤難當,推開佢想起身落床:「我……我要搬返屋企!」
不過佢好快就㩒住咗我。
「唔得。」
然後佢又再壓咗上嚟:「係咪唞夠喇,咁再嚟?」
「唔得!」
我徒勞無功咁掙扎。
不過最後我都係屈服咗喺佢嘅淫威之下……
嗚!
Bottas(已硬)
2023-1-24 19:11:09
完
:^(
油尖旺金毛lin
2023-1-24 19:20:04
蛤???
:^(
油尖旺金毛lin
2023-1-24 19:26:53
睇完成篇淨係記得 嗚!
Ads
Bottas(已硬)
2023-1-24 19:33:16
嗚😖
村上真都市傳說
2023-1-24 19:42:38
諗好新文點寫未
:^(
Bottas(已硬)
2023-1-24 19:47:59
諗到了
甜甜的折磨
2023-1-24 23:22:28
睇到
:^(
上一頁
第 35 頁
下一頁