格躺 2022-11-30 13:39:03 好似冇人...

:^(

野原。小新 2022-11-30 13:49:37 有

:^(

格躺 2022-11-30 13:53:08 你係用呢隻杯㗎咩？

:^(

:^(

格躺 2022-11-30 14:23:57 更新到Chapter 107

:^(

格躺 2022-11-30 14:24:13 Chapter 107 時間無多

Jennifer佢只係笑一笑... 但係佢冇出聲...

我都感受唔到佢諗乜嘢... 佢似乎唔俾我感受。

「不如你訓張床啦？我訓凳ok架啦...」Jennifer想推我去我之前張病床...

佢真係好溫柔...

『唔好呢？Jennifer你係大佬嚟架喎... 點可以淪落到要你訓凳架...』我又唔好意思...

「冇得傾吖！我要你好好休息！你係咪唔聽我講先？」Jennifer突然紅起雙眼！

『嗚！但係咁樣... 唉吖。』Jennifer直接推咗我落床！

跟住佢仲借勢趴落嚟壓住我... 喂... 你個衰妹。

Jennifer同我躋身喺張單人床度...

我感受到佢嘅呼吸...

「好啦，乖乖地訓啦恆～」Jennifer拍拍我膊頭，然後就跳返落床...

...

...

「喂～ 喂～ Simon你睇下？連Miss Chang都訓埋！嘻嘻嘻！」坐我隔籬嘅Sammie忍唔住笑咁喺我耳邊同我講...

我望下？呵！真係喎！

玻璃大學呢個咩From ICT to Engineering嘅體驗營啲Lecture真係悶到飛起... 連我哋個Physic miss都訓埋！

淨係叫我哋坐喺Lecture Hall度聽啲Professor喺度講Seminar...

無咩practical嘅workshop俾我哋玩...

跟住我哋嚟到一間房... 我見到呢度周圍擺咗好多唔同大細嘅儀器！

好多儀器我都唔知係咩嚟！

「This is the wind tunnel, we use it to measure the aerodynamic characteristics of an airfoil...」有個帶團嘅人喺度示範俾我哋睇...

「This is our motion tracking system... 」跟住前面係一個落咗好多白色網嘅地方... 中間見到有架四軸無人機喺度飛...

但係我嘅注意力突然落喺我身邊嘅一座Flight Sim！

我仲見到遠處嘅係... A320 Full Scale Flight Sim！

我好想揸！好想試下！

『請問... 呢個我可唔可以試吓？』我天真咁指住Flight Sim...

「欸～ 如果你入黎讀書嘅話咪可以用囉...」個Student Helper又唔俾我玩，但係又唔想直接講...

當時我決心要考入玻璃大學！

...

原來嚟到Year 4... 我始終都係冇得用部Flight Sim...

部機好似係留返俾唔知邊個跨學系部門用嘅...

總之我都係冇得飛。

怪叫我揀電機工程咩...

...

「恆。」Jennifer把聲...

我迷迷糊糊咁擘大眼... Jennifer嘅表情...

有啲憂傷至於又帶點溫柔咁望住我...

「你係咪一直都好想飛？」Jennifer... 你睇咗我個夢？

『嗯...』的確...

「我哋行囉？」Jennifer拉拉我... 跟住我哋去咗Professor間房...

咦？冇人嘅？我四處張望...

『點算？』我擔心咁望住Jennifer...

佢同我你眼望我眼咁... 正當我諗住拎槍準備出去搵之際...

「咦！你哋兩個咁早起身吖？」門口傳來Professor把聲！

我同Jennifer轉身一望！Professor佢拎住兩袋紙袋裝著嘅外賣...

「沙嗲牛麵... 唔知你哋鍾唔鍾意食啦～」Professor拎咗兩盒牛麵出嚟...

而佢... 又係食炒麵... 今次加多碗粥。

『Ok架啦，多謝Professor你就真！』真心而家XG啲嘢食咁貴...

我哋又食又住咁，Professor都冇怨言！

「嘻！講呢啲！食飽啲～ 最緊要係你哋兩隻嘢食得飽！」Professor佢客氣咁講～

『係呢... Professor你日日都食炒麵... 唔dry咩？』我一度食一度問...

「Dry～ 當然Dry啦... 炒麵喎，點會唔dry？但係要賺錢養返老婆佢吖嘛...」Professor一度食一度沾沾自喜咁講...

『老婆？！』Professor個麻甩佬樣... 完全唔似結咗婚囉！

佢手上連戒指都冇喎！

「嗯，老婆吖～ 你第時大個都會有架啦可？」Professor佢拍一拍我同我講...

『欸...』算啦，我呢啲死毒撚... 又矮又摺。

啲凡人港女邊度會中意我吖～

...

食完嘢之後，我哋又返黎玩個Simulator...

「今日教你哋點樣自衛。」Professor佢一度講，同時坐上Simulator度...

我同Jennifer就專心咁睇...

「記住，F-35係隱形戰機。如果你開雷達嘅話就會暴露自己嘅位置。好多時都要儘量依賴偵測機。」Professor佢一度講... 自己已經Take Off咗...

「過嚟睇。而家呢個白色三角形，係偵測機讀到嘅目標。」

「左手邊油門上面有個碌碌，Select呢個目標... 你亦都可以用Touch Screen撳落去。個Firmware我改過嚟，令到佢更加簡單。」Professor嘅左手放喺油門... 我見到有上下兩條綠色線鎖住個目標...

「而家鎖定咗目標，望住我眼前嘅畫面，有綠色虛線正方形框，呢個就係目標嘅方向。呢度都會Show目標嘅資料...」Professor指住機艙外面嘅景象...

「而家選擇武器，到時你哋只會有兩支AMRAAM。我搵唔到咁多火水俾架機用... 所以唔可以裝太多武器啦。」Professor佢右手放喺武器欄... 跟住選擇火箭...

綠色嘅虛線變左實線！

「而家選擇咗武器之後，會變左實線。要發射就右手撳紅色掣。」Professor喺操控桿上面一撳！

我另外個畫面見到機艙底嘅門打開咗... 跌咗支火箭落嚟...

跟住支火箭隨即點火加速，好快就消失咗！

『點解好似冇反應咁嘅...？』我見Professor佢右手邊個mon撳咗個鏡頭出嚟望住個目標...

「你可能會話... 係咪我打失咗呢？唔係。係支火箭未飛到。」Professor指住個Mon...

「隆！」我見到右邊顯示目標個mon，隻目標中咗Professor支火箭爆炸！

睇落好似好簡單！

「F-35係一架非常之複雜同埋強大嘅戰機... 但係佢強大之處就係設計到非常簡單易用。」Professor講到好似係佢整出嚟咁...

「好啦，而家到你哋兩個試。」Professor落返黎，示意我哋兩個上去駕駛座...

Jennifer上咗去試... 呢個時候Professor佢拉著我！

佢帶我行咗去FJ另外一個角落...

「阿恆。你想我幫你整嘅嘢，我琴晚整好咗啦。」Professor將一個金屬製嘅水壺之類嘅物體交俾我...

『呢個係...？』咦？個水壺上面仲有啲掣...？

「呢個裝置，可以令到方圓3米內嘅嘢穿越時空。而且我已經Set好咗... 呢度嘅份量夠你帶走3個人。」Professor細細聲咁講...

3個咁多？

「至於你想帶邊個走... 想返去邊一年... 我交俾你自己決定。」咁彈性？？

「個limit應該係set咗2019年，我希望我冇計錯個份量啦。記住，就算俾你返到去，總有啲嘢會改變咗架知唔知吖？」Professor佢語重心長咁講...

我靜咗一陣...

『嗯。唔該晒你。』我誠懇咁講！

「另外啲土壤樣本我已經放咗喺F-35嘅駕駛倉，你哋到時飛走就得架啦。你袋好呢個。」Professor佢指住個「水樽」...

「碰！」Nikko突然粗暴咁打開門衝入黎！

「葉Sir！你大鑊啦！」Nikko手上揸住張紙，交咗俾Professor...

Professor一睇... 我都埋去望下...

NSD現正懷疑閣下涉嫌干犯危害國家等犯罪行為，閣下必須親自到臨TST NSD部門接受約談...

限期... 唉死！今日幾多號？

「太遲啦，睇嚟都係穿咗煲。」Professor佢懊惱咁講！

「你哋兩個，今晚就要飛！」Professor你認真架？！

格躺 2022-11-30 14:49:16 又唔記得推一下

:^(

格躺 2022-12-1 12:58:44 今日有少少嘢做
可能夜晚先出文

:^(

:^(

格躺 2022-12-1 22:53:23 唉 都係未搞掂

:^(

今晚冇辦法啦 唔咁仔細校對就出

:^(

格躺 2022-12-1 22:56:08 Chapter 108 再次起行

「你哋兩個，今晚就要飛！」Professor你認真架？！

「吓？！」Jennifer聽到之後都好愕然...

「早走早着！我哋越拖得耐，PLA就越多時間部署！」Professor佢緊張咁行咗去FJ嘅電腦房...

佢嘗試Call一個人...

畫面突然出現一個鬼佬嘅樣...

呢個鬼佬... 頭髮已經係灰白色... 藍色眼睛...

雖然上咗年紀，但係睇落仲係好精神...

「Professor，I'm Mike Slattery，CO of the Nathan James. It's a pleasure to meet you.」我見到呢個鬼佬着住一套藍色迷彩制服...

佢係米國海軍嘅人！CO... 係同Professor一樣職級嘅人！

佢如果喺海軍戰艦嘅話就係船長！

「Mike, I hope everything is doing fine on the James. The situation on our side has complicated significantly，we need to deliver the samples to your nation as soon as possible.」Professor嘅英文都好流利...

「We are now performing a Freedom of Navigation Operation at a classified location，somewhere close to you. Relatively.」有米國嘅戰艦喺附近...

「I need you and your brave men and women on the James to secure a friendly airfield nearby, ASAP. We have a Lockheed Martin F-35 armed and ready to takeoff and deliver the samples by tonight.」

「So... you are asking me to... break protocols and secure an airfield for this?」

「Well, yes. But this is for the sake of the world's balance. What do you think will happen if the people on my side got the samples instead?」

「It would be pretty nasty.」個船長皺眉頭咁講...

「Let me know about your arrangements. I'll get my pilots ready.」Professor講完之後就收線...

「而家初步會喺附近搵個機場俾你哋。」但係姐係...

『我哋... 要同米國人一齊走？定係揸返隻F-35返黎？』我有啲猶疑咁問Professor...

「我睇下可唔可以說服到佢哋送你哋返黎啦。」Professor連忙執嘢...

然後佢去問Nikko攞一啲嘢...

佢拎起電話一睇，然後露出驚恐嘅面色！？

「弊！阿恆！Jennifer！立即攞槍！」Professor大聲喝令！

Nikko拎咗兩個大嘅黑色盒出嚟！

佢打開盒！係兩支灰黑色嘅Carbine！

「呢兩支係M5 Carbine，應該應付到PLA嘅裝甲。應該得！」佢緊張咁交咗兩支槍喺我哋手上！

「可惡！仲有一隊！」Professor佢緊張咁跑上樓梯入咗儲物室！

佢拎咗一條腰帶綁住... 係一堆手榴彈！

跟住佢拎起一支Benelli M4！呢支個樣有啲分別！

「隆！啪！」FJ嘅緊急逃生門突然被打爛咗！

有啲嘢飛咗入黎！我仲未睇清楚係咩嚟之際...

「趴！」Jennifer大力拉跌我趴喺地下！

「碰隆！」眼前突然爆出強光！

可惡！我對眼好痛！隻耳都好痛！

「咔擦！碰碰碰碰碰隆隆隆！」我聽到有人開槍！

我咩都睇唔到！但係好似有人拉住我行！

「碰！碰！碰！」我聽到有另外一把槍！

我耳鳴緊... 但係隱約聽到啲聲！

「抓... 這個一定要生擒！」係一把沉重得嚟又有中氣嘅聲！

「我拖住咗你，你跟住我行！」Jennifer把聲清晰咁喺我腦海出現！

跟住我隻手一直俾人拉著！我同時都揸實槍！

我慢慢見到啲倒影，見到啲輪廓！

「碰碰碰嗖嗖嗖！」係子彈喺身邊飛過嘅聲！

我望到有個影拖住我...

「碰碰！碰碰！」佢單手揸住槍，托住喺膊頭度開槍！

Jennifer... Jennifer... 你真係好型...

我... 我集中！望到嘢啦！

Jennifer拉咗我入FJ附近嘅地底停車場！

我見到Professor佢喺我哋後面不停開槍射殺啲PLA！

「碰！轟隆！碰！轟隆！」Professor佢繼續開槍！同時一度退後！

我一手揸實Professor幫我整嘅「水壺」，另外一隻手掛住支M5 Carbine！

「擦！咔擦！」Jennifer喺度換彈盒，我伸手幫佢揸住空嗰個。

「嗚嗚...」我聽到遠處有摩打嘅聲...

Jennifer跑向泊咗喺度嘅武裝Tesla...

佢拎返支P90出嚟，交喺我手上！

跟住Jennifer直接攞埋我支M5 Carbine上身！

「上！呢度出去！跑去R Core嘅大堂！」Professor佢帶路！

「嗚嗚嗚！吱！」係電單車！有電單車駛咗入黎！

「碰碰碰咔啪啪！」電單車上面有槍手對住我哋開槍！

我哋三個立即踎低身搵停車場啲車去擋子彈！

斷估佢哋嘅衝鋒槍應該唔會打得穿啲車身掛？

Professor伸手去腰...

「擦！咔擦！」佢拎咗個手榴彈出嚟拉咗支安全針走！

跟住佢揼咗個手榴彈出去...

「走！」Professor拍一拍我哋兩個！

「碰！」手榴彈爆炸！Professor趁機拉著我哋走！

Professor好識得用戰術嚟干擾對方，為我哋製造機會！

跟住我哋嚟到R Core嘅大堂！

Professor示意我哋上去樓梯先，跟住佢喺道門道整啲嘢...

『喂Professor你仲搞咩吖？？』我見佢拎住索帶... 跟住再拎多個手榴彈出嚟！

「拖延時間！增加佢哋要攻上嚟嘅難度！你哋唔夠時間架！快啲跑上去！」Professor示意我哋兩個快啲上去先！

我同Jennifer一度跑... 隨後Professor佢再跟上嚟...

8樓... 9樓！終於到9樓！

Professor喺手機上面撳兩個掣... 跟住R Core啲𨋢全部變晒暫停服務！

佢一腳踢開通往QR天台嘅門！

面前湧嚟一陣熱氣！我眼前見到... 係灰黑色嘅F-35！

F-35有起落架之後好高... 望上去個樣好惡...

可能係F-35突出嘅線條嘅緣故吧？

Professor喺地下拉咗一個操控桿... 我見到有啲紅燈着咗！

周圍有啲蒸氣冒出...？著火？！

『Professor... 搞咩？』我問問我心中嘅疑惑...

我已經見到樓下有一大堆全黑色裝甲嘅士兵衝緊去R Core嘅入口！

「係煲緊水，準備蒸氣彈射！QR呢度嘅長度唔夠俾你起飛。除咗蒸氣彈射之外，機底仲有即棄火箭輔助引擎！」Professor指一指俾我睇...

Professor喺度望緊地上面一個儀表板...

跟住Professor佢跳一跳，爬上F-35嘅機翼打開罩住駕駛倉嘅玻璃...

「啲槍唔好要啦！放喺地下！爬上嚟啦你哋兩個！」Professor示意我哋兩個上去！

Jennifer即刻跳入前座... 而我就爬去後座...

我確保我綁好我個「水樽」！

「啪... 啪！」F-35嘅Mon閃一閃！然後我熟悉嘅畫面着咗！

Fuel: 62%...

Armaments: 2X AMRAAM... 10 Chaffs... 20 Flares...

Startup Checklist complete.

Next - Takeoff Checklist...

我哋冇空對地導彈... 燃油亦都唔多！

咁樣嘅情況唔可以亂咁用Afterburner！

「轟隆！」我隱約聽到爆炸聲！

恐怕係PLA已經殺到樓梯嗰度，觸發咗Professor設下嘅機關！

Professor佢半個身爬入黎，跟住啪咗啲掣...

「隆！嗚嗚嗚嗚嗚....」我感受都機身突然震一震...

引擎開始慢慢轉緊！

「呢台F-35裝咗XA102引擎，唔係原本嗰隻引擎嚟。呢隻嘢要少少時間啟動！我... 幫你哋爭取啲時間。」Professor望望地上面嘅M5 Carbine...

爭取時間... 你嘅意思係...

『Professor...』

「嗱，你望住，當呢個數字去到20%之後，你就推盡個油門佢！」Professor指住Jennifer個Mon...

「起飛過程機底嘅火箭會自動點火，用完就會自己甩。同埋起飛嗰陣嘅加速度會上到7個G...」

格躺 2022-12-1 22:56:19 「阿恆，你要有心理準備。起飛嗰陣係會有啲痛，不過係5秒內發生嘅事。唔會死嘅。」Professor拍拍我，同時喺度綁緊啲嘢落我大髀？

「呢件係G-Suit。當你受G-Force嘅時候，血液會向身體下面流，令到你腦部唔夠血造成Blackout，呢件嘢就係防止Blackout嘅。」Professor你仲有時間解釋？！

最後，Professor幫我哋帶頭盔... 係熟悉嘅綠色數字AR畫面！

「好啦，祝你哋兩個好運！我幫你哋拖一陣！」Professor拎係兩支M5 Carbine，跟住向R Core嘅方向衝！

『Professor...』「嘰嘰嘰嘰嘰...」F-35嘅駕駛倉蓋自動關上...

「嗚嗚嗚嗚嗚嗚嗚隆隆隆...！」我望住儀錶板...

「到20%啦。」Jennifer把聲喺頭盔度傳出嚟！

我右手已經撳咗武器庫嘅menu，準備應對任何向住我哋發射嘅導彈！

『我準備好。』我深呼吸一口氣！

「嗚隆隆隆隆隆！」引擎嘅聲響越嚟越大聲同埋高音！

Engine stabilizing at 50%...

螢幕一閃！

AB on, TOGA Thrust applied*.

「轟！劃劃劃劃....」嘩！好痛！

『吖！』我嘅身體突然被大力一壓！

係非常之大力嘅加速度！大力到我覺得胸口好似有塊無形嘅石頭大力打橫壓落嚟！

我哋起飛啦？

我突然眼前一黑！

---我係分界線 下面係資料補充---

*AB: AfterBurner, 後燃機，通常淨係戰機引擎先有。除咗Concorde之外其他客機都應該唔會有。運作原理係靠噴大量嘅燃油落去引擎嘅排氣管，利用僅餘嘅氧氣再次燃燒，可以令到排出引擎嘅空氣進一步因加熱而膨脹，從而製造額外嘅引擎輸出。但係後燃機油耗非常大，持續使用會嚴重縮減續航能力。

*TOGA, Take Off - Go Over, 民航機上面有一個叫TOGA嘅輸出設定。民航機引擎嘅設計以效能為主，唔預你長期開咁大力。如果有長期使用過TOGA嘅話，隻引擎就要提早入hanger檢查有冇嚴重損耗。

格躺 2022-12-1 22:56:50 更新到chapter 108

:^(

格躺 2022-12-3 02:30:17 Sor... 琴晚掛住溫書 同埋整獵物

:^(

一陣天光補返文

:^(

格躺 2022-12-3 05:49:26 Chapter 109 不明戰機

「阿恆！阿恆！」係Jennifer把聲！

我望望出面嘅景色...

嘩！我哋飛得好快！

呢度係維港開面嘅上空... 右邊係ICAC！

跟住我哋已經飛過咗海防基地！

「Eagle, CDB hailing you via UAV relay do you copy?」我個頭盔有把好熟悉嘅聲...

「Eagle, on your 2 o'clock is the UAV from CDB, do you copy?」同一把聲... 好熟悉！

我幾肯定我認得呢把聲，但係我就係講唔出佢係邊個！？

『Jennifer，知唔知係邊個？點解把聲會喺我哋聽筒出現嘅？』我終於搞清楚發生咩事...

我要慢慢唞順條氣... 因為外面嘅景色...

加上飛機嘅動態... 實在令到我覺得太震撼！

尤其是我上半身嘅位置全部都係玻璃，可以望到出面！

搞到我有啲畏高！

引擎聲已經變細咗... 我望住頭盔嘅AR顯示...

1萬5千呎... 2萬呎... 2萬2千呎... 航速：400節...

一切正常，冇導彈鎖定，冇Missile Launch警告...

我哋風平浪靜咁急速爬升緊！但係都真係刺激過搭飛機！

至少我未試過搭飛機搭搭下暈低咗先！

「阿恆，你返黎啦？」係Jennifer把聲...

『係，邊個叫緊我哋？』我仲未明...

我哋係Eagle? 鷹？

嗯，似乎我唔係暈咗太耐掛？

「你等等，我試下覆。」

「Person on the channel, confirm my call sign is Eagle? Identify youself please?」Jennifer回答

「Affirm, your callsign is Eagle. 不過副指揮唔認得我把聲，真係失望。」同一把聲幽幽咁講！

係佢！

「『Erika！』」我同Jennifer都同時嗌咗出嚟！

「哼，終於認得。而家我操控無人機跟住你哋吖。你哋周圍有啲乜嘢，無人機會見到，經datalink傳俾你。」Erika向我哋解釋...

『咁... 我哋要去邊吖？』咁匆忙離開... 甚至而家連Professor嘅死活我哋都未知！

「你等等... 我呢邊好似有Email入。」Erika把聲變得遠咗...

『Jennifer，我暈咗幾耐？』我哋啱啱穿過雲層... 跟住飛咗上嚟平流層...

而家周圍嘅畫面太震撼，我上半身周圍嘅環境我全部都睇到晒！

我甚至懷疑自己係咪有啲畏高...！

「我諗20秒掛... 我都冇認真數... 我都好痛。」Jennifer細細聲喺耳機講...

我哋已經見唔到地面，我眼前淨係有一望無際嘅天空！

等等？點解喺呢個高度我都唔使戴氧氣罩嘅？！

『機艙空氣有加壓？』我好奇咁問...

「嗯... 我都唔係太清楚... 始終部機係Professor嘅... 就算之前我嚟嗰陣都未試過揸... 不過呢度的確有氧氣罩...」我都係第一次見Jennifer咁唔肯定...

『同埋你唔覺得奇怪咩？點解唔係Angie嚟護我哋嘅？如果計職級嘅話Angie高啲喎...』

「呢一點的確我都唔明。可能Angie有嘢做？」

『可能啦...』我只係覺得奇怪...

我哋而家漫無目的咁向住南面飛，儘量離某國有咁遠得咁遠...

唔知佢哋搵嘅機場喺邊度呢？

而家似乎都仲未有咩風吹草動...

至少完全唔係Professor之前預料咁，一起飛就俾導彈追。

『Jennifer，趁而家安全，不如我哋繼續爬升？5萬呎？』通常越高都越安全，可以俾多啲時間我哋反應。

「可以吖。」Jennifer輕輕將機頭稍為提高...

我感受到個人開始壓向座位...

引擎重新加速轉動，但係未開Afterburner...

...

「Eagle，我搵到封Email啦，你哋嘅目的地係... 東沙群島。」Erika把聲再次出現！

東沙群島？！

我控制TSD... 撳！我見到喺香港嘅東南方向...

而家係我哋嘅10點鐘方向... 300公里左右。

「幫我Plan一條航線過去。」Jennifer命令我...

嘩，好彩我有玩flight sim嘅姐...

不過航線... 冇呢個必要！

直接set heading（姐係指示飛機向住一個方向飛）！

『Jennifer，我撳架啦喎？』我已經set好咗...

「Ok，嚟啦！」

我用力一撳個touchscreen... 跟住感受到機身微微傾側...

我望到AR嘅頭盔多咗條線... 而我哋而家就係沿著條線去行...

「你哋兩個唔好飛咁快吖，你哋望下，你哋就快離開偵測機嘅範圍啦！」耳邊傳來Erika嘅提醒...

『Erika，偵測機飛緊幾快？』我同Jennifer整嗰隻機相對上咁細隻...

好難可以跟得上F-35嘅速度架喎...

「你等我搵下先... 我都唔係好識用...」Erika可靠得嚟但係又有少少笨拙咁...

係幾可愛嘅～

「而家飛緊220節，我已經開盡咗油門啦...」始終都係太慢！

但係我哋F-35冇可能就住架咁慢嘅偵測機... 點算好呢？

「而家仲有幾耐我哋就會離開偵測機嘅範圍？」Jennifer把聲問...

『我計計... 我哋而家同偵測機嘅相對速度係180節... ummm... 兩分鐘之後就會去到偵測機嘅maximum range。』我利用相對速率嘅方法...

「等等，我睇到啲嘢！」Erika突然驚訝咁講！

只見TSD上面出現咗三個三角形，而且係向住我哋嘅方向飛！

「咇！New radar contact！」F-35上面嘅飛行系統響起！係代表有新嘅目標出現咗！

我即刻聚精會神！左手控制個作戰系統預備鎖定對方！

『Jennifer，disenage autopilot，打S灣，儘量唔好離開偵測機嘅範圍！』我哋要諗辦法利用偵測機嘅優勢！

我首先想知道，究竟對方係向住啲乜嘢飛過嚟？

F-35係隱形戰機嚟，我哋又冇收到任何Radar Warning，姐係對方都未啟動雷達...

就算佢哋啟動咗雷達，都未必鎖定到我哋。

如果對方見唔到我哋嘅話，就只會繼續向同一個方向飛，或者用一啲常用嘅Search Pattern...

「冇問題。」機身隨即猛然向側傾斜...

我雙眼望實TSD... 目標嘅方向依然唔變！

佢哋應該未見到我哋！

我望住螢幕好似箭靶嘅圖案... 目標距離我哋50公里...

「嘟嘟嘟嘟！RADAR WARNING！」今次又有警報聲？！

我嘅TSD見到遠處突然出現一條紅色嘅虛線！係來自不明戰機飛過嚟嘅方向！

我嘅TSD再出現更多資訊，呢度係寫住雷達嘅種類...

Su-27/J-16 Family (Phazotron-NIIR) AESA Fire Control

係敵機！佢哋啟動咗火控雷達！

只見幾個白色三角形突然分散咗！佢哋改變緊方向！

想分散嚟包抄我哋？？！

但係紅色虛線嘅方向冇改變喎... 好奇怪！

『Jennifer，對面肯定有敵人喺度... 你應該見到我哋而家收到火控雷達信號。』我有啲唔確定咁講。

我同時控制緊我嘅目標鎖定落其中一個白色三角形...

可能我肉眼未見到架機姐... 但係如果借助F-35嘅前向紅外線鏡頭嘅話，可能望到啲嘢！

我左手撳落TSD... OK，右邊嘅顯示器出現咗鏡頭嘅畫面...

同時AR嘅頭盔多咗個正方形虛線框，係指示目標嘅方向...

『呢架飛機嘅形狀... 唔係太似J-16...』我覺得架機嘅形狀同埋線條都似係NATO嘅飛機...

J-16係我個年代嘅嘢，我肯定認得出！

但係始終呢度係2035年，我都唔係太肯定佢哋會唔會有新飛機... 定係還是舊雷達裝上新飛機！

「嗯... 好奇怪... 你等等，我試下呢個... Erika留意Datalink嘅畫面，你幫我查下Database望下係咩嚟。快啲。」Jennifer似乎都係望住我望到嘅畫面...

「好，我即刻去查。」Erika爽快咁回答...

只見嗰架不明嘅飛機突然向下俯衝！

『Jennifer，你覺唔覺得自從紅色虛線出現咗之後，呢三架不明飛機嘅移動方式就好似好奇怪...』

「恆，我認同吖。我冇打過真正嘅空戰，但係預感話我知... 好快會有唔好嘅事情發生... 專心望住佢哋。」Jennifer語氣嚴肅咁講...

我繼續望實右邊個mon... 點知...

『HOLY SHIT！』紅外線鏡頭嘅畫面見到，其中架戰機突然出現火光，然後解體爆炸！

再望一望TSD上面少咗一個白色三角形！紅色嘅虛線依然喺度！

「我查到啦，睇嚟係某島自主研發嘅『忠文號』輕型戰機。」聽筒傳來Erika嘅報告...

格躺 2022-12-3 05:50:15 更新到Chapter 109

:^(

究竟仲有冇人㗎...？

:^(

格躺 2022-12-3 06:34:57

呢度係維港海面嘅上空...

海海海海海海 抄返六次先

:^(

武斌 2022-12-3 15:36:23

:^(

格躺 2022-12-3 15:43:14 咦？ 新毒者？

:^(

武斌 2022-12-3 15:54:54

:^(

8月開始追

格躺 2022-12-3 15:56:39 竟然！

:^(

出吓聲吖嘛～
等我仲以為冇晒毒者添

:^(

thequiettt 2022-12-4 12:32:02 等到頸都長

:^(

格躺 2022-12-4 12:52:51 放心放心 我返嚟㗎啦

:^(

星期一至五有文 每篇至少1400字

:^(

大家嘅留言同埋支持 係我寫文嘅動力！

:^(

格躺 2022-12-5 13:27:07 今日有少少嘢做
傍晚先出文

:^(

格躺 2022-12-5 19:13:15 更新到Chapter 107

格躺 2022-12-5 19:13:50 哎呀

:^(

格躺 2022-12-5 19:14:07 Chapter 110 見死不救？

某島嘅戰機被一啲我哋仲未見到嘅敵人攻擊緊！

我明啦！佢哋向住我哋嘅方向飛，應該係嘗試搵我哋！

但係由於我哋係隱形戰機嘅緣故，佢哋只能估我哋嘅位置！

『Jennifer！嗰啲戰機應該係某島派過嚟護送我哋架！佢哋搵我哋唔到，而家俾人打緊！』我激動咁講！

只見另外嗰兩個白色三角形不停哋做出不同嘅迴避動作... 失去咗頭先原本嘅規律！

我再次鎖定第二個三角形，用紅外線鏡頭望住佢...

今次我見到某島嘅旗幟喺機尾...

「我哋要諗辦法唔俾敵人發現嘅情況下，引導佢哋兩個過嚟。」Jennifer冷靜咁講...

但係我完全冷靜唔到！只見呢兩個白色三角形離我哋仲有40公里...

佢哋好無助咁嘗試不停地閃同埋避開...

就好似獵物咁，明知實俾獵人捉到，都出於本能地作出最後嘅掙扎！

我望住右邊嘅畫面... 隻「忠文號」嘅機底出現火光！

『唔好吖！！！』我破聲慘叫！

只見畫面出現一個火球...

唉！咁又打多咗一隻落嚟... 我哋仲要眼白白睇住佢死！

誰知「忠文號」再次出現喺火球嘅前面！

頭先嗰啲係干擾彈？！

佢放咗Chaff嘗試迴避導彈！

我望一望偵測機嘅範圍...

經過頭先嘅糾纏之後... 偵測機已經追上，而家完全覆蓋到兩部「忠文號」嘅範圍！

我突然把心一橫，我呢個座位都有飛行控制...

我左手放喺油門，準備大力一推！直接加速過去！

我哋仲有AMRAAM空對空導彈，應該唔會怕嗰啲PLA！

點可以俾啲PLA咁樣打某島嘅人㗎！

成日就話要武統某島，又話咩大國不會欺負小國！

實情就周圍攞啲導彈喺度打飛機！又話咩航母殺手！

仲話要打人哋米國嗰個唔知咩西議員架飛機落嚟吓？

喺屋企打飛機你就叻！淨係識得欺善怕惡！

我就俾你班柒頭睇下欺善怕惡嘅後果！

「啪！隆隆隆隆隆隆！」我發火！直接搶去控制權！

F-35嘅機身虎驅一震，引擎尾部頓時露出一條長長嘅火光！

「Priority REAR!」我眼前嘅畫面有OVERRIDE嘅紅色字樣喺度閃緊！

「阿恆！你做咩吖！？」Jennifer驚訝咁問我！

『我要將敵人捉出嚟！唔可以俾佢哋再殺多個某島嘅機師啦！』我頭先眼白白望住佢俾導彈擊中！

我唔可以再俾同一件事情發生落最後兩個機師！

「你痴Q咗線吖？你想死吖？」Jennifer隔著聽筒大聲鬧我！

「咇咇咇！Priority FRONT!」飛行系統再次響起...

同時我感受到F-35再次減速...

台引擎俾Jennifer收返細...

「你可唔可以唔好俾仇恨支配？乜你而家見到敵機咩？見唔到係咪打算開埋雷達暴露我哋嘅位置？」Jennifer仲未鬧完！

「你記唔記得啲Sample仲裝喺我哋呢度？如果真係失事嘅話，到時點搞吖？我唔想又整多個百慕達三角出嚟吖！」

「我知你想救佢哋，但係... 記住救人嗰陣要顧及自身安全！」

『咁唔通見死不救吖？！我唔想再眼白白望住佢哋死啦！你有返少少人性好冇呀？』我嘅畫面仲show住另外一部忠文號...

Jennifer唔出聲，但係我就心急如焚！

「嗶嗶！」我眼前嘅TSD再多咗啲嘢喺度閃緊！

F-22/F-35 Family AN/APG-81 AESA Fire Control

根據資料顯示，呢個雷達信號係來自白色三角形嘅方向！

等等！救人...

有啦！如果友方決定開雷達嘅話，應該可以見到啲嘢！

只要諗辦法令到佢哋見到呢度有啲嘢，佢哋會跟過嚟掛？

『Jennifer，我哋引晒佢哋嚟偵測機入邊嘅範圍！用Chaff！』我右手已經放喺右邊個mon撳緊武器欄！

『我淨係掉一粒，跟住你就改變方向！』我右手已經準備好！

「哼。咁就似樣啦恆～ 嚟啦！」Jennifer滿意咁講！

都聽得出佢鬥志高昂！

『GO！』我右手撳！

「碰！」F-35嘅機尾拋出一團金屬碎片！

F-35猛然抽頭改變方向！我嘅身用力一壓駕駛座！

好彩有安全帶綁實我！

兩架忠文號好快就轉向我哋嘅方向飛！佢哋似乎真係見到我哋嘅雷達信號！

啱啦！快啲過嚟！至少你哋越近我哋，我哋先有辦法保護你！

跟住忠文號嘅雷達信號消失咗... 佢哋似乎熄咗雷達啦...

我右邊嘅畫面突然有啲字跳咗出嚟

INCOMING TRANSMISSION... ACCEPT/DENY

撳Accept? Professor好似冇提及過呢part...

「EAGLE, This is USS Nathan James along with Carrier Strike Group 1, do you copy?」頭盔嘅通訊設備傳來一把熟悉嘅男聲...

嗯，應該係Professor之前搵嗰個鬼佬把聲！

「Nathan James, this is EAGLE, we are witnessing hostiles attacking friendly aircrafts, please advise.」Jennifer回答...

做咩唔話我哋個位置俾佢哋聽呢...？講咗佢哋就會快啲搵到我哋！

『Nathan James, we are at...』我望住我個TSD搵座標...

「唔好講！」Jennifer大聲喝著我！

「佢哋而家聯絡到我哋，代表Link 16已經通咗！佢哋望到我哋喺邊！」Jennifer急促咁解釋！

「如果有人喺中間截聽我哋嘅radio嘅話，到時你就會暴露埋我哋嘅位置！記住，我哋係隱形戰機嚟！」可惡！

Jennifer果然英明！我幾乎又闖禍啦！

「EAGLE, Copy that. Hold as long as you can, reinforcement are on its way.」佢哋有航空母艦！

「咇！」我眼前嗰兩個白色三角形變晒綠色！係代表友軍嘅意思？

Remote UHF Frequency change applied.

咦？佢哋改咗我通訊設備嘅頻率？

「求救！求救！這是雷霆一號，EAGLE你能聽到嗎？我們正遭受位置不明的敵機襲擊！」係一把講國語嘅女聲！

「雷霆一號，EAGLE聽到，你哋跟住我啦。」Jennifer用咗廣東話覆...

『雷霆一號，這是EAGLE，請跟着我們飛。』我用返國語嚟覆多次... 費事佢哋聽唔明！

不過我啲國語都唔係好掂...

「雷霆一號收到。」個女機師把聲幾好聽...

頂！正經啲！

我見到兩個綠色三角形向著我哋嘅方向飛，慢慢接近我地...

似乎PLA嘅攻擊停止咗落嚟...

「咦，EAGLE，我們收到不明雷達信號，你們有沒有看見？」又有雷達鎖定？！

「這裡顯示是... 不明機型，雷達型號AN/UPY-221，我未見過這個型號。」

哦... 原來係我哋嗰隻偵測機嘅信號...

「雷霆一號，雷達信號係來自我哋嘅，放心。」點解Jennifer又講廣東話㗎...

我仲想用國語講多次之際...

「Jennifer，我俾人鎖定咗！」頭盔入邊突然傳來Erika把緊張嘅聲！

『你話咩話？！』其實我哋隻無人機嘅設計，冇乜金屬架喎！

「佢寫住係屬於S-400/S-400系列嘅雷達信號，但係呢度公海嚟...」Erika有啲不解咁講...

奇怪... 究竟台S-400收埋喺邊度？！同埋點解淨係鎖定咗Erika？！

「我見到啦！我用鏡頭見到！係一隻.......」Erika仲未講完就冇咗聲！

我眼前嘅綠色三角形突然閃一閃... 好彩冇消失到。

「EAGLE，雷達信號消失了。」雷霆一號向我哋匯報...

『Erika！發生咗咩事？』點解聯絡唔到Erika？！

「我哋後面仲有啲嘢！」