格躺 2022-7-26 01:08:13

:^(

鐵拳無敵鍾培生 2022-7-26 01:11:23

:^(

格躺 2022-7-26 01:13:37

:^(

大人有大量 2022-7-26 07:20:41 冇HD果D workstation ?

一揚就香左 2022-7-26 07:35:52 1個月後嘅今日，烏克蘭已經攞到魚叉，美國已經比左海馬斯，荷蘭、德國都比左Pzh2000，英國比左星光。依家有機師去左美國train揸F16，遲下應該會送F16早期少少嘅型號

鐵拳無敵鍾培生 2022-7-26 09:09:23 希望烏克蘭可以拎到f16c/d

格躺 2022-7-26 11:30:12

:^(

格躺 2022-7-26 11:38:08

:^(

格躺 2022-7-26 11:54:03 淨係俾F-16佢哋其實效用唔大
你要maintain一隊戰機
你仲要俾彈藥同埋維修零件佢哋
假設淨係自衛防禦setup
你都要送一堆Sidewinder，M80系列嘅炸彈同埋Anti Radiation Missile俾烏克蘭
仲有都未計需要維修嘅零件
尤其是戰機嘅引擎 使用壽命冇民航機咁長
烏克蘭嘅本土要諗辦法setup一條運輸鏈
確保呢啲設備可以安全咁運到東面嘅戰線

仲有我都未計 NATO嘅系統同華沙公約嘅系統唔同
NATO依賴嘅係Network centric Warfare
換言之，戰機需要偵測機配合
淨係得F-16係唔夠嘅，你仲要有NATO嘅偵測機幫手
F-16正常唔會開雷達，反而會靠偵測機嘅雷達幫手
如果你要一架F-16開雷達 佢好快就會暴露自己嘅位置（呢個原理Jennifer應該有教過大家啦？

:^(

）

格躺 2022-7-26 11:54:38 唉吖 一個唔覺意 呢度變左軍事台

:^(

鐵拳無敵鍾培生 2022-7-26 12:07:52 咁美帝會幫佢搞埋補給線㗎嘛

所以先會而家先放聲氣

偵察機嚟講，美帝好似長期有喺波蘭同羅馬尼亞幫手

大人有大量 2022-7-26 12:17:38 我之前間院係Remove囉

格躺 2022-7-26 12:18:42 要東面吖

:^(

你架偵測機嘅range頂盡500km好未

:^(

格躺 2022-7-26 12:18:58 姐係點？

:^(

鐵拳無敵鍾培生 2022-7-26 12:32:50 所以烏東難打咁多就係咁解
不過又咁講，教烏克蘭人用美帝嗰啲偵察機同幫佢重練軍隊冇分別

同埋舊f16研究仲未有datalink呢樣嘢？

格躺 2022-7-26 12:41:28 F16舊版冇link 16？

:^(

鐵拳無敵鍾培生 2022-7-26 12:46:00 照計嗰個年代未開始諗隱形，
講緊1974年喎，如果係a/b嘅話

記憶中都係e/f/v先有哩啲咁嘅電子嘢

格躺 2022-7-26 12:49:35 咁就仲差

:^(

冇link嘅話 其實F-16只係扭得勁啲
但係再勁都唔夠Su-57鬥啦

:^(

格躺 2022-7-26 13:44:57 大家等等 我校對緊
講左今日出嘅 唔會走大家數

:^(

格躺 2022-7-26 14:18:42 更新到Chapter 104
等我出住俾你哋先

:^(

格躺 2022-7-26 14:19:03 Chapter 104 訓練 （上）

我望住玻璃大學嘅平面圖...

Professor佢望住佢個閉路電視個mon...

好啦，似乎啲PLA真係走晒啦。

Professor佢打返開收埋Jennifer個暗格...

只見Jennifer喺入邊... 訓緊覺。咁都訓得着？！

「Jennifer，佢哋走咗啦。」Professor佢細細聲講...

「嗯？」Jennifer擘大眼... 望住我哋兩個...

跟住佢慢慢爬出嚟...

『點解你咁樣都可以訓得着架？』我完全無辦法理解...

頭先明明我咁緊張，佢竟然可以訓覺？！

「因為頭先用劍嗰陣太多力... 要補一補眠。」Jennifer再打多個喊路...

「你哋兩個，想食啲乜嘢？我去幫你哋去買啦。」Professor佢... 唉... 又要佢破費了。

『我冇所謂，就你方便。』「我都係～」

其實我哋太耐冇食嘢... 所以只要係嘢食我哋都可以。

跟住Professor佢就落咗樓... 我就仲緊張咁望住閉路電視！

「恆，你以前就係喺呢度學嘢？」Jennifer佢指一指玻璃大學室外嘅地方...

『嗯。我哋仲有Lab，喺地底嘅地方。上堂嘅話有時喺FJ嗰邊上堂...』我指住遠處紅磚外牆嘅FJ樓層...

「如果我可以好似你嗰陣嘅人類咁樣生活... 你話幾好呢？」Jennifer若有所思咁講...

『吓？但係你對住一班00後，佢哋學習風氣又差... 我稍為認真少少，又俾人標籤為kam撚認真撚... 真係好咩？』我頓時喺度訴苦...

「嗯嗯，你知唔知，你先係最叻嗰個。」Jennifer雙眼發亮望住我，擰擰頭...

『你係中意我先會咁講咋嘛...』我覺得係安慰說話...

「唔係。因為我喺屋企嗰度... 我嗰啲同類都係覺得我係怪人。」

『吓？』Jennifer佢咁叻... 性格又咁好... 竟然？！

「我哋嗰邊有嘅科技，先進到你唔信。大家生活已經無憂... 我哋有用唔盡嘅能源，可以整到養到10代人口嘅食物...」

「佢哋認為其實咁認真學習根本已經冇意思。你估佢哋真係想入侵地球咩？佢哋其實只係太悶冇嘢做，所以先搵啲嘢嚟玩吓。」

「吖，咁啱見到隔籬呢度有個咁有趣嘅星球，又住咗啲咁搞笑嘅生物喎～ 咁咪試吓整蠱吓你哋，睇吓會搞成點囉？」Jennifer幽幽咁講...

原來我哋只係俾火星嗰邊嘅人當係地上嘅螞蟻咁玩...

「話你哋攞部探險車過嚟侵犯我哋嘅土地，只係一個藉口嚟架咋～ 係攞嚟合理化佢哋唔尊重生物嘅行為。」Jennifer佢嚴正咁講！

『咁但係... 點解你又會突然撇甩咗佢哋，過嚟幫地球呢邊嘅人類呢...？』

「我只係覺得所有生物都應該受到尊重。更何況係同我哋相似，都有啲智商嘅生命。同埋... 我慢慢喺呢個地方，同嗰啲講廣東話嘅人相處得多... 我想成就佢哋嗰份堅持。」

『Jennifer... 你真係好犀利...』

「但係再犀利又點吖...？你呢個世界一樣有好多愚蠢同埋傲慢嘅人，我嗰邊都有。就算你同我再叻都好，我哋都冇辦法改變到佢哋嘅態度。」Jennifer擰擰頭，嘆咗一口氣。

「啪！」「嘢食嚟啦～」有個揸住兩個大紙袋嘅男人狼狽咁行咗入黎...

係Professor佢！只見佢放咗幾個大大小小嘅紙盒喺枱面...

跟住仲有一個膠碗... 嗯！好香！

「呢個我特登落去Z Core嗰邊買俾你哋嘅...」Professor佢有啲喘氣咁講...

係Z Can嘅拉麵同埋烏冬！仲有吉列豬扒！

嘩！望見都覺得肚餓～

『「我哋唔客氣啦！」』我就第一時間拎起筷子...

咦？輕飄飄... 用紙做嘅？！

Jennifer一手拎起吉列豬扒，氣勢咁咬！

「嗯！你哋地球呢啲動物嘅肉真係好好食！」係豬肉吖Jennifer...

Professor尷尬咁一笑，同時遞咗對正常嘅筷子俾我...

我都開餐啦～

只見Professor佢又係食炒麵...

原來Z Can啲嘢食係佢特登過去買俾我哋嘅...

佢對我哋真係好好... 就好似親生仔女咁好...

...

跟住Professor帶咗我哋兩個經地底嘅車路行...

呢度係... FJ？

「嘟！」只見FJ地底嘅門自動打開咗... 大概係感應到Professor嘅存在...

「喂Professor！咦？呢兩個係...」有一個身形較為高大，帶著厚厚嘅眼鏡嘅男人同我哋打招呼...

「Nikko，等我嚟介紹，呢個係Jennifer... 呢個係阿恆。」Professor佢幫我哋介紹...

「哦～ 原來就係你哋兩個... 久仰大名啦兩位...」Nikko佢若有所思咁講...

「講返先，你應該都知而家情況不妙。我要你兩日內Train到佢哋可以安全咁揸到F-35，做唔做到？」Professor佢單刀直入。

「即管試下。」Nikko佢帶我哋嚟到FJ入邊嘅位置...

我見到呢度入邊有電腦房... 跟住仲有一個有網圍住嘅空間...

最後嚟到呢度... 係一間灰色房...

「啪啪啪！」間房嘅燈突然着晒！

我眼前係一座駕駛倉！我見到模擬F-35嘅灰色斜邊機身！

但係座位只有一個，同Professor佢天台上面部F-35有啲分別。

「Jennifer，你有啲飛行嘅經驗，你先？」Professor示意Jennifer...

「Ok.」Jennifer爬入F-35... 跟住Professor拎起頭盔，幫Jennifer戴上。

「擦！」眼前嘅模擬駕駛倉外景色嘅螢幕亮起！

呢度嘅景色... 我認到！客運大樓獨特嘅外型！

肯定唔會錯！呢度模擬嘅係香港赤鱲角機場！

「你照起飛咗先，雖然現實嘅情況唔會係咁樣。」Professor佢示意Jennifer...

「你頭盔見到嘅嘢，喺真機上面都會見到。要用嘅掣，亦都同真機一樣。」Nikko一度解說... 我一度望...

F-35嘅駕駛倉非常簡潔！除咗起落架控制，左手嘅油門，右手嘅飛行控制桿同埋中間有啲掣撳下之外，其他嘢全部都係靠眼前兩大塊嘅Touchscreen控制！

「而家起飛，你只需要推油門。」Nikko示意Jennifer嘅左手...

Jennifer慢慢推咗左手嘅油門...

「唔好同我慳，戰機嚟架！繼續推！啱啦，而家咁樣係Military Power！再推就係Full Afterburner！而家右手稍為提起。」Professor佢喺另外一邊指導Jennifer...

只見架F-35加速... 跟住好快就離開咗地面！

「收油，放手，雙手放開。」Professor示意Jennifer雙手離開控制！吓？會炒機架喎？

只見F-35安然無恙繼續爬升，完全唔需要額外嘅input去維持佢！呢種操作同一般嘅民航機好大分別！

「嘩... 真係咁容易？」Jennifer都覺得有啲驚訝...

「嗯～ 不過...」Professor佢向Nikko打咗個眼色...？

做咩呢？只見Nikko喺駕駛倉隔籬部電腦撳咗啲嘢...

「嗚-------- Missile launch！Missile！4 O'Clock！」駕駛倉嘅警報系統突然大聲響起！

但係Missile Launch警報之前... 係咪差咗啲嘢？

「撇甩佢。」Professor冷冷咁講！

格躺 2022-7-26 14:21:07 所以點解我會話F-16舊版冇乜幫助呢...
就係因為我知道F-35點樣train同埋點樣用

:^(

F-16其實叫佢哋玩DCS都得啦

:^(

鐵拳無敵鍾培生 2022-7-26 21:39:10 咁又唔係，因為而家好似話su57個radar cross section同f/a18同級

:^(

:^(

簡單啲講即係唔隱形
然後f16都有apg雷達，所以佢索敵能力本身唔錯

而且烏克蘭戰爭揭示出嚟嘅嘢就係，俄系裝備嘅表現係好唔穩定，即係你無法預期佢普通生產出嚟嘅裝備，係可以達到佢數字上嘅spec

所以f16同su57係有得打，而且好大機會贏，如果係f16v嘅話

鐵拳無敵鍾培生 2022-7-26 22:04:44 打俄國同中國嘅話，f16舊版都已經好有用
f16v直情屌打

格躺 2022-7-26 23:37:09

:^(

咁就有啲失望啦
F/A-18係reduced RCS

你開APG你估對方冇Radar Warning Receiver咩

:^(

同埋雷達嘅信號有signature，對方嘅RWR好快就會估到你係乜嘢機型

我就係話 正常嚟講應該要偵測機開Radar
係偵測機都冇埋 去到最後先到戰機自己開

因為偵測機部radar永遠勁戰機好多 睇得遠好多
甚至可以out range防空系統
係就算你知道有偵測機喺度 你都吹佢唔漲

:^(

同埋真正打仗，兩邊係唔會長期開住台radar架
一來嘥電，二來會暴露自己嘅位置/同人講自己存在
第三就係會俾人知道你用緊乜嘢設備
所以戰機/防空導彈嘅雷達 通常去到最後關頭要殺人嗰剎那先會開

:^(

:^(

所以點解莫斯科號會突然被擊沉
恐怕就係佢哋自己怕俾人發現 所以熄咗雷達
點知都係俾人發現咗...

:^(