格躺 2022-6-1 19:37:45

:^(

格躺 2022-6-1 22:27:47 今日好攰
聽朝先出文

:^(

鐵拳無敵鍾培生 2022-6-2 00:48:29 支持

格躺 2022-6-2 11:59:23

:^(

就快出文

格躺 2022-6-2 12:00:09 更新到Chapter 68

:^(

琴晚未到12點就訓咗

:^(

格躺 2022-6-2 12:01:57 Chapter 68 強烈譴責

「嘻！你同Erika講咩講得咁開心吖？」係Jennifer把聲，我仲聽得出佢好似帶有妒忌嘅語氣！

『嘩！嚇得我吖Jennifer... 咁快醒咗啦？』我聽到佢把聲嘅反應就好似自己俾人揭穿咗做緊壞事咁...

「我哋研究緊呢張圖姐...」Erika指住Jennifer個mon上面BBC嘅衛星相...

「咦？又燒多兩隻...？但係點解一隊咁大規模嘅艦隊，咁大個formation... 可以比人打鴨仔咁打嘅呢？照計有導彈驅逐艦喺度，佢哋應該可以攔截到攻擊架喎...」Jennifer喺度望住張相...

『或者PLA嘅海軍無我哋想像中咁犀利？就算佢呢隻航空母艦咪又係紙老虎！』我冷笑兩聲！

「咇！」Jennifer部電腦收到啲notification？

「你閹人見記者...」乜鬼嘢嚟架？！

Jennifer打開咗嚟睇... 係NTV新聞台嘅直播...

只見畫面背景掛住一大幅紅色旗，下面掛住紫荊花旗...

有一個八字眉，鬚根未剃乾淨，對眼好似未訓醒嘅人走咗上講台...

屌，真係成個太監咁，唔怪得叫你閹人...

「各位晚安，市長而家見記者，首先市長會發言，跟住稍後問答環節回答記者嘅提問...」

跟住個太監就開始講嘢...

「近日，某國港島區嘅分離份子不停地作出挑釁行為... 包括...」個太監身後嘅紅旗畫面變左一張圖...

「砲轟鯉魚門海岸， 對住九龍半島開炮，甚至攻擊，挾持我哋忠誠勇毅，嘗試登陸談判嘅部隊。此舉危害某國XG嘅百姓安全... 某國XG政府表示強烈譴責有關...」佢show咗一張ICAC開炮攔截飛彈嘅相...

但係影到好似我哋開炮打九龍半島咁！

跟住再影鯉魚門果邊嘅SPG車俾人炸毀嘅一刻...

痴線，根本就夾硬屈！明明係佢哋發射導彈過嚟先！

好明顯係有心陷害我哋！

「我希望大家明白，我哋想用和平，克制嘅形式去處理大家嘅分歧... 但係面對挑釁同埋危害百姓安全嘅行為，我哋逼不得已之下先會使用武力。」一派胡言！

「最後，某國港島區嘅百姓請你哋望清楚，呢個就係鼓吹分裂主義嘅首領。」個畫面突然顯示Jennifer嘅身影！

係北角海傍果陣佢比無人機影低嘅！

但係好彩Jennifer果陣帶著防毒面罩，影唔到佢個樣！

「好，提問時間... 右手邊白色衫果位女記者...請先報上你嘅傳媒機構，然後問問題...」

「Mr Yim, BBC News, This morning we have witnesses...」有個BBC嘅女記者用英文問...

只見個太監眉頭一皺，同台下嘅工作人員打咗個眼色...

「提問環節完畢，多謝晒咁多位傳媒朋友出席。」吓？未答喎！問都未問完喎！咁就完咗？！

仲有... Jennifer比人點咗相！我好擔心咁望住佢...

Erika嘅表情都唔好得去邊...

「由聽日開始，我地要更加小心留意有冇無人機。佢哋除咗會發射腦聯嘅信號之外，仲會影我哋相... 唔可以再比佢哋攞呢啲所謂嘅證據嚟誣捏我哋！」Jennifer有啲唔高興咁講！

『痴線，根本夾硬屈架喎！明明係佢哋開炮先，我哋先出於自衛去攔截！』我非常之唔忿氣！

「係咁架啦，我哋只能希望仲有人嘅眼睛係雪亮架啦...」Jennifer嘆咗一口氣...

「但係而家咁樣，似乎有神秘嘅部隊攻擊PLA嘅海軍... 打亂咗佢哋嘅陣腳... 所以先要靠呢個記者會嚟令到香港島嘅人反我哋。」Erika喺度分析...

「咁至少而家煩少一樣嘢先啦... 唔使再望實個雷達，時刻戰鬥狀態咁...」Jennifer似乎都厭倦長期精神崩緊...

「好啦，我出返去先，唔阻住你哋兩個啦...」Erika都好識做咁...

「Erika，順便同佢哋講埋戰艦件事。」Jennifer喺佢臨走前提佢...

「呵欠...」Jennifer打咗個大喊路...

「訓囉？」Jennifer斟緊嘢飲比我...

『嗯...』我都開始有啲睡意...

唔知點解過咗嚟之後，每日都好攰...

...

...

...

與此同時：

「咯咯！」有人敲敲R903嘅大門...

我立即撳咗兩個制，然後收埋joystick，再拎返隻mouse出嚟扮做緊嘢！

「進來！」我用蝗語講...

一個高到190嘅中年男人急急腳入咗嚟...

係我喺電子工程果邊嘅拍檔...

『閂門！』我緊張咁講，然後立即熄咗我部電話！

我打開夾萬，示意佢比埋佢部電話我，我將兩部電話放入夾萬。

我再打開VLC喺度播古典音樂，確保間房就算比人裝咗竊聽器都未必會聽到我講嘢。

儘管我之前已經檢查過晒。

「我啱啱睇咗BBC，南海單嘢係咪你做嘅？！」佢開門見山咁問...

『你覺得呢？』我幽幽咁問...

「隆隆...」就算開咗音樂，我都聽到無人機喺附近嘅天台降落嘅聲... 似乎一切順利。

「但係洗唔洗幫佢哋幫到呢個地步吖？！你知道萬一我哋比某國發現咗嘅話，實入再教育營架喎！」190拍檔佢好緊張咁講！

『哼，我都係過去影幾張相咋嘛～ 唔好忘記，我哋係宣誓效忠某國，幫某國做緊航空研究架嘛~』我語帶諷刺咁講...

『你如果真係怕有風險嘅，你可以隨時退出吖。』我攤開雙手咁講...

『但係你要明，我為咗佢，我無辦法。』我都有啲憂傷咁講...

「佢嘅情況唔樂觀？」190拍檔佢都關心呢樣嘢...

『唉，佢嚟咗香港之後似乎缺乏咗某啲營養... 香港嘅食物無呢隻營養。我一直研究緊點樣人工合成出嚟，但係要用好多經費去買儀器。更何況你應該知道我唔係讀bio架嘛！』我指一指身後果堆食物製造儀器...

「你帶埋佢去外國咪得囉... 香港啲嘢唔啱食嘅話~」190拍檔佢好輕鬆咁講...

『你無女朋友係唔會明我嘅感受架啦...』我趁機恥笑佢仲單身！

唉... 問題係我女朋友根本就無辦法出境，如果咪我都帶走咗佢好耐啦...

「為女死為女亡咪就係你呢啲人囉~」190拍檔佢恥笑返我！

『唉，你哋啲凡人係唔會明白我同佢嘅關係架啦~』我都費事同佢拗！

鐵拳無敵鍾培生 2022-6-2 12:17:15 與此同時之後嗰啲係講教授？

格躺 2022-6-2 12:19:51 比咗咁大個提示你...

:^(

你覺得呢？

:^(

你你你你你你你 2022-6-2 20:08:19 同一個人但唔同時空，所以先有熟悉的感覺

格躺 2022-6-2 20:30:20 細心啲留意下佢哋嘅對話

:^(

格躺 2022-6-2 22:35:56 陣間有野做，星期五嘅文提早而家出

:^(

格躺 2022-6-2 22:36:29 更新到Chapter 69
個人近排好頹 文都無寫過...

:^(

格躺 2022-6-2 22:37:11 Chapter 69 陪伴

朦朦朧朧... 我好似唔係訓得太好...

唔知係咪仲擔心緊PLA會攻過嚟嘅緣故... 一直都好似醒下訓下咁...

但係我隱約感受到有人喺我身後攬住咗我...

係Jennifer佢... Jennifer佢攬住咗我？

而佢果種攬法，都幾肯定佢係清醒嘅...

我陶醉咗一陣，因為始終冇乜人會咁樣攬住我。

『Jennifer？』我輕聲叫佢...

「嗚！你醒架原來！？」Jennifer就好似比人發現咗佢做緊壞事咁，嚇到立即鬆手！

『做咩吖？其實我都醒咗一陣架啦... 好似唔係訓得太好。你唔係感受到嘅咩...？』我捽一捽眼...

「無吖... 我頭先無特登留意... 但係我明吖~ 你嘅內心就好似好多嘢諗咁，靜唔到落嚟吖嘛？」Jennifer好溫柔咁喺我耳邊講...

『咪就係咁樣囉...』我個人就好似一直有嘢擔憂咁...

「其實呢，我每晚都係咁樣... 你未嚟之前，我一直都訓唔好。」Jennifer喺我身後講...

『話說，其實幾舒服...』我無specify乜嘢舒服啦~

跟住Jennifer又再攬住咗我... 佢似乎明我嘅意思...

「有你嚟咗之後，我好似過得好啲... 唔知你有冇留意到，我有幾晚都唔使用藥...」

『係囉，我就係覺得奇怪... 但係見你冇用我無問出口...』我都有留意到架！

「可能係有你喺度之後，我好似有啲嘢唔使再擔心咁啦...」Jennifer稍為用力攬住我...

我估唔到佢都有痴身嘅一面... 可惜而家我背向著佢，我望唔到佢嘅表情...

「你嚟咗之後，唔知點解大本營果邊嘅大家，就無好似以前咁鄙視我...」

「有好多嘢我都擔心少咗... 又慢慢見到佢哋成長...」Jennifer有啲放心咁講...

『我只係作為一個新嚟嘅人，喺你瞓覺果陣同佢哋傾咗幾句姐...』我都唔係做咗好多嘢...

「你知啦，我係嗰啲有咩事唔開心會收埋喺自己心入邊嘅人... 無論係俾人屈好，定係真係自己唔啱而後悔都好。我就係咩都唔講比人知... 因為我根本唔知可以信邊個...」Jennifer似乎都承受過唔少痛苦...

『我同你咪又係一樣？當我仲喺2022年果陣，我咪又係俾人利用，俾人當工具人... 甚至有啲唔係好熟嘅女仔，都會無啦啦走嚟叫我幫佢做咩數學考試喎，貪我好使好用咋嘛！身邊根本都無一個可以傾訴嘅人... 好自然就會收埋喺心入邊架啦...』我好似感受到Jennifer喺度睇緊我嘅內心...

「你同我... 真係同病相憐...」Jennifer好溫柔咁喺我耳仔邊講...

我擰轉身望住佢... 喺昏暗嘅房間入邊，佢對眼顯得好光...

佢嘅眼神楚楚可憐咁... 有違佢平時堅強嘅外表...

佢真係一個內柔外剛嘅女仔...

我哋就咁樣... 對望咗一陣...

Jennifer無扎頭髮訓喺度果陣個樣... 有啲凌亂，但係咁樣嘅佢真係好迷人。

唔知點解就算而家dead air都好... 都唔會覺得尷尬~

「係啦，你仲訓唔訓？」Jennifer好似想起身...

同佢傾完計，搞到我個人都醒晒添~

『唔啦... 今日就陪你早起身一次~』我都準備碌落床...

「而家仲早... 我帶你去一個地方？」Jennifer拖住咗我...

『好吖~』第一次感受到佢拖住我... 我會心跳加速，唔覺意咁緊張起嚟！

我哋放輕腳步行出去經過大本營果邊...

只見少咗好多人... Angie都瞓著咗...

佢又係一如既往咁喺度伸展自己對長腿... 就算瞓著咗都唔例外！

Erika望住我哋兩個... 原來Erika無瞓著！

我同Jennifer做咗個手指擺喺嘴唇嘅動作，示意佢唔好嘈醒其他人...

『你同唔同我哋一齊出去吖？』我細細聲問佢...

Jennifer突然好似想搣我咁...

「唔啦~ 唔好阻住你哋兩個拍拖~~」Erika擰擰頭，尷尬一笑~

跟住Jennifer一直拖住我行... 一直行緊上斜路...

我沿途都望到有啲地方着咗紅燈，隱約見到係幾座Bofors 40mm嘅砲台... 就同我玩BFV嗰台個樣差唔多！

又有一個砲台嘅形狀好似一粒巨型藥丸咁，下低裝住咗一支機槍...

跟住有見到一座更加巨型嘅炮塔，外形就好似一隻機械人咁... 左右都各有一支機關炮，跟住機關炮之上仲有四支火箭炮... 好型咁！

最後Jennifer帶我嚟到一個高嘅平地... 呢度放咗兩架雷達車，兩塊雷達嘅形狀都好似一大片正方形咁... 不過佢哋而家無轉...

仲有一啲車，車身後面架起咗一啲豎直咗嘅大型火箭管...

「呢台就係傳說中嘅S-400防空系統。俄國為表示誠意，特登送比我哋用嘅... 你眼見呢個就係我果日所講嘅Grave Stone Radar。雖然無S-500咁犀利咁可以攔截洲際導彈，但係某國嘅巡航導彈，就算係Super Sonic都好，都可以攔截到，命中率都有99.6%。不過咁講吖，班俄佬咁樣做都係想分一啲土壤樣本姐...」Jennifer為我介紹...

『你帶我上嚟就係睇呢啲嘢？』我失笑咁問...

頭先仲好浪漫架嘛... 點解無啦啦...

「唔係。不過而家差唔多時間啦...」Jennifer望住對面嘅九龍半島...

我都見到對面仲有街燈，有一啲我之前未見過嘅商業高樓大廈，仲有觀塘繞道，九龍灣嘅MegaBox，凋空嘅啟德郵輪碼頭... 對面嘅燈光一閃一閃咁... 係一個貌似繁華嘅城市。

反觀香港島呢邊，乜嘢燈都無，漆黑一片。

「喺度嘅人，為咗爭取最後嘅自由意志，毅然放棄咗繁華嘅生活。」Jennifer最後望住東面，嘆咗一口氣。

『乜搞到冇得安居樂業嘅時候，自由仲重要咩？』我已經有啲唔明... 但係可能係我習慣咗以前繁華嘅生活啦。

「重要。你寧願活喺繁華嘅城市入邊，但每日都喺無形嘅恐怖陰霾之下要自我審查，深怕自己講錯嘢，隨時俾人舉報？定係還是好似而家我同你咁，喺漆黑嘅香港島靜靜地，自由自在咁生活吖？」Jennifer認真咁問...

『咁我寧願好似而家我同你咁...』佢無講錯... 就算我哋而家可能隨時受到攻擊，但係至少我哋呢一刻係自由嘅...

唔使自我審查自己嘅言論，唔使擔心隔籬有人偷聽我哋講嘢，話我哋干犯危害煽動分裂顛覆之類嘅罪名。

「上嚟。」Jennifer示意我爬上Grave Stone Radar嘅車頂，同佢一齊坐喺上面...

「我帶你上嚟，係想睇呢樣嘢...」Jennifer指住東面嘅海邊...

跟住佢示意我挨喺佢膊頭上面...

我地兩個靜靜哋望住海面...

只見水平線上面嘅天色漸漸顯藍... 跟住見到開始有橙黃色光...

呢啲光好柔和...

慢慢見到海面嘅海浪...

而家嘅天色好夢幻... 見到周圍都係暗藍色咁，唯獨是水平線果邊先光啲...

突然一道刺眼嘅光芒喺水平線上面射出嚟！

係日出！

「要記住，只要我哋一日仲在生，仲可以見到日出嘅話，呢個地方就仲有希望。」Jennifer細細聲喺我耳邊講...

然後佢望住我... 伸手摸著我嘅後尾枕...




溫柔咁錫咗落嚟...

鐵拳無敵鍾培生 2022-6-2 22:56:54 個場景好浪漫

可愛妹妹仔 2022-6-2 23:06:32

:^(

格躺 2022-6-2 23:23:38

:^(

格躺 2022-6-2 23:24:38 連你都

:^(

呢

:^(

呢一個scene我諗咗好耐架啦

:^(

:^(

鐵拳無敵鍾培生 2022-6-2 23:35:34

:^(

格躺 2022-6-2 23:42:49 https://www.google.com.hk/maps/@22.2800007,114.2363892,3a,90y,295.81h,85.44t/data=!3m8!1e1!3m6!1sAF1QipMcw_V7G7xO_M_hWntDfPK8x0c9sivfbiLOnfKe!2e10!3e11!6shttps:%2F%2Flh5.googleusercontent.com%2Fp%2FAF1QipMcw_V7G7xO_M_hWntDfPK8x0c9sivfbiLOnfKe%3Dw203-h100-k-no-pi0-ya354.84064-ro-0-fo100!7i10000!8i5000?hl=en

自己想像下日出個陣如何啦

:^(

淨係搵到日落嘅示意圖

:^(

鐵拳無敵鍾培生 2022-6-2 23:46:10 想像到，好正呀
隔離仲要有Jennifer

格躺 2022-6-2 23:51:17 不過我就奉勸你唔好對Jennifer太多幻想啦

:^(

鐵拳無敵鍾培生 2022-6-3 00:11:23

:^(

格躺 2022-6-3 00:17:15

:^(

鐵拳無敵鍾培生 2022-6-3 00:52:49

:^(

格躺 2022-6-3 00:54:24

:^(