格躺 2022-7-4 20:25:57 唉 我就生涯初段...
你就已經係生涯尾段

:^(

大家冇得咁樣比嘅

:^(

鐵拳無敵鍾培生 2022-7-4 21:19:09

:^(

格躺 2022-7-4 21:25:26

:^(

鐵拳無敵鍾培生 2022-7-4 21:32:41 唔好臨瞓做就ok

大人有大量 2022-7-4 21:34:07 你唔俾我係第二人生嘅。。

任何時候，都可以係開始，

適當時候做適當的事。。

格躺 2022-7-4 21:46:47 生涯吖

:^(

唔係人生

:^(

我知你人生仲有漫長嘅路

:^(

:^(

格躺 2022-7-5 08:18:21 更新到Chapter 91

格躺 2022-7-5 08:18:54 Chapter 91 憤怒

我舉起防空炮瞄準佢！

只見裝甲車撞開後面嘅警車，突然發難轉右駛向加連威老道！

「碰！」我搶咗支防空炮，打算射向裝甲車嘅底部，務求打中佢個引擎，阻止佢逃走！

「啪！轟隆！」砲彈打中天橋橋墩！混帳！

「咔碰！咔碰！」我再次發射防空炮！

「咔噹！」今次似乎打中咗裝甲車嘅後碌！但係無阻裝甲車逃走！

我眼白白望住架裝甲車消失喺加連威老道！

「啪噹！啪噹！啪噹！」有人對住我開槍，子彈打中炮座嘅裝甲板！

仲嫌我唔夠多嘢煩？

豈有此理！我要報仇，我要報仇！你哋全部人都唔會有命離開漆咸道南！

你哋搞到我無咗Jennifer！我要報仇！我要你哋全部同架坦克車陪葬！

我把心一橫，將防空炮向右旋轉30度，瞄準正在開槍射我嘅方向！

「咔龐！轟隆！」武警警車嘅駕駛座被砲彈擊中，砲彈爆炸！

「咔碰！咔碰！咔碰！」我對住武警警車嘅殘骸不停開炮發洩！

『屌你老母，你班冚家剷我要你哋全部都死！』我發狂咁喺度咒罵！

「嗚嗡嗡嗡...」我頭頂啲聲...？係咪嫌唔夠煩？

我一怒之下，舉起防空炮瞄準！

「吖恆！捉住我！」係Jennifer把聲！

只見我前面嘅上空出現咗一架白色嘅無人機！

係Professor架白色無人機！

我唔知點解，一聽到Jennifer把聲... 就冷靜到落嚟！

一聽到佢把聲，就好似佢提醒咗我，Jennifer仲需要我救佢！

白色無人機突然嚟一個Aileron Roll，甩出兩個垂直嘅扶手！無人機向我迎面飛緊過嚟！

我明啦！我喺防空車上面跳落嚟... 我頭望高，反手舉高嘅動作預備捉住飛過嚟嘅無人機！

我雙腳用力一跳！雙手一抓！

反手捉實咗俯衝飛過嚟嘅無人機！

「嗚嗚嗚嗚嗚嗚嗚！碰！隆隆隆隆隆隆！」無人機好似啟動咗啲嘢，猛然加速，仲不停地震動！

我感受到雙手被大力拉扯！

我感受到頭頂嘅地方不停地有熱氣噴出嚟！

無人機嘅引擎啟動咗Afterburner！我見到引擎嘅尾部不停噴出Shock Diamonds！

「捉實隻機！」係Professor把聲... 喺部無人機度傳嚟！

『收到！』我大聲咁講！

無人機沿著漆咸道南嘅上空飛... 慢慢咁爬升！

但係由於我背向住無人機飛緊嘅方向，我睇唔到我哋飛緊去邊！

上面嘅風聲好大！

「嗡嗡嗚嗚嗚！」無人機突然打側旋轉！我要用力捉實扶手先無跌落去！

無人機打側旋轉180度，我而家嘅姿勢係趴著喺架機上面！

我望到下面嘅地方... 誰知，地面突然出現火光！

「轟隆！」一團黑煙突然喺我身邊嘅半空爆炸！

無人機立即做出爬升轉彎迴避嘅動作！我即刻捉實隻扶手！

可惡！係僅餘嘅防空炮！我單手望一望錶... 係喎！

追蹤器！Jennifer有追蹤器！只見佢指住前面彌敦道嘅方向！

似乎無人機都收到追蹤器嘅信號，一直沿著彌敦道飛！

我望一望手錶... 得返10分鐘時間！

邊度夠我返去玻璃大學嗰度吖！？

唔理！要救咗Jennifer先！

只見頭先嗰架中咗一炮嘅鈍武車，喺彌敦道上面行駛！

無人機突然加速爬升，我連忙捉住扶手！

只見無人機喺上空盤旋兜咗個U-Turn...

我見到遠處嘅旺角...

跟住無人機突然喺空中再次旋轉180度！

我今次醒啦！雙手立即調整姿勢，而家倒掛喺無人機度！

見到前面仲有50米嘅距離！

「碰！碰！」無人機擲出最後兩粒煙霧彈！

我同時放手，喺30呎左右嘅高空飛落嚟！

說時遲那時快！鈍武車兩旁嘅車門突然打開！

有兩個魁梧大漢落咗車！其中一個揸住一支手提式火箭炮！

另外一個就揸住支大口徑嘅步槍，下低仲有榴彈炮發射器！

佢哋兩個都係戴著防毒面罩，頭上戴著紅外線夜視儀！

只見其中一個舉起步槍指住我！另外一個嘅火箭炮指住天上面，佢哋嘗試射隻無人機落嚟！

即使煙霧彌漫之下，佢哋都睇到無人機喺邊？！

如果無人機被射落嚟嘅話，Professor嘅身份會穿煲！

「碰碰碰碰！」手持步槍嘅大漢對住我開槍！

我靠件長袍，不停地擋擋擋！

然後我用力一打！

「轟！」手持步槍嘅大漢中咗我一掌，應聲向後跌撞，跟住就昏死過去！

我即刻舉起步槍指住另外揸住火箭炮果個大漢！

「碰！吱吱吱吱...」可惡！只見佢已經發射咗火箭炮！

我用力集中...！ 身邊嘅聲... 變得寧靜！

身邊嘅事物，變左慢動作... 我舉槍瞄準！

「碰.....」我扣扳機... 我見到子彈飛出嚟...

第一發... 打唔中...

「碰.....」我再開槍！今次第二發射前少少...

只見子彈就快打中之際...

「碰碰！嗖！轟隆！」我眼前嘅上空突然發生強烈爆炸！

揸住發射筒嘅大漢面上嘅表情突然變得錯愕...

我趁佢未反應得切嘅時候，一嘢攞步槍嘅托桶落佢個頭！

直接敲暈咗佢！

跟住我舉槍指住鈍武裝甲車！

「碰碰碰碰碰碰！」我對住裝甲車連環開槍！

玻璃碎裂，但係仲係唔穿！我見到Jennifer佢似乎無咗意識？！

我一怒之下，大力一拳轟落車頭玻璃！

痛！係刺痛嘅感覺！我個拳頭被碎裂嘅玻璃介傷咗！

可惡！我隻手仲要滴緊血！好痛！

頂！我有槍！我用槍托大力捶車頭嘅防彈玻璃！

『Jennifer！Jennifer！係我吖！你醒醒吖！』我已經望到車廂入邊嘅Jennifer！

佢迷迷糊糊咁！

我望一望手上嘅錶...

可惡！只係剩返一分鐘！點解Jennifer暈咗架！？

『醒吖！Jennifer吖！我唔夠力啦... 我求下你快啲醒吖！我冇時間啦！我真係好愛你架... 我好想救到你架！但係... 你都要爭氣架...』我盡埋最後一口氣，嘗試撬開防彈玻璃...

始終... 防彈玻璃都係太堅固... 太厚...

我... 點解揸劍嘅Jennifer唔出手吖...

明明就... 差少少...

我雙眼好想合埋... 唔得唔得！我仲未救到Jennifer...

我... 繼續用槍柄撼！

我......

「啪撻...」現場傳出有人暈倒趴咗喺地下嘅聲！




我終於... 體力不支...




暈低咗。





「吱！」煙霧彌漫嘅現場... 突然出現一度紅色強光！

格躺 2022-7-5 08:19:38

:^(

大人有大量 2022-7-5 12:03:32 好有風之谷感覺。。

綽姿幫拖順便收番長袍。。。

格躺 2022-7-5 13:01:55 嘩 大人巴你識啲嘢喎！

:^(

:^(

可愛妹妹仔 2022-7-5 19:33:25 錯pin

大人有大量 2022-7-5 19:38:14 我睇過嘅嘢就會有印象，你完全寫番果個感覺出黎喎!!個腦即時有哂畫面啦!!

格躺 2022-7-5 20:02:02 你終於上水啦

:^(

pin返啦

:^(

格躺 2022-7-5 20:03:39 係因為你睇過 所以先會有果種感覺

:^(

:^(

我想做到係人哋未睇過 都有果種感覺！

:^(

格躺 2022-7-5 20:05:16 係啦順帶一提，綽姿而家攬住吞噬搭緊西鐵

:^(

同埋以佢嘅性格，其實佢唔會理

:^(

鐵拳無敵鍾培生 2022-7-5 22:36:16 cool table唔係好含蓄嘅咩？

格躺 2022-7-5 22:46:06 佢係冷酷

:^(

鐵拳無敵鍾培生 2022-7-5 23:17:31 真係冇見過佢嗲飛揚

格躺 2022-7-6 08:21:49 似係飛揚嗲佢多啲

:^(

鐵拳無敵鍾培生 2022-7-6 08:39:15 但係你話cool table攬著飛揚喎

格躺 2022-7-6 08:44:13

:^(

呢個係我個故嘅想像嚟姐
我都想佢攬住吞噬

:^(

鐵拳無敵鍾培生 2022-7-6 09:56:51 港男ff同射精管理嗰個故咪會

:^(

:^(

格躺 2022-7-6 10:29:52

:^(

格躺 2022-7-6 11:10:39 更新到Chapter 92