格躺 2022-6-30 00:45:26

:^(

鐵拳無敵鍾培生 2022-6-30 01:08:49 恆仔型到仆街喎

鐵拳無敵鍾培生 2022-6-30 01:09:34

:^(

格躺 2022-6-30 01:11:26 喺Jennifer眼中先係咋

:^(

格躺 2022-6-30 01:13:14

:^(

鐵拳無敵鍾培生 2022-6-30 01:39:37 咁勇敢，我諗多數女仔都會覺得型

鐵拳無敵鍾培生 2022-6-30 01:40:17

:^(

格躺 2022-6-30 13:49:28 更新到Chapter 88

:^(

格躺 2022-6-30 13:49:51 Chapter 88 遙距防禦！

「無可能架喎... 明明我所有嘢都計算好咗！點解會係彈道導彈架？！」Professor佢懊惱咁講...

『Professor，海防果邊有激光防禦系統喎... 上次有20支巡航導彈都冇事...』我記得Jennifer仲好High咁係咁射啲導彈落嚟...

「阿恆，你未讀Aerospace你唔知咋！之前嗰啲巡航導彈係以低過1馬赫嘅速度飛行嘅... 今次嗰啲係14馬赫吖！Mach Number = v/√gamma*R*T吖！換言之，14馬赫如果喺海平面嘅話... 14*√117325...」Professor佢一輪嘴手忙腳亂咁講...

「係超過4.7公里每秒！我仲未計有幾多個MIRV（Multiple Independent targetable Re-entry Vehicles）！」Professor佢飛快咁喺鍵盤上面撳...

「Angie，即刻同我開uplink，我要access海防嘅防空系統！」Professor佢對住鏡頭緊張咁講...

「可以，不過我要verify你嘅身份，Jennifer教我嘅。」Angie呢個時候你仲做呢樣嘢！？

我正想拎起支mic話佢，誰知Professor佢單手撳住我！

「可以嘅，望一望你嘅OTP，106116，對下啱唔啱？」Professor佢不慌不忙咁講，佢望一望手機...

「Ok，呢度transfer比你。」Angie撳咗啲嘢...

「好，呢度我take over，趁仲有時間你哋快啲落B7迴避！阿妹，你都係！」Professor佢面色凝重咁講！

『Professor... 你打算？』佢叫埋大本營嘅人去迴避...？

「阿恆，你應該記得海防基地嗰度有S-400架啦？」Professor佢無望我，右手用mouse開咗幾個畫面出嚟...

跟住開咗幾個武器欄...

『嗯，我記得。』有雷達車... 有導彈車...

我見到畫面閃一閃，出現咗我同Jennifer之前睇日出嗰度嘅雷達車！只見正方形嘅雷達慢慢開始轉動...

「Cheese Board 同埋Grave Stone最多可以target到14馬赫嘅目標。但係DF-30導彈... 我都只係聽聞過...」Professor佢心有餘悸咁講...

「你等等，我而家Upload緊連接激光防禦果段Code... 我之前手痕寫好咗... 但係我真係冇諗過要用，所以一直都冇幫佢哋update！」Professor佢撳咗個制... 然後雙手合十咁祈禱...

我見到所有嘅系統暫時顯示Offline...

跟住呢度寫住Remote Firmware Update...

嘩！一陣update到一半冧咗，咪大鑊？！到時所有嘢都用唔到喎！

Professor你竟然夠膽而家冒呢個險...

「吖！搞掂！嗱！我真係希望我新寫嘅firmware work啦...」Professor佢自己都似乎信心唔大...

「恆，過嚟。我要你幫手睇住Cheese Board。Grave Stone同埋Cheese Board呢套雷達系統，本身應該要至少3人先run到。我已經盡力簡化咗好多程序，但係我未整完嗰part嘅code，而家仲要你幫手。」Professor佢喺書枱嘅櫃桶攞咗部手提電腦出嚟比我...

咦？點解呢個型號... 咁似...？？

Professor佢好快登入咗，跟住開咗個程式... 交咗部機比我！

呢個版面同之前喺ICAC用嗰個差唔多！

「吖恆，你呢度係控制Cheese Board雷達嘅。Cheese Board係搜索雷達，搵到目標之後就會交俾我嘅Grave Stone去對準同埋攻擊。但係，彈道導彈可以攔截嘅時間有限。一但錯過咗最佳攔截角度就無架啦！」Professor佢一度解釋...

咦？我見到Tracking嗰欄有嘢？

『Professor，係咪呢個？』我指一指我果個Screen...

「嘩！咁快？！係呢個吖，快啲撳！」Professor見到之後嚇一嚇，指住我示意我快啲撳！

我即刻撳落去，Track！

TRACKING 1416！

「嘩... 班痴線佬！中程彈道導彈都玩到成15馬赫... 拜託拜託... Grave Stone你真係要生生性性吖... 我唔想你真係變GRAVESTONE吖...」Professor佢嚇到喺度自言自語... 同時撳咗幾個掣...

大佬吖... 你GRAVESTONE呢個gag真係唔好笑吖今次...

咦？我見到外面好似閃一閃電...

又閃一閃...？「轟隆！」突然傳嚟行雷嘅聲！

就好似上次咁樣！

咦！仲有嘢TRACK到？？

仲有四個目標... 我即刻全部都撳TRACK！

只見出面繼續「閃電」！激光炮嘅威力勁到連九龍呢度都見到！

咦？只見閃電冇停過...？

「啪！」「頂！吖恆，你TRACK果隻係CHAFF*嚟！」Professor佢激動咁拍枱鬧！

『噢！對唔住對唔住！』我連忙道歉！

「EYES ON YOUR SCREEN！」Professor佢命令我！

我繼續望實有冇目標！

「留意右邊嘅information欄。佢會話你知速度同埋RCS！GRAVESTONE同一時間最多可以應付6個目標，捉晒最快同埋最近嘅目標出嚟先！」Professor一度講，我一度研究個版面！

Ok！大概明白佢講乜嘢！

咦？又嚟！我今次細心一睇！然後再TRACK！

與此同時：

「點吖？我都係叫你話我知究竟首領係邊個姐～ 乜你咁殘忍架咩？為咗保住個冷氣軍師，諗住犧牲晒你嗰班連發生咩事都未知嘅隊友吖？你忍心望住你一手栽培嘅後生仔女死晒咩？」把可惡嘅聲音用嘲諷嘅語氣喺度講...

「你睇下～ 都差唔多夠鐘架啦～ 我俾條路你唔揀... 敬酒唔飲，係要飲罰酒嘅～ 原本你肯乖乖哋講俾我知咪無事囉！不過... 哼哼... 無論你肯唔肯講都好... 你始終都係會講我知架啦...」把聲繼續喺度講... 儘管Jennifer一直好嬲咁望住佢...

「轟隆... 轟隆...」出面傳嚟行雷嘅聲...

Jennifer佢唔出聲... 慢慢流眼淚...

「嗚... 係我對唔住你哋...又係我自私... 我嘅自私... 累死晒大家... 我又再次... 累死人... 今次累死晒所有人...」Jennifer心入邊喺度喊緊...

「阿恆... 對唔住... 我辜負咗你對我嘅期望... 我辜負咗大家再一次對我嘅期望... 我真係好自私...」

「再見啦... 希望你可以搵得返Jenny... Jennifer我冇面愛你...」

Jennifer心入邊閃個一個念頭... 佢深呼吸...

Jennifer佢伸出舌頭... 然後大力一咬！

「你！可惡！立即制止她！」把狡猾嘅聲突然變得慌張！

「啪啪！嗚！！！」當場出現打鬥同埋慘叫嘅聲！

「軍醫！立即施打鎮靜劑！我們不可以讓這個丫頭自殺！一定要送到屯門！」

返黎R903：

「阿恆，支Laser你同我搞搞佢，我想增強火力。」Professor指示我開第二個Screen...

我同一時間望住有冇目標...

另一邊就喺度睇緊水泵嗰度啲嘢...

等我平時仲以為Jackey個位好輕鬆，幫手開下掣咁！

原來咁複雜？！死啦，如果冇記錯...

我應該係叫佢哋駁條喉喺個海度兜個圈嘅...

我重新reload基地嘅設備圖... 可惡！又有目標！

我即刻轉過去鎖定先！

「阿恆，Laser已經上到150度啦，而家又多六個目標，你好快啲處理啦！」Professor佢催促我...

同時我又見到出面閃電咁！

咦？！見到啦！EXTERNAL HEAT EXCHANGER PUMP！

我再望一望... 可惡！

耗電量就快超出負荷，唯有熄晒武器以外嘅電先...

我唔想陣間搞到燒電纜或者電池！到時就真係大停電架啦！

Generator推到最盡... OK！

呢個... 再開泵！咦？！ 仲有目標？！

你班痴線佬究竟射咗幾多支彈道導彈吖！

「咦？有改善，而家維持到130度... 等我試下...」Professor佢嘅語氣稍為放緩...

「嗡嗡嗡！吱吱吱啪啪！轟隆！」只見R903望出去對面海，出現一道灼熱嘅白光！

就好似一把巨型嘅激光劍咁樣，喺空中不停地揮揮揮！

痴線！呢個mode我從來都未見過！

我再望一次Cheese Board搜索雷達...

乜嘢都無晒啦！

CHAFF：雷達干擾影像，一支彈道導彈入邊會有多個彈頭（MIRV），有啲彈頭係真，有啲係假。目的就係要干擾同埋突破對方嘅防空系統。

格躺 2022-6-30 13:50:35 型果個係Jennifer

:^(

格躺 2022-6-30 13:50:54

:^(

鐵拳無敵鍾培生 2022-6-30 20:45:53

:^(

格躺 2022-7-1 09:04:00

:^(

鐵拳無敵鍾培生 2022-7-1 10:00:28

:^(

格躺 2022-7-1 14:02:45 更新到Chapter 89

格躺 2022-7-1 14:03:21 Chapter 89 整定？

「我明啦！我終於明白點解啦！」Professor佢突然激動咁講！

佢明咗啲乜嘢...？？

「要發生嘅就注定發生，只係方式嘅問題！」Professor佢激動咁望住我講！

『你指...』Professor佢似乎好激動... 佢仲得唔得架...？

「我呢13年嚟一直都諗緊辦法防止海防基地被襲擊。你見我喺嗰度擺嘅武器... 我咩都試過晒。我嘅目的就係要令到基地嘅防守可以輕容易舉咁抵禦PLA所有嘅攻擊。」Professor佢一度解釋...

而家啲攻擊似乎停晒？！ 我稍為望一望Cheese Board，都唔見有嘢...

「我曾經諗過，如果嗰度嘅防守足夠嘅話，就可以避咗我哋救Jennifer之前基地被攻擊呢件事！但係無論我set幾多防守喺度，甚至我搵埋我其中一啲入咗Lockheed Martin做嘅朋友幫手... 呢件事始終都要發生！」Professor佢懊惱咁講！

我好似明明哋！但係又唔係咁明咁...

「恆，你有冇相信過自己會有女朋友吖？」Professor佢用堅定嘅眼神望住我...

吓？點解突然變左呢個話題嘅...

『欸... 冇... 而且我都冇女朋友啦...』Jennifer佢其實一直都冇同我確定關係...

「所有嘢就好似命中注定嘅女朋友咁，就算你做乜嘢都好，你最多只可以延遲佢出現嘅時間，改變佢出現嘅方式，但係你永遠無辦法改變佢出唔出現。佢要出現就一定會出現！」Professor佢堅定咁講！

『姐係... 而家發生嘅事... 都係整定嘅？』我好似有啲明白...

「無錯，就係咁樣！你等我一陣... 我要做多一樣嘢，跟住就差唔多時間啦。」Professor開咗個Discord出嚟...

吓？呢個時候你仲有心情Discord？！

「喂～ Alexander！好耐無見，好耐無見！點吖點吖？過咗去米國嗰度嘅生活好嘛？有冇食鬼妹呢～」只見Professor喺度同一個外國嘅朋友喺度談笑風生...

吓？！Professor佢做乜撚嘢吖？！呢個時間喺度同人吹水？

「嘻！鍾情於港女，真係好咩？... 呵呵呵！
係啦，想借你啲玩具玩下～ 過幾日還返比你！」Professor佢... 借玩具？

吓？

「係... 係～」只見Professor一度同佢傾，一度打開咗個terminal... 佢喺度ping緊一個ip...

跟住就開咗個browser... 入咗個ip做網址... 打密碼...

係一個好簡陋嘅操作畫面？呢個係咩「玩具」嚟架？？

「好啦... 就借ASIA #12去玩～ 你唔介意吖嘛？」Professor把口就好開心咁講緊嘢，但係對手已經不停哋飛快咁喺度打字...

我細心望下佢喺度打乜嘢...

SAT list-capabilities --jamming | grep BLACKDOT-GPS

BLACKDOT-GPS yes

吓？！BLACKDOT... GPS？

「好～ 好～ 我出到XG嘅話，實過嚟米國同你去road trip架嘛係咪先？」Professor佢仲喺度吹緊水.。。

但係對手就根本無停過！

「好啦好啦～ 你食多啲女啦～ 哈哈哈哈！ 我都係返去教書先～ 再講！」Professor佢終於吹完水，cut咗線...

SAT list-capabilities --defense | grep ENERGY

LOCKHEED MARTIN ENERGY DEFENSE maint

「恆，係咪覺得好奇怪呢～」Professor佢似乎睇得穿我諗乜嘢...？！

「我頭先借咗以前讀博士學位果陣識嘅朋友其中一隻衛星姐～ 人哋呢，而家喺美國享受緊生活～」Professor向我解釋，隻手仲喺度打緊Keyboard...

我望住個畫面，佢好似喺度reconfigure緊啲嘢...

『不過Professor你都好犀利喎... 一度同佢喺度吹水... 但係手上仲喺度做緊認真嘢... 呢個係...？』我望住個screen...

「我呢個朋友... 係喺Boeing國防工業度做嘅～ 我稍為借一借用佢哋其中一隻衛星... 干擾下BLACKDOT GPS同埋... 啟動咗彈道導彈攔截系統。呢個設備，米國嘅太空軍都有。」Professor佢用中指托一托眼鏡，認真咁講！

「當我行咗BLACKDOT GPS干擾之後，PLA所有嘅巡航導彈就會失效，至少唔會再好似之前咁準先。另外... 呢隻衛星嘅導彈攔截系統同海防果邊一樣都係用激光嘅，會喺太空攔截彈道導彈！」有冇咁厲害吖！佢借咗隻軍用衛星返黎吖？！

『吓？！！』Professor佢人脈可以咁廣... 甚至連米國入邊做國防工業嘅人都識？！

「係架，而家就set完啦。我諗係時候諗點樣救Jennifer啦。」Professor佢望一望出面就快日落嘅景色... 略有所思咁講。

Professor佢踎低身... 揭開咗地板上面嘅一個暗格...

暗格入邊，有一支手提式反坦克火箭？！

Professor雙手抬起佢，放咗喺地下！

「呢支係Javelin，反坦克火箭，記住發射果陣要改做DIRECT ATTACK模式。」Professor佢啪咗個掣...

跟住示意我舉起試下...

「呢個係TRACK... 鎖定咗目標之後會有聲...」Professor佢詳細咁解釋...

跟住佢拎咗另外一個鐵盒出嚟，一打開...

係C4！佢拎咗一舊出嚟比我... 我手震震咁hold住！

「呢個我諗唔使解釋啦。插入雷管，然後引爆。佢哋好大機會將Jennifer放喺一架APC入邊。你首先要用Javelin 直接炸毀駕駛座，跟住再用C4炸開APC道門。」Professor佢一路解釋佢個計劃...

『咁車隊入邊其他嘅PLA呢？！唔通俾佢哋對付我咩？！』我有啲驚訝咁問！

『仲有，我點知Jennifer喺邊架車入邊吖？！』我真係有啲唔明...

啲冷氣軍師就係咁架啦！橋就佢諗，打就我打！

「你，唔係拎咗啲嘢上嚟咩？」Professor望住我放埋一二角嘅嘢...

係吞噬佢交俾我嘅長袍同埋紅色水晶！

『Professor，你知道係咩嚟？！』呢個Professor佢有乜嘢係唔知架？！

「有研究過下咁啦... 始終，我都有同呢班人交過手。」Professor佢幽幽咁講...

「吖恆，呢個你戴著。」Professor佢啪咗隻Apple Watch之類嘅物體喺我手...

「陣間你用力揸一揸碌水晶... 記住，你只有30分鐘時間。你揸完碌水晶之後，會感受到，聽到，望到好多嘢。你會感受到Jennifer嘅氣息，自然會知道佢喺邊架車入邊。」Professor佢詳盡咁解釋...

「當你發射咗反坦克火箭之後，我就會投擲煙霧彈。放心，你嘅視力到時根本就唔會受阻，你亦都唔會吸入煙霧... 揸完碌水晶之後，你就同Jennifer佢一樣，甚至會勁過佢。」Professor佢都知道Jennifer嘅事...

「不過記住，記住。你可能真正只有20分鐘時間行動。我睇阿恆你咁弱，有可能未必捱得過30分鐘。你要自己諗辦法。」Professor佢認真咁講...

『嗯...』我弱？

『係啦，點解佢哋仲未出嚟嘅？』我指住無人偵察機嘅鏡頭畫面...

「仲未出嚟咪好囉，係比時間你準備吖。」Professor佢似乎完全唔擔心...

「咦，你要留心啦，今次個情況又超出我嘅預料。」Professor再次認真咁講！

格躺 2022-7-1 20:22:19

:^(

鐵拳無敵鍾培生 2022-7-1 22:01:40 用javelin 我驚成架嘢收檔

:^(

:^(

鐵拳無敵鍾培生 2022-7-1 22:05:09 60蚊買袋8公斤嘅米就夠食兩個幾月，
然後一袋30蚊嘅三色豆夠食三個禮拜，
一袋30蚊嘅薯仔又夠食兩個禮拜，
一包10蚊腸仔都可以食一個禮拜
咁成本就係60/8+10+15+10≈42

可愛妹妹仔 2022-7-1 22:07:23

:^(

大人有大量 2022-7-1 22:09:23 唔計腸仔，就係和尚的日常膳食。。

鐵拳無敵鍾培生 2022-7-1 22:13:20 我而家keep到有70公斤

:^(

:^(

肌肉一樣喺度
而且三色豆有齊哂啲基本維他命咖喇，所以都健康

格躺 2022-7-1 22:19:53 唔錯嘅推斷吖

:^(

你跟得上我嘅節奏啦

可愛妹妹仔 2022-7-1 22:20:18 鋼條身型

:^(

:^(

:^(

格躺 2022-7-1 22:20:47

:^(

:^(

究竟點樣頂的...
我係食唔到飯嘅人

:^(

一定要食pasta