鐵拳無敵鍾培生 2022-5-28 00:08:47 主要係童童個心理轉變有啲突兀
男主角個反應就合理嘅

陳立正VantaBlack 2022-5-28 00:16:16 我懶…可能公佈路線圖算, 唔真係寫返了

:^(

膠動戰士 2022-5-28 00:36:10 有無女讀者俾下Comment?

陳立正VantaBlack 2022-5-28 00:55:20 如果你係話「主要係童童個心理轉變有啲突兀」
咁無問題

:^(

膠動戰士 2022-5-28 01:21:58 頭先同fd 傾緊野,
first impression 係覺得怪嘅.
啱啱再返睇一次又好似好返d,
無第一次睇到咁突兀
畢竟佢哋青梅竹馬咁耐,
我哋未知佢哋以前因為其他野嘈嗰陣會點處理...

陳立正VantaBlack 2022-5-28 01:39:29 咁就好

:^(

個心好無底,無自信,唔知自己寫成點

:^(

鐵拳無敵鍾培生 2022-5-28 02:00:10 你咁講又好似合理好多，
畢竟青梅竹馬嘅話，
係可以有一啲特殊默契

陳立正VantaBlack 2022-5-28 16:45:37 早文

:^(

陳立正VantaBlack 2022-5-28 18:27:19 錯字檢查

:^(

陳立正VantaBlack 2022-5-28 18:33:52 以結果來說，這是正中靶心的完美勝利。

拒絕了童桐之餘，也沒有完全鬧翻—我天真地這樣自認為。

［對唔住，今日搞到咁］我睡前不忘傳訊息和她再次道歉。

好，睡吧。

［滋］手機震了。

我馬上霍一聲張開眼坐起來查看。

［係我要道歉］

［輸入中…］

你叫我怎樣睡。

［你只係拒絕我要求，我唔應該咁大反應發你脾氣］

啊，得想方法娶了這女生才行‧

［唔緊要啦，不過係你先得架咋］

我在說甚麼，要收回嗎？！

＞童桐已讀取

來不及了。

［記唔記得個時我地講過咩？］童桐。

［梗係記得］我。

／／／

那時。

「就算我地將來點鬧交都好。」

那晚。

「都唔準唔理對方。」

我們在繁星之下，向對方作出了終生的承諾。

「嬲幾耐都好，到最後一定要搵返對方。」

即使不是愛情上的，也是一輩子的諾言。

「因為我地由細玩大，以後都會係咁，一直會留係對方身邊。」

那時在友達以上，不只有戀人一個選項。

／／／

［嗯，咁我訓先啦］

［早抖］我送完這句才發現自己在傻呼呼的傻笑著。

［Goodnight~]

我探頭望向床頭窗外，童桐的房間有人影走動，然後關上了燈。

結果當晚我睡得不太好，和童桐攤牌的事不斷閃回，用衣領在門口和她這樣貼近地擦眼淚的瞬間和悸動也重覆地上演，幾乎直到天亮才不知不覺間睡死過去。

但問題沒有被解決—情聖和Beta這樣和我說。

相比起終極的問題，這點小小勝利沒有意義，二人再三強調。

於是我們再次開會，地點還是Beta住的那間網吧。

先說說我和二人如何認識：打機識的，那時我中五，有新的MMORPG上線，於是一玩便是幾年，我是公會會長，Beta是參謀，情聖就是副會長。

從遊戲中聊到開群組，從群組中約出來食飯喝酒，到現在那公會已交棒至第三代會長，但我們三個老屎忽已成為現實的朋友。

「你最多只係拒絕左之餘仲可以保持住現況，童桐都係會追個個植嵐晨，你都係只可以係望邊打飛機，無野改變過。」Beta說。

「我又唔會Ｊ佢…」

「收皮啦，有無人信呀。」

抱歉，連我自己也說服不了。

這是人之常情…不過不重要吧！

「既然守到第一波，就要轉守為攻。」情聖一臉高深莫測的說。

「為攻…？」

「你要贏…唔係，你要唔好輸，即係童桐同個植嵐晨係唔到一切，只有三個結果。」

他舉起三隻手指。

「第一， 童桐追唔到佢，換句話說由植嵐晨拒絕。」他收起一隻手指。

「第二， 童桐放棄追佢，今次係由童桐呢邊放棄。」他再收一隻手指。

「第三， 童桐同你一齊，係由你去戰勝呢個情敵。」他收起所有手指。

「呃…」

「情聖講得岩。」Beta道，「植嵐晨依加單身，童桐咁既靚女主動追求，我諗唔到佢有咩理由拒絕，中出即飛都抵到爛，第一個可能性好低。」

說得很難聽但也很合理。

Beta望向我：「而以閣下既尊容同條件，你今日贏到既機會係零，所以第三個可能性亦更低，可以排除。」

「下啊！？」

雖然也很合理啦…

那麼按排除法，剩下的可能性就是第二樣：童桐放棄追求植嵐晨。

「又或者咁講：我地可以使橫手令到佢放棄追植嵐晨。」Beta露出不懷好意的笑容。

「你想做咩…」

「時機成熟同你講，唔會耐。」Beta說。

情聖說：「我再同你確定一次，因為我要搵到一日係你同埋童桐一定會一齊出街。」

「就下星期六。」我說。

「下個？定黎緊。」

「下個。」

「星期六呀…嗯，係去邊？」情聖打開日曆。

「海洋公園個水上樂園。」我道。

「係咩事？」

「我生日。」

「噢生日快樂，不過星期六仲要水上樂園呀…」情聖一邊和我說話，一邊高速在手機輸入。

「係咩事…？」

「唔講得，講左就無效果。」情聖笑笑說。

「嗄…？」他到底在想甚麼屎橋，他不肯說倒是使我相當不安。

「定期向我地報告，呢一日會好重要。」

指的當然是去水上樂園那天。

／／／

這段日子我與童桐的相處和以往比沒甚麼大分別—表面上。

間中一起帶亞基去散步，她時不時過來痴餐，晚上會互傳訊息之類的，我們平淡的青梅竹馬日常。

但在細節上，變了。

一去不復返了。

舉例說：和亞基散步時，她一直和某人傳訊息，完全不理我和阿基。

舉例說：來痴餐時，她會拍下食物放到ＩＧ上還會傳給某人，但不是我。

舉例說：和我說了晚安後，她卻顯示還是在線上，正在和某人繼續聊。

我終於明白到情聖和Beta說那天的小小勝利是何等渺小而且微不足道。

那時候我有甚麼好高興的。

那時候我有甚麼好感動的。

但和我過生日這事，是童桐即使之前拍拖時也會做的事，即使當時的男朋友生氣呷醋她也會一意孤行。

理由是「全年只有一天對自己有專屬意義，我卻孤伶伶地過實在太可憐了。」

被憐憫了呢。

簡直如同在憐憫我一樣…雖說是這樣也沒錯。

「你想唔想去水上樂園個日我叫埋嵐晨同其他人黎？」

「嗄？」

「佢地上次你都見過架，西九個Ｄ。」

「哦，好呀，無所謂。」

不想！！完全不想！！當然是不想！！有病啊？！我又不認識你們！！

我視那天為神聖的約會，當然希望和童桐兩個人約會就好。但是在童桐眼中那是只是「朋友」的生日，所以當然愈熱鬧愈好。

而且她這熱切的眼神，我那有拒絕的餘地，我不願再潑她冷水傷她的心。

「就係咁。」我完成向情聖的報告，我們在聊電話。

「嘩…其實佢知唔知你鐘意佢？」聽畢後的情聖有微微被驚訝到。

「呃…」

「如果佢知，得罪講句佢都好閪好仆街下。」

「喂！尊重呢仆街！」我反射地生氣了。

「唉，如果佢唔知既話咁都合理既，始終佢唔想你孤伶伶過所以搵多D人黎熱鬧Ｄ。」

「……」

「你個日照去架啦。」情聖說，「求下你照去。」

「咁梗係照去。」

「呼～嚇死，都好D。」

「咁你地黎唔黎？」

「我唔得閒，Beta唔使諗，佢話佢曬到太陽會死。」情聖說。

對呢…Beta網吧的房間在飛機杯旁還放著維他命D補充劑，聽說他視自己是潛航中的海軍一樣，要補充著不同的營養。

那麼，要做的事不變：在那天高高興地和童桐…不，大家去玩吧。

／／／

結果當日到達集合點海洋公園站後我竟然感到害怕了。

唉，我在幹甚麼，難得和童桐與一群年齡相約的人去玩，還是泳裝，還要有男有女，我在抑鬱甚麼呢…

「ＹＯＯＯＯＯＯＯＯ！！！！！」是個興致高昂的男生。

「哈…哈囉…」是個有點怕生的女生。

「早晨，我都叫你呀遊得唔得？啊，生日快樂。」是植嵐晨，我只記得他。

「多…多謝，可以呀，大家都叫我呀遊就得。」

我知道這種情況。

我經歷過。

一群本來認識的人，和一個圈外人。

童桐的Groupmate, 和我。

雖說我是今天的理由，動機。

但是很理所當然地，我會被她們排斥在外吧。

「好在無Summer Sem咋！」

「喂不如開Sem前去轉旅行呀！」

「日本？台灣？南韓都好！」

「呢輪泰國都話正…」

我不知道是不是只有我會有這種感覺。

被人群包圍，被眾人包圍。

卻有一種難以形容的隔閡，一種無法說明的孤獨。

明明和大家在一起，我卻唯獨沒有被陽光照到一樣。

「……」沒更新呢，我已無聊到在玩手機了，雖說沒甚麼想看。

「…遊…」

即將離開地鐵站時，身後一把女聲傳來。

「…呀遊…」

似乎是在叫我？

「呀！遊！好在搵到你！嘿嘿，生日快樂～～」

一個女生突然從後摟住我，接著變成一個深深的從後擁抱，我感到後腦被兩團又溫又軟的東西墊住，好香好大…不對，不對吧！

「呀遊，你地識架？」童桐問。

我才想問呢！

「你…」

我輕輕掙扎她甜蜜的擁抱，眼前是一個穿著白T恤牛仔熱褲波鞋的女生，Ｔ恤下若隱若現看到泳裝透出，她拿著一個可愛的卡通袋，一頭長棕髮的她身材比起童桐還要好，胸比她大，腳比她長，腰比她幼，是那種在IG搜尋頁會推薦給我的女神。

但我不認識她啊！

「師兄，我地之前係箭會見過，知道你今日生日黎搵你一齊玩，嘻嘻，驚唔驚喜？」

「多謝你，但係我，我…」但這樣子問她名字無疑太失禮了。

「可能你個時唔識我，我叫甄姿妍，我，我一直係箭會望你射箭好耐，所以今日先鼓起勇氣襯生日…唔…唔得呀？」她低著頭扭捏的樣子楚楚可憐，明明剛才不是這種風格…

「但望落呀遊根本唔識你。」童桐板起臉抱著胸不滿地說。

「佢梗係識我，話說你係邊個啊小姐？未聽師兄提起過你既？」

「下？！我喎！」童桐大怒。

情況從糟糕變得宮崎英高…我指難以理解。

「遊師兄！」

「呀遊！」

手機傳來訊息。

［童桐做初一］
［你做初二］
［ＰＳ：唔好沉船］
［星期六請佢黎仲要泳裝，好撚貴的］

發送人：程至勝

情聖你這傢伙！！

我連忙搶到二個女生中間：「多謝你今日黎，既然都一場黎到咪一齊玩囉，甄…」

「叫我妍妍得啦。」甄姿妍用食指封住我的嘴，還調皮地向我眨眨眼睛拋媚眼。

我看到童桐額角有青筋彈動了一下。

接著妍妍二話不說挽住我的手肘向前走，晃動的胸脯使我右手不斷在打名副其實的刷邊球，夏日水上修羅場拉開了序幕。

孫策字伯符 2022-5-28 18:44:55 呢次精彩啦

:^(

:^(

陳立正VantaBlack 2022-5-28 18:45:16

陳立正VantaBlack 2022-5-28 18:45:32 屌副超歪左

:^(

陳立正VantaBlack 2022-5-28 18:47:58 聽日終於有得停文抖下了

:^(

副連載繼續

:^(

陳立正VantaBlack 2022-5-28 20:00:24 距離80正皮仲差2

:^(

希特拉登 2022-5-28 20:05:29 新讀者lm

:^(

而家嗰感覺似係阿童夾硬要阿遊幫佢
照計阿童拍過幾次拖唔會唔知叫一啲同阿遊唔熟嘅人同阿遊慶祝生日感覺上會好尷尬
不過都唔排除阿童想試下阿遊啲反應

陳立正VantaBlack 2022-5-28 21:21:43 多謝大家80正皮

:^(

依加欠大家3次既停文日取消

:^(

另外如果有用開penana既可以上去書籤禁LIKE之類, THX

:^(

https://www.penana.com/story/101760/%E9%9D%92%E6%A2%85%E7%AB%B9%E9%A6%AC%E7%9C%9F%E4%BF%82%E6%9C%80%E9%9B%A3%E8%BF%BD/

陳立正VantaBlack 2022-5-28 21:33:43 歡迎

:^(

睇落去你就知,暫時仲係我計劃之內
包括你地既反應感想之類

:^(

我D故通常會有少少內情同轉折...

:^(

黑椒牛丸河 2022-5-28 21:45:13 仲未死人

:^(

陳立正VantaBlack 2022-5-28 23:40:40 俾D 愛角色們
點解咁想佢地死

:^(

黑椒牛丸河 2022-5-28 23:43:24 對角色有愛 對冷面冇

你講咩呀 2022-5-29 00:05:13 新讀者留名

陳立正VantaBlack 2022-5-29 00:25:40

:^(

黑椒牛丸河 2022-5-29 00:42:10 早d訓 唔好J幅相

:^(

大狗王 2022-5-29 00:43:16 真係柒到冇人有

:^(