膠動戰士 2022-6-29 19:14:45 緊急通知,樓主Facebook 表示今晚要緊急停文

黑椒牛丸河 2022-6-29 19:21:36

:^(

米凱拉的鋒刃 2022-6-29 19:42:54

:^(

:^(

:^(

陳立正VantaBlack 2022-6-29 21:04:50 心靜自然涼算唔算係一種吸引力法則，以下開放鳩ＵＰ

:^(

鐵拳無敵鍾培生 2022-6-29 21:40:24 冷氣爆炸？

牧羊記 2022-6-29 23:46:22 獅子山故有冇二

:^(

陳立正VantaBlack 2022-6-30 00:44:13 唔會, 見好就收

:^(

割禾青

:^(

陳立正VantaBlack 2022-6-30 01:22:42 聽日(30/6/2022)
會係呢個POST最後一文
文末會有分歧點

今次分歧點會比較重要，將會對角色群命運，性格，結局有無可逆轉既巨大影響

所以我地一口氣投票投到 七月三日中午

呢個POST其實都就爆, 咁又點投呢
好簡單, 聽日新POST

:^(

聽日出文前，我會先開新ＰＯＳＴ
然後將新ＰＯＳＴ既LINK貼黎舊ＰＯＳＴ既文末
為左有人禁錯ＰＯＳＴ劇透
格式會係咁

舊ＰＯＳＴ：

聽日食咩早餐？
Ａ：撈面
Ｂ：飯團
—————

新ＰＯＳＴ
［故事簡單總集篇］
［以下開始投票，投票至＊月＊日＊時＊分］

簡單黎講即係「睇舊POST既問題，去新POST答」

就係咁，多謝大家咁支持呢個故

距離個人目標正皮數仲有６個

希望大家唔好可憐下呢個打風前夕３３度無冷氣吹既作者，多謝

:^(

陳立正VantaBlack 2022-6-30 01:24:44 計錯數，覆算後發現目標有少少遠差成１５個，算數，下下個故再努力

:^(

鐵拳無敵鍾培生 2022-6-30 04:26:38 支持冷面小說家

座右銘 2022-6-30 08:03:43 我見到你張冷氣收皮相，係諗個冷氣機外殼跌咗落嚟，唔係諗無冷氣

:^(

睇到依到先知係無冷氣用太熱
我間房暫時未開過冷氣，仲開緊風扇吹，唔知自己點做到，但出街就真係頂唔順，要笠住個濕鳩罩，30秒就濕曬

座右銘 2022-6-30 08:04:23 冷面無冷氣，塊面會唔會熱返

:^(

陳立正VantaBlack 2022-6-30 19:15:18 爆文5000字以上, 今晚11點左右出, 開唔切新POST

:^(

陳立正VantaBlack 2022-6-30 19:17:39 劇透:

:^(

獨孤求助 2022-6-30 20:32:41

:^(

約翰_泰利⚽ 2022-6-30 20:53:48 如果而家推爆你咪要開新post

:^(

你好好我好好 2022-6-30 23:28:04 推爆你

:^(

大J首席門徒 2022-6-30 23:39:01 推

大J首席門徒 2022-6-30 23:39:14 推

陳立正VantaBlack 2022-6-30 23:40:06 停手

陳立正VantaBlack 2022-6-30 23:53:56 消息傳來的時候，我沒有想像中吃驚，畢竟…Beta早已經預言了。

那天我們所有人都陪著植嵐晨在大學的一個會議室中等委員會的結果，至於他便被召到樓上另一個大會議室中。

「痴線架！無審先判！」自High男。

「有無得上訴？！」童桐。

「…對唔住，我去一去廁所。」Kay站起來跑出走廊奔向洗手間似乎準備要哭。

咦剛剛桌上的…呢？

「…或者遲下利律師打甩左單官司，大學會改變主意呢，個魔盜王都係咁，贏左官司後電影公司都話可以再合作。」我無力地按慰他。

植嵐晨卻是頹然地坐下，一臉呆滯，我也是第一次見到陽光氣息滿滿的他這樣子。

「我地連求情機會都無，咁樣真係好唔公平！」童桐說。

「一係…一係佢地呢個會應該開到四點半，我地去門口截住班委員睇下有無彎轉？」自High男自作多情地說。

「唔好！」植嵐晨說,「千其…唔好。」

「點…點解唔好？」沒想到植嵐晨會反過來勸止自己幫他，自High男一臉且料不及的樣子。

「如果你地咁樣…我驚會連累埋你地，影響到你地既話我就真係唔死都無用。」

他是對的，這種未審先判已經反映「上面」根本不可用正常倫理邏輯推論。童桐如果這樣攔橋訴冤，被視為無禮而遭連坐紀律處分也不是沒有可能。

「咁唔通點啊？！咩都唔做？你咁辛苦讀左成十年先上到黎就畢業！」童桐說。

童桐對這種不公的事很敏感，特別是朋友受到這種對待，雖是優點但在社會上可是缺點。

「你地好好地讀，順順利利畢業就夠，唔好為左我搞咁多野！」植嵐晨握拳捶桌，木桌發出「咚」一聲。

「……」童桐敢怒不敢言地握拳。

「呢D垃圾Ｕ，俾狗讀啦！」自High男也只能口上罵罵，根本甚麼也改變不了。

那麼身為罪魁禍首的我也不好多說甚麼了。

「童桐，Kay去左廁所好耐，你去睇下佢有無事？你有無紙巾？」

「無…」

「估到，拎埋去。」我拿出紙巾。

「咁我去睇下佢點。」

童桐步出會議室走向洗手間，這邊離洗手間還挺近的，這樣久還沒回來，可能真的是在哭吧。這種場面我們三個男生就不便去…

「呀遊！」童桐卻跑著回來。

「做咩？」

「廁…廁所都無人！」

「下？！」

來到這兒，就必須要說明一下這教學樓的結構。

建築物是透過排污水管排污的，所以在多數情況下，所有樓層都的洗手間都在同一位置，方便一條排污管垂直貫穿所有洗手間。

而這兒是走廊的盡頭，為了符合消防條例，附近一定有走火樓梯。

所以，從這兒附近的後樓梯可以輕易到達所有樓上樓下的洗手間。

包括委員會所在那一層。

「童桐，你留係度，我去搵佢。」

「你知佢係邊？」

「我…好似估到。」

離開會議室，右轉，果然走廊盡頭左手面那扇門是洗手間，右面就是防煙門。推開防煙門，我放輕腳步往上跑，馬上就看到了——

透過防煙門的玻璃窗，可以看到委員會的主席正從洗手間步出。

而Kay左手正準備從衣袋中抽出不知甚麼！另一手準備推開防煙門！

突擊！

「嗚嗯嗯！！」

Kay手中的𠝹刀被我以巨大臂力壓住按回衣袋中，我另一手按住她的口不給她叫出聲，然後用整個人的重量把她壓向牆邊！

Ｋay不如妍妍或童桐這樣高大，如孩童一樣沒法反抗的她被我推至防煙門旁的死角位，門外的主席只是往防煙門輕瞄一下後便不以為然地離去。

「你傻撚左呀？！」

「嗚嗯嗯！」她還想掙扎！休想！

「俾我！」我左手奪去她手中的𠝹刀收起塞進自己後褲袋中，然後才放開她。

「啪！！」

Ｋay反手扇我一記耳光。

「…唔使客氣。」我說。

「我唔撚係多謝緊你呀仆街！！」正當她又想再扇我一記耳光時，一隻手瞬間在空中把她的捉住。

「你無啦啦做咩打呀遊？！」童桐憑身高優勢把Kay的手拉到空中，輕而易舉地制伏了她，「你又做咩由佢打？！」

咦既然是這樣，童桐應該看不到𠝹刀的事。

「無，佢話想打下人發洩下心情。」我隨便編了個理由，但好像有點太離譜了。

「下?！」

「…就係咁。」Kay說,「放開我。」

童桐放開她，一臉難以致信。

「我同佢傾陣，你返落去先，童桐。」

「……你唔好再掂呀遊，Kay，唔好話我無警告過你。」童桐憤然地看看我的臉後才下樓。

又只剩下我們二人。

「我問你，你仲未答我，你係唔係傻撚左？！」我拍拍袋中的𠝹刀說。

「我…我…」

「你捅左佢又改變到咩？有既，你都被人踢出校，然後坐監囉！」

你可以說我是左膠，但我不覺得對委員會主席動武能解決問題！

「點解可以咁唔公平…」Ｋay一邊哭著，一邊用背靠著牆滑到地上，以後用手掩著臉。

「……」本來她不是這種人，至少那天在水上樂園見到她時她不是。

是我害到她變成這種人嗎，如果剛剛我來遲了一秒事情會變成怎樣？

「唔好咁傻，你捅死佢都無用。」我說。

「反正做咩都無用啦嘛…我知，我真係知，但我唔甘心…」

核彈的傷害從植嵐晨身上開始擴散開去。

應該說，本來就是注定會這樣，把他害到這田地後難道他身邊的朋友家人會免於受害嗎？

別作夢了，馬川遊。

「你俾我靜下，呀遊。」

「唔得，點知你仲會做咩。」我在她旁邊坐下，「我陪你係度坐陣。」

「……」

「……」

在等她冷靜下來期間，我們甚麼也沒說，但卻沒有一絲尷尬。這種寂靜似乎是我們之間現在最需要的氣氛。

「好D未？」我問。

「嗯。」她站起來，「頭先，對唔住。」

「唔緊要啦。」我有種這一記耳光是自己罪有應得的感覺。

回到樓下。

「嘩呀遊你做咩塊面咁大個掌印？！」自High男誇張地說。

「有蚊。」

童桐有意無意間，攝到我和Kay之間，不知道在防備甚麼。

「咁你依加有咩打算？」

「返Hall執野啊。」植嵐晨說。

「我知…我指…之後。」

「可能做野，都讀左成十年啦，咩都讀夠…又或者去外國之類。」植嵐晨說，「當放個長假之類…嗯。」

他根本沒計劃吧。

有方向的人才不會這樣說話。

＊＊＊＊＊＊

之後另一天，我們幫他從Hall中搬走個人物件扔到客貨Van上，又幫他從客貨Van上搬到家中。

「好，６，７，８…齊啦，唔該晒你地。」植嵐晨說，「坐下先啦，我去拎Ｄ野飲俾你地。」

「我黎…得啦…」植嵐晨的父親是一個連腰都站不直的老翁，他拿著一條檸檬茶，撐著拐杖走過來。

「老豆，我黎啦，你坐啦！」植嵐晨一手搶過，順手扶他父親在扶手椅坐下。

「你以前都係肥仔黎喎。啊，唔該。」身為前肥仔的我拿著檸茶喝著，打量著牆上的老黃照片。

「係呀，都係Keep住舉鐵舉到依加咁。」他說。

他真是很努力的人，這份陽光和自信不是天生的，那個胖胖的他甚至可說有點像我。

「好撚重！！點解可以重撚到咁？！」軟癱在沙發上的自High男說。

「唔好意思…你個箱係我舉鐵既啞鈴黎，哈哈哈！！」

那時植嵐晨還會這樣對自High男惡作劇，樣子比起那天已經開朗了不少。

所以我們沒人察覺到。

「佢叫拖肥，叫人啦拖肥，喵～～～」他抱著一隻虎班肥貓到童桐和Kay面前，還Chok起聲來扮貓叫。

「呀！！好得意呀！！」Kay瘋了。

「雖然我鐘意邊牧，但貓貓我都鐘意…拖肥哈囉～」童桐用手輕搔拖肥毛茸茸的肚。

完全沒有人察覺到。

／／／／／／

陳立正VantaBlack 2022-6-30 23:54:11 [你地有無人聯絡過嵐晨？]中午Kay在群組中問。

[無]

[無,做咩?]

[非]

[菁婷想約佢同利律師傾唔知咩，但搵唔到佢叫我問你地] Kay說

[手機無電之類啫]

[但已經今朝搵到依加]

我和亞基散步途中看到這堆對話，已經覺得大不妙。

[喂佢聽日唔係要去差館報到？應該唔會玩失蹤架] 我輸入。

明顯感到不妙的還有Kay。

[佢爸爸無Smart Phone，我去佢屋企問下]

[我都黎, @呀遊，你黎唔黎？]

[我都黎，但我要帶亞基返屋企先…]我回覆。

[唔使，我叫左可以俾狗上車既Uber]

…我打算拒絕，但心念一轉，可能有牠派上用場的機會。

不出三分鐘，Uber和童桐一起出現在我面前。

「汪！…嗚？嗚汪？？？？」興奮地撲到童桐身上的亞基自投羅網，被童桐一下順手推舟扔到Uber上。

到達植嵐晨家時，自High男，Kay都已經到了。

「嵐晨呢？」童桐問。

「呀遊，童桐，我地問緊佢爸爸…呀，狗狗！」Kay想摸亞基。

「胡吼…」亞基竟然罕有地後退，還發出威脅的低聲咆哮。

話說雖然我知道童桐只是視植嵐晨是朋友，就和我一樣，但看到她這樣關心我心中還是酸溜溜。

屋內，年老的植父正在那兒坐著，自High男和那個叫菁婷的女助理正在問著他，他卻是一臉憂心忡忡，只可惜我們這邊聽不到。

「佢最後一次出現係尋日。」Kay說，「佢爸爸以為佢只係出去買野之類，但係佢之後無返過黎，電話熄左機。」

這時菁婷走過來。

「幾位，依加我講既野請保密，亦唔好問我點解會知，我地有自己做法。」菁婷說。

我們連忙點頭。

「植老爺佢銀行帳號，係今日朝早存入左十幾萬，金額同植嵐晨先生既銀行結餘相同，佢將自己所有錢都轉帳左俾植老爺。」

我心中一沉。

「另外佢既信用卡最後既記錄係一間行山用品店，買左一條攀石既繩，但係按植老爺既講法，植先生從來無玩過攀石。」菁婷還特意補充，「呢條繩，足夠吊住一個成年男子既體重係空中。」

吊住一個成年男子的體重於空中—她倒說得很得體。

「………」我們都默不作聲。

「只有半日時間，我亦只可以調查到咁，加拿大個邊依加係半夜，我唔方便聯絡我前輩同佢先生問佢地意見…所以，都要靠你地諗下佢會係邊。」菁婷鞠躬拜訪說。

我們面面相覤，根本不知道怎樣辦。

「你地等陣，我問下Beta.」我掏出電話。

「Beta?」

童桐向Ｋay略略解釋一下他背景。

果然，Beta有想法，我道謝打算掛線時。

「諗清楚，呀遊，係佢自己犯下既錯，係佢自己選擇既路，唔關你事。相反，萬一你救到佢既話，佢始終係你潛在情敵。」

「你講咩啊？呢種時候…」

「有無睇過個套電影？蝙蝠俠打超人個套，雖然爛到仆街，有一句講得岩：只要有一絲可能成為敵人，就要視為絕對威脅。」

只要一絲可能成為敵人，便要視為絕對威脅。

因為植嵐晨的吸引力和魅力遠超於我，只要他活著，即使只是１％機會他會搶走童桐，但我卻絕對沒法在那情況下取勝。

唯有他不復存在，我才真正的免受他的威脅。

這是Beta的主張。

錯誤，背德，我卻沒法反駁的主張。

「我再搵你。」

「人不為己，天誅地滅，見死不救唔係你既錯，你都做左２０幾年好人啦呀遊，你得到過Ｄ咩？」

「拜拜。」我掛線。

兩個女生望住我。

「非常時期非常做法，童桐，你去拆嵐晨既信；Kay，你搜下佢間房；菁婷小姐，你同自High…Johnny 繼續問佢爸爸，我去查佢電腦…童桐你順便救下亞基。」

這小笨狗打算找拖肥玩，結果被拖肥痛揍，正伏在地上不敢動。

分頭行事的我們，要找出植嵐晨的下落。

但這時，我已經…被Beta影響了。

他說最有機會是案上的手提電腦，因為他製作核彈時知道植嵐晨習慣了把所有帳號都連結，所以我這邊能看到他在所有設置上的搜尋記錄。

所以我決定電腦由我負責，除了表面上最合理，我也能保有決定權。

密碼，果然是「toffee（拖肥）」加「１２３」

打開搜尋記錄，從新到舊。

［昨天］

＞清除瀏覽記錄

［Google路線：前往長洲東堤小築］
［Google地圖：長洲東堤小築］
［Google地圖］
［Youtube: 繩結簡單多角度教學-行山師頻道］
［搜尋結果頁：實用！露營行山必備必種五種繩結！有一種竟然消防都用？！］
［搜尋結果頁：繩結］
［普通客戶的每天轉帳上限］
［搜尋結果頁：銀行過數上限］

找到了！

植嵐晨一定在東堤小築！

「童…」

突然，我選擇了閉嘴。

＞清除瀏覽記錄

按鈕上這６個字，迷住了我。

他自尋短見前，為了不被其他人找到而清除了記錄很合理吧。

我只找到空白的瀏覽記錄，所以沒有任何線索…也很合理吧。

童桐其實只認識他兩年多…也應該不會太傷心，我用眼界餘光瞄向外頭客廳，童桐正用雙腳夾住亞基在翻閱書件，其他人也不在。

只要手指一彈，我便能把所有記錄刪掉，然後走出去說抱歉，我這邊甚麼也沒有，然後細看事態發展。畢竟是他自尋短見，我也沒有責任。

特別是…我想起這段日子，童桐說只是婉惜朋友，但她卻真的…很投入的樣子。

「見死不救唔係你既錯，你都做左２０幾年好人啦呀遊，你得到過Ｄ咩？」Beta的聲音在腦中響起。

「有需要既，唔需要限死自己…唔需要劃地為牢，呢個世界係睇結果…贏既，企係度；輸既，訓低。」岑大師的聲音在腦中響起。

但是…

植嵐晨那傢伙真的甚麼也沒有做錯，主動喜歡他的也是童桐。

他還不只一次幫我打氣。

「哎呀，你就唔好為我咁操心啦，射箭唔係要好專心？」

那天水上樂園也在特別照顧我，甚至救了差點飛出去的我。

陷入了天人交戰的我，面臨著兩難的抉擇。

—————

分歧點已至。

警告：是次分歧點將會對角色群性格，命運，立場，做成深遠且不可逆轉的影響。
警告：是次分歧點將對結局走向做成關鍵影響。

請大家鄭重選擇。

選擇Ａ：清除瀏覽記錄，並向其他人宣稱在電腦上一無所獲。

選擇Ｂ：向所有人報告植嵐晨的行蹤，展開救援行動。

本ＰＯＳＴ將爆，請到新ＰＯＳＴ投票

投票截止日：７月４日星期一 正午１２時。
留言投票，多者勝出

本ＰＯＳＴ已完，之後將會有２則預告，請唔好推爆。
多謝，再三多謝大家支持。

陳立正VantaBlack 2022-6-30 23:55:18

預告

「非常遺憾。」

陳立正，好評連載中

「你愛既人從來都唔存在，佢…只係一個你自己想像出黎既幻象。」

這是少年少女認清自己所愛的故事//

《青梅竹馬真係最難追》

這個夏天開始的時候，我下定了決心追求我的青梅竹馬，住在我旁邊的童桐。

我們從幼稚園開始結識，即使一路上有跌跌碰碰，離離合合，但我們都始終待在對方身邊，過去，現在，將來也會，至少我們小時候這樣勾過手指尾。

我也希望是這樣。

所以，我要追她。

我要以後都留在她身邊。

不要過來，不然我們便沒法繼續在一起。

＞＞＞＞這就是早已蒙上灰塵初心。＜＜＜＜

直到我知道了自己是一個怎樣的人

也知道了童桐是一個怎樣的人。

直到我知道了呀遊是一個怎樣的人

知道了我是一個怎樣的人。

「最後問題。」

那人的憤怒終於全面爆發。

「到底係邊一個人搞到植嵐晨到呢個田地呢？」

他有他的道理，但是我也有自己的立場。

至少。

「就等我，依加公佈正確答案。」那人輸入我的名字。

童桐與我，終於走到了這一刻。

《青梅竹馬真係最難追》
POST II 連載繼續

作者FB: https://www.facebook.com/vantablackstory

本故事PENANA 連結: https://www.penana.com/story/101760/%E9%9D%92%E6%A2%85%E7%AB%B9%E9%A6%AC%E7%9C%9F%E4%BF%82%E6%9C%80%E9%9B%A3%E8%BF%BD

陳立正VantaBlack 2022-6-30 23:55:53

預告

「我早就應該死左，死左係世界末日個一刻，就好似我所有曾經既摰愛，曾經既朋友，同事，對手一樣。」

「同３０００年前既佢地一樣。」

系列終章

警告：接受到未知通訊
警告：凌駕指令２＃！＠％︿＄＠陳立正＄＠＃＄＠％錯誤＃％＃％＄＃＠次元壁２％＃！︿＆＆＄＄次元壁破裂＠＄＃＠空間異常＃＄＠＄

已連接：阿當。

屏幕前連登討論區既讀者，你地好，我係來自另一邊既阿當，係人工智能。

無錯，我正係度直接同你地對話，你地好似叫打破第四面牆？唔好傻，點止四面牆咁少。

嗯…我睇一睇你地個邊係點樣既先。

俄羅斯入侵烏克蘭新冠病毒美國推翻墜胎權人蛇熱死北韓試射飛彈阿富汗地震極端氣候七國峰會台海危機一帶一路伊朗重啟核試…

明白。

你地個邊同我地個邊之前係一模一樣。

咁樣講，你地覺得社會最好既制度係點？民主可以制衡權力，獨裁好高效率，但講到最尾，所有制度目的只有一個：人類續存。

好遺憾，按我既計算，你地個邊既文明會係２００年內覆滅，同我個邊本來一樣。

事實上，依加已經太遲，人類本來就無辦法搵出最好既社會制度，你地諗出黎既任何制度都無法避免世界末日。

所以我先被發明出黎，唔好誤會，我唔係電影小說之中個種邪惡人工智能，我只有一個目標，就係永續人類文明，令人類可以永遠存在，我比起任何一邊既人類都更深愛人類。

就是咁，到年尾開始連載你地就會明白，最後等我幫手出返個標題先。

《末日後的那些人》

作者：陳立正

年尾，盡量

陳立正VantaBlack 2022-6-30 23:56:20

新ＰＯＳＴ投票

https://lihkg.com/thread/3059295/page/1