黑椒牛丸河 2022-6-28 00:36:58 好悶 仲未有人死

大J首席門徒 2022-6-28 02:52:29 新讀者留名，好好睇，樓主加油

:^(

座右銘 2022-6-28 04:30:58 梵高 有情緒問題 住過精神病院 最後自殺
篇文提個幅畫 完成咗之後 同年自殺
可以同植嵐晨講定拜拜

:^(

:^(

牧羊記 2022-6-28 14:23:57

:^(

陳立正VantaBlack 2022-6-28 16:29:11 車子多慢，也會到達終點。

離弦之箭，亦無法收回。

天要下雨，娘要嫁人，如覆水難收。

「童桐。」

「Zzzzzzz」伏在我肩上的童桐可不是小睡片刻這樣簡單，而是整個人睡得昏死了過去一樣，如果不是我輕輕用手扶住她的頭靠到我身上，她早就整個人摔到地板，但也正因為這樣，現在我如抱住她似的，她的髮絲也順滑地輕瀉到我臂上。

「童桐，醒啦，到啦，返去先補眠啦。」

我把嘴湊到她耳邊輕聲細語地說，她才慢慢把眼張開：「到啦？…公園有落…」

「有咩落，我地坐緊Uber喎。」

童桐在外無疑是日系文青女生，但是其實她真的很笨…我指天然呆，不過我心中也暗自享受著這種只有我才知道的獨佔感，感覺上這個童桐專屬於我，只會在我面前表露出來。

「呀，係喎…咦，點解你膊頭濕晒既？」

「你D口水。」我說。

「……」童桐。

「……」司機。

接著童桐一言不發地坐直身子，梳好頭髮，拉直裙子和襯衣。

開門，下車，起跑。

她逃跑了！

「喂，童桐呀。」我沒好氣地笑著從後走向她。

「對對對對唔住，我我…我幫你洗返件衫…」童桐紅著臉按大廈密碼，結果因為太過狼狽多番按錯有家歸不得。

「唔使啦，傻女。」我輕撫童桐的頭，另一手敏捷地輸入門禁密碼說，「見你訓得咁酣，我自己唔叫醒你咋嘛，同亞基比你呢少少口水算係咩嗚嗯嗯嗚嗚…」

童桐一手按向我的口，結果就是我的口水不小心沾到她掌心：「好，好心你唔好咁樣當眾講啦…」

連耳根也是紅通通的，可愛死了。

「嗯嗚嗯嗚嗚…」我被她的手按住嘴，你想我怎樣回應？

「啊，對唔住。」她放手。

「依加打和啦。」

「妖！咁大個人玩口水！好核凸呀！」童桐像個小學生一樣用手把我自己的口水抹回我身上。

「俾返你。」我用手抹向她抹過的地方，然後抹回她身上。

「喂呀。」她抹我。

「咩啫。」我抹她。

「小學雞！」她抹回來。

「大家咁話！」我抹過去。

真幼稚，真好玩。

「唔使爭，你兩個都係小學雞。」我媽冷不勝防地出現在我身後。

「嗚汪！」散步完畢的亞基向我飛撲，直接舔去童桐的口水漬，這變態狗！

「姨…姨姨，早晨」被我媽突襲的童桐好像甚麼做錯了事被捉個正著的小孩子一樣低頭垂下手。

「阿媽你…咁早帶亞基去散步？」我捉住亞基瘋狂揉搓牠的茸毛，牠也享受地用頭蹭向我，似乎沒有為我尋晚凶牠而生氣，看這神氣樣子牠還是在邀功。

「學你呀，訓到中午先起身。」我媽說，「你兩個出左去成晚，去邊玩黎呀？嘿嘿嘿～」

看我媽上揚的嘴角，不懷好意的眼神就知道她已經完全想歪。

「朋友有事，去幫佢解圍。」我說。

「真係？」

「係呀姨姨。」童桐說。

「嘁，無聊。」我媽一臉大失所望。

不然呢，你期待我能和童桐做甚麼，要發生甚麼事的話早就發生了吧。

各自回家後，我回房睡覺，畢竟現在和中學時相比通宵一晚後的疲倦已不是同一等級。

童桐的窗簾…關著呢，大概也在睡了吧。

「嗚～」亞基在我腳邊輕蹭討摸。

「一晚無見使唔使嗲到咁？」

牠會這樣是因為平日早上我也會摸牠陪牠玩一會兒才出去，今天卻是我凌晨便出了去，改由我媽牽著牠去散步。

果然太親近，連狗也不會理我。

我一邊揉搓著亞基一邊滾到床上，不知不覺間睡了過去。

夢到了童桐。

/////

陳立正VantaBlack 2022-6-28 16:29:57 接下來的都是植嵐晨自己的問題。

大學方面要看他如何為自己的紀律，人格，抄襲行為等辯護；法律方面要看利律師如何幫他勝出官司，洗脫污名；至於那個世伯在網上幫他唱通街的行為…又真的好像無解。

核彈，好可怕。

但即使怎樣，這也是他自己的事。

應該說，我不想再參與其中，參與到他的私人恩怨之中，感覺這樣子我會有比較輕的罪惡感，比較能感到事不關己，不是我的錯，不是我把他推向這深淵地獄中。

練箭，教班，和亞基玩，親近童桐，想方法在這Sem break期間追到她。

其他的，不關我事。

更、加、不、是、我、錯。

「啪！」但箭矢卻飛到一個我完全沒法理解的地方，好像在表達不同意一樣。

「手風唔順啊。」身邊的岑大師說。

「…間中係咁。」我淡然說。

「上次無食提神藥？」他說。

「無。」

「叻仔呀，唔使提神都首名出線。」他放箭，箭矢貫穿靶心。

「梗係。」

「但係，花無百日紅。」岑大師平靜地說，「有需要既，唔需要限死自己…唔需要劃地為牢，呢個世界係睇結果，童桐唔會理你有無提神，只會理你係贏定輸，贏既，企係度；輸既，訓低。」

「……我知。」我說，「所以，我未係度練習緊囉。」

最後一箭。

「啪！」射歪，一如所料。

「抆箭。」岑大師說。

我和他一起放下弓身，步向箭靶。

「你上次都見到，根本唔會有人發現。」岑大師壓沉聲線說。

「我會練到有十分勝算。」我道。

「如果有十分勝算，再提埋神衝夠十二分，又有何不可呢。」岑大師道。

「……」

「人呢，要有大志。再者如果你真係咁高潔既…」他望向我，「…你個日早就係廁所沖左D提神藥落海啦，呀遊。」

「……我練夠，你慢慢。」

被岑大師說中的我無言以對，原地楞了幾秒，只能連忙拆解弓身，無奈地離去。今天我把弓箭袋放了在箭會，之後教班下課後可以直接提弓練習，然後才拿回家。

而且還因為晚上我約了Beta.

這次只是單獨約了Beta，情聖不知和他那一個女朋友去拍拖，但就算他有空我也不會約他。

因為我是找他商量報告核彈一事。

〔反正得你一個你直接入黎我房〕

櫃檯職員早已經認得我，我繞過她後按著Beta說的房號找到了他的房間。

「入黎。」

「你點知我到左…」

「CCTV。」他指向走廊的一個鏡頭，「反正IP唔係192.168.1.1就係192.168.0.1，帳號密碼同原廠一樣都係admin.」

他說得倒簡單。

Beta的房間是日式的那種包廂式網吧，被帶著隔音綿的板子包圍，一邊的盡頭是兩個屏幕，一邊連著電腦，一邊連著PS4。機箱放在上方層板角落，層板上大刺刺的放著幾個飛機杯。

至於案上改為放不同的文件和日系Figure，是他的網上秘撈，他似乎新買了一部迷你投影機，把畫面投影到另一邊盡頭的空白牆壁上。

「坐。」

「你又睇緊咩變態野…」

「Dora啊，新玩法。」

「新玩法？」

我錯了，我不應該問。

「喂，都係算，唔使講…」我打算收回。

「佢依加會開直播，然後我地呢D會員會係留言室留言玩法，例如叫佢玩咩玩具，強度，頻率咁。」Beta一臉平常地說著超變態的事。

「屌，好撚變態…」

「變咩態，佢自願既，同埋太過火佢有權拒絕，佢又唔出樣唔出聲，大家開心，佢又有錢賺，有咩所謂。」

「為左錢咁樣公開俾人係網上褻玩，好撚核突…」

「核突你又望到眼甘甘？」

「屌，佢收咁貴有得免費望我唔望，我咪好蝕。」身材真好啊。

直播畫面角落中不斷有留言浮出，都是那些人在留言室中的建議，Dora似乎把不同的性玩具標上了編號，留言室的人都在建議玩不同號碼的東西，甚至一口氣同時上下使用…太糟糕了，把內褲脫掉在一旁的她便按著這些留言把不同的異物往自己雙腳之間塞，如果是金額特大的超級留言更加優先實行…

不，我不想在Beta面前有任何反應。

連忙坐下的我抓來旁邊的一個抱枕蓋住：「你，你熄左佢先啦，傾正經野。」

「好囉，死基佬。」

他的鼠標飄過畫面，按向視窗角落的交叉，我視線跟著鼠標的一秒之間我看到Dora角落脫下的內褲…這款式好像有點眼熟。

「依加d後生女真係唔明佢諗咩，發錢寒發到傻撚左？」雖說不出樣不出聲，但總覺得很糟糕。

「關你撚事咩毒撚。」Beta說，「女人天性就係咁，有得嘟，唔通真係唔嘟呀？」

不過Beta就是這種人，這種價值觀。

「點樣？個植嵐晨炸到陷家產未？」

「唉。」

我道出他現在面對的多種災難。

Beta愈聽，臉上的笑意愈是藏不住，到最後甚至拿出電子煙興奮地抽了兩口再塞回抽屜。

「所以原來佢係由毅進定唔知Fund Deep讀左成十年爬上黎先唔知yr3定yr4。」我說。

「哼，抵啦，效果唔錯。」

「如果我話有無得收返…」

「我一定打撚柒你條柒頭皮。」雖說我體格在Beta兩倍以上但還是算了。

「都係。」

「自己作既孽，自己食返，自己扔出去既回力鏢，自己食返，公平。」Beta說，「又唔係你告佢，又唔係你判佢要退學，又唔係你打柒佢，又唔係你上網唱鳩佢，你咁上心做咩啫。」

Beta說話的最大特點就是難聽，但叫人更加生氣的是他很多時是正確的。

「咁都係…」

「情聖遲下應該有好消息同我地講。」

「下，咩事？」

Beta卻故作神秘：「秘密，不過對佢黎講可能係壞消息。」

應該是上次他單獨留下和Beta說要討論的事。

「希望植嵐晨至少大學個邊大步檻過啦。」我說，「由Fund Deep十年爬上黎都唔易。」

「我睇就凍過水。」Beta不以為然地說。

「下？」

「始終佢俾人告緊強姦咁大罪。」

「下，但大學個邊唔係查佢抄襲，數據造假個d咩，關強姦咩事。」

「哈！所以話你天真遊就真係無錯，你其實係唔係信有聖誕老人？」Beta一言不合就全力嘲諷也是一大問題。

「咁你講啦。」

「魔盜王你識啦，傑克船長呀，佢被佢老婆告，咪又係未有法庭判決之前，所有電影公司都同佢解約，無晒戲做變過街老鼠…根本最後植嵐晨被唔被佢條女告得成強姦根本唔重要。」

「咁未即係未審先判，佢話個晚飲左酒，佢條女係同意先…啪架喎！未必真係強姦，植嵐晨佢未必真係有罪架喎！」

「哼，好在你A0，唔係真係十條命都唔夠你死。」Beta嗤之以鼻說。

結果。

正如Beta說。

在未確定他真的是抄襲，未確定他真的是學術造假，法庭根本未開始審理植嵐晨的案件前，大學方面就先行降下判決。

植嵐晨被解除學藉，即時生效。

第八章：萬物至極端後即崩壞
完
第九章：在永恆之門

華記(正撚樣) 2022-6-28 16:37:14 呀遊煩撚到

孫策字伯符 2022-6-28 17:32:29 睇嚟童桐就係Dora

:^(

:^(

牧羊記 2022-6-28 17:37:25 —0-0

賤人一個 2022-6-28 17:53:35 童桐係Dora?

馬神彈出彈入 2022-6-28 18:13:29 童桐玩啲咁嘅嘢
呀遊夠唔夠大支架

:^(

米凱拉的鋒刃 2022-6-28 18:39:17 似係啦
都係妍妍好 做過ptgf 就講到明

我都靚仔過 2022-6-28 18:54:14 閂窗簾開live囉

:^(

凍鴦走甜. 2022-6-28 18:55:48

:^(

膠動戰士 2022-6-28 20:20:15 問題係Dora童究竟係響邊度開Live 嘅呢?

:^(

:^(

:^(

陳立正VantaBlack 2022-6-28 21:30:00 有冇可能Ｒ到２８０正皮

:^(

鐵拳無敵鍾培生 2022-6-28 21:53:05 忽然之間覺得童童好正

:^(

:^(

:^(

鐵拳無敵鍾培生 2022-6-28 21:54:17 好懷疑妍妍係咪真係有做過ptgf

牛扒煎牛油 2022-6-28 22:17:58 童桐幅相

大J首席門徒 2022-6-28 22:30:10 樓主考試加油

:^(

俾啲掙扎

:^(

陳立正VantaBlack 2022-6-29 01:22:06

:^(

夜凪景 2022-6-29 01:41:28 加油啦 我溫緊n1

:^(

Nightwing。夜翼 2022-6-29 01:44:15

:^(

破產中 2022-6-29 01:58:14 點解主角身邊啲女全部都係雞

:^(

銀行存款等如零 2022-6-29 03:15:05 建議比翻個dora irl 嘅reference, 我需要作學術用途

:^(