【愛情】《青梅竹馬真係最難追》// 你有無一個由細就默默暗戀住嘅人?
陳立正VantaBlack 2022-6-20 22:25:24 事後丸真係痴線到我都寫唔出
:^(
:^(

希望巴打搵到個珍惜你既人
:^(

Ads

心如豆腐 2022-6-21 01:50:14 下次可以寫入去了
:^(
歲歲年年人不同 2022-6-21 04:55:55
:^(
因忍印人引刃 2022-6-21 08:23:01 夏樹
:^(
任玄慬 2022-6-21 12:33:19 唔好呀
:^(
:^(
:^(
膠動戰士 2022-6-21 12:37:45 都係年少無知嗰陣嘅事啦
:^(
:^(

而家識諗的了.
fd 還fd, 有d 底線唔可以超越,
唔幫得嘅野就唔可幫.
膠動戰士 2022-6-21 12:38:28 唔介意你攞件事去寫
:^(
陳立正VantaBlack 2022-6-21 16:59:08 我不知自己呆了多久,但回過神來我第一個自然反應是再次確認。

「你話…叫我試下追妍妍?」

「係呀。」童桐卻說,「你諗下有幾可會有咁好既女仔埋你身,只要你夠膽既話,我覺得都唔係無機會成功…」

甚麼有幾可。

我幼稚園中班時已經遇上了最完美的女生了。

而她正在我眼前。

「我先唔追。」

「下?」

「下咩下,唔追未唔追囉。」我別過臉說。

「……呀遊,你眼角俾我想像中仲要高啊,你真係打算有亞基陪你一世就算?」童桐輕撫在我身上翻出肚子的亞基說。

〔汪…〕
(作者特別翻譯:唔好啦大佬…)

「我,我先唔係眼角高。」我說。

「咁點解你唔追佢?佢已經算係女神級啦,你咁都睇唔上?」

「唔係睇唔睇得上既問題,佢故然係女神級,但,但係…」

「如果你覺得自己高攀唔起既我又覺得唔會,其實靚女無你想像中難追…」

出現了,都市傳說第4位「靚女其實無人追所以易追」。

但你倒好意思說啊童小姐。

「唔係高唔高攀既問題啦。」

「……睇黎你知道D關於佢既事,但我唔知。」

「係…就係,但唔係重點。」

重點是我喜歡你啊,但我怎樣說出口?說了這不就是在表白嗎。

「咁重點係咩?佢有咩野係搞到你會對佢無興趣?」

童桐也太敏銳了吧。

「如果連佢咁既女神,你都會話無興趣,一定係好嚴重既問題。」童桐說,「你就講俾我知啦?」

「唔係…咁好。」

「我應承你,我唔同其他人講呀。」

又是這招!

自小到大次次套我話也用這招!夠了喔!還明知我每次都會中計!

「呀遊呀~我好想知呀~」

童桐對我撒嬌套話,正用粉拳輕錘我,「最多我今晚同你摀耳呀?好唔好?」

「…我唔想講佢壞話…」

快變陣,快點變陣!有沒有方法胡弄過去?!

「原來係咁…你覺得佢重要過我。」她低頭難受地說,「不惜要我失望,都要守護佢…呀遊你就唔可以對我都咁溫柔…?」

這可憐表情對我效果太拔群了!

「我,我唔係要你失望…」我慌了。

童桐絕對不會放過這機會的吧!

不要緊,我想好了。

「你唔好同其他人講。」我凝重地說。

這不是謊言,也不是事實。

「好,同你勾手指尾~」

「嘩,幾歲…」我笑著伸出手指尾輕勾童桐的尾指。

「咁係點?到底有咩原因令到A0遊竟然串到話對女神級既妍妍無興趣?」

童桐雙眼發光,這使我想起測謊之夜她圍堵妍妍時的眼神。

「…嘛…」我支支吾吾地別過頭去。

「講啦講啦!」

「佢…唔係A1啦,非正式黎講。」我選擇跳過ptgf這4個字。

「我就知道…嗄?非正式?」

「佢私生活非常豐富,經驗…很多,你明唔明,經,驗…我無個種…經驗。」我愈說愈細聲。

我那時沒有面向童桐,所以看不到她的表情。

「……」

那是出乎我意料之外的沉默。

「…你原來唔接受呢種女仔啊,呀遊。」

我那時被童桐逼得手忙腳亂,所以也沒有注意她語氣中的失落。

這是我的過錯。

「你你你唔好誤會,我亦唔係咩處女情意結,只係妍妍佢…同我差太遠,我地簡直係兩種人,所以…佢肯做我朋友我好光榮添!但係你話叫我追佢,我知道我係無資格拒絕或者睇唔起佢咁既女神,所以我真係唔係話佢濫而嫌棄…應該話我係睇自己唔起…童桐?」

我手忙腳亂,胡言亂語起來,才發現她不太對勁。。

「嗯?」她這時才刷一下變回正常的表情,剛剛臉上的哀愁瞬間消失。

「你無事?」

「我有咩事?總之,你覺得佢好濫,所以接受唔到,係未?」

「唔係咁難聽,你咁講好似講到我係網上D渣男咁…」

「……你唔係咩。」童桐說,「正衰人。」

「我梗係唔係!只係…我覺得同佢做朋友就好。」

「哼,朋友…」她說,「咁未同我一樣…車…」

我那一句惹童桐不開心了?

「佢上次已經實牙實齒講過唔係鐘意我,叫我唔好誤會。」我補充,「無啦啦又食多次檸檬啦我。」

「抵你死呀。」她還裝鬼臉向我吐舌,正小學雞。

沒辦法,我總不能說因為妍妍是PTGF吧。

再說了,即使我A0, 我還是能辨清愛意與慾望。

我喜歡的人,始終還是只有童桐一個。

「咁你呢,依加嵐晨佢…搞到咁大獲。」

「佢…」

「搞大女仔個肚,教個女仔暪住屋企人落仔,然後再飛左佢…我都真係估唔到佢會咁。」

我那時還不知更糟糕的在後面。

那天其實是雪崩的前夜,核彈根本還沒爆炸…應該說已經爆了,但做成的破壞還被我們所察覺。

我那時以為自己只是不知道核彈的內容,但知道會做成的後果。

不,我其實連後果也不知道。

不過,知道自己喜歡的人真面目是這樣,童桐心裡一定也不好受吧。

果不其言,童桐低下頭一言不發,洗衣機規律的「隆隆」聲在我們之間迴響不止,眼框中有淚光恍動。

也許我卑鄙。

但是,這是植嵐晨自己造的孽,又能怪誰?

「隆,隆,隆,叮叮噹~」洗衣完成。

「我去幫你放去乾衣機先。」

「…唔該呀遊。」

「黎,抱住佢先。」

我把亞基抱起來,塞到童桐懷中,童桐輕輕擁住亞基,把頭埋進黑白交叉的毛之中不知是哭還是甚麼。

「嗚汪…」感受到童桐情緒的亞基伸出舌頭輕舔童桐的臉以示安慰。

我走到廚房打開洗衣機,一陣潮濕的霧氣湧出,我拿過童桐的衣物扔到乾衣機之中…

洗衣袋中的,果然是胸圍和內褲…她和我也忘了這玩意的存在。

算了,反正是童桐的,我不介意,我也不是甚麼迷信的人,黑色蕾絲和紅色蝴蝶結圖案我也覺得很可愛…喂喂喂,醒啊馬川遊。

關門,標準乾衣程序啟動。

「嗶嗶!」

「隆,隆,隆…」乾衣倉開始轉動。

「你今晚係唔係度食野?」我回到客廳中問。

「嗯…好呀。」童桐的樣子看起來好像很疲憊。

「壽司?」

「無所謂。」

正常發揮。

但也不用這樣早。

突然,童桐的手機和我的手機同時震動,打開一看竟然是今天早上植嵐晨與那大叔打架的片段,是那天水上樂園後用來傳圖片用的群組。

〔嘩咩事?〕
〔嵐晨你有無事?有無報警?〕
〔童桐你點樣?無嚇親啦嘛?〕
〔今晚集咩張咩望好似都話會提…〕

「…唉。」童桐輕嘆一口氣關上,我倒是在時間軸上拖曳快速看了個大概,才知道二人都出重手,沒死人真是不幸中的大幸,難怪童桐一想起便怕成這樣子。

「唔好睇啦。」我輕按她手機上的鎖機鍵,手機「喀」一聲關上。

「…」她還發呆地盯著回到鎖機畫面的手機。

很心痛,這是我害的,即使不這樣做不行。

我就說了,我從來不是甚麼正人君子。

也許童桐覺得我是。

也許我也曾經覺得自己是。

但…既然發射了核彈,也沒甚麼好辯解了。

她的表情使我回想起之前她和男朋友後分手的樣子,即使Beta和情聖那時怎樣說我只是水泡,私家兵,工具人,我也堅持陪在她身邊,直到她找到下一個男朋友為止。

這是我只能做到的事。

現在她已經算是失戀的一種吧?

「童桐…」

鼓起勇氣,鼓氣勇氣,馬川遊,又不是未試過,鼓起勇氣吧。

「想喊既…就喊啦,呢度得我一個。」

我以震抖著的手橫跨童桐的背脊,試探式的摟住她。

她沒有抗拒,臂彎中也傳來她的柔軟,她的體溫,她的脈動。於是我放開膽子搭住她的肩膊拉她往下,輕輕放於膝上,好像那時她以膝枕安撫我一樣。

只是現在我們位置反過來。我輕梳她的秀髮:「唔好理個Group, 唔好理其他人講咩,唔好睇手機。」

我輕輕拿過她的手機,放到一旁的茶几上。

「我…我係唔係好衰,當自己鐘意既人同自己想像中唔同個時,我就完全接受唔到。」

「你只係自私,童桐。」



妍妍那天的忠告突然在腦中響起。

「我可能唔係鐘意嵐晨,而只係鐘意自己想像出黎既個個佢。」

「…你只係唔了解真正既佢啫,唔好咁話自己,傻女。」我模仿童桐那種搔癢的手法,雙手在她耳邊輕輕按摩,在她後腦遊走輕梳髮絲,她也閉上眼躺在我大腿上。

「你愛既人既唔係植嵐晨,而唔係呀遊,而係你自己。」



…腦中的聲音煩死了。

「係咪個個人都係咁?當知道自己鐘意既人真面目既時候,就接受唔到…始終自己想像出黎既人,先係最完美,最美好。」

如果大家都是這樣,童桐應該沒這樣難受吧。

「…但又想呀遊留係你身邊,有咩事佢可以對你溫柔同保護你。」



好啦,你全部說中,我也清楚,閉嘴。

「我諗,應該好多人都係。」我說。

「……」閉上眼的童桐,皺了一皺眉頭,楚楚可憐的樣子得叫人憐愛,叫人心疼。

「唔好諗咁多啦,合埋眼休息下。」

我用手輕捂她雙眼,然後雙掌往她耳上摀去,配以輕搔,梳頭,撫按,如她那時待我一樣,直到她緩緩睡在我膝上。

那是最後一天的平靜。
陳立正VantaBlack 2022-6-21 16:59:28 計落呢兩日直頭加左文…
:^(
凍鴦走甜. 2022-6-21 17:31:30
:^(
座右銘 2022-6-21 17:38:27 睇嚟毒撚beta喺網吧j緊嘅係童桐依件事機率唔低
:^(

植嵐晨會唔會係第一個犧牲者呢
:^(

下晝出文
:^(

Ads

陳立正VantaBlack 2022-6-21 18:15:10
:^(
文青死全家 2022-6-21 18:15:33 但童桐如果係出面濫/ptgf 阿遊由細到大冇理由法國唔到架?
希特拉登 2022-6-21 18:38:19 定係落過仔?
䁞䁞䁞䁞䁞䁞䁞䁞 2022-6-21 20:41:53
:^(
即是咁 2022-6-21 20:54:16
:^(
錯的是世界 2022-6-21 20:57:25
:^(
鐵拳無敵鍾培生 2022-6-21 23:28:41 有機會喎
Hi-World 2022-6-22 00:38:45 仲要好撚醒目
:^(
鐵拳無敵鍾培生 2022-6-22 01:09:47 識開洗衣機
:^(
:^(
因忍印人引刃 2022-6-22 08:48:44 「我那時還不知更糟糕的在後面。」

出現了

:^(
:^(
:^(

Ads

無事做先生 2022-6-22 09:20:06 你點睇的
:^(
:^(
黑椒牛丸河 2022-6-22 09:38:13
:^(
陳立正VantaBlack 2022-6-22 18:43:54 待童桐在我膝上休息夠,吃過了晚飯,衣服也洗好摺好後,我花了十秒送她回家。

「咁你件外套…」她低頭輕輕拉外套問。

「借住俾你先。」我說,「反正我仲有,你得閒先還俾我啦。」

「唔該,咁,早抖啦。」

關上她家的門,然後我回家拉上我家的門。

「YES!」雖然有點對植嵐晨不起,但我無疑是瓦解了他的形象,也獲得與童桐親密接觸的一晚!

「汪!」亞基也跟著我起哄。

//////

第二天,我回到箭會幫英姐收拾魚腩盃的佈置。因為我已經出線,所以下一天的預賽不關我事,我下一次再比賽已經是半決賽那天,然後再隔一陣子便是決賽。

「呀遊,童桐佢有無事?尋日上晒新聞喎。」英姐一邊玩手機一邊問。

「佢?佢無整親,係少少嚇親啫,無事。」

「咁就好,個後生仔都幾撚仆街下,我都有上網睇。」

那中年漢言出必行,討論區上已經的睇人仆街推到上報區已經在如火如荼地討論著。

男女雙方被起底不在話下,那父親不知道這樣算是同歸於盡嗎?植嵐晨是個混蛋是事實,但網民可不會放過女方,二次傷害已沒法避免。

不過這也不可算到我頭上吧。

那個群組中似乎在約食飯,植嵐晨想找大家出來聚首交代一下,但是似乎他今天被召回了大學,不知道是紀律聆訊還是甚麼。不過這說到底也是私生活,他也沒有被刑事起訴,應該沒事。

才怪。

如果是這件事的話也許真的不關校方的事。

但是學術造假便跑不掉了。

植嵐晨讀的是產品設計,產品設計這回事除了設計產品外,其實還要有數據分析和概念陳述。比方說好像市面上的傢俬店,在設計一件傢俬後還要測試耐用度,安全性等等,似乎他的功課出了事。

〔聽晚唔得,我又要返去見個鬼佬DR〕植嵐晨說。

〔咁後晚〕

〔應該得〕

〔約D有房既地方食?〕

倒是呢,畢竟現在他可是臭名遠播,電視台的節目組找上門是時間問題。

〔呀遊黎唔黎?〕童桐問。

喂…為甚麼關我事…

〔下,你地食啦〕我私下向童桐說。

〔我又同佢地唔熟〕這句還沒發出。

〔佢地早就當左你係朋友,你都黎啦〕童桐便把這句扔過來。

朋友嗎…

這就是常人的社交門檻?我和Beta他們網上聊了半年多才出來吃了一次譚仔。

〔好呀,到時見〕我刪掉剛剛那句,然後在群組中回覆。

〔呀遊乖〕童桐私下傳訊,我不回覆。

反正,平常心應對就可以了吧。

相約的地方是一間餐廳,因為植嵐晨的關係,我們預約了包房。

「請慢用。」侍者把最後一道菜送上,然後關上門,但可以看到他正用眼角餘光打量植嵐晨。

「……」大家也很有默契等他離去後才說話。

「唉。」飯局以植嵐晨的嘆氣聲開首,他身上傷口的包紮已撤去不少,就是鼻子還包著。

「你D傷,好成點?」Kay憂心忡忡地問。

我決定盡量沉默,以免露出甚麼馬腳。

「有心,好得差唔多,差個鼻,仆街個阿叔係未學過拳…」

「呢排唔好去gym先啦。」自High男說,「廢事有咩整親啦。」

「無啦,去到都俾人眼望望。」

「……」

尷尬的沉默。

「依加搞到咁,你地都肯同我呢個人渣食飯,多謝你地。」植嵐晨黯然說。

還是這樣高大靚仔,但相信他在眾人…不,所有人眼中已經永遠不再一樣了。

「唔好咁話自己啦。」Kay輕搭他肩膊說。

「…我由無咁衰既消息講起先,依加大學個邊話暫時停學,睇下開Sem前聆訊完唔完到,完唔到既就要繼續停學。」

「我信你真係無抄人地。」Kay說。

「…可惜,大學班人佢地唔信。」植嵐晨苦笑。

補充一下吧,按Beta事後說,植嵐晨是真的沒有抄襲。

他的功課是一套造型特殊的廚具,只是不幸地有另一套幾乎一模一樣的廚具在幾年前已經被設計了出來,還拿過獎。

就是這樣巧合。

但那套廚具的設計師並不出名,只是東歐某小國的設計師,他拿的獎也是一個圍威喂比賽的豬肉獎,最後也沒有商業化量產。

如果不是故意去搜尋,誰也不會認識,我相信植嵐晨自己也不知道自己撞橋,因此看起來根本一模一樣。

但Beta為了製作核彈,可是精心地用他的作品去網上搜尋,找出任何類似而早過他的設計,把他踢入抄襲的泥沼之中。

可是再退一步來說:在交出設計前,自己先搜尋自己的設計確保有沒有撞橋,是植嵐晨自己的責任,是每個設計師的責任。

所以,是他自己的失責,疏忽。

至於學術造假,甚麼耐熱性能,絕緣性能,防腐蝕之類,就更簡單了:大部分學生都是自己瞎掰出來的陳述。

試問一個學生又怎會真的把自己的功課拿去貨真價實的實驗室做化驗拿報告?只是其他學生寫的是「具有良好耐熱性」這種模稜兩可的說法,而植嵐晨寫的卻是「耐熱性達300度」這樣的精準陳述。

那麼問題就來了,為甚麼是300度?不是298?不是301?有甚麼報告可以證明?

本來這只是找碴式的舉報投訴,但植嵐晨的確是自己留下了缺口被Beta投下核彈,加上和人家撞橋,大學方面便不能馬虎處理了。

現在還有打架一事影響了大學對他的觀感和信任度。

「你無做過,唔使驚既。」Kay繼續安慰。

「咁呢單呢?」他指著自己還包紮著的鼻樑說。

「呃…」

「個時細個,唔識諗。」植嵐晨說,「其實我一直都覺得好對佢唔住。」

「算啦,你又俾人打左,又俾人上網唱埋,受左教訓架啦,忘記過去,向前望啦Bro!」自 High男說。

「唉。」他嘆氣,「個時我地先中五,唔通叫佢生出黎咩,如果我地生出黎,我都只係提早幾年俾佢老豆打獲甘,又有咩分別。」

「有啊,多個孤兒…」

Kay怒瞪自High男,他連忙閉嘴。

童桐說:「D網民好善忘既啫,好快唔記得,然後同大學個邊解釋好就無事架啦。」

我點點頭,當是給了反應。

「點解呢兩單野會一齊爆先得架。」植嵐晨說,「我就唔信咁橋。」

「…係未你得罪左人唔知呀。」Kay說。

「……我睇過向世伯舉報個SMS, 係太空卡Send出黎,個時間…同向大學舉報個Email係一模一樣,連秒數都一樣。」植嵐晨說,「應該有人用電腦程式,同時向兩邊報串。」

啊,好渴,來喝口茶吧。

「呀遊,你熟電腦,你查唔查到係咩人?起底…查ip之類?」童桐問。

「童桐,我所以識電腦只係幫你維修電腦,砌下機個種,唔係真係識電腦。」我說,「我唔識呢D。」

「你打機個度,唔係有個人叫Beta識呢D?」童桐問。

我心虛地再喝一口茶:「其實唔係個個都會對你隨傳隨到仆心仆命,童桐。」

沒想到我會這樣回應,童桐一時語窒。

「唔好麻煩呀遊同佢朋友啦,童桐,係我自己衰在先既。」植嵐晨說,「個日你係醫院屌得我岩,呀遊,係我自己錯,我個日咁激動,對唔住,童桐,我都要同你道歉,對唔住。」

「你唔好咁啦…」Kay說。

說著說著,植嵐晨竟然流下眼淚,女生們明顯都為之動容,我和自High男則是尷尬地對望。
有心法事 2022-6-22 19:24:27 臭閪桐
:^(
:^(