Ads
其實D公屋居屋係咪專登設計得越黎越差:^(等我呢D窮人見到佢有一批設計得好D就謝天謝地咁
我寧願買以前啲居屋，公屋當居屋賣 呢個政府仆街黎:^( 都唔係以民為本 做啲野一年差過一年
260萬你仲想點呀屌:^(
260萬你仲想點呀屌:^( 岀現了，又係呢d反智豬西:^( :^( :^(
得門口燈掣同窗唔夠貼係正常comment
插蘇離地一米有咩問題 其實仲好過貼地 :^( 唔洗成日烏低身:^( 離地一米先方便抆&插喎 唯一問題係外露出來唔好睇啫 但真正識室內設計嘅人 真係話咁易都遮到 三兩下手勢完美隱藏啦
記者 譚靜雯 鍾雅宜
政府2014年復售居屋，首批居屋屋苑被指大門對正廁所；單位設計、外觀及間隔更被指與公屋無異。其中青俊苑共有465個單位供選購，業主等候逾兩年，近月陸續獲房署通知取匙入伙。《蘋果》記者隨專業驗樓師鍾智剛到訪一間中層07室、面積約430平方呎單位驗樓。該單位買入時約260萬，呎價約5,700多元。
鍾智剛指廁所及廚房均沒有空心磚問題，單位批盪亦沒有出現空心或鬆散，手工尚算不錯；不過廚房設計不夠貼心，因洗衣機水喉位置接近廚房門口，但去水位卻設在近窗位置，兩處有一定距離，「呢類單位屬半裝修式單位，理論上來去水位應該做好哂，唔使再接駁水喉，但若果咁樣設計，業主要另外再搵水喉師傅整一小截水喉，收費相對較貴。」
業主亦發現單位其他「騎呢位」，如客廳、睡房、廚房及浴室均配備燈咀，但燈咀是市面上較難購買、俗稱「釘頭」舊款式，有別於常用的「螺絲頭」，業主指收樓後找遍多間電器店才成功購買釘頭燈泡，料裝修時會將全部拆除改成「螺絲頭」。
業主指兩間睡房燈掣位置亦較「騎呢」，他指一般睡床會放在近窗位置，房間另一邊安裝房門，若如此設計，燈掣便會位處房門後，「我一開到房門，唔可以即刻開燈，要入咗房閂埋度門先開到燈。」2間房間的插蘇位亦無故「離地」一米，有別於客廳設在地腳位置，業主認為使用上會不便，要額外花錢重置在近地腳位置。他粗略位計單是更改插蘇位置、換燈咀及加裝洗衣喉等工程，估計可能要額外花近2萬元裝修費。
業主亦從大廈處理單位執漏問題的人員口中得悉，大廈不少單位均出現煤氣喉過長問題，「因為條喉太長，裝煤氣爐時條喉會頂住個爐，有工人會強行將條喉推出啲，搞到條喉同外牆石屎有少許分離，可能會有少少漏水。」
除了「騎呢位」，單位亦有不少「甩漏」，鍾智剛指廁所洗手盤水龍頭較鬆，「日後有機會愈來愈鬆，一開水龍頭可能飛埋一邊，亦可能會漏水。」洗手盤亦無法儲水，估計是去水位有罅隙；他亦發現房間其中一隻窗外有「鬆位」，闊度足以攝入一張信用卡，「有空隙即係有機會入風同浸水。」而房間地台角位亦有少許傾斜，但對計劃鋪設地磚的業主來說影響不大，鍾給予單位整體82分（100分滿分），他指以如此售價，單位已算高分。
http://hk.apple.nextmedia.com/realtime/news/20170627/56878502