綠嶺 2022-6-30 16:28:25 支持習大大來港

綠嶺 2022-6-30 17:05:09 恆樂慢慢走到沙化旁邊，然後怯生生咁坐低。

「你有咩想講？」子瑜見恆樂無出聲就再講。

「⋯⋯」邊有嘢想講？都唔知咩事。

「你無嘢想講？」子瑜無望到恆樂一眼。

「⋯⋯」無呀，仲問。

恆樂偷望向子瑜，子瑜西曬面咁盯住無打開嘅電視，好似對恆樂完全無興趣，唔打算望佢。

「見到我咁嘅樣你無諗住問咩事？」子瑜察覺到恆樂望完自己就咁講。

「⋯⋯」我想問你做乜鳩，一係你自己講啦。有嘢就講呀嘛，臭雞！

「你以前唔係咁。」子瑜冷冷咁講。

「⋯⋯」乜嘢以前，我哋識得都唔耐。

「靜晒咁唔出聲即係咩意思？」子瑜加重咗語氣。

「⋯⋯」你兇神惡殺咁，我可以點出聲？唔驚俾你屌死咩？

「係咪女朋友發嬲都唔識氹？」

喂，你扮女朋友㗎咋！你唔係真係我條女呀！我無得屌㗎！

發嬲？睇嚟子瑜真係知道咗恆樂扮其他人男朋友嘅事！

已經唔可以再隱瞞，無啦無啦。

恆樂可以做嘅就只有拼死道歉。

「對唔住！我哋琴晚只係假扮！」

「終於肯出聲啦咩⋯⋯等陣先⋯⋯假扮啲乜？」子瑜終於望向恆樂，一副疑惑嘅樣子。

Chicharito_14 2022-6-30 17:21:08 Push

連登真心膠 2022-6-30 19:10:56 又自爆

:^(

:^(

我就是高達 2022-6-30 23:45:48 巴打個名可以改做恆樂真心膠

:^(

:^(

鐵拳無敵鍾培生 2022-7-1 00:59:37 恆仔點解會覺得子愉知係扮

:^(

:^(

不了狗也不 2022-7-1 19:00:53 Push

Chicharito_14 2022-7-1 23:33:53 Push

綠嶺 2022-7-2 12:26:18 「吓？」恆樂都呆咗，唔知發生咩事。

「吓？」子瑜吓返轉頭。

「咁即係你未知道？？」恆樂問

「知道啲咩？」

仆街！係喎，頭先子瑜仲叫自己做女朋友，即係佢應該未好嬲？又或者未知道單嘢。

咁即係我自爆！？！

大鑊！

今鋪點兜好呀？

柒撚咗呀！

恆樂腦袋全速轉動，點兜好？

恆樂心諗講咗假扮姐，無話咩嘅。咁要講假扮乜？

諗不撚到。

搞不能掂。

恆樂喺恐懼底下，個腦根本就乜都諗唔到。

「無嘢呀，我醉醉地，搞錯咗你同第二個。」恆樂諗到嘅就只有呢個爛藉口，根本就諗唔到點兜。

「第二個？女人？你收埋第二個？」子瑜用標準女朋友嘅諗法回應。

「無呀！講返呀，到底你叫我上嚟做乜？」恆樂用低手嘅方法轉移話題。

「你真係唔知？」子瑜反問。

「對唔住！我真係乜都唔知！」恆樂士下座求饒。

又好似俾恆樂轉移到話題。

綠嶺 2022-7-2 12:29:47 「你乜都唔知都道歉？」子瑜問。

「除咗say sorry我都唔知做乜好。」恆樂坦白咁講。

「⋯⋯你真係好蠢⋯⋯」子瑜用不屑嘅眼神望住恆樂。

話說咁樣俾條女睇唔起，恆樂有點爽，佢懷疑自己m底

「你唔講我真係乜都估唔到呀。」恆樂語帶怪責。

「怪我？」

「絕對唔係！」恆樂馬上否認，廢事死得再勁啲。

「唉。」

「咁，未知大人可否叫知小人今日因何事召小人來此？」恆樂保持士下座咁講。

「我想扮等緊男朋友氹嘅發嬲女朋友，想知道嬲到咩程度會令男人定義為係可愛。但係已經唔重要！但係你唔知頭唔知路咁道歉又搞到我好燥！」子瑜蹬曬腳咁發脾氣。

「點估呀！我又唔識讀心術！」恆樂即係燥咗，呢個諗法，正常人邊可能估到？邊有女朋友無神神就亂發脾氣？應該無？恆樂未拍過拖所以都唔知道。

「算！放過你。」子瑜唔情願地講。

「多謝！」

「咁你頭先覺唔覺得我可愛？」子瑜由西面變返做可愛嘅笑容同恆樂講。

「零可愛！我嚇到仆街！我差啲瀨屎！」恆樂老實咁講。

「真係咁可怕咩？」子瑜失落咁嘟起個嘴問。

「依家個樣又幾可愛嘅。頭先兇神惡煞咁真係太太太太可怕！」恆樂直話直說。

「明明有時有啲女仔嬲嘅時候都好可愛，佢啲鼓埋泡腮個樣無殺氣我嚟仲要超超超級可愛！睇嚟我要重新拿捏一下。」

「咪鬼啦。依家咁可愛咪得囉，唔洗點變㗎啦。」恆樂笠曬水。

「唔得！我一定要成為嬲嘅時候都俾人覺得可愛嘅vtuber！」子瑜鼓埋泡腮講。

「依家咪幾可愛！我幾鐘意你呢個樣。」放鬆落嚟嘅恆樂坦白講。

「呀⋯⋯多謝。」子瑜嘴角微微向上，發自內心咁高興。

恆樂心諗終於從緊張中離開，擺脫被捉姦（假）嘅事。

睇嚟子瑜乜都無發現，佢只係因為自己有啲小諗頭先叫恆樂上嚟。

若果唔係恆樂心虛其實無嘢好驚。

無事兒，無事兒。

Safe！

安全。

點解好似幫自己立flag咁？

恆樂諗到呢到嘅時候，子瑜就問：「講返頭先你講嘅琴晚，發生咗咩事？假扮乜嘢？你又扮人男朋友？」

仆你個街。

天大地大有容乃大 2022-7-2 12:50:19 推

鐵拳無敵鍾培生 2022-7-2 13:23:31 究竟恆仔可以話扮乜

:^(

:^(

十一點呻吟 2022-7-3 01:53:11 好好笑

:^(

:^(

Chicharito_14 2022-7-3 23:42:49 Push

綠嶺 2022-7-4 14:12:14 係呀，你咁醒嘅，一估就估到。恆樂心諗。

恆樂當然唔可以咁講，佢諗到嘅就只有逃走：「唉也也⋯⋯琴晚飲大咗好頭痛，我依家去一去急症先，真係好唔舒服。之後再講。Bye！」

自爆。

最柒嘅死法。

恆樂除咗走佬都唔知做乜好，根本就解釋唔到！

走佬之後再諗點解釋！

所以恆樂坐言起行，秒速轉身離開。

「咪走！」子瑜拉住跑向門口嘅恆樂。

「我暈啦！」被子瑜抆住衫袖嘅恆樂即刻扮暈喺地下。

「起身呀！」

子瑜作勢踢落恆樂JJ到，恆樂馬上唔再扮暈用雙手掩護下陰，再向右邊碌走。

「我講啦！唔好嬲住先，會爛㗎！！！」唔想絕子絕孫嘅恆樂好似街市啲冰上面嘅魚咁典嚟典去。

「起身！你同我跪係到！」子瑜大聲咆哮。

「你要我起身定跪係到呀？」恆樂唔知死咁講。

「跪！！」子瑜大喝。

跪係到嘅恆樂心諗，如果頭先自己表現唔係咁心虛嘅話，可能就唔會搞到咁。

一日最衰都係自己唔冷靜！

就係因為唔冷靜先搞到咁。

「琴日你去咗邊到？」子瑜問。

「⋯⋯」恆樂噤聲。

「唉。你講啦，我唔會嬲㗎，你講啦。」子瑜踎低水平咁望恆樂。

「真係唔會嬲？」恆樂好似見到一線生機，於是佢向子瑜確認。

「嗯。唔會。」子瑜點頭。

連登真心膠 2022-7-4 14:36:21 Mola mola子瑜嬲硬

:^(

:^(

保羅帶bra拿 2022-7-4 16:43:17 新讀者

:^(

Chicharito_14 2022-7-4 21:18:59 Push

鐵拳無敵鍾培生 2022-7-4 21:34:07 支持恆仔講真話

:^(

霞蝦下下蝦吓 2022-7-5 14:33:06 Pish~

Chicharito_14 2022-7-5 17:07:19 Push

綠嶺 2022-7-5 18:24:50 「我琴日嚟咗呢到。」恆樂鼓起勇氣講。

「呢到？呢到？」子瑜問兩次。

「嗯。」恆樂緊張咁點頭。

「係喎，你個系聚會喎。」子瑜如夢初醒。

「係呀。」恆樂知道胡蝶同子瑜係朋友，而子瑜又知道胡蝶個系琴日係到搞活動， 所以子瑜應該一早就知恆樂琴日係到玩。

但係無得咁假設，同埋恆樂唔係偷聽嘅話佢唔會知道子瑜同胡蝶嘅關係，所以恆樂將想講嘅說話吞返入肚。

「咁你要扮乜？」子瑜臉上嘅笑容毫無笑意。

「我無嘢講。」恆樂俾子瑜嘅笑容嚇退。

「你唔講我就自己去睇cctv，到時我就唔會理你嘅解釋。」子瑜半威脅咁講。

「⋯⋯我⋯⋯」恆樂吞吐。

「講啦，放心唔會嬲。」子瑜再講。

「我⋯⋯」恆樂信唔過女人話唔會嬲。

「嗯。」子瑜點頭。

「我⋯⋯扮人男朋友。」淋浴係子瑜親切目光下嘅恆樂透露一點情報。

「賤人！我真係睇錯你！嬲死我！」子瑜秒速爆氣，仲嬲到企起身。

「你又話唔會嬲！」恆樂反抗。

「以前上堂嘅時候，我一直都有觀察你！枉我仲以為你係好男仔！見到雖然把口有啲衰，但個樣唔錯得嚟仲幾好人！上堂做唯一一個答問題嘅人，但又成人答錯。可愛又有啲傻勁，我就係因為咁所以對你有啲好感。我以為你係一個正直同三觀好正嘅男仔，點知都係一個一腳踏兩船嘅賤人！無啦！啲好感無曬啦！」子瑜滔滔不絕地講。

子瑜好似話對恆樂有好感，但呢刻嘅恆樂理唔到咁多。

「扮男朋友咋我，無嘢㗎。同埋我哋之間都係扮咋嘛，唔係咩？」恆樂反問。

「我記得我話過唔可以扮其他人男朋友㗎。」子瑜提起佢哋兩個嘅承諾。

「你唔係話唔嬲㗎咩？」感受到怒氣嘅恆樂問。

「我記得我話過唔可以扮其他人男朋友㗎。」子瑜重覆。

殺氣。

「⋯⋯」恆樂講不出聲，已經嚇到就快瀨屎。

「我記得我話過唔可以扮其他人男朋友㗎。」子瑜講第三次。

恆樂已經想喊，子瑜就好似真正嘅女朋友咁威脅恆樂。

天大地大有容乃大 2022-7-5 19:03:30 恒仔Rip

:^(

:^(

小火花 2022-7-5 19:42:58 我覺得子瑜係想恒仔氹番佢多過真嬲

鐵拳無敵鍾培生 2022-7-5 22:46:51 同感
不過恆仔不如早日坦白攤牌好過啦，一次約晒三個女仔出嚟，跟住睇下點樣拆掂佢