《是咁的,我一炮過有咗三個女朋友(假)》
上一頁
第 6 頁
下一頁
綠嶺
2022-6-13 21:14:37
:^(
Ads
凍鴦走甜.
2022-6-13 21:17:26
:^(
綠嶺
2022-6-13 21:24:09
「喂喂,咁快就係到放閃呀。」突然出現嘅胡蝶莊員杰仔講。
胡蝶即係後退幾步,垂低頭保持沉默。
「無話曬唔曬嘅,只係情侶傾下計姐。」恆樂講。
聽到杰仔咁講,恆樂嗰種毒撚自豪感出晒嚟。
平平無奇嘅普通人忽然溝到系入面嘅高嶺之花,而你又知道系入面有一大堆狗公同毒撚連車尾燈都見唔到,只能夠妒忌咁睇住佢哋嘅女神、意中人企喺恆樂身邊,恆樂嘅虛榮心已經膨脹到非常之高。
嗰種居高臨下嘅感覺令恆樂下巴都舉高幾吋,準備俯視所有即將嚟到嘅同系男人,突別係要令嗰隻食女無數嘅狗公Jason有種輸咗嘅感覺,要用勝利者嘅眼神望住佢。
「而家囂張啦。」杰仔揶揄。
「我哋不如上去準備?」胡蝶細細聲咁講。
「行囉。」恆樂附和。
杰仔笑住對恆樂講:「女朋友話一就一呀。」
就係咁,佢哋三個就上咗去set場,然後就等待會員嘅到來。
大學生嘅活動離唔開黃賭毒。
黃——青春荷爾蒙氣息嘅包圍下,男同女都會互相接觸對方,溝通一下再睇下有冇下場。無嘅話都留個contact互相flirt下,睇下日後有冇機會發展一下,有機會嘅話又可以交配一下。
賭——麻雀、Poker同各式各樣嘅賭錢活動都唔難係大學生嘅聚會中見到。
毒——煙同酒呢啲基本操作,有時仲有會大麻同水煙呢啲貴少少嘅產品。
今日嘅系莊完sem party,入面已經分咗三群人,一群喺螢幕前面唱K、一群係麻雀檯同長檯到打poker賭錢、第三群就係到劈緊酒。
而恆樂同胡蝶就喺係劈酒嗰一邊。
「五個六!」
「十五個一!」
「屌你玩咁大!開!」
「我無事,你飲!」
恆樂同胡蝶聯同一大班同學話住大話骰,狗公Jason由五一躍到十五,但又竟然真係有十五個一令佢唔洗飲。
而開佢嘅恆樂只能夠死死地氣咁乾咗檯上嘅啤酒,而贏咗恆樂嘅Jason就高高在上咁俯視恆樂。
恆樂唔甘心咁飲咗幾啖之後,胡蝶就擔心地講:「慢慢飲呀。」
「真係錫男朋友呀!」
「咁快放閃!」
胡蝶啲莊員即刻起哄嚟笑胡蝶,胡蝶即刻紅都面晒咁垂低頭。
綠嶺
2022-6-13 21:35:10
:^(
綠嶺
2022-6-13 21:35:24
Any肥,多謝支持
中左咪無敵囉
2022-6-13 21:40:01
新讀者
支持
鐵拳無敵鍾培生
2022-6-13 22:27:45
大學生嘅活動離唔開黃賭毒。
:^(
:^(
在最燦爛時光
2022-6-14 19:57:43
文呢
綠嶺
2022-6-15 00:30:43
恆樂心諗呢啲先係女仔嘅反應,如果係吳純嘅話就一定會大笑再係咁拍恆樂背脊。
見到此情此景嘅Jason則咬牙切齒,食女無數嘅佢覺得喺追求胡蝶上輸咗,唔甘心到想打爆張檯。
見到Jason唔甘心嘅恆樂即刻成條氣順返晒,嘴角忍唔住向上繞。
呢啲食女無數嘅mk正正係恆樂一世嘅敵人,佢唔高興就等於我高興。
「我乾!」心熊起嚟嘅恆樂就興奮咁企起身乾咗杯酒。
「你睇住醉呀。」胡蝶就好似一隻細狗咁細細力拉住恆樂衫袖。
「好關心男朋友嘅女朋友呀!」
「閃到我飲唔到啦!」
「戴套呀!」
周圍嘅人又起哄。
「無事!下round!哈哈哈!」恆樂抹一抹嘴角後講,見到自己成為眾人嘅中心,佢心入面極度飄飄然。佢望一望Jason,再冷笑一聲,見到對方谷鳩氣嘅樣就忍唔住大笑。
「不如轉game?」擔心恆樂嘅胡蝶提議。
「Truth or dare!」杰仔不假思索咁叫出嚟。
「但點飲酒呀?」有人質疑。
「被指中嘅點都飲一杯先,之後先揀做邊樣。」杰仔視線落喺恆樂同胡蝶身上,周邊嘅人即時意會到呢一個係做鳩呢一對新晉情侶嘅遊戲,所以馬上和應。就連狗公Jason都話好。
Trust or dare,鹹濕酒局必備嘅遊戲。如果有去過大學酒局嘅話,呢啲時候男同女都會變得非常之猴禽。
例如,啲女人飲大幾杯,當啲仔提出話除一件衫嘅時候,佢可以除足兩件,喺呢啲剩係得friend嘅私人地方,飲大兩杯嘅女女可以除淨件奶罩都唔介意。反正,大學約得酒局,參加得嘅人大多數都預咗失身,無論男同女都係。所以大家都會玩到好放,盡情去施展渾身解數吸引目標對象帶自己返屋企,或者自己被帶走。更加唔使講啲錫下面、摸下波、掂下春袋呢啲淫賤嘅要求,係大學生嘅酒局可以話係司空見慣。
大家都係本着呢度玩呢度散嘅原則去發癲,完咗酒局之後大家都當喺入邊見到嘅一切冇發生過,如果有人講咗出去嘅話只會破壞到大家嘅狩獵場,所以為咗自己持續有得食,參加酒局嘅大學生都有一種默契,就係大家都唔好咁爆呢度發生嘅嘢出去。亦因為咁樣,大家可以玩到好冇底線。
喺男人嘅角度,就算冇得食都得大飽眼福,玩呢個game根本就冇得輸。
胡蝶好唔想玩呢個遊戲,因為佢知道喺度好多離譜嘅要求,但係作為莊員嘅佢冇可能離開,因為唔可以掃會員嘅興。
「胡蝶,你唔係諗住走啊!莊員點可以唔玩!」
「莊員!唔使怕怕醜醜啦!玩啦!唔好掃大家興!」
「你已經冇主動話玩乜,依家唔係我哋叫你玩,你咁被動都唔肯玩啊?」
一班只係基本會員嘅狗公,為咗同胡蝶玩, 佢哋不惜使用情緒勒索,去迫胡蝶就範。
恆樂大概估到胡蝶嘅憂慮,於是拍一拍佢大髀,坐喺佢耳邊講:「無事,我會睇住你。」
「嗯。」耳仔敏感嘅胡蝶縮一縮起膊頭,再紅都面晒咁垂低頭。
鐵拳無敵鍾培生
2022-6-15 03:57:31
又玩恆仔
:^(
:^(
綠嶺
2022-6-16 21:41:18
「就由我開始啦!」杰仔轉動擺喺枱中間嘅酒樽,開始呢個遊戲。
起初大家問嘅問題都係你有冇鍾意嘅人、有冇拍緊拖、喺呢個圈子入邊有冇啲你有興趣嘅異性、最鍾意在場邊位異性之類試探性嘅問題,了解一下有興趣嘅對象會唔會俾到機會自己。
而dare方面就係不停飲酒,希望透過酒精令到大家嘅判斷力下降,又或者可以等自己係未來用受酒精影響為藉口,去後悔自己做嘅某啲決定。
玩咗幾輪,在場嘅人都開始有幾分醉意,當然飲到劏嘅係冇啦,嚟得飲酒呢一邊嘅都有幾分戰鬥力,冇咁容易醉。
而胡蝶就暫時都未俾人轉中過,所以佢嘅神智仲非常之清晰。
可惜,佢嘅莊員唔會放過佢。
今次,胡蝶一個飲到醉醉地嘅女莊員,轉到胡蝶後問:「揀!」
「Trust。」
「你同男朋友去到邊個stage!」嗰個女莊員來勢洶洶咁問。
「!!」內向同埋比較怕羞嘅胡蝶面對感情問題、尤其是有性相關嘅嘢佢係特別怕羞,所以佢已經立即紅都面晒,搞到佢好似飲到醉醉地咁嘅款。
「哦!唔答!收收埋埋一定有鬼!」個女莊員大叫。
見到此情此景,其他男仔面上都多咗層陰影,佢哋嘅女神已經俾人食咗,molamola。
「唔好唔答呀!」另一個女莊員追問。
「無呀⋯⋯少少⋯⋯stage⋯⋯」胡蝶向恆樂投出求救嘅眼神。
恆樂細細聲講:「交俾我。」
恆樂先向眾人笑一笑,再講:「拍拖有邊個幾個stage?」
「拖攬錫摷扑!」
恆樂舉起手掌,再講:「下一round啦。」
五。
恆樂吹噓去到stage 5,佢身邊嘅胡蝶已經揼低頭,唔敢望佢其他人,就好似啲做錯事嘅小朋友。但係因為佢乜都冇做過,所以有啲唔憤氣嘅佢就細細力用指甲捏恆樂大脾嘅肉。
胡蝶覺得恆樂係想令其他男仔死心先咁講,但係佢咁公開同人講自己唔係處女,佢又有啲覺得自己俾人侵犯嘅感覺。不過同時佢又有啲開心,因為講呢句說話嘅人係恆樂。
女人真係好矛盾。
可惜胡蝶嘅諗法係錯,恆樂單純係想令佢眼前呢班男人成為失敗者,另佢哋成為被自己踩喺腳下嘅失敗者先至咁講。
幼稚嘅男人。
Ads
鐵拳無敵鍾培生
2022-6-16 22:44:50
留名胡蝶會勾引恆仔升級
綠嶺
2022-6-16 23:11:22
「轉。」胡蝶細細力咁轉動酒樽,今次轉到狗公Jason。
「放心咁問啦,你所有我嘅問題我都會解答。」Jason由失落變到風騷。
死狗公,一有機會同女神接觸就懶係有風度。
「我無嘢想問你⋯⋯」胡蝶擰歪面答。
「咔。」恆樂忍唔住笑咗出聲,心諗你條傻鳩唔係以為自己有機會呀?
「唔緊要,你要我做乜都無問題。」Jason無視恥笑佢嘅恆樂講。
「我無嘢想你做喎⋯⋯」胡蝶再無意識地踩狗公一腳。
「吱。」恆樂又再忍唔到恥笑聲。
呢個時候,杰仔插嘴講:「你咁樣好掃興喎!」
「係囉!莊員點可以咁㗎!」
「搵要啲癲嘢叫佢做啦!」
眾人七嘴八舌咁指責胡蝶。
屌你哋老母,玩嘢呀?恆樂心諗。
只係心諗。
杰仔條仆街,一定要搞鳩佢。
「唔⋯⋯」面有難色嘅胡蝶唔知點做好,於是佢向男朋友(假)恆樂投出求救嘅視線。
腦海閃過某種念頭嘅恆樂忍唔住露出邪惡嘅笑容,喺胡蝶耳邊講:「跟住我讀。」
聽到恆樂咁講啲胡蝶好似搵到救世主咁,開開心心咁點頭:「嗯。」
「大大力。」
「大大力。」
「錫。」
「錫。」
「杰仔。」
「杰仔。」
「春。」
「春。」
「袋。」
「袋?」
「嘩嘩!!!」眾人嘅歡呼聲蓋過咗胡蝶疑惑嘅聲音,熱血沸騰起嚟嘅眾人企晒起身準備為Jason吶喊助威。
因為想教訓狗公Jason同埋成日扇風點火嘅杰仔,恆樂於是提出呢個一石二烏嘅挑戰。
Chicharito_14
2022-6-17 00:58:58
:^(
:^(
昨夜小橋又流水
2022-6-17 01:04:50
推
:^(
鐵拳無敵鍾培生
2022-6-17 01:26:55
玩咁大
:^(
:^(
綠嶺
2022-6-18 01:08:21
另一邊廂,意會到自己講咗性器官俗稱嘅胡蝶就因為羞恥感而低頭避開所有視線,同時胡蝶用力揑恆樂嘅大脾肉以示不滿。
一向純情嘅胡蝶完全接受唔到自己會係咁多人面前講出男性嘅性器官。
「痛呀⋯⋯」恆樂細細聲向胡蝶投訴,但係眼角有淚水嘅胡蝶不滿咁睥住恆樂令恆樂即時收聲。
仆街,今鋪玩大咗。
恆樂從醉酒中清醒過嚟,輕輕掃住胡蝶背講:「Sorry呀。」
察覺到背上嘅觸感後,胡蝶馬上嚇咗一跳,然後又因為高興同羞愧而垂低頭講:「唔緊要⋯⋯只不過係⋯⋯性器官⋯⋯咁多人面前講⋯⋯」
「係我得意忘形,對唔住呀。唔好喊啦。」恆樂慌張咁道歉。
「最少⋯⋯應該叫做陰囊⋯⋯」胡蝶抹走眼角嘅淚水講。
有咩分別?雖然恆樂唔明白,但係處於做錯事一方嘅恆樂唔可以做任何反駁。
「對唔住⋯⋯」恆樂除咗道歉之後都唔知可以做乜。
突然,胡蝶將臉貼到恆樂胸膛:「我醉醉地,所以咁樣補償我就可以。」
卟!
胡蝶點解要主動撲埋嚟?應該點樣解讀同部署?係咪有得食?
恆樂當堂心動起嚟,系花就喺佢懷裡,而且係眾人見證之下。
眾人見證之下?
當恆樂將視線投放返到眾人身上時就發現,佢哋無人care呢對假情侶嘅閃光彈。
飲酒嘅一群人已經分別捉起咗杰仔同埋Jason。
「錫春袋!」
「你話咗做㗎!咪走佬呀!」
「除褲除褲!」
男同女都好似癲咗咁不停叫囂同埋將Jason嘅頭壓落去杰仔下陰,男人們特別落力對付Jason,始終狗公係男人嘅共同敵人,佢哋食曬啲女搞到我哋毒撚無啖好食。
雖然就算啲狗公唔存在,啲女女都唔會俾毒撚食。
話時話,如果呢一幕俾子瑜睇到真係唔知點算。
講開又講,呢班人明知有閉路電視都玩都咁癲,佢哋真係唔驚流出。
『大學生酒game玩奶袋』、『「有圖」X大學生含撚圖流出』等等。
大概會係呢啲標題,同埋特登唔講性別去引人入嚟睇gay圖中伏。
「隔住條褲得啦掛!唔洗真係掂到!」被人㩒到實一實嘅Jason知道走唔到,於是尋求折衷方法。
「收皮啦!」
「奶呀!」
「大大力鍚落去呀!」
男人們睇嚟唔打算理會Jason感受。
鐵拳無敵鍾培生
2022-6-18 01:38:35
抵死
:^(
:^(
文青死全家
2022-6-18 03:50:15
之前係咪有個人講話大大力踢佢春袋 點知講左大大力錫佢春袋
:^(
我都靚仔過
2022-6-18 11:39:14
恆樂心態會唔會太過戇鳩
:^(
有啲舉動都好明顯係對佢有意思㗎喎
:^(
有冇得同其中一個發展?
綠嶺
2022-6-18 23:59:56
「我唔想俾男人錫到個袋底呀!樂哥、胡蝶姐,放過我啦!」不斷掙扎嘅杰仔向恆樂同胡蝶請求支援。
「你咁樣好掃興喎。」恆樂套用杰仔頭先講過嘅嘢。
「我講下㗎咋!!」
「哼。」恆樂冷笑一聲然後就擰歪面,望實懷內嘅胡蝶,觀賞一下美人嘅側面。
睇女好過睇兩條仔奶袋。
「呼。」醉醉地嘅胡蝶喺恆樂懷中郁都唔郁。
恆樂環顧四周,發現大家都專心睇緊奶袋底show,恆樂則輕輕咁撫摸胡蝶嘅面頰。
胡蝶皺一皺眉頭,挨近啲恆樂,然後雙頰泛紅起嚟。
「呀⋯⋯Sorry。」恆樂又道歉。
「無事⋯⋯咁樣我唔介意。補償嚟⋯⋯」胡蝶繼續合埋眼講。
「樂爺!救我呀!!!!」杰仔再向樂仔救求。
已經死心、決定接受命運,開開心心咁奶袋底嘅狗公Jason就講:「既然係胡蝶嘅request,我唯有接受。」
「你唔好死心住呀!!!」杰仔見到Jason已經死心就絕望起嚟。
「混沌。」恆樂留低一句之後就背對奶袋之地,好好咁將視線留係美人身上。
「呀!!」
「錫錫!」
恆樂背後傳來不絕於耳嘅慘叫聲。
「錫咗啦屌你!」Jason語帶憤怒咁大叫。
睇嚟佢個嘴已經沾污咗,充滿着袋底泥。
「好啦,圓滿結束!我哋玩下一輪啦。」有人講。
「我個袋⋯⋯」杰仔眼神變得空白起嚟,好似失去咗重要嘅嘢咁,連褲都未着返。
「等等!」突然有個男仔大叫:「個要求係大大力錫!頭先完全唔夠大力!」
「咩話!?」Jason同杰仔不約而同地驚呼。
「係喎!唔夠大力!」
「粒丸未爆,點叫大力!」
「捉住佢哋!」
「再錫!要大大力!」
就係咁,大大力錫袋底行動又再起動。
而恆樂今次都係擰歪面,唔想啲不堪入目嘅場面進入自己腦海。
「杰仔未割包皮㗎喎!」
「包皮過長唔得㗎喎!」
「好趣緻啊。」
講最後嗰句嘅係女仔嚟,恆樂忍唔住嚇咗一跳。
騷亂過後,大家都坐返埋位繼續興致勃勃咁玩酒game。
而Jason就去廁所洗下佢嘴之後就出返嚟。
Jason一轉,今次轉到雙目無神嘅杰仔,Jason就問:「你打算幾時割包皮?」
「唔割呀!我平時都有反出嚟洗。」杰仔輕描淡寫咁答完之後就轉個玻璃樽。
Ads
鐵拳無敵鍾培生
2022-6-19 01:48:08
睇嚟今次到恆仔仆街
:^(
:^(
霞蝦下下蝦吓
2022-6-19 02:11:24
我覺得似胡蝶中招
:^(
(點知係兩個一齊中就好笑
:^(
綠嶺
2022-6-19 15:45:54
胡蝶奶
:^(
綠嶺
2022-6-19 21:44:47
樽嘴指向胡蝶,杰仔當刻成個人醒返晒,雙眼重拾火光:「Trust or dare!Dare啦!嚟啦,dare啦!」
「Trust。」覺得杰仔唔會有乜嘢好嘢嘅胡蝶俾咗呢個保守嘅答案,總之相反嘅答案係比較安全。
「嘰。」杰仔冷笑,佢一早有應對方法。
「嘰?」恆樂疑惑咁復述。
「胡蝶呀,除咗男朋友之外,你喺呢度最鍾意嘅人係邊個?」杰仔問
!!
恆樂瞪大對眼,睇來呢個係杰仔嘅報復。
擺明係想落恆樂面。
原來胡蝶有鐘意男朋友以外嘅男人,如果啲人咁諗嘅話恆樂就顏面無存。
呢啲問題係情侶眼中絕對係感情破裂嘅缺口,如果知道自己嘅另一半對其他異性都有好感,咁樣好容易會引來好多拗撬,同埋妒忌。
好彩嘅係,佢哋唔係真正嘅情侶。
所以恆樂唔太care胡蝶鍾意邊個。
唔太care?
如果胡蝶話鍾意狗公咁又點?
恆樂即刻揪心起嚟,佢完全唔想胡蝶對其他男仔有好感,明明佢唔係真正嘅女朋友。
個感覺有啲似唔想俾人搶到玩具嘅感覺。
玩具?唔通當咗胡蝶係玩具?
絕對唔係。
絕對?
只係感覺有啲類似,當佢係玩具。
就算胡蝶鐘意其他男仔,恆樂都冇嘢可以做到。
胡蝶又再向恆樂投出求救嘅眼神,但係恆樂今次就只係用微笑回答。
得唔到幫助嘅胡蝶只能夠吞吞吐吐咁講:「我⋯⋯」
恆樂以外嘅男人都充滿着期待嘅目光,自己成為最終得獎者。
「我⋯⋯」
恆樂不禁緊張起來,胡蝶係咪因為有鍾意嘅男仔,怕羞唔敢講出口先吞吞吐吐。
等等!
點解要我要扮佢男朋友?
就係因為佢全部男人都唔鍾意!
恆樂突然諗返起一切嘅源點。
胡蝶唔係因為怕羞而唔敢講出口,真正嘅原因係佢得罪呢班毒撚所以唔敢講出口。
恆樂決定好要保護胡蝶。
恆樂一手將胡蝶拉到自己懷內,攬住胡蝶問:「你應該淨係鍾意我,係咪?」
呢一刻,喺胡蝶眼中嘅恆樂就好似白馬王子一樣,將佢由痛苦中解救。
「嗯。我淨係鍾意你。其他嘅男仔,我全部都一樣地唔鍾意。」喺恆樂懷中嘅胡蝶嬌羞地講。
「呀!我死啦。」
「好閃呀!」
「你呢個包皮過長嘅撚屌,做乜要問埋晒啲咁嘅嘢等佢哋放閃!」
眾人開始指責杰仔起嚟。
「喂!唔關我事㗎喎!同埋佢都冇答問題!喂!最後邊個係咁話我包皮過長,出嚟隻揪!」平時笑口騎騎嘅杰仔俾人知道包皮過長之後就成日處於憤怒狀態。
「呀!」胡蝶好似諗到啲嘢咁,再講:「我最鐘意Sarah。」
「nani!?」包皮過長嘅杰仔講。
意會到胡蝶咁樣回答嘅原因嘅恆樂就講:「你問佢最鍾意邊個姐,冇話過一定係男性。」
「屌!!!」計劃失敗嘅杰仔大叫。
然後遊戲繼續,大家飲多幾杯,今次輪到杰仔轉到Jason。
包皮過長嘅佢又好似諗到啲乜嘢鬼馬嘢,陰陰濕濕咁笑出嚟再講:「用你嗰把錫過我春袋嘅嘴,錫落樂爺到!!!」
杰仔靈魂嘅吶喊,力竭聲嘶嘅聲音震撼在場人士嘅心靈。
上一頁
第 6 頁
下一頁