《是咁的,我一炮過有咗三個女朋友(假)》
上一頁
第 33 頁
下一頁
牙籤筒岀牙籤仔
2022-11-28 13:54:40
其實呢下係蝴蝶仆街 要宣示主權
Ads
女傭Cafe打手
2022-11-28 13:57:03
還在講當日為何不做 當日為何無力勇敢
:^(
恆樂要勇敢啊
小火花
2022-11-28 19:56:35
啱架啦恆仔,照自己心意去見子愉 bb 啦
:^(
鐵拳無敵鍾培生
2022-11-29 04:11:58
你啱
綠嶺
2022-11-29 15:59:25
星期日,胡蝶一大早就去咗恆樂樓下等佢。
胡蝶視今日係佢哋感情生活最重要嘅一日,只要捱過咗呢一日,佢哋嘅感情就唔會再有啲乜嘢大障礙,唔好再有啲咩波瀾起伏。
胡蝶亦都唔使再擔心男朋友會再出軌。
再?
胡蝶雖然冇同恆樂攤牌,但係佢心知肚明,知道男朋友自己好朋友有路。
自己之前只係自欺欺人。
胡蝶冇出聲同佢哋兩個對質係因為佢覺得自己都好卑鄙,因為自己選擇咗無視朋友嘅心意,明明自己一早已經參透子瑜嘅心意,但係因為自己嘅感情而對子瑜嘅心意視若無睹,仲迫自己相信子瑜話唔鍾意恆樂嘅謊言。最後自己仲要喺子瑜對自己嘅心意迷惘而且掙扎嘅時候對子瑜鍾意嘅男仔出手。唔止對子瑜,自己出手嘅時機就係現任男朋友同子瑜出衝突嘅時候,換句話講,胡蝶只不過係乘虛而入嘅卑鄙小人。選擇對自己好。
所以,卑鄙嘅自己犧牲少少只不過係理所當然嘅補償,又或者男朋友出軌係因為自己做錯嘢,所以受到怪責嘅應該係自己而唔係男朋友。
胡蝶一直都扮作乜都唔知,但係一切都心知肚明。
或者話胡蝶以前無辦法去承認自己知道呢一切,因為承認咗嘅話,自己都會睇自己唔起。
但係子瑜選擇離開嘅呢一刻,胡蝶已經冇嘢再需要在意。
胡蝶只需要係今日將男朋友帶走,然之後唯一嘅隱憂就會永遠消失。
呢個隱憂就係因為自己喺友情同愛情間猶豫不決而出現,因為自己有疚於心,自己都有錯。
但係如今,愛情已戰勝罪惡感,即使傷害到友情會令自己痛心,但係都要捱過去。
係因為自己以前唔肯正視子瑜鍾意恆樂呢個事實,為咗自己好過而叫自己相信子瑜話唔鍾意恆樂。
自己係兩情相悅嘅人一齊前插手,我明明就係壞蛋。
咁樣,既然係壞嘅話,就壞埋落去。
令兩情相悅嘅人變成自己同恆樂,用愛令男朋友忘記子瑜並愛上自己。
對唔住子瑜。
對唔住恆樂。
我愛你哋。
我要真真正正咁做恆樂女朋友,唯一心愛嘅女人。
綠嶺
2022-11-29 16:41:54
「早晨。」突然,一把熟悉嘅聲音同胡蝶打招呼。
「呀!係你呀⋯⋯早晨。」胡蝶慌忙地打招呼。
「喂!見到我好唔開心咩?咁嘅聲!」吳純打趣咁講。
「唔係呀!」胡蝶即刻耍手擰頭。
「玩下你咋!點呀?嚟搵恆仔?」吳純打趣咁回應。
「係呀。」胡蝶點頭。
「咁呀⋯⋯話時話,今日子瑜就走啦喎,你知㗎可?」吳純問。
「知呀⋯⋯」胡蝶心虛咁回應。
「咁即係你哋兩個去送機啦!一齊去囉?」吳純提議。
「er⋯⋯唔係呀⋯⋯我哋唔去送機呀⋯⋯」胡蝶想再度心虛地回答。
「nani!?你同子瑜唔係好好朋友㗎咩?」吳純理所當然咁問。
「有⋯⋯有啲複雜⋯⋯」胡蝶五味交陳咁講。
「咁樣呀⋯⋯」吳純諗兩諗,諗起之前子瑜同恆樂出軌嘅事,一瞬間將呢件事同胡蝶嘅態度連結起嚟。
睇嚟胡蝶心入面大概對子瑜同恆樂嘅事有啲眉目,所以先會決定今日唔去送好朋友機。
吳純又開口:「明嘅明嘅,我係你嘅話都會驚男朋友俾朋友搶走⋯⋯唔想俾條仔送走二奶都啱嘅⋯⋯」
對於吳純唔經大腦講出嚟嘅說話,胡蝶猛然抬頭回應:「你⋯⋯知道⋯⋯?」
「我乜都唔知呀!」吳純生怕自己會唔小心爆響口講咗子瑜同恆樂已經上咗床嘅事出嚟所以用雙手摭住自己把口。
「⋯⋯」胡蝶有啲在意,但無打算問落去。
「講返轉頭,總之你就係唔想恆仔去送機?即使今日好大機會係佢哋兩個最後一次見面?」
「嗯。」
「送機咋喎?佢哋兩個本身無嘢,你同子瑜又係朋友,加上送機又可以出啲咩事呀?咁都唔可以送?」
「我都知道⋯⋯只係⋯⋯我好驚見到佢哋兩個一齊⋯⋯我唔係指佢哋拍拖⋯⋯我連佢哋兩個企埋一齊都唔想見到⋯⋯我會亂諗嘢都好辛苦。今日對我嚟講就好似一個轉捩點,無論今日發生咩事,我同恆樂嘅關係都會係今日改變,不論變好定變壞。」胡蝶坦言。
「em⋯⋯明就唔係太明啦。但係我撐你呀!愛情有時就係咁,犧牲一點友情在所難免。無人想成為被犧牲嘅一方,我向來都最支持啲為自己幸福而努力嘅人!」吳純豎起手指公。
「多謝你。」
「不過我覺得都係去送機好啲,始終子瑜點都會走,你做女朋友嘅唔洗擔心咁多嘅,邊有得輸?」
「但係⋯⋯」胡蝶猶豫。
「可以出咩事呀?無嘢嘅!同朋友告別都要去啦!」吳純續道。
「我諗諗。」胡蝶嘅決心輕易被動搖,因為子瑜真係要走,其實送唔送機都對結果唔會有影響,子瑜點都同唔到恆樂一齊,唔通long d咩?
「咁你加油啦,我走先啦!」吳純講完就頭也不回咁走咗去。
我向來都最支持啲為自己幸福而努力嘅人,嗎?
既然都等唔到,咁係時候為自己嘅幸福諗下。吳純心中翻滾了一下,喺胡蝶嘅話語中,吳純早已不成威脅,連賽道都走唔上,仲講乜嘢比賽?
吳純可以做嘅就只有放棄同放過自己。
估唔到呢個偶遇令吳純諗通咗一啲,或者係時候放棄。
從來無我份,犧牲當做例行。
無人想成為被犧牲嘅一方,今次唔好彩嘅嗰個係我。
得到吳純嘅鼓勵後,胡蝶決定唔再喺度齋等,佢打個電話催促恆樂落嚟。
小火花
2022-11-29 18:20:23
吳純咁就放過胡蝶
:^(
鐵拳無敵鍾培生
2022-11-29 23:03:43
究竟會唔會好似white album2咁
:^(
:^(
恆仔一見到子愉就攬住嚟錫
寶劍贈美人柱現
2022-11-30 01:58:57
今日一口氣追曬
:^(
:^(
好好睇 宜家好吊癮
:^(
水龍頭
2022-12-1 17:11:32
屌你老母1日追到live 錯別字多到仆街 語法又唔通順
不過你拿拿林出文呀 支持你
:^(
女傭Cafe打手
2022-12-2 19:07:01
樓豬又去咗邊
:^(
:^(
:^(
Ads
11315315
2022-12-2 20:40:55
:^(
綠嶺
2022-12-3 12:54:54
至於胡蝶,佢都唔知送唔送機好,始終佢都唔想同子瑜嘅關係無疾而終。
係咪真係會出事?畀恆樂去送子瑜送機係咪會出事?出事嘅話又會出咩事?
都係唔好,唔可以送,唔怕一萬只怕萬一,唔可以畀恆樂去。
「叮。」
恆樂傳嚟一個message。
恆樂:我去緊機場,之後先再同你行山。
原來胡蝶諗咁多嘢都無用,恆樂已經一早揀好。
唔甘心、唔忿氣嘅胡蝶無諗太多就坐上的士沖去機場,希望可以阻止二人碰面。
至於一早坐緊uber去機場嘅恆樂就send咗好多message畀子瑜,但全部都只有一個剔。
到底子瑜想唔想俾恆樂搵到?
恆樂只係知道子瑜去英國,但係唔知道佢會喺邊一個閘口,所以去到機場之後都只係碰下運氣。
恆樂都唔知點解自己會揀嚟機場,但係今朝一早佢就有好強烈要去機場見子瑜嘅感覺。
恆樂知道胡蝶會反對,但係自己想見子瑜嘅心情實在太強烈,所以恆樂無諗太多就出咗去。
胡蝶嬲嘅話就睇下之後氹唔氹得返,好似自己都唔太care自己女朋友。
去到機場,恆樂擺低五舊水畀dc9之後就全速跑入機場,跑到資訊牌前面望下去英國嘅機有邊幾行,然之後就飛奔到每一個航空公司櫃檯前,睇下見唔見子瑜。
一個、兩個、三個⋯⋯
每一個都見唔到子瑜。
去到最後一間航空公司。
「常恆樂!」一把女聲叫住恆樂。
恆樂滿懷見到子瑜嘅期望擰住頭,然而映入眼中嘅係佢女朋友胡蝶。
小火花
2022-12-3 13:26:50
咁快就俾胡蝶搵到,廢到一個點
:^(
金珉奎男朋友
2022-12-3 15:06:06
本身胡蝶派
但愈寫愈八婆
:^(
同本身個人設反差大到直程反感
:^(
:^(
鐵拳無敵鍾培生
2022-12-4 00:44:45
係胡蝶勁啫
:^(
:^(
咁都撞到
鐵拳無敵鍾培生
2022-12-4 00:45:57
其實都make sense
不嬲女人為咗心愛嘅男人就係可以變化好大
牧羊記
2022-12-5 11:13:47
我入到嚟
寶劍贈美人柱現
2022-12-5 14:30:14
:^(
綠嶺
2022-12-5 20:42:23
「點解⋯⋯你⋯⋯」恆樂有口無言,但係佢唔想理會胡蝶,呢一刻只係想去搵子瑜。
「唔好去得唔得⋯⋯」胡蝶拉住準備轉身離開嘅恆樂。
胡蝶同恆樂有好多嘢都未講清楚,所有事都只係基於心照,雙方無溝通過亦都無肯定過對方嘅諗法。
恆樂根據感覺所以隨心去搵子瑜。
胡蝶根據感覺去認為恆樂同子瑜出軌、認定恆樂會因為子瑜而放棄自己。
只係猜疑,如果恆樂同胡蝶講佢同子瑜乜都無發生過嘅話,胡蝶會好好接受同相信,並唔再懷疑恆樂,繼續做一個千依百順嘅女朋友。
胡蝶再講:「你同我講⋯⋯可唔可以話我知你哋只係朋友⋯⋯只係朋友嘅話⋯⋯送機都可以⋯⋯只要你講嘅我都會信⋯⋯」
胡蝶已經眼泛淚光,佢自己都估唔到自己會退讓到呢個地步。
底線一步又一步後移,又唔想送機,去到只要恆樂講個大話就畀佢去。
胡蝶唔自覺地卑微起嚟,連自己都無察覺。
恆樂見到胡蝶可憐乎乎嘅樣,就於心有愧咁拗拗臉,想盡快去搵子瑜嘅佢於是敷衍咁答:「我想送朋友機姐。」
「真係朋友⋯⋯?」
心急如焚嘅恆樂已經唔太想理胡蝶,子瑜隨時都有可能去咗登機閘口。
喺恆樂回答之際,喺佢不遠處有一個袋跌落地發出「咔啦」嘅聲音,恆樂同胡蝶嘅注意力馬上被吸引過去。
「呀⋯⋯」胡蝶驚訝地用雙手遮住自己張開嘅口。
「點解⋯⋯你真係出現⋯⋯」袋嘅主人——子瑜則無力地垂低雙手,唔知感動定係害怕令佢眼角流下兩條淚柱。
「子瑜!」恆樂隨即奔腿跑向子瑜,再將佢擁入懷中。
綠嶺
2022-12-5 20:44:41
「唔好⋯⋯胡蝶望住⋯⋯」子瑜試圖推開恆樂,但恆樂俾稍微推開後都無放開攬住子瑜嘅手,恆樂由上而下錫落子瑜嘅雙唇。
子瑜雖然有掙扎過試圖擺脫恆樂,但佢無用過力去逃走。
子瑜已經分唔清係自己唔想發力定係因為心累而發唔到力。
想推開又唔想推開。
子瑜稍微得到喘息嘅空間又再講:「唔好呀⋯⋯你女朋友⋯⋯胡蝶係到⋯⋯」
子瑜嘅淚無停過落嚟,佢亦無勇氣望向胡蝶。
有如局外人嘅胡蝶企咗喺原來幫住男朋友同朋友kiss。
「子瑜。」恆樂只係輕輕呼喚子瑜嘅名,然後又錫落去。
今次子瑜無咗掙脫,仲雙手環抱返恆樂,同佢深深地熱吻。
子瑜只係想離開前同鍾意嘅人好好告別。
喺恆樂嘅強勢下,子瑜嘅心都激盪起嚟。
子瑜已經無暇去理會胡蝶嘅感受,佢同恆樂嘅時間只係得返呢一小段時間,所以請你讓佢畀我,就好似我以前讓佢畀你咁。
「對唔住⋯⋯胡蝶」子瑜只能夠向胡蝶致歉,細聲到連恆樂都聽唔到嘅音量。
自己實在太鍾意你男朋友,對唔住。
子瑜都主動向恆樂伸出舌頭。
二人熱吻起嚟。
Ads
綠嶺
2022-12-5 20:44:52
是
JM
2022-12-5 21:27:03
:^(
cls劇情
小火花
2022-12-5 22:59:49
一於好似上次 cos 咁, 拖佢走再正法啦
:^(
鐵拳無敵鍾培生
2022-12-5 23:02:19
呆咗
:^(
:^(
個腦有畫面
:^(
上一頁
第 33 頁
下一頁