《是咁的,我一炮過有咗三個女朋友(假)》
上一頁
第 32 頁
下一頁
綠嶺
2022-11-23 21:35:11
//
我乜都見唔到,所以乜都無發生。
佢仲係我男朋友。
可能只係入去借廁所、打機、休息。
所以,點解銀包嘅condom會少咗。
只係跌咗。
一定係。
一個係我好朋友,另一個係我男朋友,我點可以唔信佢哋?
所以無事發生。
無事。
//
Ads
綠嶺
2022-11-23 21:35:51
子瑜突然消失,連扮情侶都無再搵我。
世界好似缺咗一大塊嘅拼圖。
拼唔埋。
子瑜睇嚟佔咗我生活一大部分。
「⋯⋯就係咁囉!」
我將我同子瑜以及胡蝶發生嘅事一五一十講晒畀吳純知。
「咁你想我呢個俾人拋棄嘅女人講啲乜?」吳純攤起梳發講。
「我唔知點部署⋯⋯胡蝶定子瑜⋯⋯」
「子瑜你揀到咩?我哋無人搵到佢呀!再講呀,你唔驚我同胡蝶講㗎,賤男!」
「驚閪咩,你唔係唔幫我呀?」
「咁串?!」
「對唔住大佬!」我即刻走去幫吳純按摩。
「大力啲!」
「係嘅大小姐!」
「你條淫蟲真係⋯⋯我覺得唔好畀胡蝶知呀⋯⋯佢呢啲純品到村姑咁嘅女仔,你同佢講你出軌,佢都一定唔會同你分手,仲可能會因為覺得自己做得唔夠好而內疚再去怪責自己。最後受傷嘅只係得胡蝶。」吳純講。
「咁好彩我無講姐!」
「緊係唔講啦⋯⋯老實講,出下軌有乜所謂,識返屋企咪得。」吳純講講下突然拉低衫領,差啲就睇到粒lin!
「啱呀!」我立刻和應。
fastwalker
2022-11-23 23:50:24
吳純講講下突然拉低衫領,差啲就睇到粒lin!
唔純
:^(
鐵拳無敵鍾培生
2022-11-23 23:51:39
唔純又想食恆仔
:^(
:^(
伊藤園菜肉包
2022-11-24 02:52:16
無啦啦吳純重返戰場
:^(
作者你好嘢
:^(
天大地大有容乃大
2022-11-24 17:17:35
定係食左
:^(
反正開個門就食得
:^(
小火花
2022-11-24 21:39:49
佢見既然恆仔都出左軌囉,多一個唔多
:^(
綠嶺
2022-11-24 21:41:47
「你無救㗎啦。」吳純嘆口氣。
「無㗎無㗎。」
「唉。好心你錫下胡蝶,呢啲咁純嘅女仔買少見少,你唔好出咁多軌啦,好易穿煲㗎。」吳純好言相勸。
「嘩,你assume我一定會再出軌都有。」我撥晒手咁講。
「你唔會?」吳純戚眉戚眼。
「er⋯⋯都⋯⋯有啲機會⋯⋯」我尷尬咁笑住答。
「咪就係。」吳純一臉滿足。
「咁子瑜點算⋯⋯」恆樂問。
「你問我我問邊個?」吳純滿唔在乎。
「果然,問你都晒氣。」我嘆氣。
「係㗎,唔好搵人呻呀笨。」吳純不滿起嚟。
「咁又唔好。」我即刻幫吳純按下膊頭。
「喂!我諗到啦!佢咪做電子雞嘅!你上去睇咪得。」吳純突然拍手講。
「屌,我夠知啦!」諗諗下,我再講:「仆街,太多嘢煩,我已經無咗回事!多謝大人指路!」
「唉,我呢個被拋棄嘅女人仲要俾你咁樣利用,當我係樹洞。」吳純突然提起舊事。
「唔好咁講先,我煮飯我煮飯!」我講完就急急腳走去廚房。
「快手啦!肚餓呀。」吳純抱怨。
隔咗陣,吳純又忍唔到口講:「講真呀,我覺得你同我一齊好啲。」
「呀哈!?」恆樂被殺一個措手不及。
「你呢啲出軌賤男好心就唔好害人,胡蝶呢啲好女仔嚟。我呢啲只要識返屋企都唔介意嘅女人對你先好,同我一齊就唔會害到人。」吳純不以為然咁講。
「⋯⋯不了⋯⋯我好少出軌⋯⋯子瑜⋯⋯意外嚟。」我心虛咁講。
「咁呀⋯⋯算啦⋯⋯」背對我嘅吳純無再講落去,若有所思咁開始滑手機。
鐵拳無敵鍾培生
2022-11-24 23:15:17
吳純又俾人飛多次
:^(
:^(
綠嶺
2022-11-25 22:35:20
吳純又好似諗到啲乜咁,再講:「其實你不如同胡蝶分手啦,咁樣對你、胡蝶同子瑜都好呀。」
「呀!?又嚟!?」對於吳純又返嚟呢個話題,我呆撚咗。
「唔得咩?」
「你又話識返屋企就得。」
「一樣還一樣,胡蝶好女仔,唔好累到女人,賤人就同返啲賤人一齊啦。」吳純話外有話。
「但係胡蝶⋯⋯唔捨得放手。有佢係到都幾有面子。同埋佢真係靚嘅,係個人悶咗啲咁。不過勝在佢唔會放脾氣,算係易氹嘅女朋友,同佢拍拖算係輕鬆。」我講。
「你有冇發現為講咗成段嘢都無話過你自己鍾意佢?」
「鍾意呢啲好死㗎姐,拍耐多啲少少我就書鍾意佢多啲。」
「鍾意到食咗佢閨密?」
「咁有食唔食咩?」
「講真,我一早就覺得你係鍾意子瑜多過胡蝶,甚至乎你只係對子瑜有feel。同胡蝶一齊你只係睇中佢嘅肉體 ,唔係⋯⋯我對波大咁多⋯⋯無理由係肉體⋯⋯」吳純捧住自己對波講。
「由性到愛,扑扑下就鍾意。」
「咁子瑜呢?又扑到鍾意?定係鍾意你先扑子瑜?」
「er⋯⋯」
「先唔講胡蝶,你咁樣食咗子瑜,但係又唔畀交代佢,變相子瑜同胡蝶都畀你玩殘。兩條女都唔知你想點。」
「得啦得啦,唔再講啦。」講到煩煩躁嘅我強行終結話題。
沙發上嘅吳純用我聽唔到嘅聲量細細聲自言自語:「點都唔輪到我⋯⋯」
小火花
2022-11-26 00:06:45
吳純又係慘既, 不斷俾人喂食檸檬
以為恆仔既然都出得軌, 自己都有機會分一杯羹
但係恆仔斷然拒絕, 超 hurt 人
Ads
鐵拳無敵鍾培生
2022-11-26 02:03:04
根本吳純就係呢套嘢嘅犧牲品
:^(
:^(
文青死全家
2022-11-26 03:00:41
吳純派手足係ifc天台好撚凍
小新QQ
2022-11-26 03:23:53
吳純慘到
:^(
AM07
2022-11-26 07:01:51
係中意恆仔,就唔會出面識仔啦
:^(
吳純食檸檬好合理
綠嶺
2022-11-26 22:27:28
講真,如果當年喺迪士尼唔係俾子瑜推開,可能胡蝶硬上我嘅時候我會推開胡蝶。
咁樣諗,其實胡蝶只係子瑜嘅替代品?
我都唔知,但係同胡蝶做愛係幾爽。
但係萌生唔到子瑜level嘅愛意都係真。
我強調,只係未到,愛意係有嘅。
所以,到底要唔要放棄胡蝶去搵子瑜?定係繼續同胡蝶一齊,令自己真正咁愛上胡蝶。
同子瑜就扭扭擰擰搞唔清我哋點睇對方、擰到大家走唔到去下一步,胡蝶則係就手而一齊嘅對象。
呢個時候,Youtube彈出一個通知。
《黑雪公主移民前嘅最後直播》
子瑜要移民!?
失蹤三個月嘅子瑜終於有消息,但係傳嚟係完全超出預期嘅震撼彈。
永久嘅分隔,我嘅心都慌起嚟。
果然,比起女朋友,我更加在意同鍾意子瑜。
WhatsApp同一時間我收到久違嚟自子瑜嘅message。
子瑜:下個禮拜日我就會走,再見。
未等我回覆,佢icon就變咗個灰色人仔,我send嘢畀佢都係得一個剔,睇嚟子瑜block咗我。
要走、要斷絕關係嘅話,點解又要同我講,講完又點解要block我?
我真係諗唔明啲女人。
係叫我送佢定叫我唔好送佢?
定係佢只係想好好講再見?
參透唔到。
我唯一知道嘅就係我個心戚住戚住,子瑜要走,離開我哋結下姻緣嘅土地。
子瑜唔係我女朋友,我又可以用咩身位叫佢唔好走?
「叮。」
電話又響起,今次係胡蝶。
胡蝶:下個禮拜日,我哋去西貢行山?
小火花
2022-11-26 22:48:43
胡蝶依個心機女,驚死佢會送子愉機甚至留子愉,即刻用行山霸住恆仔先
:^(
鐵拳無敵鍾培生
2022-11-27 00:45:00
白卡妹嚟
牧羊記
2022-11-27 00:59:52
勁能臭雞
:^(
:^(
小新QQ
2022-11-27 02:05:18
佢老4星期日飛 仲約恆仔行山 死臭雞
:^(
綠嶺
2022-11-27 21:29:34
又會咁啱係星期日?
胡蝶係特登咁做?
無理由㗎,佢一直都信子瑜同我無嘢,況且佢同子瑜係好朋友,無理由唔知佢走先係㗎?
胡蝶點會唔送好朋友機而走去行山?
定係佢想洗走我,等特唔會同到子瑜見面?
唔係唔係,胡蝶應該唔知道我同子瑜嘅事,佢無理由會阻止我。
女人真係。
「叮。」
又有message。
胡蝶:我知道子瑜嗰日會飛,所以我更加想你同我去西貢。
胡蝶知道。
仆街,胡蝶知㗎喎。
西貢,機場,一東一西。
點揀?
我將頭埋入枕頭,苦思過後喺床上輾轉反側。
無論如何我都要去送子瑜機,因為佢移民嘅話,我哋以後就好難見到,點都好,我想好好告別。
//
做完之後我就知道唔可以我唔可以同佢一齊。
徹底咁背叛胡蝶之後,罪惡咁嘅漩渦令我無所適從,我只能夠無聲應對。
面對佢,我就100%會諗起胡蝶,然後幸福同痛苦就會交纏埋一齊。
好煩惱。
得到後好煩惱。
我甚至有自我壓惡。
唔想面對胡蝶。
唔想面對恆樂。
唔想面對自己。
面對唔到。
我能夠做嘅就只有逃走。
逃走就乜嘢都唔洗面對。
//
Ads
鐵拳無敵鍾培生
2022-11-27 23:03:32
被太多人鍾意都係麻煩
伊藤園菜肉包
2022-11-27 23:14:54
唔通今次吳純會成為恆樂嘅救星?
鐵拳無敵鍾培生
2022-11-28 02:54:22
似了
不了狗也不
2022-11-28 04:29:48
舊風景 過份夭心
舊相好 見亦不忍
:^(
上一頁
第 32 頁
下一頁
//
我乜都見唔到,所以乜都無發生。
佢仲係我男朋友。
可能只係入去借廁所、打機、休息。
所以,點解銀包嘅condom會少咗。
只係跌咗。
一定係。
一個係我好朋友,另一個係我男朋友,我點可以唔信佢哋?
所以無事發生。
無事。
//