Ads
清朝初年,某名御史好後生就做官,做到福建巡按。有個叫胡天保既,中意人靚仔,每次御史升堂審案,胡天保就匿埋一邊丁。巡按覺得好奇怪,但係又唔知點解,其他官吏雜卒梗係都唔敢講啦,你丁女上司都唔會同佢講啦,更何況男上司?巡按住左無耐,就巡第二個地方。胡天保竟然跟埋住佢去,仲靜靜雞匿喺廁所昅人屎忽。巡按更加覺得有古惑,召條偷窺狂黎問,起初梗係唔肯答啦,之後巡按用刑,偷窺狂咪話:「實在係大人太靚仔,我念念不忘。雖然明知大人個屎忽,唔輪到我拮 :^( :^( :^(,但係我朝思暮想,一時忍唔住跟你入埋廁所呀。」巡按嬲到仆街,喺枯樹下打撚死佢。 :^(
過左一個月,胡生托夢鄉里人:「我用非禮之心得罪人,係抵死,不過始終係愛呀哈利,一片癡心,同害人唔同。地府啲官吏有笑鳩我,有串鳩我,但係就無人嬲我既。而家地府封我做兔兒神,專管人間hehe事,大家一場同鄉,不妨同我起間廟拜下我。」福建浙江嗰邊,本來就有買起個男仔做契弟既做法。一聽到哩個夢,個個都爭住夾錢起廟。結果間廟又真係靈。之後凡係想偷食出軌,想屌又屌唔到既,都走哂去拜。
程魚門話:「巡按無讀《晏子春秋》故仔呀,所以打到咁重手。好似狄偉人先生就唔係咁呀。相傳先生做編修嗰陣,後生靚仔。有個車夫,又係後生,賣身入狄府,幫狄生推車。好勤力呀佢,畀錢佢都唔要,狄生都好中意佢。過無耐,車夫病到就死,醫唔到,就斷氣,請狄生去見佢。車夫話:『我都死啦,係時候表白。我之所以病到死,係因為中意你靚仔呀。』狄生大笑,拍拍車夫膊頭話:『死佬,你唔早講?』之後車夫死左,狄生仲厚葬佢。」 :^(
〈兔兒神〉
國初 [1],御史某年少科第,巡按福建。有胡天保者愛其貌美,每升輿坐堂,必伺而睨之。巡按心以為疑,卒[2]不解其故,胥吏亦不敢言。居無何[3],巡按巡他邑,胡竟偕往,陰伏廁所窺其臀。巡按愈疑,召問之。初猶不言,加以三木[4],乃云:「實見大人美貌,心不能忘,明知天上桂,豈為凡鳥所集,然神魂飄蕩,不覺無禮至此。」巡按大怒,斃其命於枯木之下。
逾月,胡托夢於其里人曰:「我以非禮之心干犯貴人,死固當,然畢竟是一片愛心,一時癡想,與尋常害人者不同。冥間官吏俱笑我、揶揄我,無怒我者。今陰官封我為兔兒神 [5],專司人間男悅男之事,可為我立廟招香火。」閩俗原為聘男子為契弟[6]之說,聞里人述夢中語,爭醵錢立廟。果靈驗如響。凡偷期密約,有所求而不得者,咸往禱焉。
程魚門曰:「此巡按未讀《晏子春秋》勸勿誅羽人 [5]事,故下手太重。若狄偉人先生頗不然。相傳先生為編修時,年少貌美。有車夫某,亦少年,投身入府,為先生推車,甚勤謹,與雇直錢,不受,先生亦愛之。未幾病危,諸醫不效,將斷氣矣,請主人至,曰:『奴既死,不得不言。奴之所以病至死者,為愛爺貌美故也。』先生大笑,拍其肩曰:『癡奴子!果有此心,何不早說矣?』厚葬之。」
[1] 國初:清朝立國之初。同樣道理,見到袁枚/ 紀曉嵐講國朝,即係講清朝。
[2] 卒:最後既意思。廣東話都有「卒之死左」
[3] 無何:無幾耐既意思。見《三國志.華佗傳》:「佗以為其人盛怒則差,乃多受其貨而不加治,無何棄去,留書罵之。」
[4] 三木:用來鎖頸項及手足的刑具。見司馬遷〈報任少卿書〉:「衣赭衣,關三木。」
[5][6] 唔解住,留黎做星期五六既topic。 :^(
Ads
巴打不如諗下出書 你呢個港式生動譯法其實好吸引
邊有人會畀錢睇 :^(
論港式寫法,我最中意睇史兄既page
至少我會 :^(
琴日都推薦左呢個post比幾個frd睇
巴打出文未 :^(
都幾肯定今日唔會有
我仲有hehe兩則,同埋法比既民間娛樂未找數。
你又想睇d咩?不妨講下,雖然我唔擔保搵到 :^(
搵下啲好似第一篇果啲得唔得 :^( :^(
膠膠地果啲 :^(
巴打出文未 :^(
都幾肯定今日唔會有
我仲有hehe兩則,同埋法比既民間娛樂未找數。
你又想睇d咩?不妨講下,雖然我唔擔保搵到 :^(
搵下啲好似第一篇果啲得唔得 :^( :^(
膠膠地果啲 :^(
都幾難,你見我攞佢黎打頭炮就知係萬中無一啦 :^(
Ads
清 翟灝《通俗編》[1] 卷三十一
〈蹴毬〉
【漢藝文志[2]】兵技巧類有《蹵[3] 二十五篇》。師古 [4]曰:以韋[5] 爲之,實以物。蹵踏之,以爲戲也。蹵,陳力之事,故附于兵家焉。
【唐音癸籤[6]】唐變古蹴鞠戲爲蹴毬。其法:植兩修竹,高數丈,絡䋞于上爲門以度毬。毬工分左右朋,以角勝負。
【按】鞠,實以毛,見漢〈霍去病傳〉注。而唐時毬製,亦不與舊同。歸氏子嘲皮日休[7]云:八片尖斜砌作毬,火中燖了水中搡。一包閑氣如常在,惹踢遭拳卒未休。葢又今所謂氣毬也。
[1] 《通俗編》:見到咩低能野,翟灝都會抄低,久而久之,成為一本重要記錄。詳見:https://baike.baidu.com/item/%E9%80%9A%E4%BF%97%E7%BC%96
[2] 漢藝文志:即係《漢書藝文志》。創立左圖書分類法。文獻學我唔熟,自己睇維基。
[3] 蹵:原字出唔到。其實係蹴鞠既異體字。同一個字,可以有好多唔同寫法,譬如:升昇、牀床。正字以外既,都叫異體字。蹴鞠個「鞠」,原來有好多寫法,自己睇下:http://dict2.variants.moe.edu.tw/variants/rbt/word_attribute.rbt?quote_code=QTA0NTE4
[4] 師古:即係顏師古,注漢書既人,好勁既,唔好理佢。
[5] 韋:可以解做獸皮。唔好問我點黎,我都係查字典。
[6] 唐音癸籤:晚明既一本極重要詩學論著。叫得「癸」籤,即係有甲乙丙丁籤。可惜又可幸地,無印到出黎。
[7] 歸氏子嘲皮日休:歸氏子,唔知咩人黎。皮日休,唐代詩人。佢地寫左兩首詩互串對方姓氏:
(皮)日休賦《龜》詩嘲歸氏子曰:「硬骨殘形知幾秋,屍骸終是不風流。頑皮死後鑽須遍,都為平生不出頭。」歸氏子以姓嘲(皮)日休云:「八片尖斜砌作毬,火中燖了水中揉。一團閑氣如常在,惹踢招拳卒未休。」
第一首詩,皮日休借「歸」「龜」同音串人。以前用龜甲占卜,做法係先鑽孔再烤,根據裂紋判斷吉凶。皮日休將龜殼被人又燒又鑽,笑烏龜無膽「不出頭」。就係咁串姓「歸」既人係烏龜。
第二首詩,歸生話皮日休係「毬」,即係皮球。原來個波係由八片唔知咩野砌成,又要被水火搞過,中間有一團唔知咩,令佢充到氣,所以抵成日被人拳打腳踢。 就係咁,唐代做「蹴毬」既少少步驟就流傳落黎。
有個中意hehe既,深夜投宿飯店。咁岩同個無鬚既阿伯瞓,黑媽媽摸落以為係後生仔,搞佢。嘩,姣婆遇著脂粉客,或者hehe撞正屎忽鬼,原來阿伯都係hehe,就係咁就啪左。嗱,無論古今中外,你啪啪啪嗰陣,實會諗方法冧人既。所以hehe就講話買衫送簮,但係對方都話唔要。咁hehe問佢想要咩啦,佢答話:想要一副靚棺材。
然後,hehe射左。