埼京線其實係一個崎胎，佢唔係一條線而係一個運行系統
係呢個運行系統入面淨係得通勤電車而冇中距離列車，所以冇普通只有各駅停車

睇返通勤五方面
中央線有各駅停車
總武線有各駅停車
常磐線有各駅停車
東海道線冇各駅停車但有京濱東北線各駅停車
宇都宮線冇各駅停車但有京濱東北線各駅停車
而埼京線作為東北本線一部份就自然係用各駅停車

題外話，列車線/電車線係分緊中距離列車/通勤電車，山手線同埼京線都係通勤電車，只有湘南新宿line係中距離列車

多謝解答，不過好奇一問，睇返wiki電車線同列車線唔係用線路去劃分？應該同線路上行嘅“運行系統”無咩關係？

埼京線之所以亂，係因爲赤羽-大宮段東北本線實際上係4複線：
1. 京浜東北線 （傳統定義上電車線） - 各駅停車
2. 高崎線 / 宇都宮線 （傳統定義上列車線）- 普通，停さいたま新都心駅
3. 湘南新宿線（貨物線） - 普通，不停さいたま新都心駅
4. 埼京線 - 獨立運行系統，但實際上係東北本線別線

似乎傳統定義嘅 "電車線" 同 “列車線” 無辦法apply落去咁複雜嘅例子，特別係埼京線最後又會同湘南新宿線直通落去山手貨物線

電車線同列車線的確係唔同嘅路軌，但同時電車線有機會有列車行，列車線有機會有電車行，所以講種別嘅話淨係講電車同列車，而唔講電車線同列車線
喺啱啱中央本線系統入面，各駅停車suppose係行電車線嘅電車，但係過咗高尾都仲有各駅停車，而嗰班各駅停車本身係行列車線嘅電車，所以我先會講種別係關運行系統事

線路同運行系統有好大關係但並唔係絕對嘅關係，尤其去到清晨/深宵時份就有例外，之前東京站深宵係有中央線各駅停車，運行系統係中央線快速，種別係各駅停車，行電車線

至於山手線/山手貨物線係咪電車線/列車線嘅關係，我唔敢肯定，但我自己唔會用呢個關係去形容佢哋

明白曬，之前一直理解唔到就係因爲將埼京線當成山手線近郊系統，實際上原來都係同級別嘅通勤電車，但始終都係覺得係山手線平行路段叫 “各駅停車” 有d怪怪地

:^(