我和鄰居大姐姐的故事(15)
上一頁
第 36 頁
下一頁
葉開葉開
2022-7-1 13:13:54
做咩咁多人估熙熙斷腳
:^(
:^(
:^(
Ads
葉開葉開
2022-7-1 13:14:57
三百九十三
「啱啱陳sir搵你咩事?」我走入更衣室既時候,阿必好奇地問:「睇你個樣,應該係好事黎?」
我諗我自己都掩唔住面上果副高興既表情。
「日本果面話我試腳成功啊!」我笑道。
「勁!都話你唔駛擔心架喇!」阿必睇落都好開心、好凳我高興。
「喂,阿熙成功左喇!」熊輝響更衣室入面鳩叫:「佢就要去日本啊!」
更衣室一陣哄動。
有啲似日本仔既賈加華走過黎笑道:「今次比你早我一步添,你響日本等我,我好快就過黎!」
楊舒達都走過黎笑住向我道賀:「就知你一定掂架喇!」
唔知楊舒達從Ada既傷痛走出黎未,但佢今日練波時既氣息好過上季好多。
希望佢真係已經冇晒事。
要放低向前走架喇。
「喂,今個星期六應該係阿熙最後一場比賽喇,我地贏波黎歡送佢喇好唔好?」熊輝突然大嗌。
「好!」大家應道。
「你果場仲踢唔踢架?」賈加華問。
「踢,梗係踢喇!」我笑道:「同你地一齊既最後一場波喇!」
康達打斷我,笑道:「講呢啲,我地會響香港隊繼續踢一齊架嘛!」
阿必衝過黎插咀道:「呢層一定架喇!到時阿熙展示比你睇咩係J League球星既實力啊!」
「屌你喇。」我拍鳩阿必個頭。
「不勝無歸!」大家突然響更衣室入面情緒高漲起黎。
而家諗返,同佢地踢波真係人生其中一段最開心既日子……
*
返到屋企我第一時間梗係去㩒秋兒姐姐屋企門鐘喇!
咁開心既消息,我好想親口同秋兒姐姐分享!
不過雖然開心,但一諗到要同秋兒姐姐分別一段長時間,我又不其然覺得有啲難過……
唔知秋兒姐姐聽到呢個消息會唔會唔捨得我呢?
嗯…
一定會既……
……
……
……
點解咁耐都冇人開門既?
成十點幾喇喎?
應該去完讀書會返黎喇?
除非……
秋兒姐姐破例留左響Jonathan屋企食飯!?
唔會既唔會既。
唔好自己嚇自己。
我望一望門隙。
……
冇燈光透出,應該真係冇著燈。
……
我無奈地返去屋企,然後坐左響梳化,叮左個訊息比秋兒姐姐:“未返到?”
好彩既係,都唔駛隔左一分鐘,佢就回覆左我message:“就返到喇
:^(
”
“咁夜既?”我忍唔住又打多個message。
“係啊,返到黎話你知吖
:^(
”
“ok”
唉。
難得既大好心情突然變差了。
唔係真係讀書會之後留左響Jonathan屋企食飯下嘛?
有啲坐立不安。
不過好彩既係秋兒姐姐冇講大話,佢真係好快就返到。
我一聽到秋兒姐姐屋企有開鐵閘聲,我已經忍唔住打開門。
「熙熙?」秋兒姐姐見我衝住出黎開門嚇左一嚇,然後微笑道:「我仲諗住等我返去換埋衫先過黎搵你添。」
「擔心妳吖嘛。」擔心妳比Jonathan食左!「咁夜先返到。」
秋兒姐姐聽到之後甜甜一笑,道:「唔駛擔心喇,十點幾都唔係好夜啫。」
「好夜架喇。」去讀書會去到十點幾,我梗係覺得好夜喇。
「入黎坐先吖。」秋兒姐姐開左門請我入去。
「嗯。」
我入到去坐響梳化,秋兒姐姐就入左房換衫。
換衫……
……
……
……
頂,我響度諗緊乜!
不如諗下一陣點開口問秋兒姐姐好過喇!
都唔駛好耐,秋兒姐姐已經走左出黎。
我乘機問:「係喎秋兒姐姐妳食左飯未?我煮個麵比妳食?」
我專登咁樣問。
我估秋兒姐姐其實食左飯架喇,畢竟都成十點幾,係睇下可唔可以引到佢講佢響邊度食。
求食拜佛,唔好係響Jonathan屋企同佢一齊食啊…
「去補習之前食左個quick dinner。」秋兒姐姐摸一摸個肚,伸一伸脷:「不過我都仲有啲肚餓。」
「哦,咁妳補習要集中精神聽書吖嘛……」咦等等,呢個好似唔係重點:「咦?妳話補習?冇聽妳提起過既?」
究竟係咩一回事?
(待續)
寧釆臣
2022-7-1 13:32:36
秋兒一定係唔想熙熙心掛掛,所以專登報咗補習班啦!
華記(正撚樣)
2022-7-1 18:17:28
唉 熙熙
西門廿一九
2022-7-1 18:41:28
兩個距離越嚟越遠了
綠茶綠茶
2022-7-2 01:43:47
:^(
寧釆臣
2022-7-3 11:48:54
秋兒出手拉番近啲啦!
:^(
山區兒童窩巴
2022-7-3 23:57:34
推推推推推推推推推推
葉開葉開
2022-7-4 13:16:46
推推山區巴
:^(
葉開葉開
2022-7-4 13:16:59
:^(
葉開葉開
2022-7-4 13:17:10
綠茶巴
:^(
Ads
葉開葉開
2022-7-4 13:18:04
:^(
葉開葉開
2022-7-4 13:18:44
:^(
葉開葉開
2022-7-4 13:19:29
三百九十四
「係啊,我都係啱啱今日先決定試下堂,所以冇同你講過。」秋兒姐姐微笑同我講完之後走去廚房:「我食塊面包先。」
「試堂?」我問,完全唔記得問過秋兒姐姐駛唔駛煮個麵比佢食。
「出面果啲補習社啊。」秋兒姐姐響廚房拎住一塊方包就咁食。
果啲扮到自己明星咁款既所謂補習名師?
「點解會突然可以試堂既?」我又問。
「讀書會啲同學話出面啲補習老師貼題好準,因為佢地響考試局識到人,咁啱啲補習社又做緊推廣試堂優惠,所以我就本住試下既心態去試下堂囉。」秋兒姐姐邊食住塊包邊回答我。
我好似審犯咁追問:「但妳有錢去補習咩?」
其實就算我同秋兒姐姐幾親都好,呢句說話已經係非常之無禮貌。
不過秋兒姐姐就冇介意,微笑地回答:「係啊,但我咪話補習社做緊推廣試堂優惠既?」
「嗯。」即係點?
「二人同行既話,未讀過果個新生係可以免費試一個月堂架。」秋兒姐姐答道,已經差唔多食完塊方包。
二人同行?
妳唔係指……?
「咁……點解會有二人同行既……?」我小心翼翼地問。
秋兒姐姐本來應該唔想講,又或者而家先意識到自己似乎講得太多,所以佢望住我猶豫左一陣先答道:「唔……咁係因為Jonathan佢都有補習,佢話呢個優惠啱我用,於是就叫我去試下堂,比我自己感受下補習係咪真係有用。」
真係Jonathan!
究竟響我唔知情既情況之下,Jonathan為左對秋兒姐姐出手,搞左幾多野出黎!?
次次都係用讀書為名,然後約秋兒姐姐出黎!
佢根本就係知道秋兒姐姐好緊張黎緊既A Level考試,所以就用呢一樣野黎做切入點對秋兒姐姐採取攻勢!
但最大問題係,同阿鋒社長果陣既追求唔同,秋兒姐姐好似覺得完全冇問題,仲好受落咁!
因為秋兒姐姐真係想考好個A Level,但Jonathan就……!
「咁即係食飯都係同Jonathan條……食?」我內心有啲亂,爭啲想將仆街兩個字講埋出黎。
我從來未試過響秋兒姐姐面前講粗口。
「嗯。」秋兒姐姐似乎唔想再響呢個話題上面再講落去,所以只係輕輕咁應左我一聲。
「……」
「嗯,我食完塊包,冇咁肚餓喇!」秋兒姐姐打破沉默奇怪既氣氛,向我微笑道:「我又要開始溫書喇!熙熙你會唔會都拎啲書過黎溫下?你提早開始準備下會考?」
其實今日只係開學既第一日,書都未開始教,我可以溫咩?
點似得秋兒姐姐咁如火如荼咁要準備高考,開學第一日已經要溫書呢?
更何況我準備要過日本展開我足球生涯既最新一頁,仲邊得閒理呢個乜野會考?
啊,我其實過黎秋兒姐姐屋企就係想親口同佢講我試腳成功左……
但唔知點解,我喉頭就好似塞住左啲野咁,講唔出口。
「我今日練完波有啲攰。」我作狀伸一伸懶腰:「同埋今日開學第一日,咩都未教,我都唔知溫咩好。」
秋兒姐姐微微一笑,道:「你都啱既,無謂太快搞到自己chur到咁攰。」
「嗯,咁我返過去休息先喇。」
「嗯,早抖。」秋兒姐姐向我微笑道別。
最後,我竟然乜都冇講就返左自己屋企。
*
我好快咁沖左個涼撻上張床,想倒頭大睡。
但我訓唔著。
究竟係由幾時開始,秋兒姐姐係同Jonathan行得咁埋既呢?
其實……
係咪由Jonathan搞讀書會開始,我就注定要被排擠在外?
我突然間覺得我同秋兒姐姐好似有左一層隔膜。
呢種感覺係出世以黎都未試過。
我覺得Jonathan響不知不覺間已經踩入左我同秋兒姐姐兩個人既圈子入面……
而且同阿鋒社長唔同,佢做到咁出面,秋兒姐姐都冇好似當年咁樣咁抗拒,係咪即係代表其實秋兒姐姐對佢都有感覺?
……
……
……
唔得架!
唔可以咁架!
我要做啲野!
但……我都就黎去日本,我可以做啲咩?
有冇人可以話比我知點做……?
……
……
……
啊。
有。
大表姐。
(待續)
山區兒童窩巴
2022-7-4 18:24:03
推推
即是咁
2022-7-4 19:06:26
:^(
睇操女教練
2022-7-4 19:45:06
大表姐
:^(
鐵拳無敵鍾培生
2022-7-4 22:59:18
又想一屌解千愁
:^(
日本火車
2022-7-5 15:01:26
:^(
椎名空逐利
2022-7-5 15:08:23
我屌你啦,唔去penana 都要畀人劇透
:^(
:^(
:^(
:^(
:^(
日本火車
2022-7-5 16:48:38
我已經專登四種加密喎
:^(
Ads
零波微曝
2022-7-5 22:56:01
唔小心禁咗入嚟一口氣追到live
到底熙仔幾時屌到大姐姐
:^(
好耐冇呢類型嘅長故了 睇得好開心
:^(
鐵拳無敵鍾培生
2022-7-5 22:56:50
:^(
日本火車
2022-7-5 23:10:09
:^(
葉開葉開
2022-7-6 13:33:04
推推山區巴
:^(
上一頁
第 36 頁
下一頁