打你工呀？ 2022-6-27 20:42:04 係 我自己都最鍾意kitty
由集郵到沉船 想俾熙知又要扮講笑
又要唔在乎其他人點睇
明明係軟弱又要扮堅強
係成套故入面 最立體嘅角色

鐵拳無敵鍾培生 2022-6-27 21:23:02 認同
但又好慘，最終都只係畀熙哥當飛機杯

山區兒童窩巴 2022-6-28 01:03:20 巴打識貨

:^(

:^(

小你個大老母 2022-6-28 20:55:09 🥲🥲

葉開葉開 2022-6-29 13:18:32 山區巴

:^(

葉開葉開 2022-6-29 13:19:38 都唔係另類既，應該都仲有其他讀者係咁
多謝支持

:^(

葉開葉開 2022-6-29 13:20:02 露出狂

:^(

葉開葉開 2022-6-29 13:20:40 可能之後仲慘

:^(

葉開葉開 2022-6-29 13:23:36 三百九十二

「你去左送機？」八婆儀向阿必怒目而視。

阿必似乎仲唔知自己即將身陷險境，仲一臉得意招積咁說道：「係呀！穎琳BB走果日仲喊得好犀利添！我諗佢一定係好唔捨得我果日先喊到咁！」

如果阿必知道果日鄭穎琳係因為唔捨得我呢個地下前男友先喊到咁會點呢？

啊，不過佢最好真係乜鳩都唔知。

八婆儀聽到阿必既回答，猶如火上加油，食食下都忍唔住企起身走埋去阿必身旁大大力扭佢耳仔，怒道：「佢係因為唔駛再見到你所以開心到喊咋！」

「嘩，痛呀痛呀！」呢一幕非常熟悉，我仲以為去左日本之後有排都見唔到：「痴線，放手呀男人婆！」

「邊個係男人婆！」八婆儀越扭越大力了。

連忍者欣都響度努力忍緊笑，更加唔好講周圍望住果啲唔識既同學了。

係幾好笑既。

但一諗起試腳好可能會失敗、秋兒姐姐全情投入Jonathan搞既讀書會，我都真係冇乜心情去笑。

*

食完飯之後我同阿必去左屋邨球場搵文叔佢地踢波，然後直踩去九龍仔運動場出席球會既練習。

我雖然有啲心不在焉，不過練習時既表現都幾好。

畢竟呢度唔係日本，啲練習方式其實都練慣練熟。

「熙仔。」陳sir響練完波之後叫停左我。

「係？」

陳sir面帶微笑咁向我說道：「想唔想聽個好消息？當然仲有一個壞消息。」

我心中一突，莫非係試腳果度有好消息？定係壞消息？

「想啊。」

「咁你想聽好消息定壞消息先？」陳sir問。

「呃…好消息？」咪撚玩勁我喇陳sir……

「哈哈，日本加藤先生今日下晝比左個電郵我地，話你正式通過左試腳喇。」陳sir笑道。

我心入面有種鬆左一口氣既感覺，道：「真係幾驚唔得…點解會搞咁耐架？」

「加藤先生都有同我地解釋。」陳sir笑道：「始終你唔係日本人，要說服佢地既高層比你呢個外國人加入並唔係一件易事。」

屌，又係呢啲日本仔既排外主義。

「咁係咪仲有一個壞消息？」我問。

我問呢句既時候其實都有小小緊張，係咪試腳加盟方面仲有咩變數？

陳sir哈哈一笑：「係啊，係一個都好壞既消息。」

我心中一驚，但睇陳sir笑到咁撚開懷，我又聯想唔到究竟係咩好壞既消息。

「咁係咩事？」我問。

「我地球會少左個東亞少盃神射手喎，仲唔係壞消息？」陳sir笑道。

「噢…」

啊，原來係指呢樣野。

咁響球會層面黎講，少左個王牌射手又真係壞消息。

「哈哈，熙仔，我講下笑架咋。」陳sir哈哈一笑：「你可以響日本發展，我同垃生不知幾高興。」

「嗯…」

「你知我地球會一路以黎都係以出產到出色既青訓產品而自豪架喇！」陳sir笑一笑。

「多謝你地培養我。」我真心多謝陳sir同球會架。

如果唔係流○，我冇可能踢波可以踢到入港青、拎東亞少盃冠軍同神射手，更加冇可能有而家呢個試腳既機會。

係流○令我由街場仔，變成一個真正既足球員。

係陳sir教識我點融入一隊球隊。

「唔係靠我地架。」陳sir笑道：「係靠你自己架。」

「咁我幾時出發？」我都好關心呢個問題。

「加藤先生今個星期日會飛過黎，你可能搞唔切退學手續已經要飛定過去。」陳sir諗左一諗，又道：「不過我諗退學果啲可以交比家長辦理既，呢個唔係大問題。你收拾好心情同行李就出發喇！日職呢條路唔易行架。」

「嘩，咁快？」我到呢一刻仲係有啲發夢咁。

「係呀。」陳sir又笑道：「快啲唔好咩？」

「咁又唔係。」等左咁耐，而家話黎就黎，個感覺好似有啲唔實在咁啫。

「今次我唔陪你架喇，最多送到你去機場喇。」陳sir道：「你好快就會正式成為浦和紅○既一份子架喇。」

「我今個星期六一定會踢場好波既！」諗起今個星期六仲有一場對公○既青年聯賽，呢場似乎會係我既告別戰。

陳sir有啲驚訝：「你可以唔踢架喎，一陣臨轉會之前整親就唔好喇。」

諗起球會同陳sir對我既培育之恩，我斷然道：「比我踢埋佢喇，我咁先可以報答到你地同叫做臨走之前送份勝仗比你地做禮物。」

陳sir諗左一陣，然後笑道：「既然你都咁講，咁我冇理由唔出你喇。」

「嗯。」

就係咁，試腳終於有個好既結果喇。

（待續）

歲月長衣裳薄 2022-6-29 13:28:42 唔通熙熙要步山度士嘅後塵

:^(

Sanitario 2022-6-29 13:29:51 仲有之後

:^(

鐵拳無敵鍾培生 2022-6-29 13:30:45

:^(

奶油蛋糕多奶 2022-6-29 13:57:44 去日本前呢場波斷咗腳？

文殊菩提子 2022-6-29 14:05:21

陳sir有啲驚訝：「你可以唔踢架喎，一陣臨轉會之前整親就唔好喇。」

諗起球會同陳sir對我既培育之恩，我斷然道：「比我踢埋佢喇，我咁先可以報答到你地同叫做臨走之前送份勝仗比你地做禮物。」

立晒flag

:^(

:^(

:^(

:^(

:^(

:^(

傪過番印度 2022-6-29 14:14:55 屌架妹之旅正式開始

:^(

紅色是利記 2022-6-29 14:57:53

:^(

:^(

:^(

收皮當減肥 2022-6-29 16:08:50 屌 即係斷硬腳啦

:^(

即是咁 2022-6-29 17:24:45 阿sir立咗flag

:^(

:^(

山區兒童窩巴 2022-6-29 17:42:28 推推

開飯有益 2022-6-29 17:50:11 推下先

萌貓家臣 2022-6-29 20:38:59 係咪莊尼芬搞事，令熙仔出事？

寧釆臣 2022-6-30 12:10:27 推推... 推！

.............. 2022-6-30 16:43:49 去到日本咪要諗過哂d人

:^(

受傷係必然既事

TyreseMaxeyyyy 2022-6-30 17:06:02 push

張郎 2022-7-1 05:58:10 香港baggio