Ads
唔好傻啦 香港人雖然買唔起樓, 但唔代表無慾望 但港女 會追韓星, 等新手機 港男會 等下一期海賊王, 等新game出
唔好傻啦 香港人雖然買唔起樓, 但唔代表無慾望 但港女 會追韓星, 等新手機 港男會 等下一期海賊王, 等新game出 無慾望同低慾望2樣野:^(
香港物價高,但係班人仲係好想消費wor:^( 係樓價同租金太貴,令到班人唔想買樓買車姐 其他野唔見得香港人冇意欲消費:^(
共產黨想香港人絕種 有能力既走 冇能力既捱到唔敢生一代 係咁種族清洗:^(
話說,近日就有篇文章,講到日本著名管理學家大前研一評述日本已經陷入「低欲望社會」;睇返以下跡象,香港都有少少似:
物價點低,班友都唔消費
30歲前買樓人數逐年下跌
年輕人對買車開始無興趣
「中產生活」模式開始被嫌棄
今時今日部份香港年輕人,已經開始唔使錢,加上唔想生仔,更加壓抑消費;「低欲望社會」通常都有個現象,就係年輕人好識安慰自己,壓抑買樓欲望,例如以「簡單生活」、「開心唔使住大屋」、「退休唔使多財富」勉勵自己,因為「錢買唔到生活」,住一格階磚都可以快樂。
或者因為信仰,變得清心寡慾,或者因為死心,知足常樂,如果香港都步入「低欲望社會」,租樓月光族就唔成問題,因為餐餐清,隨遇而安,唔使上流,「海之戀」都唔一定有戀愛,因為天大地大,十幾個車位,都唔畀放張床。
不過睇返日本呢個「低欲望社會」,其實問題都好大,例如經濟唔會點增長,社會唔會再點進步,唔只人口老化,甚至連企業都失去生命,成為一個食老本城市;有錢人外流,教育亦因為有錢人唔關心而愈來愈差,年輕人喺呢種城市生活,會好世故,好快就無上進心,當阿爸叫佢上進,佢會話:「而家個世界係咁架啦。」無錯,「低欲望社會」的確係咁。
如果香港有一日,真係完全變態成為日式「低欲望社會」,你可以咁,如果你無錢,不妨教仔女清心寡慾;以日本為例,既然年輕人有欲望仲痛苦,例不如無欲無求,五大皆空。(荷包空、戶口空、屋企空、肚空空、工作空)但如果你有啲錢,就可以努力為子女擺脫「低欲望社會」了。
不外乎離開,日本就係咁,有錢嗰批,都唔會住日本。不過講到底就係,你想唔想離開罷了。