【我與你不曾相見，但請你就此安息】《殺手榜》

墨說 2017-6-27 22:59:25 「子丹？你好撚好打？」他的名字，令我聯想起《葉問》那一套電影。

「作為一個笑話，我會俾零分。」子丹答。

跟陌生的人同乘一部升降機，而距離層數又是那麼遠的時候，這種僵硬硬的氣氛真的令人透不過氣來。

「殺狗會叫我過嚟做咩。」上升到達四十層時，我禁不住耐性問。

「上到去見幹部，你就自然知。」子丹答。

「你哋仲有冇招收新血～」

「冇，依十年嚟除咗一個人之外，冇一個殺手可以成功通過考試進入「殺狗會」效力。」子丹繼續擺著那張冰冷的嘴面。

「叮」，清脆的一聲，升降機到達大樓最高的層數８０層了。升降機門一打開，便是一條既長又高的走廊，地上鋪放著黃邊紅底的地墊，一旁放置著對稱的火把，最盡頭處的大門刻印著「殺狗會」的圖案，整個感覺森嚴又神秘。

「請行。」子丹為我領路。

我跟在子丹他的背後一邊凝視住盡頭處，一邊想著它們叫我來有何用意。

「喀──」大門被子丹推開，眼前的空曠房間隨即於目中出現。

中央處類似王座的大坐椅，左右兩旁各放著兩張中型的王椅，如同古時歐洲帝皇與親兄弟同坐的排場，極之氣勢。

而且，五個王座之上…都坐住了一個人

海大富 2017-6-27 23:08:39

:^(

RedQ 2017-6-27 23:18:22 殺狗會。。。

RedQ 2017-6-27 23:18:44

殺狗會。。。

賭博日記？

墨說 2017-6-27 23:20:51 從他們端正的坐容觀察，我一看就知道此五人應該便是當今「殺狗會」最高執行的主管幹部層。

「四男一女…」我望住他們，唸唸碎：「竟然揀大半夜叫我嚟…我聽日仲要返工啊…」

「人間兵器──右疚。」其中，坐在左一的幹部先執起桌上的文件，讀出我的過去：「孤兒院長大，曾經效力月家殺手組織，戰績係一夜殲滅３０４個傭兵，及後退隱殺手圈達十年。」

聽著自己的過去，就自然會想起某些不愉快的回憶：「講完？講完我就走，呵欠…聽日仲要返工。」

「咁嘅戰績居然要金盤洗手…真係浪費。」那臉態近老的幹部放下文件，嘴角陰淺地勾起了一下。

「直接講重點。」我抬頭望住他：「你哋「殺狗會」叫我嚟想點，我已經唔係殺手。」

「我哋有個任務要交俾你。」

「嘖…」我雙手放袋，準備就轉身：「你另謀高就。」

「啊～果然好有性格，如果咁呢？」五人之中唯一的中年女性，對掛在耳旁的無線電說：「一號狙擊手。」

掛在牆上的電視隨即開啟，畫面狙擊鏡的第一人稱鏡頭，而鏡頭的十字畫面最終停在一個我熟識的人身上……

「Agnes…」望住電視中的畫面，我稍稍低頭：「你威脅我？」

墨說 2017-6-27 23:22:06

殺狗會。。。

賭博日記？

個喻意好正

甘草123 2017-6-28 00:00:07 支持好耐冇睇墨哥出品

RedQ 2017-6-28 00:04:27

殺狗會。。。

賭博日記？

個喻意好正

估唔到個個post 能夠成為墨巴故事既其中一部分

:^(

唔知遲啲會唔會見到post入面啲人名呢

艾斯柏斯BB 2017-6-28 01:39:36

:^(

雪糕味雪糕 2017-6-28 01:41:40 殺狗會同V14邊個勁啲

:^(

無限可能性 2017-6-28 02:49:28 子丹

:^(

黑沙？

墨說 2017-6-28 07:37:15

子丹
:^(
黑沙？

PAP 安區公會

:^(

墨說 2017-6-28 07:37:50

殺狗會同V14邊個勁啲
:^(

:^(

殺狗會可以同特工部對打

傲霞 2017-6-28 11:17:26 此回覆已被刪除

傻仔先會暗戀人 2017-6-28 11:32:38

:^(

東東（企鵝） 2017-6-28 18:34:32 點解咁快就live咗

:^(

仲諗住有排追屌呀！！！！！

東東（企鵝） 2017-6-28 20:01:20 墨巴，啱啱走去睇返十少年，你啲文筆好咗好多，唔好意思都要講，睇完你而家啲故 (由背叛者，十四天開始)，之前嗰啲有些少唔想睇嘅感覺

:^(

唔好介意

粗人敵卡 2017-6-28 20:09:51

墨巴，啱啱走去睇返十少年，你啲文筆好咗好多，唔好意思都要講，睇完你而家啲故 (由背叛者，十四天開始)，之前嗰啲有些少唔想睇嘅感覺
:^(
唔好介意

十少年同依家嘅故
進步真係好大

:^(

墨說 2017-6-28 21:40:10

墨巴，啱啱走去睇返十少年，你啲文筆好咗好多，唔好意思都要講，睇完你而家啲故 (由背叛者，十四天開始)，之前嗰啲有些少唔想睇嘅感覺
:^(
唔好介意

正常

:^(

因為我一直進化緊

調理農務系 2017-6-28 22:53:50 始終最鐘意都係十少年2，可能夠黑暗

墨說 2017-6-29 00:00:46 「你可以唔理佢，係你選擇嚟。」其中一人道。

「佢係我師傅嘅愛女，你哋試下郁佢一條頭髮。」我盯住王座上的五人。

坐在最左側的幹部笑著，說：「有殺氣…不過我哋要你做嘅事好簡單，登上殺手榜第一位。」

「…」

「我哋知一個殺手放低把刀咁多年，再次拎返起總會有啲陌生，不過為咗佢嘅安全，你都有必要接受是次任務。」他望住電視中的Agnes，她正坐在一間貓Cafe喝咖啡。

「點解要係我。」實力高強的殺手那麼多，為何偏偏要是我。

「因為得你，先引到佢出嚟。」

隨後，他便把一張角度看似從遠處偷拍的照片給我觀看：「左悔。」

「左悔…」眼見自己朋友出現在照片上，我愣住了。

「經過我哋調查，佢係一名政府特工。」

「冇可能，佢以前同我一齊入行做殺手。」我說。

「咁我就講白啲，最近我哋「殺狗會」成員都遭到連番暗殺，至少已經有六名幹部級成員已經因此被死，所以我哋搵身為佢朋友嘅你出山，目的係想引佢出現。」

「要我出賣朋友？」這種勾當，我做不了。

「乜你哋仲係朋友？」

墨說 2017-6-29 00:10:01 他的說話，令我想起自己退隱前，最後的任務。

沒能保護好寶華的我們，任由雨水滴在我們身上、雙手染滿鮮血的走到去一處廢工廠。

眼上流著到臉頰下的是雨水還是淚水，我分不清。

「報仇‧‧‧右疚！去報仇啊！！」左悔緊握著我的頸領，推我到牆角：「佢哋殺咗寶華‧‧‧‧‧‧佢哋‧‧‧」

「左悔‧‧‧」我雙目放空，頭腦一片空白：「已經‧‧‧已經完結‧‧‧‧‧‧放手吧‧‧‧」

「你唔去啊嘛？我去！」左悔一手將我推走落地，然後便握住手槍利用僅餘的子彈，一拐一拐的回去戰鬥。

那一天起，我就再無見過左悔。

他就好像徹底地消失了一般。

情色漫畫老師 2017-6-29 00:17:01 雖然都好睇
但係説好的離魂記呢

:^(

唔係話2017 一定要得咩

一口茶 2017-6-29 00:18:26

:^(

墨說 2017-6-29 00:22:06 理所當然地，如果他還活著肯定會恨我，恨我沒為到寶華報仇。

如面前這個討厭的傢伙所說，我們某程度上的確不再是朋友了。

「考慮成點？我哋會提供一切你所需，包括金錢。」他再加上一句。

沉思著的我只是想著，如果我能再見左悔一次，我只想跟他說一句──抱歉。

為那天失去戰意的我，說一聲對不起。

「我都應該冇權拒絕？」我望住電視上被狙擊槍瞄準著的Agnes。

「呵呵，唔好咁講，我哋「殺狗會」係好民主嘅協會。」那名幹部沉笑道。

「我接受。」如果可以再一次見到左悔，及保護到師傅愛女的話，這就是唯一的選擇。

我道出這句後，他們都點了點頭。

「子丹，你就負責講解詳情同聯絡佢。」那名女性幹部指派著：「右疚，子丹佢以後就會係我哋嘅傳話人，有咩就聯絡佢。」

整個會面結束後，那個叫子丹的便跟我回到走廊之中，往著升降機的方向走著。

「期待你嘅表現。」子丹說。

「我要點做？」我望住長直的遠方，其實答應他們的那一刻，我還未有真正的覺悟重返殺手的道路。

「首先，熟習番暗殺技巧先，再隨便去搵一個殺手組織加入，慢慢喺入面接任務、建立名聲，你殺手榜嘅排名就會慢慢增加，到時你登上頭五位，你嗰個叫左悔嘅朋友‧‧‧自然會留意到你。」子丹答。

「你哋「殺狗會」唔係可以bug分數俾我即刻上頭五位？殺手榜分數好似係由你哋「殺狗會」控制。」我問。