粗人敵卡 2017-7-20 21:25:32 打電話上門毀屍滅跡
個古惑仔以為男主去call白車

:^(

各位觀眾-三條柒 2017-7-21 01:43:14

:^(

垃圾工程仔 2017-7-21 03:50:22 終於live

:^(

7plus256 2017-7-21 07:42:46 此回覆已被刪除

鯨留玉乳 2017-7-21 10:13:35 John wick

:^(

Skip 咗死神故

:^(

痴情兵 2017-7-21 10:33:08 咁似如龍....

痴情兵 2017-7-21 10:33:22 啲劇情

墨說 2017-7-21 10:56:36

John wick

:^(

Skip 咗死神故

:^(

why

:^(

墨說 2017-7-21 11:05:27 小混混果然就是小混混，跟意大利的黑手黨或是美國的黑幫都差上一段距離。回家後我快快洗澡，剛才那血汗的臭跡便一一洗脫。



「De‧‧‧」用毛巾擦著頭的同時，手機便莫名震起。


「喂，子丹？」我先開聲。


「你搞緊咩任務。」他直接問。


「要殺‧‧‧兩個小混混嘅大佬。」


「咁立即放低手頭上工作。」


「‧‧‧」難道我得罪了什麼緊要的人物？


「你喺殺手榜追分實在追得太慢，殺一個人都要用幾日、幾個星期去策劃，所以我有個方法幫你極速上榜，不過好危險。」子丹話語帶有警示。


「你咁勁～講嚟聽下。」浴室中的我穿回衣服。


「聽日嚟「殺狗會」總部。」

墨說 2017-7-21 11:11:03 聽子丹這麼說後，我對住窗外夜空想了一想，在翌日就提著那二千萬的手提箱去到琳琳家中住處。


「叮噹～」


「邊個‧‧‧」她虛弱的聲線。


「我。」


琳琳小心翼翼地把門打開，望住門外的我。


「以後唔好再吸毒。」我把整箱錢給她，說：「交俾另一個大佬，同佢講你已經還清所有責。」


「‧‧‧咁‧‧‧咁我借你錢，嚟委託你嘅事‧‧‧」


「啊～已經唔需要，我好似到一個更加大嘅委託？」我挖一挖耳孔，就遙遙地離去：「唔好再吸毒，有緣再見。」


該死的子丹，原本我是想殺了兩個黑社會佬大再獨吞這二千萬，當作琳琳付我的委託金，現在全都泡湯了。


希望‧‧‧


那個叫琳琳的會改過自身吧。

墨說 2017-7-21 11:20:58 在交付完一箱錢給琳琳後，我就乘車到「殺狗會」總部。大樓內如常地人疏稀少，整橦大樓像是用來養鬼一樣。


我到達了子丹叫我去的２４樓，裡面陳列得跟普通辦公室沒兩樣，一出走廊往左邊看，便可以見到子丹和三個人正坐在一間玻璃房中，似是相討著什麼要事。


「等咗我好耐？」我問也不問，就推門進去。


他們四人的討論一瞬間中斷，不約而同地用著那鷹般銳利的目光盯住我。


「阻住咗你哋‧‧‧？」我攤開雙手，退後一、兩步。


「冇，只係估唔到你咁早嚟，仲以為你依種人鐘意夜晚先出街。」子丹的面目總是厭世一樣，令人十分不爽：「你應該唔知咩事？」


「你可以幫我極速追上排行啊嘛？」我無可奈何地搖頭，背靠玻璃窗邊：「有乜嘢唔可以喺電話講～」


「關於政府特工嘅事，點可以同你喺電話講。」子丹沉沉地道。


「特工‧‧‧？」雖然我們跟這些傢伙有點仇口，但平日都河水不犯井水吧。


「今次叫你嚟，諗住同你一齊「殺狗」。」子丹望住我的表情，似是想觀察我內心的想法。

墨說 2017-7-21 11:48:44 子丹說出此句之後，原本晴朗的天空漸漸變得多雲、陰暗，最後更下起毛毛驟雨。


我合上雙眼，抱住手，問：「你叫我嚟，就係叫我去殺特工‧‧‧‧‧‧令我快速上榜？」


「唔單止你，係我哋。」子丹望向其餘三人，估計他們都應該是殺手：「處理一個特工，仲難過要對付一百個戰鬥傭兵。」


子丹這一句話，是刻意說給我聽。

我說過吧？「人間兵器」的稱號，便是我在外國對付了一百個傭兵而得來‧‧‧‧‧‧


「對付特工，對我有乜好處。」一直以來的殺人委託，我都沒把那些目標當作一回事。


但如今‧‧‧‧‧‧


我卻是感受到久違的心跳。


「「殺狗會」有個規條，只要你證明到自己殺死政府特工，你喺殺手榜上嘅名次就會極速上升到頭五十之內，或者可以直接進入「殺狗會」工作‧‧‧‧‧‧因為已經證明到你嘅實力。」


可以直接進入幾年間沒有收過新人工作的「殺狗會」，可以看出對付特工的困難性。


我自己沒有遇過，只是十年前在殺手圈時曾經聽聞過，對方的政府組織特工部追殺過數以百計的殺手，一直都是零傷亡，直至十年前「八荒極殺」被特工部圍攻的那件事，才令到對方的傷亡數量有所增長。


「一班受過菁銳訓練嘅人‧‧‧」我淡淡地哼笑一聲，說：「你搵我嚟做拍擋？」


「倒不如話我唔幫你上位，點搵到你朋友左悔。」子丹反道。



「轟隆──！！！」天空打起雷來，如同龍一般劃破雨空。


「我哋五個人夠做？」我望向其餘的殺手。


「原本諗住叫埋「霸天」～可惜佢經常性行蹤不明，照理就聯絡唔到佢。」入面其中一個穿住中國唐人服裝的殺手無奈地笑著答。


「霸天‧‧‧殺手榜第一位嗰個‧‧‧」我喃喃自說，想起我經理人曾經跟我說過。


「呢個人根本一開始就唔洗預佢。」子丹稍稍按低了軍斜帽，掩蓋住自己雙目：「佢從來唔會聽「殺狗會」指示。」


「佢係一個點嘅人？」基於好奇心，同為殺手的我想知道我與他的差距。


剛才那唐裝殺手說：「佢？三不明囉～背景不明、行蹤不明、外貌不明，唯一明嘅就只有佢嘅實力，的確係頂尖嘅殺手，因為佢係以暗殺特工為目標嘅～」


「‧‧‧」我瞳孔稍為曠大了一點。


另一個外表酷如少年般年輕的殺手接著說，比較沒有多懶音，說話清晰：「傳聞佢原本係一流嘅特工‧‧‧‧‧‧只不過喺特工界好似遇上咗某個同行勁敵，敗戰後令佢加入殺手‧‧‧要對付所有特工‧‧‧‧‧‧包括將佢從巔峰擊敗嗰個人。」

Angela_Yuen 2017-7-21 11:56:20 應該又係輸咗比zero wind

:^(

墨說 2017-7-21 12:00:06 「唔‧‧‧」我點點頭，望向剛才為我解答的二人：「未介紹。」


「樂皮。」那說話清晰，有著年輕皮膚的殺手答。

「叫我上官唐笑～」穿住唐裝的殺手回答。


還有另一個髮型跟我相同風格，紮著小尾的殺手未跟我自我介紹。但見他樣子沉著，一副不想人打擾的表情，我就不問他了。


「右疚。」我主動地跟那兩個自我介紹完的殺手握手。


工作關係進展得不錯，二人都樂意跟我握手。


媽的‧‧‧另一個是為了顧著自己殺手形象，而不想跟我放開懷抱地認識嗎？


「小朋友嘅自我介紹遊戲結束，講番正題。」子丹盯了我們三人一眼，續說：「我哋目標叫「２７號特工」‧‧‧‧‧‧」


「等等‧‧‧點解叫「２７號特工」？」我提出問題。


「有咩問題？」子丹一貫地擺出厭貌。


「佢無特別嘅稱號？」


上官唐笑舉高一隻手指，立即解釋：「一般而言呢～特工唔似得我哋殺手咁多稱號，佢哋為咗有效率條理都會稱特工為幾號幾號，號數代表佢哋實力，實力第一嘅特工就會被稱為「頭號特工」，係獨一無二嘅～」

目黑 2017-7-21 12:06:50

:^(

:^(

墨說 2017-7-21 12:18:31 「明哂。」我點頭，示意子丹繼續。


「我哋搵到２７號特工嘅線索，係基於有三個殺手喺過去半年內都死喺佢手上，好不容易地‧‧‧‧‧‧」子丹望住桌上的文件，稍稍用力捏緊住那些紙張：「搵到佢嘅資料。」


「今次照舊，我同唐笑一齊做後援？」十足有為青年的樂皮問。


「係，我負責指揮。」子丹盯向那一言不發的殺手：「蔓珠莎華，你同右疚一齊落場作戰。」



玻璃房一片沉靜，良久那個叫蔓珠莎華的才嘆出一聲：


「唉，隨你便。」


「分咗資料俾你兩個睇先，我同唐笑仲有子丹都已經背到好熟，咁樣任務成功率都會大好多。」樂皮分別把資料分給我與蔓珠莎華。


我單手接過資料文件，揭來看看：「２７號特工，專用武器PPK嘅S系列德國款手槍‧‧‧」

我個名有柒個字 2017-7-21 12:58:15 lm

Thanksforsharing 2017-7-21 13:18:01 霸天係咪傲家個個霸？

座右銘 2017-7-21 14:04:52

:^(

答應不愛你 2017-7-21 14:16:24 已經唔記得霸天係邊個

:^(

墨說 2017-7-21 14:26:46

已經唔記得霸天係邊個

:^(

冇出過場

鯨留玉乳 2017-7-21 14:35:12

John wick

:^(

Skip 咗死神故

:^(

why

:^(

因為唔係用墨説個名

:^(

前座獨男 2017-7-21 14:45:01 墨巴想問聽日見到可唔可以影相

:^(

墨說 2017-7-21 15:00:52

墨巴想問聽日見到可唔可以影相

:^(

Ok 但不要放上網就得

因為我毒撚唔太鐘意出樣

:^(

前座獨男 2017-7-21 15:09:37

墨巴想問聽日見到可唔可以影相

:^(

Ok 但不要放上網就得

因為我毒撚唔太鐘意出樣

:^(

ok 收埋自己J

:^(