【我與你不曾相見，但請你就此安息】《殺手榜》

墨說 2017-7-7 21:09:30 我FB發表咗一篇偉論，請各位去睇睇

墨說 2017-7-7 21:09:41

話說虔誠者外傳呢

未寫得出住

墨說 2017-7-7 21:10:01

[quote]墨巴幾時出個戰鬥力表？
:^(

好難出，雖然我心中有一個答案
:^(

咁有無頭3名？
:^(

zero wind
:^(

小一🤘🏿

子松（死後）>紅男>張靈風=霸天>傲天=沉默死神>墨龍

墨巴你好，我岩岩睇完虔誠者啦
:^(

:^(

前兩個有冇巴打可以講一講係邊個故事到黎架？
:^(

:^(

十少年

十少年2

用下個腦啦 2017-7-7 22:27:10

八方雲集遇著zerowind應該被屌打
:^(

有霸天應該唔會屌打

霸天咪係zerowind
:^(

不過赤皇竟然唔入三甲

:^(

落晨晞 2017-7-8 00:06:20

八方雲集遇著zerowind應該被屌打
:^(

有霸天應該唔會屌打

霸天咪係zerowind
:^(

不過赤皇竟然唔入三甲
:^(

死咗

:^(

我識條春 2017-7-8 00:08:44 霸天唔係俾zerowind殺左？

冇雀的腳仔 2017-7-8 00:19:46

八方雲集遇著zerowind應該被屌打
:^(

有霸天應該唔會屌打

霸天咪係zerowind
:^(

不過赤皇竟然唔入三甲
:^(

小一排第六

:^(

冇雀的腳仔 2017-7-8 00:20:49 墨巴唔係夜晚出文

:^(

有文未

符卓希 2017-7-8 00:43:11

個肥婆會唔會係變態佬監視出過嗰位
:^(

:^(

你係元祖級讀者喎
:^(

宗一表白嗰個肥婆

:^(

樹熊仔 2017-7-8 01:04:04

:^(

墨說 2017-7-8 06:23:11

墨巴唔係夜晚出文
:^(

有文未

訓著了食啲野就出

粗人敵卡 2017-7-8 07:35:30

墨巴唔係夜晚出文
:^(

有文未

訓著了食啲野就出

:^(

墨說 2017-7-8 08:03:46 在我們二人思索期間，我手機收到一則訊息。是那個自稱在法醫部工作的舊同學傳來的，問我要否參加下星期六的舊同學聚會。

本打算直接一句：「不了」的去應付，不過打著字的時候，「天天向上」軟件發出一項新任務給我，想要我出席這場聚會。

「‧‧‧」在苦思之下，我無奈地決定出席。

跟人與人之間的聯誼交往，我想正常人也需要有一點吧。

「咩app嚟？」Agnes發現到我手機中的畫面。

「冇乜嘢。」我把手機給她拿著看。

Agnes淡淡笑：「咁得意嘅？」

「一個幫殺手重返正路嘅軟件。」我說。

「你要去參加舊同學聚會啊？」她更偷看我手機的內容。

我馬上一手把手機拿回到手中，答：「嗯。」

「咁你一定要著套西裝去喎。」

「點解？」

「人靠衣裝，佛靠金裝～就算你真正嘅人生幾失敗都好，只係你係男人著起套西裝就會即刻喺人哋印象中加３０分。」

墨說 2017-7-8 08:30:22 「嚟，聽日帶你去。」Agnes微笑。

如是者，暫時未接收到任何暗殺委託的我們，就用著這空檔的時間去做些別的事。

例如，Agnes她跟我出街，幫我選了一套筆直的西裝。頭一次站在鏡子前望住自己，好像找回了自己的尊嚴一樣。

「黑外套白恤衫，加埋你凌厲嘅眼神‧‧‧殺到唔少人？」Agnes為我拉直領帶。

「我有個問題。」稍稍抬高了頭，直望住前方的我問：「點解你要長到出席喪禮咁？女仔人家‧‧‧就唔係應該著啲充滿色彩味道嘅衫褲？」

穿住全黑長裙禮服的Agnes答：「因為，入得依行就總有一日會死，既然我無親無戚，就倒不如先為自己著番件得體少少嘅喪服。」

「做殺手，就單單為咗報仇？」我望住鏡子中的Agnes。

她過了好一會才答：「亦係因為‧‧‧除咗成為殺手，我別無他法。我接受唔到成家入面，只有自己一個苟且咁生存，我做唔到‧‧‧當家人嘅死係無一回事。佢哋既然係殺手，咁我都要跟返佢哋條路，或者呢個就係我所謂嘅目標，又或者我係等緊死個一日。」

「唔‧‧‧」我合上眼睛，說：「咁我就成為你手上嘅兵器。」

「‧‧‧」

「不過同你有個約定，」我望住了她。

「？」

「你完成目標之後，就要脫離殺手圈。」

Agnes眼波一瞬間彷似萬千個念頭閃過，最後淡然地點頭。

不知道她是否答應了我，只是同一番說話‧‧‧

我也曾經同她的家姐說過。

「咁我就成為你手上嘅兵器！」

只是我這次說出這一句時，已經再沒有當時的熱奮。

墨說 2017-7-8 08:44:57 一星期好快地過去，毛雲「天天向上」的軟件彷彿與我的生活融入了一樣，成為我的智慧管家，令我每天總有多少特別的變化。

例如陽光普照會去行山、雨盤傾盡會去游水，又會去不同的食店用餐，刻意令我覺得人生有無數的可能，做一個普通人是如此的幸福。

終於，也來到了舊同學聚會的這天。

地點在葵芳的一間Party Room，聽說裡面空間大得很，可以唱歌、跳舞、玩電動等等。

就像派對新手的我，未入去之前就覺得這種聯誼比殺人更加緊張、更加恐怖，是我有社交恐懼症嗎？

「啊‧‧‧」我停在派對房門外，腳就是步不到入去：「果然都係唔得‧‧‧」

「喂喂！你係咪我舊同學嚟架？」此時，遠處一名也正打算入去的男生跟我打句招呼。

他穿住甘綠色的T-shirt、米色的七分褲、波鞋，及戴住一副眼鏡，外表很是‧‧‧‧‧‧優閒。

「咳‧‧‧」我裝咳嗽一聲，說：「你入去先？」

「好啊。」他毫不在意直接就推門進去。

同時，我亦都跟隨其後，來減低入去後被人注意的機率。

果然，大家都把注意力放在他身上，我則像個平凡人一般混了進來派對房中。

房裡燈光淡淡昏暗，有著多種娛樂設備，想不到現在居然會有這種地方。還以為什麼聯誼都要在酒店中舉行，這樣舒舒服服的感覺也是不錯。

墨說 2017-7-8 08:59:31 可能男女比例之間有所差異的關係，平均每六個男生就圍住一個女生談天說地，從女生的面上表情看來，有點不自然地陪笑著，真是個令人尷尬的場面。

我坐在沙發上百無了賴的，所以便去了一旁的房子，拿些吃的喝的。不得不讚派對發起人買來了一些白酒、紅酒，正好適合我。

「阿疚？」是那個法醫女生，她走了過來。

「你一早嚟咗？」我心裡自覺好不自然，但還是裝住一副若然的樣子去為自己倒紅酒。

「嗯，好開心你都嚟咗。」

「唔‧‧‧」我慢慢品嚐著紅酒的美。

太劣價了吧‧‧‧

「唔阻你，慢慢玩。」可能她見我反應都是想自己一個，便不阻我自行離開了。

「咁好機會都放過？」一名四眼、梳著斯文蛋撻頭的男生走過來。

「機會？」我問。

「貴姓啊你？唔記得咗你邊位。」他問。

「姓右名疚。」

「喔‧‧‧有啲印象，總之我記得你返學都係唔出聲個堆嚟？」旁邊的這位舊同學說著：「我叫明仔啊，你應該唔記得我，算啦～我都係過嚟搵水吹等自己冇咁柒。」

「‧‧‧」

「我啱啱講嘅機會，咪就係食咗條女囉！」

「食女？」

「即係哄到佢開開心心，之後哄埋上床！」

「咳‧‧‧我冇興趣。」

「乜你架～！係呢，邊行啊你？」

「我‧‧‧」我隨便想了一個職業出來，說：「做緊經理人。」

「經理人？演藝個啲？」

「你當係。」

「喔，我做地產嘅‧‧‧唉，睇嚟今晚啲女仔唔到我識架啦。」

「你想認識女仔？點解唔去正經識過，聯誼就應該只係朋友之間嘅聚會？」

「你諗嘢咁奇怪架右疚‧‧‧‧‧‧」

愛熊撚 2017-7-8 10:41:32 推

:^(

雪糕味雪糕 2017-7-8 15:41:48

:^(

粗人敵卡 2017-7-8 17:10:17

:^(

大鹿帽 2017-7-8 17:26:05 live左

:^(

唔知最後女主擺唔擺脫到個枷鎖

:^(

樹熊仔 2017-7-8 19:14:40

:^(

7plus256 2017-7-8 19:36:43 此回覆已被刪除

草莓綿綿冰 2017-7-8 19:44:58

:^(

冇雀的腳仔 2017-7-8 20:25:35

:^(

又一年 2017-7-8 21:19:34 加速

:^(