Ads
幾經辛苦終於申請到個帳號支持樓主
嘩～～ 連cd rom 也引出來了！ 真是不得了！
多謝多謝
（還有樓上專登login 給正皮的那位）
創作其實是一個無比孤獨的過程， 有時還要把心事真心的挖出來， 但會換來冷淡
自知題材不及甜故過癮，也以男性市場為主
不過保護作者脆弱玻璃心， 人人有責！
Cd rom 快d 來留言！
自膠一打
引用
我將故事繼續猜想下去，當然就是Katy 的學費給了阿威去交，然後Katy 每天也要扮返學，當然她會做一些教琴的工作，但是大部份時間也要找地方躲起來，最後她步入了援交這條路................
這的確是一個可憐的故事，但是我想了一會後說：
"OK ! 你嘅故仔係好慘，但係我係都唔好過。你諗下係一個點樣絕望嘅人先至會決定去澳門賭一鋪生死?
我雖然仲係輸緊錢，但係我贏左追返嚟嘅錢總係會攞嚟同你一齊飲飲食食氹你開心...........
但係你就勒索我廿萬啊!!! 仲睇住你細佬搵黑社會打我 !!!! "
" 我細佬唔係乜嘢黑社會，另外果兩隻野都係佢啲冇料到既豬朋狗友。 我千叮萬囑過，佢亦都應承過我唔會打你，最多係有啲肢體衝突嚇下你，佢仲話十拿九穩覺得唔洗郁手一定兇得到你，因為個個香港人唔會想因為涉及風化案被拘留，然後返唔到去無咗份工。但真係估唔到你會夠膽郁手先，而且仲收埋咗武器。 "
"咁點講你都係睇住佢屈我錢啦 ! "
" 我真係唔知你無錢，因為你嘅打扮同埋飲食習慣真係好似一個有錢人，平時食啲嘢同埋住豪華酒店房都算啦，嗰日你送俾我嘅名錶朱古力，個牌子既錶閑閑地都要四五十萬一隻............"
"我咪講咗我係因為工作探訪所以攞到囉 !"
"我以為你只係講大話保護自己 ..........."
我說不出話來。
" 所以我覺得你一係就屋企好有錢，一係就月薪有六位數，所以我就同細佬定左廿萬呢個對你應該冇乜相干嘅銀碼。"
"錢都算啦，你細佬依家打我呀，越打就越凶狠，仲話要踩爆我粒蛋蛋 !!!! "
"我真係唔忍心睇住你俾人打，我亦都好內疚。如果佢真係打得再過分啲，我一定會過去阻止佢同埋放你走⋯ "
"哦 ! 講得幾好聽呀 !! "
"我知道我點講你都唔會信，其實我本來諗住件事完左之後會將呢封信交俾你。"
我從她手上接過信，打開了來看。
但我真的沒有心情細看她在寫什麼，大概她的內容都是希望這些錢沒有令我造成太多困擾，她是如何需要這些錢，還有和我一起的日子真的很開心，某幾個擁抱的時刻是真心的，希望我原諒她等等。
的確那信件不可能立刻寫下， 是她假設得手後給我的真心話，而且作為犯案也是毫無必要, 隨時會變成証物。
我嘆了一口氣，感性的一面我想接受她解釋的這一切，我很想相信她是善良和迫不得已。
但理性的來說，總不能就這樣讓她不了之，也很難說她說的是事實的全部。會不會一切只是一個漂亮的故事? 一個預先設計了在失敗是說出來的劇本?
"幾好丫幾感動丫 ! 不過一封信就幫你開脫到你嘅罪名，咁真係好抵囉， 你而家勒索喎! "
"我唔會覺得我無罪囉，我係真心以諗住搵一個千萬身家嘅人，想屈少少佢唔志在既錢幫補一下屋企。
你打低咗佢哋之後我都無逃走，我講晒個故仔你聽唔係想你可憐，係交俾你發落。
你想報警好，打我一身又好，殺左我都好，我講過悉隨尊便。"
然後她閉上眼的站着，彷彿已經有準備好被強姦或被殺死的覺悟。
她的故事聽起來多麼的真實， 在各細節上也和我回憶中的東西吻合，也聽起來很合理.........
她剛才大可以逃跑，又大可以偷襲我，要不然也可以報警把我這個非法持械的人捉走。
還是說， 她也是在豪賭一鋪，企圖打動我讓不再追究?
兩行眼淚把她的眼妝溶了一點，她悲傷的表情我再看不下去了。
"你走啦，我唔會再追究。"
她的淚眼望著我。
"我不過係一個冇錢但係揾援交妹嘅大叔，本身都唔可以算係咩好人。 你嘅故仔令我好感動，我冇辦法知道佢嘅真假但係亦都冇資格去批評你嘅人生，我自己條命都係一塌糊塗。Sorry 令你誤會咗我係有錢人, 希望你將來搵到你想要嘅嘢.........."
當我準備走的時候，她說:
"你之前比左包月嘅錢，係我欠咗你，仲有冇啲乜嘢我應該做? "
我呆了一呆, 然後我說出了一句最蠢的說話。
" 比我好似第一次見你果次咁攬住你。"
她流著淚猛烈的點頭.........
但這次不是我把她抱得太緊把她弄痛了，是她用力的把我抱緊。
然後，我的眼淚失控的流出來了................
玩玩玩，這次玩出火了。
每一次也是這樣， 最初只是貪玩。
一旦玩了，便抽身不下...........
然後一世，也忘不了那一個人。
Ads
Ads