Ads
我喺來來往往嘅人群之中,一邊向九龍灣方向行,一邊周圍望吓見唔見一個著白色裇衫、黑色褸、卡其色長褲、聽緊電話嘅男仔。
「見到你啦。」但居然畀佢搵到我先。
「吓?」
「你企喺度吖。」
我停低腳步、企喺原地,望吓左又望吓右,都唔見有個咁樣嘅男仔,直到聽到後面傳嚟幾下急步聲。
「喺後面呀傻瓜!」
我回頭一望,出現喺我眼前嘅男仔梳有一頭明顯花過心思整理嘅短髮,擁有一對炯炯有神嘅雙眼同一個鷹鼻,再配上兩片厚薄適中嘅嘴唇。
「我哋終於見面啦!」
「嗯,係呀。」我腼腆地回答。
「你同張相都唔係差得好遠啫,」佢微微一笑,「真人可愛好多。」
「呃⋯⋯多謝。」
「點解約我嚟呢度嘅?你好鍾意行海旁㗎?」
「一時間諗唔到去邊呀嘛,咁呢度可以靜靜哋傾吓計都幾好吖?」
「嗯,」佢指住遠處一張空長凳,「不如我哋去嗰邊坐陣?」
我點點頭。
Ads
係咪playboy嚟 :^(
你哋唔係一早認定咗佢係? :^(
睇睇下又唔似係 :^(
其實我都唔點識分 :^(
冇相冇deep talk就咁上心我唔會信 :^(
Ads