墨說 2022-2-3 00:18:16

由於本系列第一季字數超過一百萬字，強烈建議想要追看的讀者，先在Penana閱讀《病港》故事：

https://www.penana.com/story/73992/%E7%97%85%E6%B8%AF/

——————————————————————————————————————

廣告

第一季《病港》一至八冊和第二季《病港》全數在三中商務印書局上架，如無法買到個別冊數，可到HKTVmall、豐林文化Facebook專頁進行網上購買。

希望有睇嘅讀者，都不忘買病港第二季實體書支持一下，因為銷量唔太理想

加上題材內容一啲情節有少少敏感，應該要絕版了

——————————————————————————————————————

《大貓寺小王子》實體書製作中，書中附有插畫，大約五萬字為一冊，預計新年出版]

——————————————————————————————————————

有興趣留意我最新消息同動向，歡迎Follow同讚好：

ＩＧ：ｍａｋｓｙｕｔ２００３０１６４
ＦＢ：墨說
Penana：https://www.penana.com/user/93168/%E5%A2%A8%E8%AA%AA/stream?fromsearch=%E5%A2%A8%E8%AA%AA

——————————————————————————————————————

【《病港日報》資訊區】：

——————————————————————————————————————

【會長】

——————————————————————————————————————

【顧問】

【松木村「大師匠」認可神器】：

１：鯨牙大劍
２：金鷹頭拐杖
３：夜行傘
４：黃金貝果
５：「七傘系列」
６：腦電波情緒控制器
７：巨商之戒

——————————————————————————————————————

如果想支持我創作，或者想睇《病港ＩＩ》快少少嘅話，可以到本人以下付費網站購買通行證：

https://maksyut.com/

連登每有２５０正評，付費網站和連登都會加一更，約３０００字

Ching 2022-2-3 00:18:34 Lm

墨說 2022-2-3 00:18:54 可能出於欺騙恩師的罪疚感，艾匡不好拒絕他們一番好意，同意前去病獵公會參觀。

艾匡推著賴桑輪椅和奎斯離開皇宮，其間大量反皇派人員跟隨守候，就像保護特級要員一樣。

實際上，艾匡貴為女皇，確實需要這一種待遇。

病獵公會跟倖存區只有一街之隔的關係，艾寶琳北部關口的人員特許艾匡離開，當然過程都需要反皇派陪同，而且參觀結束後不能前去其他地方。

進到公會的聖堂，反皇派決定守在外頭，始終裡面是病獵重地，該給幾分尊重。

「有冇覺得唔自在？咁多大男人喺隔離。」見身邊再無反皇派，賴桑才問。

「都習慣咗。」艾匡鬆開手，讓賴桑自己手推。

「跟我哋嚟，介紹你識一個人。」奎斯帶路，帶到去一座地牢。

下面氣氛和環境都非常陰暗，需要以火炬照明前路，牢籠裡囚禁不少像精神病患嘻嘻哈哈的病者。每當三人經過之處，牢籠最近他們的病者都定必伸手出去，想要抓扯他們。

地牢的盡頭是個較大的地下空間，簡直可以用別有洞天來形容。

裡面放著半條病劍的脊椎，一名精瘦的女士蹲著身子，像考古學家研究著那條骨骼。

「佢係你哋講嘅湯婆？」艾匡看著她，明顯感覺氣場不同。

「嗯，一位遠道而來嘅病獵大師。」奎斯舉高手，打個招呼：「嗨，湯婆，我哋返咗嚟。」

「噓。」湯婆想要安靜。

「我哋帶咗艾寶琳嘅女皇嚟，真係唔打個招呼？」賴桑淺淺一笑。

聽罷，湯婆站起了身，側半身望向後面的艾匡，眼光默默打量一番：「幾歲？」

「十九。」艾匡呆了下，回答。

湘B 2022-2-3 00:19:02 留明

墨說 2022-2-3 00:19:04 「年輕有為。」湯婆留意其腰上的劍，並問：「用劍叻？」

「比正常人叫好少少。」

「但你身上嘅傷係實力不足所造成。」湯婆稍為抬顎，戳中了艾匡內心。

「……」

「試下？」湯婆走去放滿雜物的牆壁一側，拿起一雙螳螂刀。

艾匡頓時望向奎斯和賴桑，兩人都沒有展露出不安，相信比試一下不會有什麼問題。

「咁多多指教。」艾匡屏氣凝神，劍向湯婆。

奎斯和賴桑退後一點，讓個位給兩人比試。

「未嚟之前，我都估到湯婆見到艾匡之後會咁做……」奎斯低聲說。

「唔經唔覺，咁就九年。」艾匡的背影讓賴桑有感而發。

率先搶攻的湯婆如螳螂般左右左右的揮舞刀刃，艾匡急急重複性地左擋右格。

突然湯婆坐低身子，使出一記掃堂腿摧毀艾匡平衡，艾匡就要摔倒之際，手肘撐住地面，再一個靈活的翻身重新站起。

艾匡直覺性認為下一著會襲向自己項後，想都不想就舉刀橫擋，下秒真的傳來金屬相擊的回響。防守結束的艾匡施展華麗轉身斬，轉守為攻朝湯婆猛烈攻擊，最終不分輸贏的和平結束。

「你根底係打得唔錯，但唔係正統嘅劍術。」湯婆把螳螂刀當垃圾般，隨意掉到一旁：「你好多時靠住直覺，就似毫無規律嘅浪人。」

「咁係好事定壞事？」奎斯行上前。

墨說 2022-2-3 00:19:14 「既好既壞，但都係個有潛質嘅孩子。」湯婆負著雙手，嘴角微翹：「想唔想要個禮物？」

「禮物？」

「就用依一條骨造。」湯婆指向病劍的脊椎。

「嗯……」艾匡猶豫。

「一於咁話。」賴桑替她下主意。

湯婆轉身回首，繼續自己的研究：「過一段時間後，先再嚟搵我。」

「恭喜你啊，得到湯婆嘅禮物。」奎斯輕輕拍掌，心情苦澀：「我都未曾收到過，求佢都無……」

艾匡真心不明白：「有咩特別？」

「艾匡……簡單嚟講，湯婆係個武器製作大師，唔同一般鐵匠嘅地方係，佢用嘅核心材料都係出自特殊病者。」

「病者做嘅武器特別勁？」艾匡真沒接觸過。

「你應該都聽過鯨牙大劍？」賴桑給她補充知識。

「係，鳥嘴先生嗰把……」

奎斯接續說下去：「佢其實係出自一條病鯨嘅牙齒，而病鯨通常只會喺暴風雨嗰陣出沒，用佢牙齒整嘅大劍，至今仍然係我覺得最無敵嘅武器……只係好少人有足夠嘅力量承受佢嘅重量。」

「喔……所以佢送把骨做嘅劍俾我！？」

墨說 2022-2-3 00:19:25 「我估應該係咁，條骨都係得依個用途。」

「咁你哋係點識得佢？」相較那份禮物，艾匡對湯婆更感興趣。

「佢本來係嚟自港島嘅協會，係有日走咗嚟將軍澳公會到，似乎喺到做研究方便啲？佢留咗喺到好耐。」奎斯搭住艾匡肩膀，帶她離開地牢：「雖然唔知佢咩目的，但佢經驗學問都好豐富，我哋需要依種人才。」

「講番轉頭，你幾時需要病獵出發？」

「一星期後？」

「可以，咁出發前兩日，我同你再確定集合時間地點。」回到辦公桌的賴桑即時擬定合約，並交給艾匡簽署。

「差啲唔記得，仲有件事想你哋即刻幫我。」倏地，艾匡想起什麼。

「嗯？」

「我想去商業區買個地球儀，你哋幫我送去大本營，送俾個叫方學華嘅人。」艾匡說。

「無問題。」

緊接下來一星期時間中，艾匡受出入限制的關係，唯有自己開闢另一條路，她盯準了寶琳地鐵站的隧道，之前艾康正正是透過暗門，落到地鐵站借由隧道離開倖存區。

艾匡假借監工為名，讓反皇派保鑣守候地鐵站外頭，自己去查看皇宮的重建進度，發現艾寶琳地鐵站的瓦礫已被清理一大半，有賴設計本身鞏固關係，整條隧道沒被破壞。

有見及此，便帶著食物借助隧道前往將軍澳地鐵站，再轉折前往清水灣半島，查視騎士團所在，可惜她找不到半個人，僅找到些骯髒的騎士衣物被拋棄那裡，還有被風吹倒甩落的皇室騎士旗幟。

相信這裡曾經確是騎士團的據點，但如今人都已經跑掉了。

墨說 2022-2-3 00:19:35 期望落空的艾匡又花了半天上山，辛辛苦苦找尋林中古宅，本來她很著急那老人會否原地餓死，誰不知房間中發出「咔噠咔噠咔噠」聲響，原來他還活得好好的，跪在主人房的夾萬前不停試著撞破密碼鎖。

「哇！你居然仲未死……」艾匡嚇了一跳。

鶴百仙都被她嚇了一跳：「嘩！我真係差啲俾你嚇死……」

「我一路上山嗰陣，仲諗住你奄奄一息咁訓喺地下……」艾匡慢慢行進來，放下背包，拿出一大個紅色鐵罐的餅乾：「皇室傳統手信，雜錦餅乾，應該夠你食半年……仲有其他嘢……黃豆啊、水啊、蘋果啊。」

艾匡到來，像個探訪爺爺的小孫女。

「女皇……你係咪……唔記我已經無哂牙齒……」鶴百仙回頭張嘴，幾乎一顆完整的牙齒都沒有。

「咁你打碎啲嘢，再慢慢吞落肚囉。」艾匡把東西都拿出來後，補充一句：「下次買個假牙俾你，如果商業區有嘅話。」

「呵呵呵……我當然無怪你，多謝你無唔記得我，我提供嘅線索……幫唔幫到你搵到第四張羊皮紙……」鶴百仙沉迷上解碼遊戲，一邊談天一邊嘗試。

「搵唔到，睇落班騎士已經走咗。」

「噢。」

「仲有……」艾匡停下手腳，靜默望著地板：「我俾人試圖暗殺咗兩次。」

「嗄啊──」鶴百仙張大嘴巴，很是吃驚：「居然……居然會發生……咁離譜嘅事……」

「可能係強盜、可能係保皇派餘黨、都可能係反皇派，或者嗰個消失好耐嘅犬學派……但我總覺得都唔係佢哋。」艾匡瞅向他，說：「而係影子菁英，係公子會。」

「你點解有咁嘅結論？」鶴百仙盤腳而坐，細心聆聽。

「佢著住西裝戴住個龍頭面具，成個造型令我好在意，就好似一種警告……」艾匡心有餘悸。

「影子菁英佢哋居然會出手？」鶴百仙對於這點，抱有疑惑：「嘿嘿唔怕你講……當年艾康做過好多事情，想去迫嗰班影子菁英現身，但嗰班人依然係神龍見首不見尾……就算翻轉成個艾寶琳，捉到好多潛藏反皇派幹部，最後都係捉到嗰班友……」

「如果佢哋有據點，會係邊到……」艾匡雙手撐著床，呆呆看著天花板：「可能追查下董倫喺艾寶琳失勢之後，或者去咗邊到可以知道……話哂佢哋都係董倫嘅「跟班」？」

「嗯！？」鶴百仙好像聽到新觀點一樣，眉頭挑一挑起：「傳聞董倫當年去咗康城……」

「去康城？」

「仲好似搞掂一班叫不法者嘅勢力……」鶴百仙撫著下顎，慎密地思考：「佢一個人可以迅速將康城嘅地頭蛇殲滅，本身已經好值得懷疑，因為康城嗰個明雲都處理唔掂佢哋……」

「所以康城……」艾匡眼裡冒光，跟鶴百仙對視：「都有可能會係公子會嘅藏匿地點。」

白色的雲 2022-2-3 00:20:37 新po極速留名

:^(

頽廢協會會長 2022-2-3 00:20:48

:^(

:^(

白色的雲 2022-2-3 00:21:49

預計新年出版

:^(

:^(

:^(

懶癌末期 2022-2-3 00:22:35 LM

白色的雲 2022-2-3 00:22:52

:^(

靈異生物 2022-2-3 00:23:52 LM

:^(

面具男 2022-2-3 00:25:54 lm

彌敦道雞串小玉子 2022-2-3 00:29:36

加上題材內容一啲情節有少少敏感，應該要絕版了

CLS係咩玩法

:^(

:^(

:^(

軟綿綿糖果 2022-2-3 00:30:20 Lm

太多 2022-2-3 00:31:10

:^(

董倫的微笑 2022-2-3 00:35:47 康城

:^(

黑椒牛丸河 2022-2-3 00:36:25

:^(

耆縫敵首 2022-2-3 00:36:42 推

滿天的貝果 2022-2-3 00:42:28 收到新post通知先醒起我連新年圖都唔記得貼

:^(

:^(

滿天b祝大家新一年萬事如意 心想事成

:^(

椒鹽蝦米 2022-2-3 00:49:18 Ln

墨說 2022-2-3 01:04:01

:^(

10/10

蕭梵 2022-2-3 01:34:07 湯婆又送禮物俾人 真好

:^(