「你好嘔心,唉 ! 思穎我哋走啦」接著,Cherry 欲想拖上思穎的手,帶她離開。可是,思穎仍然站在原地,一副擔心的樣子,問道︰「咁Miss Wong ,阿朗佢有冇事 ?」
Miss Wong 站起身來,輕撫起思穎的頭,安慰道︰「佢係攰得滯,所以先暈低啫,佢而家冇咩事,但建議喺度休息一陣,觀察一下個情況先。」語末,Miss Wong為了不打擾她們的探訪,知趣的走出醫務室,臨走前,更向他們揮手道別,並向阿朗親口說道︰「你記住多謝校長呀,唔係佢咁啱發現你暈咗,睇怕你而家都仲暈喺出面 ! 」然後,她就走了出去,將趟門拉上。