[足球/穿越]重來一次的足球人生（5）第三章

自摺再對摺 2022-7-10 18:20:33 Push

史提夫陳 2022-7-10 18:20:46 幕布上赫然寫著蕭智堯在對陣石原北中時的數據，鈴木卓似乎還準備了一些已剪輯好的錄影片段，光從縮圖看來，那似乎是他在防守端的表現。

首先是一條與蕭智堯完全無關的影片，片中可見對方一名似乎是南美裔的球員盤球推進，獨力將己隊的右路殺了個人仰馬翻，還為隊友送出了助攻。

然後便是一連幾條，蕭智堯將這名南美裔球員封鎖，甚至巧妙地奪下其腳下球的片段。

「……」和賀壽一的拳頭抵在嘴前，並沒有說話，但從他的表情不難看出，這些影片似乎多多少少地也動搖了他。

「雖然之前已經有過定論，但經過呢場實戰之後，我諗我哋真係要再……稍微討論一下，」

「關於蕭智堯嘅位置呢一點。」
___________________________________

史提夫陳 2022-7-10 19:04:02

「雖然之前已經有過定論，但經過呢場實戰之後，我諗我哋真係要再……稍微討論一下，」

鈴木卓說道。

「關於蕭智堯嘅位置呢一點。」
___________________________________

銀仔飯（佛系） 2022-7-10 20:06:08 依一話個資訊量幾多下

:^(

好正

:^(

古惑的劍 2022-7-10 21:33:27 推

牙籤筒岀牙籤仔 2022-7-10 22:45:19 年幾冇睇又live左

:^(

史提夫陳 2022-7-10 23:07:40 淨係休刊都...

:^(

花心糖膠 2022-7-10 23:36:59 老蕭會諗...究竟我要短多幾多年命先可以踢playmaker

白飯刺身 2022-7-11 08:20:10 好睇呀

銀仔飯（佛系） 2022-7-11 14:23:21 下世打籃球算啦

:^(

與龍共狗 2022-7-12 22:02:24 終於開番

:^(

卒仔 2022-7-12 22:58:57 今日有冇文

:^(

史提夫陳 2022-7-12 23:04:44 今日無

:^(

棍波師 2022-7-13 19:54:56 文呢

:^(

史提夫陳 2022-7-13 23:47:52 個腦實晒完全寫唔出畀多日時間我

:^(

卒仔 2022-7-14 00:31:53

:^(

與龍共狗 2022-7-14 10:52:13

:^(

棍波師 2022-7-14 23:28:11 等緊

:^(

史提夫陳 2022-7-14 23:35:00 趕緊工

:^(

史提夫陳 2022-7-14 23:59:06 三十一、

下課的鐘聲從擴音器中傳來，課室內的同學們都發出了鬆一口氣的聲音，對於大部分知識都還得心應手的蕭智堯自然是一臉輕鬆，這段日子裡他連日文都學習得流利了許多，可以說需要煩惱的還是只有足球上的事情了。

高圓宮盃的抽籤環節仍未開始，但從這裡開始交手的對手絕大部分都是J1球會跟著名高中，上一場連群馬縣內的內戰都踢得那麼辛苦，恐怕之後也絕不會輕鬆。

況且現在鈴木卓使用的戰術方式開始多元化了一點，後備殺手、雙攻中、類似於右閘的防守角色……這些都是他在上一場比賽，短短四十五分鐘裡被委派的任務。

想到這裡，蕭智堯的心裡頭不由得多了些不安。

自己的位置會不會被吉岡南太郎所取代？

他甚至能感覺到，教練團應該會重新評估自己在球場上的位置。

一陣密集而輕飄飄的腳步聲從身後傳來，雖然還未轉身，但蕭智堯好像已感覺到是什麼人正向自己跑來。

「蕭同學！」

長久真穗輕盈修長的身影從人群中笨拙地左穿右插，漸漸朝蕭智堯跑近。她長得可愛動人，笑起來的時候散發著一種少女特有的天真氣息，但或許是有點天然過頭了，反而不怎麼受男生歡迎。

喔不對，除了足球以外還有其他需要煩惱的事呢，蕭智堯心道。

「今日哥哥話想試個新陣，我諗如果你得閒嘅話有無興趣去睇下？」長久微彎著腰，氣喘吁吁地說道，臉上掛著傻氣的笑容。

「你實係查過知道我哋球會今日唔使練波先嚟問我㗎啦。」蕭智堯回過頭，一臉沒好氣地笑道。

「嘻嘻。」她吐了吐舌。

Eric.Garcia 2022-7-15 00:04:45 幼幼架妹

:^(

史提夫陳 2022-7-15 00:05:01 自從那次友誼賽暗中幫忙過後，長久真穗也不時會來徵求蕭智堯的建議和意見，他也不抗拒為足球部出謀獻策這樣的事情，也不覺得是在浪費時間什麼的，但或許是成年人的工作習慣，蕭智堯只是害怕自己是在多管閒事。

「喂兩閘郁啦現位啊！」

坐在觀眾席上細心地觀看著，長久真穗故意不說明球隊作出了什麼變化，蕭智堯特意留意著後防的形狀，似乎是在由防守時五後衛的站位在進攻時改變成四後衛形式，其他也沒什麼需要留意的。

「講起上嚟，你係點樣幫長久個阿哥返返入去足球部做部長？」坐在他旁邊的舞木嘉正問道。

「其實中學生嘈交，好多時都係一時之氣啫，搞清楚兩邊個誤會就得……」或許是覺得沒什麼特別需要留意的地方了，蕭智堯前傾身子，托著腮漫不經心地回答道。

「你咪又係二年級生，講到自己好大個咁……」

「哦我意思係……」蕭智堯有點不好意思地笑了笑。「即係大家都係中學生，呢種年紀諗法都係咁上下。」

「但嗰陣兩邊打晒交咁㗎喎，你咁都講得服脾氣好火爆嗰另一個人？」

「都係啲老土橋段啦，叫真穗帶佢匿埋喺一邊偷聽，然後我就搵長久部長傾計引佢講個心事同睇法出嚟，男人呢啲只要知道大家係點諗其實好快就會無事。」

「嘩你而家直接叫人真穗咁親切㗎啦……」舞木有點受到打擊般看著他。

「佢……」蕭智堯意識到什麼似地看了他一眼。「嘩呢球傳得幾靚。」

史提夫陳 2022-7-15 00:06:48 「喂咪叉開話題喎你！」

「唉我成日都叫你主動啲㗎啦，而家我幫到你盡㗎啦，你又從來唔畀咩意見人，人哋咪自然嚟問我唔係問你囉。」

「坦白講我對呢啲咩戰術嘅嘢真係無乜認識，有時候我連自己喺場上究竟要做啲咩都唔係好清楚……」舞木看著場上嘆了口氣。「連自己都未搞得掂，點畀意見人呢。」

因為同是新妻先生帶回來的人，球隊上下的職員跟隊友都對他期望很高，這一點連身為旁人的蕭智堯都感受得到，所以他自身所承受的壓力可想而知有多大。只是目前而言，他在中堅防守表現方面仍未踢出與之相應的水平。

「下次高圓宮盃，你叫埋長久阿妹過嚟睇，到時你實會表現得好啲㗎啦。」蕭智堯笑道。

「吓唔好啦，我會仲緊張仲易失手喎。」

「你試過未先。」

「齋係想像都已經想像到啦……」舞木擺手搖頭道。「咦咁你呢？你試過未？」

「嗯……」蕭智堯抬起頭想了想。「中學比賽又真係無喎。」

「講起好似未聽你講過香港嗰邊有無女朋友嘅？不過你咁遠過到嚟應該都分咗手㗎啦？」

「……應該點講呢？」蕭智堯突然坐直身子嘆了口氣。「應該叫無嘅，但係……我會當自己有。」

「嘩，睇唔出原來你都係嗰種宅男，」舞木嘉正大笑了數聲。「你係鍾意二次元？偶像定係單戀個女同學啊？」

「你單戀個女同學嚟緊啦。」蕭智堯看著正小跑過來的長久真穗輕輕笑道，舞木嘉正隨即調整好自己的坐姿，裝出一副深沉的耍帥樣子。

史提夫陳 2022-7-15 00:10:38 長久甫走近便詢問球隊的表現如何，蕭智堯如實回答說看起來變化不大，但可能防守的球員實際在球場上所得到的感覺會比較強烈。

「有時候旁觀嘅人睇落會覺得無乜分別，但喺場上踢嘅人可能會覺得隊友補位快咗，空位少咗，變相自己防守時更加輕鬆，呢啲嘢場外嘅人未必感覺得到。」

長久邊點著頭邊在筆記紙上寫著，蕭智堯用手肘碰了碰身旁的舞木示意他也說兩句。

「呃我覺得你哋個中堅……可以試下同……同個前鋒或者係……個進攻中場？可以試下做多啲配合，可以適當地壓前少少。」一臉緊張的舞木說得斷斷續續。

「中堅？壓前？」她扭頭朝場邊的球員看過去，似乎有點難想像那些中堅們加入進攻。

「佢踢開進攻型中堅，佢用自己嘅經驗同角度去咁講啫，當係參考就得。」蕭智堯連忙補充道，並偷偷輕拍了一下舞木的頭。

「足球嘅嘢我都唔係太熟，不過我相信你哋嘅意見對佢哋嚟講都會好有用。」長久笑道。

「其實而家我哋咁光明正大咁走嚟畀意見會唔會唔係咁好？班球員可能會覺得我哋有少少……居高臨下咁？」舞木說道。

「哥哥話咁樣做對球隊進步好大幫助，而最近我哋嘅表現又確實係好咗好多，所以大家都無咩意見。」長久搖了搖頭。「講起真係要多謝你哋就真，你哋平時要練波又要讀書已經好忙，仲要走嚟幫我哋呢班唔關事嘅人。」

「又唔好咁講，話晒一場同學，同埋我以前都係隊員啊嘛。」舞木笑道。