[足球/穿越]重來一次的足球人生（5）第三章

花心糖膠 2022-3-23 00:09:37 老實作者係寫得好詳細，但lee 場又真係好有用，究竟主角點樣可以成長成一個有佢自己特色去主導比賽嘅球員，正正係lee 個故嘅主線嘛。

但lee d 出一陣就消失嘅日本人名，其實真係睇死人...根本正常隔咁耐先一更，係無可能記得邊個日本人係邊個嘅隊友...其實就算之前d 香港人名一樣係咁...

花心糖膠 2022-3-23 00:10:33 做Alexander-Arnold 囉

史提夫陳 2022-3-23 01:12:29 你講嘅問題我一直都有考慮呢度又好自己嘅朋友又好都有講過特別去日本之後
但我咁寫係有用意都叫做係之前嘅一啲失敗經驗之後積落嚟嘅改變
不過我喺呢度好詳細咁解釋自己點解會咁寫又好似好怪

:^(

（anyway歡迎大家留低自己任何嘅意見，亦都歡迎大家討論同批評）

安全第一 2022-3-23 04:23:31 雖然真係好撚好睇，但可唔可以出快少少

:^(

拖丹可變牡丹 2022-3-23 06:09:23 好好睇但係live 咗

:^(

五毛屠夫 2022-3-23 16:10:58 係就係睇得辛苦d
好既地方係描述其實人人都有佢自己既故事冇人係值得淪為一個配角
所以建議樓主每一話都update下雙方陣容果幅圖

:^(

五毛屠夫 2022-3-23 16:13:14 或者重點情節(eg.係邊個位做出突破) 都可以比幅鳥瞰圖去比讀者做reference

史提夫陳 2022-3-23 16:23:33 陣容圖我可能真係要po密啲

:^(

約翰_泰利⚽ 2022-3-23 20:33:50 每po新文就po埋陣容圖

古惑的劍 2022-3-24 20:27:09 今晚有文？

史提夫陳 2022-3-24 21:29:31 二十二、

在那場奉尾崎舟指示觀察兒玉春斗的比賽中，伊列斯奧發現了一件事情。

以巴西人的角度，特別是對他這種貧民窟長大，將足球視為身邊最大玩具的人來說，這位師兄的技術基本上不值一提。他不像他的那些兒時玩伴一樣，用身體的任何一個部位都能輕易控球，動作既不花巧也不太敏捷。

但是他頂在鋒線上的每一個決定，都不斷地為對方的防線製造著壓力－特別是沒有皮球在腳下的時候。

或以自己的身軀壓著對手以取得長傳優勢、或忽然轉身前插為原本的位置留下大片空間隊友利用、或後撤持球化身「假九」作輸送炮台……其板斧及行動模式根本多得無法預測，防守他的球員需要長期繃緊神經，但人終究是人，總會有不慎鬆懈的時候。

而傳球的球員們只要抬頭看著他，其身體語言跟眼神卻又立刻便能為隊友指出一條合理的進攻路線，整支球隊的攻勢即隨之構建起來。

「兒玉同宮脇，係我教石原北中近十年最自豪嘅弟子，佢哋亦係不可多得嘅天才，我相信日後肯定會喺J1度見到佢哋。」旁邊的尾崎舟清了清嗓子後說道。「佢哋一個係天生嘅全能中鋒，一個係天生嘅輔鋒殺手，你可以以旁觀者嘅角度去觀察，佢哋究竟點樣憑住自己對自己呢個位置嘅理解同直覺，喺鋒線上愚弄對手。」

在足球史上，出色的前鋒多不勝數，沒錯當提到他們然後放在一起比較時，入球數字往往是最普遍的評價標準。

但那些身負柱躉、策應、拉扯重任的前鋒難道就不值一提嗎？

……

史提夫陳 2022-3-24 21:32:27 兒玉跟宮脇天衣無縫的反向撞牆，為他們在禁區頂右側創造出了一瞬的空間，被騙的佐藤落後了一個身位左右，雖然持球的宮脇位置較後，但守在中央的田中隆此刻也確實是面對著二打一的局面。

「嘖。」

他咬了咬牙，腦海中依稀記得宮脇是右腳球員，如今兒玉在自己左邊，持球的宮脇在自己右邊，那最好的方法，必定是站在兩人的中間但較為靠左，這樣既能限制他傳球，也能在一定程度封鎖他右腳射門的路線。

「……」

宮脇見對手把空間讓了出來，加速推前兩步打算引誘對面跟上來後再傳球，但推進後他才發現田中隆並沒有失位，似乎是早就想好了逼使他在這裡用左腳射門。

“再拖落去對面另一隻中堅都返到……”

兒玉的眼神一直投來「自己射！」的訊息，縱然心中有點後悔，但他也只能抱著嘗試一下的心態起腳，結果當然就是射門的質素不太理想，被門將驚險地撲出底線。

教練席上的鈴木卓頓覺鬆了一口氣，以對手的防守水平來說，如果在這裡再被進一球那恐怕就無力回天了。

伊香保眾人也不敢怠慢，悉數回到禁區去防這記角球。蕭智堯站在近側的K角位靜待反擊，但今村一彥卻徑自站到了禁區內去。

「咦師弟仔，好耐無見。」兒玉春斗忽覺身後多了些許力道頂住自己，回頭一看，竟是今村這名昔日的師弟。

今村沒有答話，雙眼不斷在皮球方向與兒玉中間來回移動，一副專注其中的樣子。

坐在觀眾席上的高橋教練看在眼裡，他心裡當然記得，兒玉春斗正是他心目中最無法跨逾的大山。

……

史提夫陳 2022-3-24 21:36:39 「贊助寄宿？」

肩上夾著電話筒的尾崎舟眉頭一皺，再細問清楚申請對象是今村一彥時，隨即沉默了下來。

「嗯，佢話佢爸爸工作調動要去其他地方，所以佢留低嘅話就只可以咁做，希望學校可以贊助佢嘅寄宿費用。」電話另一邊的教務主任跟一眾老師說道。

學校為了留住重要的人才，像是兒玉跟宮脇這種是早就簽了合約免除學費的，如果他們有同樣的要求，學校再作這少許幫忙也不是什麼問題，甚至乎來年已鐵定會當隊長的田島，校方也提供了相應的福利以表誠意。

所以他們打來問的意思其實就是想跟他這名監督確認：今村一彥對球隊是不是還算有用的球員。

「嗯……」尾崎舟猶豫了數秒。「坦白講，如果佢嘅要求你哋唔想畀嘅話，放佢走亦都無妨……」

「等等等等！畀我同尾崎監督講兩句，唔好意思。」電話那邊忽然傳來一把稍遠的聲音，數秒過後應該是換了說話的人，那聲音聽起來像是剛入職沒多久的助教之一，高橋和輝。

「尾崎監督，我係高橋和輝，我想拜託你幫手留低今村一彥。」

史提夫陳 2022-3-24 21:38:04 「……高橋教練，我明你同今村關係唔錯，但係呢……」尾崎舟嘆了口氣，從語氣中聽來他也不是不欣賞這名內向寡言的球員。「校方有校方嘅考慮，如果唔摻雜任何個人感情，單純以佢目前嘅能力同對球隊嘅作用嚟講呢，我覺得……」

「今村有能力做兒玉嘅接班人，佢作為全能前鋒嘅潛力大家都有目共睹，尾崎先生你都對佢讚不絕口㗎唔係咩？」高橋語氣焦急地說道。

「高橋教練，我哋教嘅係初中校隊，唔係青年軍梯隊，」尾崎舟語氣平靜。「中學嘅校隊生涯只有三年，兒玉今年二年級，佢一年級，如果真係要佢接班，咁就要等到兒玉畢業之後佢先可以擔上大旗，但嗰陣已經係佢三年級嘅事，我哋搞咁多嘢，就係為咗用佢一年？」

「無……無其他值得考慮嘅做法啦咩？例如……將佢嘅位置改成右翼或者係進攻中場之類。」

「今村嘅最佳位置就係前鋒，呢一點唔會改變，佢踢其他位置亦唔見得會比原來嘅其他人選好。」

高橋和輝本來還想再追問下去，但他突然想起了來這裡之前所聽說過的傳聞。

史提夫陳 2022-3-24 21:39:47 在看待球員位置的取態上，世間的教練大致可分為兩種。

一是認為每個球員天生便有其最佳的位置，這一點或許從小便被發掘出來，又或許是在生涯的中期或後期才發現，在他們眼中看來，所有的改造其實都是重回正軌。

另一種則是認為球員的最佳位置並不是固定的，因為在其漫長的足球生涯中會不斷進步與修正，其身體條件特點以及腦海裡的意識，對這項運動的理解也著隨之改變，而且足球的戰術環境也在不斷改變。

這兩種教練各有優劣，雖然前者看起來過於古板固執，但有些教練能迅速地為球員找到最適合自己的定位，助其少走彎路；也有些眼光不準的後者，花了數年都沒能發揮球員的長處，白白使球員在錯誤的角色上浪費了其黃金時期，如此這般的例子比比皆是。

而堅定地抱持第一種意見的尾崎舟，則是在學生足球界中，有著「尾崎魔法」稱號的名教頭。

他能迅速而精準地看出球員的能力本質，然後為該名球員找到最適合自己的位置，雖然這名老教頭本人個性非常執拗，但單論這一點而言他可謂是神乎其技，任何青年球員在他面前踢上一場半場，所有的技術特點都會無所遁形，有時候甚至連高崎石原北中的高中部教練也會找他幫忙給予意見。

高橋親眼目睹過有點七零八落的高中部，被他稍作調整後煥然一新的景象，就像亂糟糟的小孩房間被路過的仙女施法後變得異常整齊一般。

史提夫陳 2022-3-24 21:42:03 「今村係個唔錯嘅球員，佢嘅天份同努力大家都有目共睹，但係……相信你應該都好清楚，」

夾著電話的尾崎舟說到這裡，又輕輕地嘆了口氣。

田島將角球開出，精準地彎至十二碼點附近，兒玉甩開了田中隆踏步跳起，側擺額頭往龍門頂去，可皮球才剛離開頭皮，他便看到一道身影攔在了身旁。

「佢無可能追得到兒玉，最起碼呢兩年內無可能。」

看見皮球因反彈而筆直地落到地面陷入混戰，門將不禁氣急敗壞地呼喊催促解圍。

「佢只會一直都係兒玉陰影下嘅後備，所以難聽啲講句，佢對石原北中嚟講，其實係可有可無。」

兒玉回頭率先找到球的去向，腳底一搓避開了對手的搶截，隨即假射一挑從兩人之間通過，眼看獲得起腳良機之際，擋住其去路的又是今村。

「師兄多謝教導。」

今村傾斜著身軀，勉強地將皮球斬至右側－無人看管的蕭智堯那邊。
___________________________________

井上梨名 2022-3-24 22:12:37 嘩係呢個位停

:^(

又要等幾日等老蕭做救世主了

花心糖膠 2022-3-24 22:33:05 其實兩種教練lee 個講法無咩意思...因為如果佢地都足夠勁同有足夠資源，最後擁有嘅都係一班啱位置嘅球員。
佢地點演繹自己嘅睇法，其實都係講俾人聽嘅姐。

醉暖力架 2022-3-24 22:53:06 好好睇樓主加油

:^(

銀仔飯（佛系） 2022-3-24 23:12:18 死廢老教練

:^(

今川快啲入番4567粒大巴大巴車鳩佢

:^(

反平大隊長 2022-3-24 23:26:15 好好睇

:^(

五毛屠夫 2022-3-24 23:28:14 由香港人教巴西人咩係真正既足球

:^(

史提夫陳 2022-3-24 23:33:18

在看待球員位置的取態上，世間的教練大致可分為兩種。

一是認為每個球員天生便有其最佳的位置，這一點或許從小便被發掘出來，又或許是在生涯的中期或後期才發現，在他們眼中看來，所有的改造其實都是重回正軌。

另一種則是認為球員的最佳位置並不是固定的，因為在其漫長的足球生涯中會不斷進步與修正，其身體條件特點以及腦海裡的意識，對這項運動的理解也會隨之改變，而且足球的戰術環境也在不斷變化。

五毛屠夫 2022-3-25 14:28:18 師兄係咪細個踢青年軍比d老鬼教練放棄過見你屌佢勁多次

:^(

銀仔飯（佛系） 2022-3-25 18:04:58 無呀睇得投入咋

:^(

代入咗啲角色好似自己俾廢老睇死咁

:^(