《我的MK妹同桌》（3）【完結篇】

趕故書生 2022-7-4 12:37:04 姐係嗰一次係最後一次同呀詩做愛

趕故書生 2022-7-4 12:37:44

:^(

好遺憾咁答你：係

:^(

好耐無嗌 2022-7-4 16:49:46 唉

:^(

山區兒童窩巴 2022-7-4 18:38:42 要負皮了

:^(

藍天博士 2022-7-4 21:03:21 仲以為會好似part 1結局咁臨尾救得返

:^(

琴秀畢儒 2022-7-5 01:08:58 所以係咩意思，分手炮？

鳩戇正讀黎轉調 2022-7-5 04:31:11 點解唔可以好好行落去
不如happy ending bbq好冇

趕故書生 2022-7-5 12:31:08 可以咁講

:^(

琴秀畢儒 2022-7-5 12:51:51 有中出咪好

:^(

唔使sad

琴秀畢儒 2022-7-5 12:52:22 好多人唔想睇sad end

:^(

趕故書生 2022-7-5 13:40:14 我明白現實中大家都面對好多嘅分離
所以都想係其他故事中搵到happy ending

我覺得青春時期分開得快
但充滿住好多可能性
復合亦都容易

大個咗個心態會轉變
都多咗一啲除咗愛情上嘅追求
思考嘅嘢多咗

由開始寫第二季嘅時候
我就決定好咗個結局

:^(

呢個故我想寫嘅有兩樣嘢
1. 無其他人介入嘅故事，只屬於兩個人嘅感情，兩個人感情上嘅轉變

2. 赤裸嘅感情，直白且深入剖析呢種感情

都預咗會俾大家負皮
但我唔想改變呢個故嘅核心
就連離開嘅心態、離開後嘅情況、點樣面對
都想巨細無遺咁展露俾大家睇

到最後結局嘅時候
要點樣解讀故事中嘅人生
都係取決於個人

然後再去解讀一下現有嘅人生
係點樣，可能會有啲不一樣嘅睇法

對於第一季，寫第二季嘅我
心態上都有好大嘅轉變

對於自己想做嘅嘢
真係識得點樣堅持
之前嘅我都清楚自己想做啲咩
但係個人都好容易迷惘

依家已經少咗
對自己條路清晰咗
會遇到唔鍾意自己
有聲音反對自己做緊嘅事
對於呢啲事
識得更加豁達咁去面對

所以到最後個結局大家喜歡與否
我都會全盤接受呢個結果

:^(

至愚至樂 2022-7-5 14:11:34 究竟呀詩咁做係體裇男豬定傷害緊佢

:^(

今晚去邊好 2022-7-5 20:43:27 無論sad ending定happy ending 都會繼續追落去
所以樓主加油啊繼續岀文
不過如果啊詩真係堅持分開點解仲要比假希望男主

:^(

Btw依個故係咪樓主經歷過再改寫？

鐵拳無敵鍾培生 2022-7-5 21:14:31 其實我覺得你今個故描述男女主角嘅成長、心理變化，係描寫得好合理、好現實
所以支持你

:^(

鐵拳無敵鍾培生 2022-7-5 21:16:20 係傷害緊男主角，但呀詩一方面會覺得自己保護緊男主角，另一方面係接受唔到一個咁弱小嘅自己去拖累男主角

山區兒童窩巴 2022-7-7 01:22:41 十扑樓主

:^(

山區兒童窩巴 2022-7-7 01:23:00 推推

不了狗也不 2022-7-7 19:36:44 唉屌

:^(

由拍拖嘅時候追到散埋
同樣係中學到大學
我嘅結局係咁啫點解連睇故嘅結局都要係咁？
不過唔緊要，樓主要堅持自己想寫嘅嘢

:^(

3摺式抹手紙 2022-7-10 18:30:26 絕對支持樓主人生好多野都冇辦法盡善盡美我地要學識得點樣面對同接受只要寫得合理就可以了

3摺式抹手紙 2022-7-10 18:32:41 我諗只有呀詩同樓主先知諗緊啲咩人就係咁鬼矛盾同唔理性嘅一種生物如果下下咁理性好多嘢都唔會發生同開始

:^(

山區兒童窩巴 2022-7-11 01:19:14 推推

趕故書生 2022-7-13 17:50:35 最近學校忙緊放榜同埋都準備緊搵工啲嘢
呢兩日有時間會出返幾篇俾大家

:^(

禮拜六都仲要返去搞學校啲嘢

:^(

有時間就會寫㗎啦

:^(

呢排真係JJ插沙

:^(

奇雲馬糞（www 2022-7-15 10:01:06 唔知大家點睇，咁落去男主同女主睇落之後都幾難走得出，主要明知分開仲點解要有咁多牽掛，同時都知道人類就係咁，唉唔知點講，1999

:^(

不過我大概估到樓主會點收尾

:^(

趕故書生 2022-7-17 04:16:04 我陪呀詩去買藥，明知傷身都親眼睇住佢食藥，我更加內疚。

返到去佢若無其事咁快快趣食咗藥，然後又繼續埋頭苦幹，又重複著之前嘅日子。

我諗唔通點解又要發一場夢。

個心口好似俾嘢壓住咁，而又唔講得出嚟，係幾咁辛苦同埋爭扎。

任由時間係度一點一滴咁渡過，我只好計劃淨低嗰兩日我要做啲咩。

我都決定好聽日去買手信㗎啦，然後就都留係度陪呀詩，執下嘢，最後⋯⋯

希望可以好好講聲再見。

呀詩除咗嗰次係街上面講過分手之後，佢無再講過呢兩隻字，跟住我哋又好似情侶咁樣一齊。

呀詩嘅行為都唔係我熟悉嘅佢，拖拖拉拉咁，一時一樣，好多嘅情緒都選擇收埋，感覺到佢有心底話係度，但唔講出嚟。

所有行為都看似正常，但諗深一層係俾到一種奇怪嘅感覺你。

所以我預咗今次旅行嘅結束，亦都係我哋嘅結束。

可能佢真係唔想再行落去，可能真係大壓力，可能佢需要嘅唔係我，佢想自己一個。不過無論邊一個答案都好，只要有咁樣嘅諗法，一齊再行落去，會越嚟越無意思。

唔會係一段健康嘅關係。

我哋係由一段健康嘅關係，慢慢變成唔健康。

唔知呀詩係咪想係唔清唔楚嘅情況下分開，不過我唔想，因為係佢，因為係我生命中佔據好重要位置嘅關係入面，更加唔想就咁不了了之。

我哋都大個啦，我哋真係連好好地說聲再見都做唔到？

趕故書生 2022-7-17 04:16:21 我並唔期待大人嘅世界係咁懦夫，係咁廢，所以我唔想俾不了了之呢個情況發生。

我係腦海度慢慢計劃緊點做，空氣入面充滿住難過嘅味道。

又一晚，又沉沉咁瞓死咗。瞓到一半，我夢到廁所⋯⋯下意識知道唔係好事，通常發夢夢到廁所，然後好舒服咁痾呢⋯⋯係一個陷阱嚟！千其唔好中伏啊！

我就係喺呢度拉住咗自己，醒一醒，諗住去廁所解決生理問題。

我仲遊緊魂，但我feel到我背後有人，坐咗係度，我瞓嗰陣呀詩仲做緊功課，張床得我一個。

我知我背後嘅係呀詩，我想起身嘅時候，忽然有隻手係我頭上面，然後輕輕咁掃我個頭。

一下、兩下、三下⋯⋯

不停來回咁掃，好溫柔，亦都好舒服。

我諗呀詩以為我瞓著咗，所以先咁樣嚟摸我。

如果唔係我突然想去廁所，我應該真係唔知，因為我係瞓得好熟嗰啲嚟，唔會因為少少嘢就醒。

「對唔住。」呀詩一邊撫摸我，一邊對住「瞓熟」嘅我講。

「我知咁樣做，會令你受唔少傷，好似俾完希望你，然後又要離開你。」

我強忍住自己嘅呼吸，努力扮到好平穩，要好似個石頭人咁，一動不動。

但係個心跳跳得好快。

「最後我都係好自私咁選擇咗自己，為咗令自己留低個回憶，係因為呢啲嘢係我一路以嚟都好想同你去做。包括想同你結婚生小朋友，呢啲我唔係無幻想過。」呀詩好輕柔，佢嘅聲線同語氣，都好似佢摸我咁輕柔。