博５刀 2022-1-15 22:28:08 你上面條link係自己換？

:^(

時也命也運也 2022-1-15 22:59:18 佢有啲舖頭係代賣代換

靈源求道 2022-1-15 23:14:03 out巴另一個新手輸身家po，有人討論股票係唔係零和遊戲，雖然按照嚴格定義並唔係，但佢提出既論點係有啲道理既。

我覺得過於執著零和遊戲既定義會對股票既某啲基本特質產生誤判。零和遊戲會帶黎「不合作」、「對抗」既後果，自己/盟友回報既提升來源於其他人/敵盟回報既下降。股票唔係零和遊戲，但「不合作」「對抗」既屬性「宏觀」上仍然存在(微觀上幾個朋友之間可能會合作研究，或者好似GME散戶咁合作夾爆基金，但你無法同「所有人」結盟做朋友達致利益最大化)，呢一點大家必須留意。機構投資者整體上對散戶既壓制同收割仍舊客觀存在，散戶投資者必須謹慎。

舉兩個例子，麻雀、大富翁。兩者都唔係零和遊戲(麻雀可能係，視乎你既定義)，而呢兩個遊戲「不合作」、「對抗」既屬性好明顯。四位麻雀玩家一開始獲得固定點數，之後既操作喺玩家中轉移點數，如果麻雀玩家一開始以0點數開始，麻雀就係零和遊戲，一開始有幾多點數只係心理問題。

至於大富翁，就係帶有經濟成長/通脹(拎2000、功能卡獎勵等)既麻雀。你可以安份守己唔買地唔起屋只靠行一圈拎2000提升財富，但你想贏更多你要從其他人身上榨取利益。因為拎2000、功能卡獎勵帶來整個系統既財富上升係有限既。

股市因為經濟成長/通脹唔係零和遊戲，但市場無數交易中既買方賣方既回報總和係有限。我之前都有提到，買賣就係交換回報，買股票者回報越高，賣股票者失去既潛在回報就越高。
一段時間內，∫個體回報d個體投資者 = 有限系統總回報。

股市本質就係，為股票公司帶來既未來現金流，各投資者持續地進行買賣競投。出價高者投得股票，但出價越高、回報率越低，呢個係數學定律，可以直接用discounted cash flow model理解。

另外我想強調一點，股市唔係零和遊戲唔代表你唔會輸錢，亦唔代表長hold必勝。長hold必勝需要有其他條件支持，唔係每個股市、每個投資工具都適用。

另外有一個迷思希望大家可以破除，資金從來唔會「流入」「流出」股市。一段短時間內，未受印錢/credit creation影響下，貨幣供應係有限而固定既。同時短時間內股份數量亦係有限固定既。每次股票買賣，股票同資金只不過係左手交右手，從來無流入流出股市。

明白以上既野唔會直接幫你賺錢，但你喺腦中想像成個經濟系統、股市運作時，會清晰好多。對世界清晰既理解對投資好重要。

你嬲到癲 2022-1-15 23:16:19

:^(

:^(

:^(

著火消防局 2022-1-15 23:20:04 此回覆已被刪除

RABU連 2022-1-15 23:49:09 其實冇諗住拗啲咩，學靈源巴咁講，要贏更多就一定係要其他人輸多啲，正和遊戲唔代表唔使用方法將自己利益最大化。只不過冇諗過咁簡單嘅嘢都有得夾硬拗姐。

覆少少細節位
麻雀係零和，因為gain + lost = 0，所有單純嘅「轉移」就一定係零和，唔關一開始點數係幾多事。
資金流出流入果度好似明，又好似唔係好明。流入嘅情景好易諗，我出咗糧/賣咗樓，放錢入去買股票，咁只要賣方都係將筆錢買返股票，咁就有流入。流出有咩情景又好似諗唔係好通。

Outliers 2022-1-15 23:52:21 通常唔敢入場買股票嘅人先會認為「股市係零和遊戲」，炒開嘅反而唔會點諗依樣嘢。
之前我都開過一個post講「即使係零和遊戲，都唔代表人人有錢賺」。
同靈源巴你紅色強調嗰句思路一樣，不過方向唔同。

美股市場有數以億計（甚至可能超過十億）嘅人參與。係咪零和遊戲其實意義不大。以前公開試嗰陣有啲同學收收埋埋唔肯教其他同學，驚人地搶咗佢個大學學位咁。但其實公開試幾萬人參與，選擇同其他同學合作或者對抗都唔會對成條curve有咩影響，反而自己可能喺教人嘅過程學到嘢。

ITOT_TQQQ 2022-1-16 00:12:12 此回覆已被刪除

走大橋看豬西 2022-1-16 00:26:46 有
港股咁
唔玩了 個個起身走人咪資金流出

RABU連 2022-1-16 00:30:04 但係就算你賣完攞cash使咗佢，都要有個人用筆錢買咗你啲股，你先賣到，咁應該冇影響冇「流出」到？

走大橋看豬西 2022-1-16 00:32:18 市價 一股100蚊
當你放果陣無人接
80蚊先有人接
咁個市值低左
算唔算資金流出呢

:^(

RABU連 2022-1-16 00:34:34 我就係咁諗，諗諗下好似變到惟一關事嘅就係總市值咁，就唔係好明

:^(

德川家定 2022-1-16 00:41:12 「aapl股票」係貨物嘅一種
「美金」係貨物嘅一種
「日圓」又係貨物嘅一種
hold美金都可能會跌，令他日想買日本貨物時購買力下降

:^(

咁諗會唔會好啲

:^(

:^(

起碼唔會penis sell

:^(

Outliers 2022-1-16 00:51:36 一開始A、B兩個人都持有$100。
有間公司IPO，A用哂$100去買100股 (每股$1)。
B用$12喺A手上買10股 (每股$1.2)。A嘅已實現利潤 = $2
A拎走$2去買嘢食，依$2應該算資金流出？但係股價並無跌到。

然後隔一段時間A額外拎$8返嚟，向B買入10股 (每股$0.8)。
依$8應該算資金流入？但係股價跌咗。

靈源求道 2022-1-16 01:26:54 資金流入流出有明確定義，網絡copy如下，大家理解完再討論：

資金流向(money flow)在國際上是一個成熟的技術指標。其計算方法很簡單，舉例説明：在9:50這一分鐘裏，某一板塊指數較前一分鐘是上漲的，則將9:50這一分鐘的成交額計作資金流入，反之則計作資金流出，若指數與前一分鐘相比沒有發生變化，則不計入。
每分鐘計算一次，每天加總統計一次，流入資金與流出資金的差額就是該板塊當天的資金淨流入。

簡言之，令股價升既交易就係流入，令股價跌既交易就係流出。一分鐘只係隨意定。你設唔同time interval 去計資金流向，條數會唔一樣。
但我上面所講既係，呢種觀念係虛構、心理上既。正如物理學上「離心力」並不存在，只係人既錯覺。
資金同股票只會喺人與人之間流動，實際上資金同股票唔會因為交易流出流入股市。

半杯入魂 2022-1-16 01:53:06 SCO 依家好似窄d

:^(

fx巴仲唔玩唔玩631

奧運有棍絲 2022-1-16 02:09:18 我更改開始日期冇反應喎
定係我唔識用?

Outliers 2022-1-16 02:48:28 O2試吓用=date(2011,1,15)依條formula去設定日期

Mirror 2022-1-16 03:05:37

:^(

博５刀 2022-1-16 06:13:15 19、20年嗰陣𠵱條友噏人地國家力量追擊港元tim

:^(

津路茶 2022-1-16 07:40:58

:^(

習大大丟出均富卡 2022-1-16 08:31:36 好開心而家TQQQ特價緊
暫時部署會係TQQQ 4個大位分注買入:
1. $68.5 (即年頭位1月3日$85.65減20%)
2. $59.9 (年頭位減30%)
3. $51.33 (年頭位減40%)
4. $42.78 (年頭位減50%)

希望情況唔會跌到減40%,50%,不過呢3年TQQQ升咁高,再加上又係3x ETF,腰斬都係有可能既...
預左今年會係儲貨年.等政策好返d既時候先有收成

至於TMF.講真唔算太識睇買入位,應該都只會rsi 30- 35 分注買入
暫時睇到TMF既對沖作用係:
20年3月,19年6月,18年12月,16年6月,16年1月

想問下18年12月, 16年1月 ,16年6月 發生左d咩事搞到TQQQ跌咁勁既?

:^(

b_3_d 2022-1-16 09:24:51

:^(

時也命也運也 2022-1-16 09:56:24 加息

博５刀 2022-1-16 09:57:50 超級通脹 快啲跟沈大輸換金抗通脹

:^(