【Ivy So & Candy吹奏區】那天晚上，我遇上了一對吸血鬼姊妹（2）

松岡菜摘 2022-1-19 16:22:00 你諗定邊3條女做主角未㗎

:^(

陣間去到最尾先諗嘅話
我驚你爛尾呀

:^(

同埋起咗筆寫未
好心急呀

:^(

西野七瀨 2022-1-19 16:25:50 冇事，腦入面有基本畫面了，但我唔想個尾太虐心

松岡菜摘 2022-1-19 16:27:46 輕輕鬆鬆咪算囉
唔好又搞啲咩被逼分開之後人間蒸發啦

西野七瀨 2022-1-19 16:31:24 之前講過七巴小說宇宙其實一路有幾個改動想做
三個都係關角色名事

1）廢鳩俠既心遙改叫露露，心遙太撚q口

2）孤獨兄弟既智詩＞小優，智詩個名撞左行政會議召集人陳智思

3）廢鳩俠既美雪綽號「black kitty」＞「black milky」，無原因

書寫少年 2022-1-19 18:13:23 出兩個版本嘅結局咪得

:^(

西野七瀨 2022-1-19 19:34:50 唔好了，咪又係會比人屌

西野七瀨 2022-1-19 22:13:45 53

「颯颯颯颯颯颯颯」

眾人乘坐的阿柏奇直升機直向著東北方前進

「蜜柑，由於千石洲既位置唔響香港內，所以我地手上既情報都唔多」

興sir拎出地圖：「睇返呢張幾年前既地圖，西面為樹林區，東面就係石灘，南面就沙灘」

「石灘平坦容易比人發現，而且東面距離較遠...」

蜜柑用紅筆圈住千石洲西面的一角：「就呢度啦」

「ok，降落地點搞掂」

興sir為四人遞上各一隻單邊耳機：「到時有咩就用佢黎同我地通訊，我地既直升機會保持響附近盤旋，無線電通訊距離應該足夠」

「由於地勢未明，暫時制定唔到脫出方針，到時就靠無線電啦」

「武器、裝備果啲你地本身仲熟過我，我就唔擔心啦」

「就係咁多，明唔明白？」

「嗯...」

夏梨和蜜柑正穿上降落傘

「咪...咪住先，真係要跳降傘？」從未嘗過降落傘的阿風手心標汗

「唔係你想點？游水過去囉」

蜜柑伸手將背包遞到阿風前

「咁...咁又唔好...」

阿風接過降傘背包：「但...點用先得架？」

「嗱，一陣我地就會由呢度門跳落去，到時你唔好驚，跟住我地就得架啦」

金仔為阿風戴上背包：「預計三至四秒我地就可以扯左邊既呢條帶打開降落傘」

「...哦...」

仍然感到不安的阿風只好硬著頭皮，掛好桔梗的武士刀在腰間

西野七瀨 2022-1-19 22:14:29 「嗶嗶！！」

直升機突然響起警號

「咩...咩料呀！？」夏梨驚叫

「弊啦！」

正在駕駛的鈴蘭大叫：「前面，5公里，一架黑鷹直升機！！」

「咩話？我地比迪拉斯發...發現左？」

阿風驚問

「果然...一早就估到我地會黎」

蜜柑不自覺咬牙切齒：「lambda...」

「鈴蘭，上升100米，預測對方飛行路線，盡可能拉開600米距離！」

興sir沒有放慢，馬上對兩人下命令

「Ronny！準備機關槍迎擊！」

「興sir，我估到就做神仙啦，仲駛幫你打工？！」

「隆隆隆！！！！」

鈴蘭操縱直升機急速上升，加上雨勢和風力，使機內搖晃不定

「哇！！」

阿風及時抓住機身

西野七瀨 2022-1-19 22:14:48 「砰砰砰砰砰砰砰！！！！！！」

對方也馬上對住眾人的直升機開火

「Ronny快啲還拖！我避唔到好多次架咋！」鈴蘭邊回避攻擊，邊着急叫道

「知啦！」

不耐煩的Ronny拎起操控桿，對準前方開火

「砰砰砰砰！！！！」

雨勢使雙方的攻擊都落空

「嗶嗶！！！！」

「弊啦，仲有一架！」

另一架黑鷹直升機也正向著眾人

「就算我想直接用手槍子彈攻擊，都會因為風力太大出現偏差...」

蜜柑再問：「鈴蘭，距離原定降落地點仲有幾遠？」

「900米！咪住先蜜柑，你唔係想...？！」

鈴蘭未講完，蜜柑就已經打開直升機機門

阿風馬上就感受到猶如八號信號的強風

「真...真係要響呢啲情況跳機？！」

「咁樣比兩架直升機響雨勢下夾攻根本唔係辦法...」

蜜柑回頭道：「過左層雨雲應該可以睇到千石洲...興sir，一陣我地一落機你地就掉頭啦」

「哼，你睇小我地呀？」

興sir苦笑道：「不過你地都係，唔好死」

西野七瀨 2022-1-19 22:15:00 「放心」

蜜柑按著手腕上的信號燈：「興sir你地既ot錢，我返到黎再比啦」

「踏！！」

蜜柑力也幾乎沒有出過，直跳出半空中！

「嘩！！真係跳落去？！」

「緊係啦，傻風你唔係呢個時候先縮沙下話？」

夏梨和金仔將阿風夾至門前

「嘩－－－－－！！」

強風吹得阿風五官接近變型

「唉唔駛驚啦阿風，都係跳呢下恐怖姐，最多呢下我地陪你啦」

「等陣先喂！我...」

兩人捉住阿風同時撐出直升機

「呀呀呀呀呀呀呀呀呀呀呀呀呀呀！！！！！！！！！！！！！！」

西野七瀨 2022-1-19 22:21:06 1.

:^(

耶穌愛大米 2022-1-19 22:32:28 呀呀呀呀呀！

書寫少年 2022-1-19 22:35:28 今日好短

書寫少年 2022-1-19 22:42:08 定係我越睇越快

:^(

西野七瀨 2022-1-19 23:04:57 劇情編排，一時長啲一時短啲

松岡菜摘 2022-1-20 22:10:08 推一推先

書寫少年 2022-1-20 22:43:14 Push

西野七瀨 2022-1-20 22:52:03 54

「呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀！！！！！！！！！！！！！！」

三人同時以自由落體速度從空中降下

「喂傻風你咪嗌住先啦！睇住前面蜜柑手上既信號燈！」

強大的風力，使夏梨的聲音未能清晰傳向阿風耳中

「呀呀呀....！！！信...信號燈？！」

阿風稍微冷靜下來，望住下方更早降下的蜜柑：「係..係喎！」

蜜柑正在張開雙臂，壓低下降速度

「方乘風，用力向前，唔係一陣你只會跌落大海餵鯊魚」

蜜柑依靠無限電與阿風指示

「唉...唉！知啦！！」

阿風試著蜜柑的指示，以蛙式般的動作將身子撥向前方

「嘩傻風你游水呀？屹屹屹屹屹！！！！！」

身旁的夏梨一見到，馬上大笑

「阿風，唔駛玩蛙式架，你學我咁啦」

金仔先作示範，以45度向下俯衝

「我...我試下！」

仍未能控制身子的阿風用盡全身氣力，將身體姿勢固定

西野七瀨 2022-1-20 22:52:30 「到預定高度，開降落傘」

蜜柑用力將左肩上的開關拉下

「颯！！」

黑色降落傘應聲張開

「阿風！開降落傘啦喂」

阿風也跟住夏梨和金仔拉下機關，成功打開降落傘

「呼...呼...！」

幾秒內就遭逢如此衝擊，阿風仍心有餘悸

「點呀阿風，係咪好刺激呢！？」

位置較高的金仔已經來到阿風同樣的高度

「呢啲事，真係唔好再搞我啦...」

「唔好放鬆住，仲未完」

蜜柑望住海上，一個擁有多座工業型建築物的小島

「呢個...就係千石洲...」

四人慢慢降至500米上空

「依家風勢太大，要小...」

金仔仍未講完，又一陣強風吹向阿風

「喂！喂！！」

風勢再次使阿風失去平衡，以背面向海面的姿勢墮下！！

西野七瀨 2022-1-20 22:52:51 「噠！」

幸好，墮下軌跡不遠，蜜柑及時抓住

「下次可唔可以小心啲，唔係每次都咁好彩」

蜜柑使力將阿風拉起，重新擺正身子

「sorry囉...咁第一次跳傘就遇暴風雨係難嘛」

十多秒後，四人成功著陸至目標的樹林

「哇...嗄...嗄...」阿風的心跳仍未回復

「興sir，我地四個到左啦」

金仔除下降傘背包，向興sir報告

「幾好身手丫，四個都成功降落，我地呢邊都無事，已經擺脫左迪拉斯啦」

興sir再匯報：「好彩迪拉斯無jam到我地條頻譜姐，你地有咩聯絡我啦」

「嗯，一陣再聯絡」

蜜柑合起雙眼，使用自己獨有的感應力

「我感應到家姐響度...正正就響前面既果堆基地入面，不過實際位置未確認到...」

「正花身上既跟蹤器仲有信號...」

金仔亦檢查著

「金仔放心，lambda唔會咁輕易就殺佢」

蜜柑張開眼皮：「畢竟，正花係世上唯一一隻有超級基因既人狼」

「你個金仔丫，真係沉哂船喎...」

夏梨不屑道：「我唔理呀，一陣我就淨係救桔梗既姐！」

「咩呀...咁點都要救埋佢架啦」

金仔將機械手掌貼至地面：「上次我地都為左佢同公會反面啦，今次唔救既話，我冇左隻手咪好蝕？」

「唉無眼睇你！」

「金仔你做咩呀？」阿風問

「Ronny份說明書有講到機械手可以做埋地形感應，咪試下囉」

西野七瀨 2022-1-20 22:53:57 「嗶嗶」

金仔的機械手馬上發出聲響

「搞掂」

一個3D投影馬上從金仔手背向上射出

「嗱成個千石洲出哂黎啦」

「係喎，仲show埋我地響咩位置添」

夏梨驚訝道：「個Ronny係有啲料呀吓」

「咁，我地行啦」

四人正式出發之際

身在迪拉斯研究設施的桔梗，正坐在辦公椅上

她身處的，是一個約有三千尺的房間

四周空無一物，配上天花上的白光

而對住的，正正就是事件的始作蛹者

lambda

「果然同我預計既一樣，你願意為左個眷屬，自願跟我黎」

lambda托起頭：「佢，好似叫阿風呀呵？」

「睇黎你地迪拉斯都幾多野係知道架喎」

桔梗臉上也沒有絲毫緊張

「唔好咁講，論規模，我地同IID都仲有一段距離」

lambda嘴角上揚：「如果唔係，我地都唔駛揾人狼幫手啦」

「係揾佢地幫手試藥姐...係咪？」

即使雙方談話也是笑著，但氣氛卻猶如冰點一樣

「哈哈哈！！真係一啲都唔可以睇小你，小鳥遊大小姐」

lambda今次也坐下，與桔梗對峙

「咁不如你又估下，我真正既目標係咩？」

「明顯，你都係想知道呢樣野姐...以你既能力，點會乖乖地跟我地黎呢度丫」

聽到lambda的挑戰，桔梗先沉默了三數

「雖然你真正既目標我仲未揾到，但我暫時有一樣野可以肯定」

「你感興趣既唔係我，係無爪人狼，係咪？」

松岡菜摘 2022-1-20 23:00:47 又屹屹屹屹屹

:^(

已成傳統

書寫少年 2022-1-20 23:01:54 又秒live

西野七瀨 2022-1-20 23:12:47 1.
最近想全心一意寫故，但可惜要返工

松岡菜摘 2022-1-21 07:40:53 新年請埋星期一同五
唔出去應酬
咁就有足9日畀你寫