【Ivy So & Candy吹奏區】那天晚上，我遇上了一對吸血鬼姊妹（2）
上一頁
第 10 頁
下一頁
西野七瀨
2022-1-24 17:20:26
諗左
Ads
書寫少年
2022-1-24 18:57:27
都唔係架 追開個啲可能未適應
書寫少年
2022-1-24 22:22:02
Push
西野七瀨
2022-1-24 22:28:32
心遙>露露
智詩>小優
black kitty>black milky
應該易適應既
西野七瀨
2022-1-24 22:30:06
56
「啊呀呀呀呀呀呀呀呀呀呀！！！！！！」
正花痛苦的慘叫聲繼續在房間裹迴響
lambda，則在桔梗面前按住平板電腦
「嘩導電率係人類三倍，咁都未休克，睇黎呢隻女人狼都幾忍得喎！」
「點呀小鳥遊大小姐？佢依家既肉身同人類無異，再繼續電落去既話，睇怕佢好快就頂唔順架啦」
「…」
桔梗心知，興sir之前有關無爪人狼的情報正是lambda想要的東西
但，眼前這個男人、以及迪拉斯的目的，完全未明
為了正花，應否冒險將情報交出？
「嗄…嗄…」
電擊停止，正花雙目無神，身體仍有些微痙攣反應
「好，俾佢抖陣先，可以準備下一個測試啦」
lambda故意對住桔梗笑著：「仲有十一項測試要做，希望佢頂得順啦」
「嗚嗚嗚嗚嗚嗚嗚嗚嗚嗚！！！！！！！！！！！！！！」
警報響起，打斷lamdba的對話
房間的牆壁瞬間變成螢幕，放出多個閉路電視的畫面
正正追蹤阿風四人
「咦你個妹同眷屬都黎左喎，仲整響左我地個警鐘」
「哈…」
桔梗笑住道：「我地六個係同伴黎架嘛，一個有事，就自然會救」
「我對佢地有信心」
「真係樂觀既姐」
lambda也挑釁笑道：「就睇下，佢地上唔上到黎救你地啦」
西野七瀨
2022-1-24 22:30:21
「踏踏踏踏踏踏踏踏踏…」
四人一路向住上方奔跑
而在後面追趕他們的，正是一個又一個的迪拉斯士兵
「報告！四個入侵者依家上緊三樓！」
「屌！有冇咁多人呀！」
阿風雖然氣力不及蜜柑等三人，但勉強也跟得上他們的步速
「跑快幾步啦傻風！想俾人捉去輪你大米咩！」夏梨仍有氣力回應阿風
四人上到三樓，左右兩方都有迪拉斯士兵
「響呢度！」
「太多人啦，你地行先，我阻一阻佢地」
帶頭的蜜柑在樓梯口煞停腳步，拔出SIG P226及沙漠之鷹手槍
左右開弓，對準走廊
「就算你地係人類…」
「砰！砰！砰！」
爆炸子彈應聲擊向兩面走廊
「嘭！！！！！」
子彈引起小型爆炸
「咁既爆炸程度...應該都阻到佢地一陣」
「響呢度呀！！」
後面的追兵已經來到，距離蜜柑只有十三級樓梯
「呢班迪拉斯既士兵速度好快，竟然勉強追得上我地」
蜜柑把準星對住樓梯側的混凝土牆
「砰！！！！」
爆炸子彈將混凝土炸飛，塞住下層樓梯
「應該可以阻到一陣...要追返佢地」
西野七瀨
2022-1-24 22:30:41
在蜜柑再次向上之時，阿風等三人已經來到五樓
「喝！！」
夏梨一記前勾拳，將士兵打飛至牆上
「嘩頂！有冇咁多人呀！」
三人已經被迪拉斯士兵包圍
雖然對吸血鬼而言這種士兵就是小菜一碟，但人數及煩人程度就是令三人連繼續爬上的機會也沒有
「金仔！你係咪肯定桔梗佢地響八樓架！？」
戴住手指虎的夏梨邊打邊問：「咁搞法，我地未上到去已經比人圍死啦」
金仔也正以新宿棍迎擊
「咁我個跟蹤器係咁寫丫嘛！除非佢地除左正花啲衫既姐！」
「點知喎！一陣佢地可能除左個八婆啲輪佢大米呢！」
「你唔好煩住先啦」
「嘭嘭！！！！！！」
氣力不足的阿風同時被數個士兵以警棍攻擊，只能以仍未出的武士刀格住
「嘩...好重呀」
「傻風！」
夏梨及時以飛腿將士兵踩開，解救阿風
「喂精神啲丫傻風！桔梗把刀斬得開呢班茂利啲裝甲架！」
「...哦！」
重新站穩陣腳的阿風，終於下定決心拔刀
眼前，正對住和金仔格招的士兵
「黎啦！！」
「喝！」
金仔直接以新宿棍打飛該士兵
「吓...」
見到阿風亮刀，金仔摸摸頭笑道
「咦原來阿風你想開齋架？sorry！」
西野七瀨
2022-1-24 22:31:07
「嘭嘭！！！」
夏梨抽起最後兩士兵，以頭向下摔向地面！
「呼！搞掂！！」
看住地上幾十個倒下的迪拉斯士兵，阿風不敢相信，夏梨和金仔竟能在十多秒內擊倒如此數量的敵人
「呢班人雖然冇人狼咁麻煩，但佢地既格鬥術全部都受過訓練...」
金仔抹一下耳邊的一滴汗珠：「仲叫咩迪拉斯生物科技丫，直接叫迪拉斯傭兵公司算啦」
「睇黎你地都熱哂身喎」
蜜柑也總算趕到：「我用爆炸彈將下面樓梯爆塞左，暫時應該唔會有人追黎」
「咁就好啦」
「唉快啲上去救桔梗啦！差幾層咋」
「颯…」
一陣怪風吹過耳邊，使蜜柑神經再次繃緊
「方乘風！後面！」
「！！」
阿風馬上察覺，身後的殺意！
未有時間拔刀，就直接連帶刀柄砍向身後
「噹！！！！！」
反作用力使阿風退後多步
同時，阿風也看清這偷殺者
「就…就係頭先要脅我果個蛇皮褸人狼！」
蛇皮褸人狼又豈會讓獵物逃脫，馬上追擊
在距離阿風不足以30厘米的位置放出爪彈！
「嗚…！」
阿風戰鬥經驗雖淺，但仍有反應揮刀擊走子彈
「果然…呢隻人狼既能力係隱身…」
蜜柑看準機會，及時開火
「！」
蛇皮褸人狼當然察覺到，馬上轉以擋格
「砰砰砰砰！！！！」
「哼…臭丫頭」
「彭啦啦！！！！！」
「哈哈！！我地又黎啦吸血鬼！！」
十多隻人狼從兩方走廊殺出
「唔係掛！又有人狼！」
「十幾隻人狼，咁搞唔係辦法」
蜜柑再次左右舉槍：「金仔、夏梨，你地上去先！方乘風，留低」
西野七瀨
2022-1-24 22:34:04
1.
:^(
2.
淺倉唯好正
:^(
3.
白紙年宵收左皮無得見lolly talk班妹豬呀！
西野七瀨
2022-1-24 22:36:02
1.
:^(
2.
淺倉唯好正
:^(
3.
白紙年宵收左皮無得見lolly talk班妹豬呀！
綠茶綠茶
2022-1-24 23:43:16
Push
Ads
鐵拳無敵鍾培生
2022-1-25 02:40:14
好耐冇桔梗圖睇
:^(
書寫少年
2022-1-25 07:24:41
Push
松岡菜摘
2022-1-25 07:54:05
2. 可以睇埋淺倉威
:^(
22/7執7咗佢啦
:^(
西野七瀨
2022-1-25 08:06:08
睇王蛇做乜
淺倉唯做封面d雜誌都炒到勁貴
松岡菜摘
2022-1-25 08:08:01
大家都淺倉，畀吓面好喎
淺倉唯一畢業就除晒衫，樣又靚
炒得貴都合理
書寫少年
2022-1-25 22:30:59
Push
西野七瀨
2022-1-25 22:36:30
57
「吓但係？」
「無時間啦，呢度我同方乘風會搞得掂」
蜜柑先向兩邊走廊射出爆炸彈，拖延一下來襲的人狼
「喂！我唔得架喎！」要和蜜柑兩人面對多頭人狼，阿風自然拒絕
「唔到你唔得」
「咁…咁我地上去救桔梗先啦！」
「想走？！」
蛇皮褸人狼再度隱身誓要阻止兩人繼續向上
「要破解你既隱形技倆…」
蜜柑重新上膛，對住樓梯口
「砰！！」
爆炸子彈擊中地面，引發濃煙
在煙霧下，本來已經隱形的蛇皮褸人狼馬上變得顯眼，無所遁形
「砰砰砰砰砰砰！！！」
多發擴張彈如追蹤導彈一樣緊貼自己，蛇皮褸人狼又豈有空追擊已上梯的金仔和夏梨，只好先停下腳步揮爪掃下
「啲煙唔單止係為左令我現身，仲係為左隱藏自己既子彈...」
「嘭嘭！！」
兩枚擴張彈應聲擊中蛇皮褸人狼左臂
「切！！」
「流住血...咁你就算隱形都冇用啦」
蜜柑雙手同時舉槍，準備以擴張彈駁上白磷彈給予最後一擊
西野七瀨
2022-1-25 22:37:11
「黎啦！！！！」
左右兩邊的人狼群都已經突破蜜柑造出的障礙，湧向蜜柑身後的阿風
「喂！！點...點搞呀」阿風馬上求救
「頂多一秒」
「死啦人類眷屬！！」
帶頭的人狼們從兩個方向砍向阿風
「你講就易！點頂呀！」
阿風一手刀一手刀柄，準備硬生生吃下這一擊
「噹噹！！！！！」
與十多隻利爪的撞擊，震開阿風
「嗚呀！」
阿風雖使力剎停自己，但衝擊力太大，使自己失去平衝跌後數步，剛好碰到蜜柑
「砰！！砰！！」
由於阿風的撞擊，使蜜柑的射擊軌跡出現偏差，兩發子彈只能打中蛇皮褸人狼左脇位置
「又係你...」
蜜柑埋怨叫道
「喂咁我都唔想架...十幾隻埋黎呀」
「呼好彩…」
蛇皮褸人狼襯這一空檔以不足一秒時間再度隱身
「又唔見左…」
蜜柑當然不會守株待兔，以數發子彈解決阿風前的人狼
「果隻人狼身上流緊血，佢一定唔會響空曠既位置度現身」
蜜柑已經開始計算：「好彩既係，佢同其他人狼一樣，一有殺意就會現身，只係依家完全唔知佢去左邊」
「佢一定會利用人狼群黎掩護自己，再進行暗殺」
西野七瀨
2022-1-25 22:38:36
「砰！砰！砰！」
蜜柑以多發子彈為阿風清理眼前人狼
「集中啲，佢混入左呢d低級人狼入面」
「...哦！」
經過蜜柑提點，阿風更加留意地面
隨即發現
數十滴血，正向阿風「移動」！
「係...血！！」
「響呢度！！」
阿風依靠住半點求生意志，對住該方向揮刀！
「雖然自己本身可以隱身到，但連佢身上既衣物都...」
再望望地面剛剛解決的人狼屍體，蜜柑馬上想通：「唔係...方乘風咪住！」
蜜柑話未說完，阿風的刀已經砍到血的位置！
「刷！！！」
阿風砍中的東西終於現身
「咩話！？」
它並不是蛇皮褸人狼，只是
一隻人狼的斷手！
「佢掂過既野...全部都會隱形！」
距離太遠，繼續被人狼群纏住的蜜柑一時間無法支援阿風
在阿風仍在困惑的半秒
蛇皮褸人狼，終於在他身後顯露殺意
「係咪好驚訝，點解會砍左隻斷手呢？不過...」
蛇皮褸人狼在距離只有20厘米下，向住阿風心臟刺擊！
「你已經無機會再諗啦！死啦！！」
「仆...仆街啦！咁既距離...我」
「我一定會死...」
西野七瀨
2022-1-25 22:38:47
在這命在旦夕的一瞬間
「方乘風！右手姆指！」
蜜柑的聲音傳至阿風耳邊
「右手...姆指」
憑着本能，阿風在剎那間將姆指放到嘴邊，狠狠咬下一口
Ads
西野七瀨
2022-1-25 22:39:10
「啊啊啊啊啊啊！！！！！」
正花再度被電刑折磨
「吸血鬼基因既復原能力真係好快喎，正常人被電擊兩分鐘應該已經死左」
lambda對住眼前的桔梗，繼續嬉皮笑臉
「不過過左呢關，都仲有其他好玩既測試既，例如，測試復原能力、速度、甚至...生育能力」
「點呀小鳥遊大小姐，如果你早啲講既話，佢就可以受少啲皮肉之苦，抑或，其實你好享受睇住佢受苦呢？」
「...本身我都諗住話比你聽既，但係」
桔梗氣勢和剛才差無幾：「依家唔洗啦」
「嗯？」
「阻住我救桔梗，你仆街死啦！」
夏梨一拳將士兵打倒，撞開大門
「桔梗！你響…吓！！！？？？？」
在夏梨眼前的，卻是正被電椅折磨的正花
「正花！！」
在後的金仔馬上衝前：「仆街，駛唔駛玩電椅咁變態呀迪拉斯...條線係跟去...」
金仔跟著電路，把電掣關上
「正花...」
金仔拍打走花臉頰：「正花！醒下丫！」
「...金...金」
正花總算能掙開雙眼，但臉色蒼白，手腳仍有少許痙攣
「......你黎...救我...」
「你講咩呀...我都為左你冇左隻手啦，呢啲濕濕碎啦！喂夏梨幫下手啦！」
「唔係掛，我都要？」
「快手啦唉」
夏梨跟住金仔共同為正花解綁
西野七瀨
2022-1-25 22:39:55
「比人電到咁，我肉赤架大佬...」
正花的聲音仍在震顫
「肉...赤？點解...？」
「咁...咁你係我眷屬黎架嘛」
金仔道：「桔梗...都會為左阿風自願投降啦...」
「下次...我一定會保護你」
「金仔...」
兩人對望一刻，夏梨馬上以掙撞擊金仔
「喂談情返去上感情台啦！救完你隻女人狼仲要去救桔梗架！」
夏梨望住正花腳上的鐵鍊：「但係，條鐵鍊點搞呀喂？」
「幫我解開降狼環」
正花一句，金仔馬上拔出搖控放到正花頸上
「咔！」
降狼環應聲解開
「個搖控連人地啲降狼環都可以hack到，興sir真係犀利」
「用人狼既爪，就可以斬開」
正花雖虛弱，但要伸出狼爪也不是難事
「刷！」
揮一揮手，鐵鍊馬上被斬開
「唉拿拿聲去救埋桔梗啦！！」
金仔扶住正花，跟隨夏梨走出走廊
「睇下，我既同伴好犀利呀呵」
在隔黎看住一切的桔梗，對面前的lambda笑道：「睇黎你，最後都係唔會知道...我口中既線索啦」
「突破到我地迪拉斯部隊既圍攻，吸血鬼果然唔簡單，不過...」
lambda仍未有一絲驚悸
「我仲有位好朋友，響呢間房門等緊佢地呀」
「...係佢」桔梗自己也猜到答案
銀狼會首領賀臣，在金仔三人面前屹立
「睇黎，你真係好鐘意我件舊玩具喎，吸血鬼」
「...賀臣！！」
西野七瀨
2022-1-25 22:43:17
1.
正花=人質王
:^(
2.
定左，七巴小說宇宙仲有4個故
書寫少年
2022-1-25 22:56:39
1. 金仔同正花係咪已經各自沉船
2. 七巴寫完呢個宇宙 會唔會有個新宇宙
上一頁
第 10 頁
下一頁