我和鄰居大姐姐的故事(14)
上一頁
第 36 頁
下一頁
葉開葉開
2022-3-25 14:06:22
三百四十八
冇人發現我同鄭穎琳既關係變左。
其中一個原因係我叫佢繼續收兵,唔好理我,廢事比人覺得佢有大轉變。
估唔到既係佢為左呢件事發撚左脾氣,話我唔撚在意佢(其實我係),跟住仲冷戰左幾日,最後又係佢死死氣咁同我道歉和好。
不過我自己就覺得佢收兵收得收儉左,可能佢自己有左我之後都唔係咁願意。
我有問過點解佢之前咁鍾意收兵,但佢就話佢由小學開始已經係比一大班男仔圍住,而且佢老豆錫到佢燶,乜都就晒佢,所有野都係發生得好自然,佢甚至覺得收兵係一件好正常既事。
屌,我唔撚知點解佢會覺得係正常喇。
可能係因為鄭穎琳係人靚聲甜又外向,由細到大都多男仔埋身都唔奇,呢點真係同我唔撚同。
不過佢都仲係咁易就發老脾,我就諗起當日鄭穎琳響果間不知名Cafe誓神劈願咁話儘量唔會發脾氣,真係得啖笑。
同鄭穎琳地下情有啲似當年比Kitty姐姐包養咁,不過實際上就有啲唔同,例如我地出街啲洗費就係AA制,所以為左唔傷害我荷包,我好多時都係響街鳩行算。
畢竟我踢青年軍既車馬費其實唔多,以前就話咩都唔駛比儲埋儲埋,但AA制咁玩我真係破產都唔撚掂。
鄭穎琳有冇發脾氣?
屌,梗係有喇。
佢同Kitty姐姐另一個不同之處,就係佢冇Kitty姐姐咁小鳥依人同咁順從,同時都冇乜主見,比人寵撚壞晒,雖然佢自稱其實佢已經收歛左好多,但我覺得好撚煩。
有趣既係,每一次都係佢發脾氣,但每一次我都唔撚理佢,然後每次佢都死死氣咁道歉同我和好。
有次佢響電話度打黎同我say sorry之後我忍唔住問佢:「妳以前都係成日對住妳啲兵仔發老脾架?」
我真心覺得只有佢收既兵仔先肯心甘情願去硬食佢啲脾氣,我就真係由鳩得佢發。
「佢地好就我架,邊會好似你咁喎。」我想像到鄭穎琳響電話另一端扁扁咀既表情:「就算係爸爸,佢都好就我架,我撒下嬌佢就肯順我意架喇。」
撒嬌?
即係發脾氣咁解喇?
謎底已經解開晒喇。
睇黎寵到鄭穎琳成條港女咁,仲要覺得周圍收兵都冇乜問題既真凶,就係鄭爸爸!
不過相比起Kitty姐姐,同鄭穎琳一齊最大既唔同地方,就係扑野次數少好多。
以前同Kitty姐姐包養既時候,好多時每一次去完街我地就會衝上Kitty姐姐屋企做愛,做到佢成間屋都係我地兩個啲體液。
但係鄭穎琳就唔一樣。
唔係佢夠膽拒絕我,我覺得雖然佢冇Kitty姐姐咁撚痴女,但佢都好享受同我扑野,有時仲會向我發出性暗示。
但我地最大既問題係我地冇地方做愛。由於要保持低調既關係,我地響埋一齊既時間本身已經唔算太多,想做愛既時候偏偏佢家姐又阻撚住晒,同以前Kitty姐姐接近自己一個人住既時候可以瘋狂做愛完全唔撚同。
就算係想上我屋企都唔易,要趁秋兒姐姐唔響屋企,又要小心班三姑六婆睇到。
唉屌。
我唔係想拍拖,我係想屌閪。
結果我地出街就揀星期六或者日,扑野反而係放左學我或者佢肯定屋企冇人又或者秋兒姐姐有野做唔響屋企先會特登前後腳咁返去扑野,扑完野又急急腳咁趁屋企人或者秋兒姐姐返黎之前走人,但次數始終算少,因為放學太晏,扑得黎都天黑。
不過整體黎講,呢段時間其實都算幾平靜既。
講起秋兒姐姐,佢既生活依然好忙碌。
其實中六同學生會既會務係咪真係咁繁忙呢?
佢有時候都響學校留到六點關門先至返屋企(處理會務?),就算平時早小小返到屋企都會埋首溫書。
佢響會考既時候唔小心失左手,似乎真係刺激左佢。我覺得佢會考既時候已經好勤力,成日同Kitty姐姐去自修室溫書,但而家比起當年係更加忙碌既。
諗返起我中一既時候係秋兒姐姐煮飯、照顧我,但我上左中學之後慢慢成長,開始更加獨立,又加入左流○青年軍同港青,出國比賽,而家其實我已經好多時係自己照顧自己。
好彩既係白師奶都過左我唔少招數,而家響平時閒日,秋兒姐姐忙碌、我又唔駛練波既時候,我都會自告奮勇煮飯,減輕佢既負擔。
而每當秋兒姐姐聽到既時候都會向我報以溫暖既微笑道謝既時候,我都會非常高興。
高興到已經近乎唔記得左Jonathan既存在。
(待續)
Ads
綠茶綠茶
2022-3-25 15:43:19
Push
山區兒童窩巴
2022-3-25 15:50:34
有文
:^(
即是咁
2022-3-25 18:13:09
推
:^(
李逍遙
2022-3-25 19:02:58
推山區巴
:^(
我就是高達
2022-3-25 19:07:52
再推下
:^(
即是咁
2022-3-25 19:41:38
我又推山區巴
:^(
:^(
鐵拳無敵鍾培生
2022-3-25 21:01:51
推
葉開葉開
2022-3-25 21:02:00
綠茶巴
:^(
葉開葉開
2022-3-25 21:02:23
大家都鍾意怒推山區巴
:^(
山區兒童窩巴
2022-3-25 21:43:17
似推你多
:^(
:^(
:^(
Ads
即是咁
2022-3-25 22:00:16
Why not both
:^(
:^(
:^(
妖治
2022-3-27 09:24:53
推
:^(
葉開葉開
2022-3-28 12:54:15
怒推山區巴好似過癮啲
:^(
葉開葉開
2022-3-28 12:54:42
妖治巴
:^(
葉開葉開
2022-3-28 12:55:18
三百四十九
我有時響度諗,其實秋兒姐姐咁忙都好既,即係佢除左處理會務要留響學校既時間之外,好多時都係留響屋企做功課溫書,如果嗰日我冇野做唔駛練波唔駛比賽,咁即係果段時得我一個見到佢。
雖然佢間中都會覆下messages,不過我開始都覺得就算係Jonathan都冇乜大不了,反正只要秋兒姐姐留響屋企,陪伴佢既人一定會係我。
Jonathan?
佢入到黎秋兒姐姐屋企咩?
就算電話另一端真係佢,係咁咦就咁傳幾下messages就可以當陪到秋兒姐姐咩?
然後……
有一日我發覺……
其實我真係太傻了。
*
「咦?秋兒姐姐,妳要出去?」我仲記得果日係星期六下晝。
秋兒姐姐一身樸素既裝扮由房出左黎。
雖然樸素,但好靚,好有氣質。
果日係秋兒姐姐煮飯,食完飯佢洗埋碗就返左入房,而我就繼續響佢屋企飯廳hea溫書(其實我唔係點溫緊,只係攤開啲書自己放空),等住夜晚對南○既榜首大戰。
「係啊。」秋兒姐姐一路行出黎一路檢查自己個斜孭袋。
我有啲好奇,但果陣仲未感覺到乜野危機感,仲問:「去邊呀?」
我好奇係因為秋兒姐姐自從個學校展覽日之後都冇乜需要星期六出門。
我果陣仲諗住佢自己落街買餸。
仲諗緊點解佢去買餸都唔叫埋我。
「去讀書會呀。」秋兒姐姐檢查完佢個斜孭袋,抬起頭對我微笑道。
「讀書會?」咩黎架?
「係同其他學校既同學一齊讀書啊。」秋兒姐姐微笑道。
我心入面有不祥既預感。
「係…名校生?」千其唔好估中……
秋兒姐姐點一點頭。
「XX書院同埋OO女子中學?」唔係下嘛……
「係啊。」秋兒姐姐面上仍然掛住微笑:「好似仲有其他名校生。」
……
……
……
「Jonathan都響度?」我問。
我就係咁在意呢條友。
「個讀書會係響佢屋企搞,所以佢梗係響度。」秋兒姐姐微笑道:「除左佢之外,仲有好多佢既同學,佢地讀書都好叻,好值得一去。」
妳就係去讀書啫,我估Jonathan就唔係咁諗嘞……
所以,我講左句明知冇乜可能既說話:「妳可唔可以唔去?」
秋兒姐姐微一愕然,諗左陣,又微笑咁答:「因為你唔鍾意Jonathan?」
呃...
秋兒姐姐既表情令我覺得自己好幼稚。
唉。
「……」
秋兒姐姐見到我個表情反而好似顯得有啲高興,解釋道:「我地係去溫書架咋。佢地好多名校既老師有可能出高考既試卷,我去佢地度溫習,可以得益唔少架。」
我諗起當年會考秋兒姐姐失手既表情……
我唔想再見到。
再講,經歷過失手,秋兒姐姐而家咁在乎高考其實好合理。
我根本唔應該出聲阻止秋兒姐姐去呢個讀書會。
我知我係小學雞。
但呢個係我自然反應。
秋兒姐姐繼續笑道:「況且我都有叫埋其他我地學校既同學一齊參加,唔係得我一個去架,唔駛咁擔心。」
秋兒姐姐咁講我好似稍為安心小小,但老實講我冇可能真係放心。
畢竟我覺得Jonathan既目標係妳啊。
「嗯。」我勉強咁笑一笑,但其實唔係幾笑得出:「妳搭地鐵定巴士?我而家返過去換件衫送妳去車站吖?」
「好啊。」秋兒姐姐向我甜甜一笑,再道:「不過你送到我樓下得喇,Jonathan佢會響樓下車我。」然後再加多句:「唔好擔心,仲有其他同學都響上面架。」
唔擔心就假……
……
……
……
唔知點解,一陣苦澀湧上心。
因為我自卑?
覺得自己比唔到秋兒姐姐同樣待遇?
「咁你返過去換衫先?」秋兒姐姐既聲音將我拉返現實。
「嗯,好。」我點點頭,好快咁過返屋企換件衫,就同秋兒姐姐落樓。
一出大堂門口,就已經見到果架黑色私家車拍左響馬路旁邊。
然後有條友一見到我同秋兒姐姐出黎就開車門行出黎。
條友著住紅色Polo shirt,一副休閒裝束咁既樣,一臉優雅咁。
冇錯。
佢就係Jonathan。
(待續)
同根生
2022-3-28 16:58:51
有文 推
:^(
即是咁
2022-3-28 20:49:49
條仆街Jonathan係咪已經知道秋兒鍾意熙仔 有心激走佢
:^(
:^(
鐵拳無敵鍾培生
2022-3-29 02:31:18
好明顯啦
呢啲陰濕男人最乞人憎,成日做埋啲小動作
豆腐涼實秋
2022-3-29 09:12:17
等睇熙哥分心輸波
:^(
:^(
綠茶綠茶
2022-3-29 13:33:46
Push
Ads
蕭惹漸
2022-3-29 16:58:29
https://youtu.be/gjXsGoDdkuA
雖然人物性格完全唔似 但之前一睇條片就諗起熙熙同秋兒
:^(
D.Bertans
2022-3-29 19:16:53
熙仔條煩膠都有人撐…
迷雲黨主席
2022-3-30 03:10:51
我都係 超有同感
:^(
TyreseMaxeyyyy
2022-3-30 11:11:04
睇返ocamp故
係咪就嚟有大事發生
:^(
上一頁
第 36 頁
下一頁
冇人發現我同鄭穎琳既關係變左。
其中一個原因係我叫佢繼續收兵,唔好理我,廢事比人覺得佢有大轉變。
估唔到既係佢為左呢件事發撚左脾氣,話我唔撚在意佢(其實我係),跟住仲冷戰左幾日,最後又係佢死死氣咁同我道歉和好。
不過我自己就覺得佢收兵收得收儉左,可能佢自己有左我之後都唔係咁願意。
我有問過點解佢之前咁鍾意收兵,但佢就話佢由小學開始已經係比一大班男仔圍住,而且佢老豆錫到佢燶,乜都就晒佢,所有野都係發生得好自然,佢甚至覺得收兵係一件好正常既事。
屌,我唔撚知點解佢會覺得係正常喇。
可能係因為鄭穎琳係人靚聲甜又外向,由細到大都多男仔埋身都唔奇,呢點真係同我唔撚同。
不過佢都仲係咁易就發老脾,我就諗起當日鄭穎琳響果間不知名Cafe誓神劈願咁話儘量唔會發脾氣,真係得啖笑。
同鄭穎琳地下情有啲似當年比Kitty姐姐包養咁,不過實際上就有啲唔同,例如我地出街啲洗費就係AA制,所以為左唔傷害我荷包,我好多時都係響街鳩行算。
畢竟我踢青年軍既車馬費其實唔多,以前就話咩都唔駛比儲埋儲埋,但AA制咁玩我真係破產都唔撚掂。
鄭穎琳有冇發脾氣?
屌,梗係有喇。
佢同Kitty姐姐另一個不同之處,就係佢冇Kitty姐姐咁小鳥依人同咁順從,同時都冇乜主見,比人寵撚壞晒,雖然佢自稱其實佢已經收歛左好多,但我覺得好撚煩。
有趣既係,每一次都係佢發脾氣,但每一次我都唔撚理佢,然後每次佢都死死氣咁道歉同我和好。
有次佢響電話度打黎同我say sorry之後我忍唔住問佢:「妳以前都係成日對住妳啲兵仔發老脾架?」
我真心覺得只有佢收既兵仔先肯心甘情願去硬食佢啲脾氣,我就真係由鳩得佢發。
「佢地好就我架,邊會好似你咁喎。」我想像到鄭穎琳響電話另一端扁扁咀既表情:「就算係爸爸,佢都好就我架,我撒下嬌佢就肯順我意架喇。」
撒嬌?
即係發脾氣咁解喇?
謎底已經解開晒喇。
睇黎寵到鄭穎琳成條港女咁,仲要覺得周圍收兵都冇乜問題既真凶,就係鄭爸爸!
不過相比起Kitty姐姐,同鄭穎琳一齊最大既唔同地方,就係扑野次數少好多。
以前同Kitty姐姐包養既時候,好多時每一次去完街我地就會衝上Kitty姐姐屋企做愛,做到佢成間屋都係我地兩個啲體液。
但係鄭穎琳就唔一樣。
唔係佢夠膽拒絕我,我覺得雖然佢冇Kitty姐姐咁撚痴女,但佢都好享受同我扑野,有時仲會向我發出性暗示。
但我地最大既問題係我地冇地方做愛。由於要保持低調既關係,我地響埋一齊既時間本身已經唔算太多,想做愛既時候偏偏佢家姐又阻撚住晒,同以前Kitty姐姐接近自己一個人住既時候可以瘋狂做愛完全唔撚同。
就算係想上我屋企都唔易,要趁秋兒姐姐唔響屋企,又要小心班三姑六婆睇到。
唉屌。
我唔係想拍拖,我係想屌閪。
結果我地出街就揀星期六或者日,扑野反而係放左學我或者佢肯定屋企冇人又或者秋兒姐姐有野做唔響屋企先會特登前後腳咁返去扑野,扑完野又急急腳咁趁屋企人或者秋兒姐姐返黎之前走人,但次數始終算少,因為放學太晏,扑得黎都天黑。
不過整體黎講,呢段時間其實都算幾平靜既。
講起秋兒姐姐,佢既生活依然好忙碌。
其實中六同學生會既會務係咪真係咁繁忙呢?
佢有時候都響學校留到六點關門先至返屋企(處理會務?),就算平時早小小返到屋企都會埋首溫書。
佢響會考既時候唔小心失左手,似乎真係刺激左佢。我覺得佢會考既時候已經好勤力,成日同Kitty姐姐去自修室溫書,但而家比起當年係更加忙碌既。
諗返起我中一既時候係秋兒姐姐煮飯、照顧我,但我上左中學之後慢慢成長,開始更加獨立,又加入左流○青年軍同港青,出國比賽,而家其實我已經好多時係自己照顧自己。
好彩既係白師奶都過左我唔少招數,而家響平時閒日,秋兒姐姐忙碌、我又唔駛練波既時候,我都會自告奮勇煮飯,減輕佢既負擔。
而每當秋兒姐姐聽到既時候都會向我報以溫暖既微笑道謝既時候,我都會非常高興。
高興到已經近乎唔記得左Jonathan既存在。
(待續)