【公子會】《病港II》(46)
上一頁
第 25 頁
下一頁
在空中聽風
2022-1-22 20:04:22
魔鬼山
:^(
:^(
:^(
Ads
墨說
2022-1-22 20:20:13
艾匡苦惱之際,熊大桔行了過來。
「女皇、艾匡……」熊大桔再拿出兩張馬戲團門票,試圖邀請艾匡共賞:「你之前話過,好想東星馬戲團嘅表演……」
「係?」回神的艾匡望過去。
「雖然依家講唔係好啱時候,但我想……」
「哥。」熊小柑忽然打斷對話,向他借一步說話:「有啲嘢想同你傾傾。」
「哦,喔……女皇等等再同你講。」熊大桔第二次邀約失敗。
熊大桔行到妹妹旁邊,兩人交頭接耳低聲對話,似乎有心不讓外人聽見,包括艾匡本人。
鶴百仙趁兩兄妹沒注意,暗暗開腔提醒艾匡:「女皇,唔係猶豫嘅時候,始終要落手……」
「威逼利誘都試下先……」艾匡說。
「唔洗諗……我好清楚佢哋呢種性格嘅人……絕對唔會妥協……」鶴百仙按著耳朵的傷口,咬緊牙關一副面目猙獰的樣子:「我會繼續喺座山轉圈,等個天黑少少,落雨山路滑少少嗰陣,搵機會偷襲佢哋,你只需要配合我!」
「噫……」
「你係倖存區嘅女皇!艾氏皇朝最後一任繼承人!你就係艾寶琳化身!」鶴百仙壓抑著激動的腔調,訴說著牽動情緒的話:「唔想俾外人侵佔呢片土地,變成個不堪入目嘅地方,你必須要清除佢哋!」
艾匡緊閉眼睛,困難地說出:「我明白……」
墨說
2022-1-22 20:20:23
「只要唔好俾虛假嘅感情呃到,你就所向無敵。」
「但你點知……」艾匡抬頭望上天,沒什麼烏雲聚集:「個天會落雨?」
「魚鱗雲啊!你無讀過書?為咗呢日,我仲特登詐病多一個月,落雨會帶嚟好多不穩定因素,特別喺呢啲魔鬼山到路窄難行……」鶴百仙真是知天知地。
天上確實浮著一片一片魚鱗般的雲。
鶴百仙為了連天氣優勢都佔盡,寧願選擇多躺病床一個月。
「你係特登揀依到?」
「咁就當然啦嘿嘿嘿……」鶴百仙暗暗發笑。
恰好,兩兄妹那邊談完了,艾匡和鶴百仙的對話都就此結束。
「呼。」熊大桔坐回艾匡身邊,時不時斜目偷看。
「大桔。」艾匡驀地喊他名字。
「係?女皇。」
「對你嚟講,幾多身家嘅艾幣先叫多?」
墨說
2022-1-22 20:20:33
「我諗……」熊大桔思考許久,答:「一百萬?」
「咁假如,假如啊,嗰班保皇派突然出現,話會俾個有一百萬艾幣嘅寶箱你,只要你唔供出佢哋位置,你肯唔肯收?」艾匡問個假設性問題。
熊大桔毫不猶豫:「我當然唔會收。」
「咩原因?」
「我覺得清除佢哋,遠比一百萬重要。」
「如果係二百萬?」
「一千萬都唔會。」
「如果係我俾你?」
熊大桔怔住:「女皇你講緊咩……」
「都話係假設性問題。」
「如果係你俾我,見我當見唔到保皇派喺邊?」
「嗯。」艾匡點頭。
「我會問下你原因先,你咁做總有原因。」
「如果我無原因呢。」
「唔……」熊大桔閉著嘴唇,苦惱思索:「我……都係唔會。」
墨說
2022-1-22 20:20:43
「有原因?」
「我始終係反皇派嘅人,上級係珒姐,我可以瞞住佢咁做。」
「我明白哂。」艾匡拍拍熊大桔膊頭,給出一個不尋常的微笑:「你係個盡忠職守嘅人。」
休息一會後,熊小柑提議繼續起行,但鶴百仙遲遲不願站起,說自己仍未回氣。
「未抖夠?」熊大桔抽住鶴百仙右耳朵。
「你、你你你又想點啊!?」鶴百仙驚慌大喊,表現得縮頭縮尾。
「死廢老睇下你……郁得咁勁,仲話未抖夠?」熊大桔抽起他整個人,迫使他繼續行:「繼續行!」
「嗚……噫……」鶴百仙唯有就範。
沒有終點的路雖然要繼續行,但緊接下來的天氣,正如同鶴百仙所料,開始下起一點點的雨水,泥做的山路要更小心行,因為一不小心會滑落坡下,有時候要捉住樹枝或石塊才走得穩。
「行咗咁耐,雨都落埋,究竟我喺到陪你做緊咩白癡嘢……」熊大桔越行越憤怒,盯著鶴百仙的背影:「十五分鐘!十五分鐘內!我再見唔到一個保皇派嘅人,你擔保你一定唔會好受……」
影帝鶴百仙繼續演戲:「保、保皇派餘黨據點匿得好隱密!唔係咁易搵到!我都係憑印象搵緊……」
「呢個唔係我責任!」熊大桔回罵。
轉眼間,山林吹來陣陣快風,樹葉沙沙作響,不少蟑螂地上爬來爬去,天氣變得陰晴不定。
有次艾匡意外滑倒,手掌給擦傷了,熊大桔果斷上前割掉鶴百仙的耳朵,配合疼痛的叫聲可謂淒風苦雨。
「嘩呀──啊啊啊啊──」鶴百仙按著耳朵傷口,山上叫個不停。
「我應該一早就殺咗你!」熊大桔把頭髮梳後,準備就地剖開鶴百仙肚皮。
「唔好啊!」艾匡衝去抱住熊大桔,再次制止他的殺意。
「艾匡女皇……」一旁觀看的熊小柑,不禁詢問:「點解你不斷幫住佢。」
「嗄……嗄……」艾匡沒能回答到她的提問。
「你三番四次維護呢個人到底係點解?係咪你哋存在一啲我哋唔知嘅事。」儘管不該質疑君主,聰明的熊小柑還是懷疑起來。
「我只係唔想……錯失呢個機會……」艾匡一邊解答,一邊用力抱住她哥:「而且我承諾過佢,唔會將佢賜死,只會終生監禁……」
「但情況已經唔同,佢喺墳場嗰陣刻意整聲想害死我阿哥!」熊小柑指著他喊。
「佢喺牢房受拷問嗰陣,都差啲俾我哋害死……大桔!」
多靠艾匡多次從後抱腰阻止,熊大桔的殺意總算被天上冰冷的雨水熄滅,餘下艾匡緊緊的擁抱。
「啊!」熊大桔晦氣得把匕首擲向鶴百仙,剛好落在他的頭頂上,插住其背後靠著的樹木。
「哥你落唔到手就我嚟!」熊小柑看不下去,拿著匕首便衝往鶴百仙。
直覺貫頂的艾匡猛地轉身,看準熊小柑手上的匕首,拔刀擊飛!
「噹──!」出刀快、狠、準。
熊小柑只覺虎口一震,手中匕首即時飛脫,掉落到山坡之下。
「我‧叫‧咗‧停‧手。」
艾匡狠狠盯著她,眉宇間露出未曾展示過的深沉。
「我……」熊小柑一愣。
「……」跟艾匡相處了三個月的熊大桔,都給不出反應。
僅得鶴百仙露出喜悅的嘴臉,喃喃唸道:「係皇啊……」
熊小柑吞一吞喉,收起戰鬥姿勢:「對唔住。」
「俾少少時間佢,佢係老人家,頭腦唔好。」艾匡說。
良久,熊大桔方回答:「嗯……」
「繼續。」艾匡對鶴百仙說。
「係……女皇。」鶴百仙再三領路。
今天的旅程,終點只有一個。
死亡。
小狗裕姝
2022-1-22 20:21:37
咁早有文
:^(
:^(
巴斯達光年
2022-1-22 20:24:25
係文呀
西のカナ
2022-1-22 21:25:54
阿伯個感覺有啲似hunter個普夫
:^(
我要食甜蝦!
2022-1-22 21:59:28
艾匡好撚煩
:^(
Mysterion
2022-1-22 22:20:01
艾匡係煩膠但佢要殺兩兄妹有幾難
:^(
靈異生物
2022-1-22 22:40:27
早文祝福
:^(
Ads
牧羊記
2022-1-22 23:14:11
課金今日冇?
:^(
傻豬黎既
2022-1-23 00:16:46
煩膠匡
:^(
:^(
Trollll
2022-1-23 00:26:16
其實我覺得熊大柑煩啲
成個人勁急躁
:^(
觀塘大熊貓
2022-1-23 01:05:42
其實愈多人屌艾匡,愈係證明佢呢個人設做得好
:^(
:^(
集軟弱、猶豫、恐懼、誤判等等缺點於一身嘅角色,完全推翻左一開始佢被迫害好可憐嘅形象。
佢黑化嘅過程其實合情合理,登上咗王位係更加令佢心入邊嘅不安恐懼湧現。可能好多人都覺得佢好戇鳩好左膠,但其實佢一路以嚟都係咁
:^(
只不過以前仲係細路女,大家唔覺有問題。依家登基做咗女王都係咁,就令到大家好反感。
同埋佢嘅軟弱同埋猶豫會令到劇情有啲好拖嘅感覺
:^(
:^(
其實大家都估到劇情之後嘅推進大概會係點,但係就不停拖拖拉拉咁
:^(
劫の眼
2022-1-23 01:17:51
:^(
:^(
:^(
Pizza加菠蘿
2022-1-23 02:48:43
其實墨巴寫艾匡依個角色寫得好好
好多病讀投入到唔太鐘意佢
:^(
在空中聽風
2022-1-23 07:29:34
小朋友坐皇位難怪會比人駕空
:^(
:^(
帝王學咁多年就係得呢少少?
:^(
鳳凰死不鳥
2022-1-23 09:11:50
男人都係想屌西
大諗頭到想屌女王
一野殺左佢算9數吧啦
拖咁撚耐文 進度無變過
千年放浪
2022-1-23 09:37:59
反而比較想知
殺咗佢地艾匡返去點交代
寂寞的都市人
2022-1-23 09:53:13
:^(
:^(
:^(
Ads
蛋散一舊飯
2022-1-23 12:22:47
艾匡都on9,條鶴百仙會咁樣對大桔小柑,咪一樣會咁對你,你當自己係人地個女咩,咁古惑條友,放左出去唔駛旨意會招供
佢明知自己招供會死,分分鐘想隊冧埋艾匡,自己可以甩身
沙治·羅拔圖
2022-1-23 12:26:57
睇埋先啦
腸蛋菜一丁麵
2022-1-23 13:32:01
熊
大桔
剎停兄長的行為:「哥!睇下隻左手先,骨有冇斷到?」
「無,只係甩骹。」熊大桔自行移位接駁,啪格一聲左臂復原。
應該係小桔先啱
腸蛋菜一丁麵
2022-1-23 13:35:32
「有原因?」
「我始終係反皇派嘅人,上級係珒姐,我(唔)可以瞞住佢咁做。」
上一頁
第 25 頁
下一頁