【公子會】《病港II》(46)
上一頁
第 12 頁
下一頁
CYP2D6
2022-1-10 21:21:41
突然諗起當初冇行帝皇學路線會係點
:^(
:^(
:^(
Ads
弟壹圓恥
2022-1-10 21:58:15
巴打好理性
:^(
墨說
2022-1-10 23:51:05
一陣狂風驟雨席捲艾寶琳倖存區,艾匡抱緊染上些微血跡的袋子,神情恍惚的步出慧安園,特地前去商業區購買個打火機,再找個陰暗小巷點燃星星之火,將袋子內的黑材料全數燒毀。
不一會兒,文件只剩下飛灰,艾匡心情漸漸平復,抱住沾濕帶冷的身子,快步前去艾寶琳監獄去找鶴百仙算帳。
監獄生活本來就苦悶,鶴百仙聽見雨水滴嗒滴嗒敲打窗戶上,心裡一時興起,哼唱出一首粵曲──《冷雨幽窗》。
歌聲幽幽傳出大廈走廊外,頗為憤怒的艾匡強硬地向獄卒要了條鎖匙,前去把鶴百仙牢房的鐵閘打開。
「咚喀喀──」艾匡解開門鎖,一手拉開鐵閘。
未待鶴百仙轉頭望來,艾匡雙手已經將其衣領扯起:「你俾假情報我。」
鶴百仙停止哼唱,說:「你應該多謝我。」
艾匡也不顧他是老人,出手把他推向牆壁,鶴百仙右邊臉頰受到撞擊,立即甩掉一顆牙齒。
「佢根本無羊皮紙!」艾匡不讓他坐下,持續扯住領口:「你叫我過去有咩目的的……」
「我就單純想睇下你會點選擇,係對你嘅小考驗,如果你無保護艾氏皇朝嘅決心,咁日後被拉倒落台都唔抵可憐,但我睇你已經揀咗殺人滅口,呵呵呵呵……未來嘅路上會有更多相同嘅事情上演。」
「……」
墨說
2022-1-10 23:51:15
「只要威脅到皇室,就需要毫不猶豫咁刪除,先係真正嘅……皇!」鶴百仙說到最後一隻字時,喊得特別大聲。
艾匡很是氣憤,但再沒打他一拳的理由。
始終,要不是鶴百仙供出黃佳玉的話,艾氏皇室的黑材料便會被公開,更糟糕是影子菁英的事情。
「我估你喺佢嗰到搵羊皮紙嗰陣,應該都了解到自己真正嘅敵人?」鶴百仙湊近女皇臉孔,慢慢地搖搖頭:「唔係我哋保皇派,而係本來就唔屬於艾寶琳一份子嘅人,一班投機主義者、野心家、幕後黑手……」
艾匡依然無語,陷入深層思考。
「本是同根生,相煎何太急?」鶴百仙雙掌放到女皇肩膀,沉沉重重的說:「我哋保皇派啊,一直真正要保護係艾氏嘅皇朝,無論先王佢兒子如此兇殘,佢女兒如此天真……」
艾匡和鶴百仙兩眼雙通,彷彿互相看穿對方,但艾匡很快就將鶴百仙推開,並且退後幾步:「差啲就俾你說服到……」
「呵……你仲會需要我,反皇派身後嘅幕後黑手,甚至係成個皇室嘅朝政,唔係你一個可以抗衡到。」鶴百仙渾身無力,頹然躺坐:「女皇啊!如果你準備好挑戰,就再嚟搵我,我可以提供你唔少寶貴嘅意見……」
「無論你哋保皇派初衷係點都好,你曾經作出嘅行為都係改變唔到,有好多無辜嘅人因為你哋而死。」艾匡這句作結,準備離開。
墨說
2022-1-10 23:51:25
「女皇啊,你仲未明我苦心?」鶴百仙癱軟坐地,滿腔無可奈何的語氣:「無人可以喺溫室中成長……」
淅淅瀝瀝的雨夜,燭光柔和映照寢室。
艾匡抱膝坐於窗前,看像被紗籠罩的艾寶琳。
「艾匡,你有心事?」床上躺著王芷諾,問。
艾匡深一口呼吸,雙手反覆擦拭著臉龐:「呢幾日我變得唔太似自己。」
「你意思係?」
「我或者做唔到嗰個,俾任何人鐘意嘅人。」
一想到自己的敵人是反皇派,加上自己勢孤力弱,艾匡就提不起勁來。
「乖,你已經做得好好。」王芷諾帶著被子坐在艾匡一旁,用被子與她包裹身體:「我幫唔到你啲咩,最多俾個膊頭你……」
未等王芷諾說完,艾匡已經靠在她膊上:「其實,你幫到我一件事。」
「嗯?」
墨說
2022-1-10 23:51:36
凌晨兩時半。
兩人披著雨衣,鬼祟溜出叠翠軒。
除了雨下的聲音,還有手攜旅行袋內工具輕晃碰撞聲。
艾匡再次重返慧安園的攝影館,在門口前拉下了雨衣帽:「就係依到。」
「點解唔搵其他人處理?」王芷諾不解。
「其他人信唔過。」艾匡瞟她一眼,手放門柄準備推開:「你準備好?」
王芷諾點個頭,不想躊躇下去:「嗯……」
玻璃門推開立即湧出陣陣腐臭味,程度比死老鼠屍體強烈上百倍。
兩個女生死死忍著氣味穿過暗房,再開啟地下室暗門。
臭味來源來自一具中年男性屍體,一身披血的他躺在梯級之下長眠。
下去前,王芷諾點亮油燈,放下大型旅行袋,小心行落地下室中。
「放佢喺到,由佢一世腐爛唔得?」當光源照及屍體後,不忍直視的王芷諾別頭。
「佢臭味只會越嚟越強烈,到臭到無人頂到,就會有人嚟睇咩事,然後曝光。」艾匡打開工具袋,拿出一把割肉刀:「雖然所有黑材料都燒哂……但要佢屍體消失埋,先可以放安心。」
墨說
2022-1-10 23:51:46
「咁……」王芷諾放下油燈到梯階,往旅行袋中掏出剔骨刀「郁手?」
「嗯……」艾匡伸手掩住屍體的眼睛,另一隻則舉刀往脖子砍下。
「咚!」
「咚!咚!」
艾匡強忍住內心的情緒,手起刀落硬生生將屍體的頭顱砍斷。
見到艾匡完成了一部份,王芷諾都閉著氣、鼓勇氣,用剔骨刀割斷死者四肢,好讓埋藏屍體時更方便。
滂沱大雨的晚上,兩名青春的少艾就躲在地下室中分屍。
為人生回憶中,添上黑暗的一頁。
「如果有絞肉機會方便好多。」王芷諾看著辛苦「斬件」的屍體,很想說出自己的感受,但現在氣氛不太合適。
「幫我打一打開。」艾匡拿出黑色膠袋予王芷諾。
「係……」王芷諾兩手打開膠袋,同時觀察艾匡表情:「你比我冷靜得多。」
「我哋已經無人幫,只可以靠自己。」艾匡將僵硬的手手腳腳,都掉落垃圾膠袋中,翹首看了眼王芷諾:「就好似我哋謀殺大河孝嗰次。」
墨說
2022-1-10 23:51:56
要是艾匡不提大河孝的事情,王芷諾都完全忘記了,自己曾經和艾匡合謀殺掉一個人,更甚是自己於比賽中殺掉了對手。
很多事情,我們都會在時間的巨輪下,選擇自動性遺忘。
直至無意想起的時候,才驚覺自己原來瘋狂過。
流程的尾聲,艾匡拿出一條索帶將袋口鎖緊,屍體處理大致上完成,再找個地方埋葬便可,而鄰近的寶翠公園是個好地點。
兩人轉移陣地到寶翠公園中,一人一把鐵鏟子將某棵樹下的泥土掘開,然後把黑色膠袋掉到洞裡,再撥土埋好。
正值凌晨和雨下不停的關係,街外能見度極低,兩人算是有驚無險地處理好事情。
事後,她們再回到攝影館,作最後一次檢查,沒有什麼大問題後,將工具連同雨衣一同掉棄到垃圾桶中,然後一起返回叠翠軒休息。
兩人回去的時候,距離天光尚有一個小時,但正正是管家星宇起身的時候,他需要準備好打點皇室一切,因而恰好遇上歸來的兩人。
星宇有點驚訝:「咦?艾匡女皇,我都唔知你出咗去……。」
「我哋只係出去傾下計,難得落雨,順便當沖個涼。」艾匡說。
「我拎毛巾俾你,你哋成身濕哂。」星宇微躬、行開。
冷雨夜後,艾匡持續監測攝影館外,看看黃佳玉會否還有同伙,因為聯絡不上而來尋找他,畢竟他曾經跟某人有過書信來往。
結果兩天過去,來訪者僅得一名八歲的女孩,她坐在門口呆呆等著。
艾匡觀察了半天,出於好奇心決定上前了解:「小朋友,你行錯路?呢到唔係小朋友嚟嘅地方。」
女孩呆一呆,答:「我叔叔喺到做嘢。」
「你叫做?」
「陳瑰寶。」
「咁你叔叔?」
「黃……」陳瑰寶抓抓頭,側著頭:「我都唔記得叔叔叫咩名。」
「吓。」
「佢每個星期三,都會帶我去食沙鼠,今日都唔知去咗邊……」女孩十分氣餒,拍打地面。
「咁你爸爸媽媽?」
「我爸爸媽咪已經唔喺到,係叔叔助養我。」
「咁你住喺邊?」
「孤兒院。」黃瑰寶一臉不滿,拍打地面:「叔叔返嚟之後,我要食烤沙鼠!」
艾匡擦擦鼻子,牽住女孩的手:「不如我帶你去食。」
黃瑰寶張大眼:「好啊!」
本來的監測行動,轉變成帶女孩吃沙鼠。
商業區某間頗為出名的烤鼠店中,兩人分享著一隻烤得金黃香脆的沙鼠,但艾匡沒什麼胃口,所以全隻讓給吃得津津有味的黃瑰寶。
「姐姐你唔食?」黃瑰寶想給她咬一口。
本來看得出神的艾匡,抿嘴一笑:「你食。」
「喔。」
「之後就算得番你一個人,都要好好生活落去。」艾匡說。
「點解我會得番一個人啊?」
艾匡沒有回答,只是輕輕拍她的頭。
路上,艾匡有個疑問。
一名間諜人員好端端的,怎麼會去助養個女孩子,純粹是出於善心,還是另有目的?
艾匡不得而知,但還是把陳瑰寶送回到孤兒院去。
邊度有咁筍
2022-1-10 23:52:03
幸運時間
:^(
墨說
2022-1-10 23:52:08
補上上750
:^(
懶叫比牛大
2022-1-11 00:23:44
寫分屍嗰part有少少可惜,如果寫下王芷諾嘅掙扎同埋反感可能會唔錯
:^(
佢一嚟就一啲情緒都冇直接聽令開始 好似爭咁啲嘢
Ads
弟壹圓恥
2022-1-11 00:47:08
應該起碼都有少少情緒失控 話曬之前連病者都驚到咁
:^(
椒鹽蝦米
2022-1-11 00:50:26
有文
:^(
靈異生物
2022-1-11 00:55:43
唔係就係因為佢之前未見過病者先會驚咩
:^(
,反而曾經見過先會冇咁驚
弟壹圓恥
2022-1-11 00:57:35
不過理論上肢解條屍 心理關口應該大啲 尤其是對佢哋兩個嚟講
:^(
靈異生物
2022-1-11 01:00:19
咁又係,之前殺完人都叫會驚下,依家肢解都無有怕咁款,艾匡見住啲friends死過唔驚正常,但係王芷諾都好平靜下
弟壹圓恥
2022-1-11 01:01:36
個程度完全係見到啲「臭啲嘅嘢」咁樣
:^(
mambabewithus
2022-1-11 01:27:27
又話君主立憲
碧水劍
2022-1-11 02:40:31
根本呢個先係佢本性
魔法嵐
2022-1-11 05:21:45
用黑材料真係唔太好
波餅
2022-1-11 06:10:17
一日都無就發臭?
:^(
Ads
傻豬黎既
2022-1-11 07:27:16
推
墮入羅莽
2022-1-11 08:10:36
試過被sliver 屠殺家人
肢解個下竟然無諗起
:^(
鳳凰死不鳥
2022-1-11 08:30:42
你就真係ON9
史上的暴君雖然最於都亡國收場
但過程中都必定令國家興盛
昏君只會消費前者建立落來的一切
:^(
弱水叁千只取一瓢
2022-1-11 10:43:52
究竟係艾匡放唔低權力定港豬陰謀太大
上一頁
第 12 頁
下一頁