月牙 2022-6-16 20:04:56

:^(

屌蝦唔係問題，唔好屌我就得

月牙 2022-6-16 21:02:54 「英叔，啊武佢點啊？」較近門口的啊烈問

「佢身體不斷被高溫蒸發緊，開始有脫水同皮膚灼傷嘅情況出現……」英叔邊說邊搖頭

而他和九叔即使是有功力護身也被高溫熱得面紅耳赤，整個人濕得像掉進了水池一樣

「咁依家我地應該點做先幫到佢…..」到我問

「冇…你地冇野做到，依家我同老野先用冰封符鎮住啊武嘅身體，盡量壓制佢身體發出嘅高溫

而成間房我地都已經立咗一個五行水結界，咁樣就唔好令到間房咁熱」

「我地咩都做唔到…..」啊仁有點不忿的靠向牆身

「但有冇頭緒知道點解冇啦啦會咁？」啊烈想要開始分析可能性

「唔知，但肯唔係出於自然」九叔終於發聲

「肯定唔關惡靈事，如果係惡靈作怪我同佢一定感應到」英叔接著說

「會唔會係啊武自己本身發高燒呢？」啊仁雖是自言自語，但我們都聽得很清楚

不過….我們沒人給予反應

「唔係惡靈，咁好有可能….」啊烈思考著

「龍氣」啊烈和九叔同時說出一個答案，二人對望

「咁齊？」英叔看著二人

「九叔，依家啊武身上嘅龍氣仲係唔係到？」啊烈問

九叔沒回答，而是馬上走到自己房間拿出了兩塊碌柚葉，和一塊小小的八卦鏡

然後九叔打開了啊武所在那房間的門

門一打開，一股熱流立刻湧出，感覺就像站在巴士後方那股熱感一樣

「已經落咗結界都咁熱….痴線」啊仁用手擋住熱流，以免灼傷眼睛

「到底啊武發生咩事…..」我也被這股熱流嚇到

九叔拿著葉和八卦鏡走到啊武身旁，將鏡放到啊武的額上，然後左右手各夾住一塊碌柚葉，再在雙眼前抺過

「靈通天下，開！」九叔唸出一句咒語

九叔瞇起眼看著躺在床的啊武

「佢身體嘅龍氣仲係到，不過….係龍氣著火」九叔說出時自己也有點猶豫

「龍氣著火？即係點啊？」

「我都唔清楚」九叔仔細的再看

「哎，都唔知你搞咩」英叔忍不住走了過去搶過九叔手上的碌柚葉

再做出一次剛剛九叔做過的動作

「真係龍氣著火啊….」英叔看著啊武的身體目瞪口呆

「即係點啊英叔….」不知為什麼感覺他們在這緊張時刻賣關子

「龍氣…呃….你地當龍氣就係有一條龍住係武仔身體入面，依家條龍著曬火，係佢身體入面亂衝亂撞」

「依個應該就係佢咁樣高燒嘅原因」九叔說

「但無啦啦又點解會咁呢」啊仁問了我想問的問題

「依個….要等啊武話返比我地知」九叔也苦無對策

……….

煉丹爐內，紅龍已被三昧真火逼回龍形在爐內打轉

「點解…好似愈嚟愈熱….」紅龍不斷躲避時大時小的火

而這刻，太上老君其實就在丹爐旁邊

「恕老夫對你紅龍唔住，但我唔容許歷史再重演一次」

他默默運功，把三昧真火的熱力逐漸提升

「天尊大人！！火！！愈嚟愈猛啊！！」

「天尊大人！！」

紅龍也感應到爐裏的溫度上升得不正常，所以向太上老君求救

但他卻想也想不到，就是他口中的天尊大人想要置他於死地

昜⺌寧蒙芖 2022-6-17 00:08:43

:^(

三碗細牛腩河 2022-6-17 01:22:22 Molamola

:^(

月牙 2022-6-17 13:11:29

:^(

:^(

:^(

可能仲有轉機嘅

月牙 2022-6-17 13:11:49 又射上天

:^(

月牙 2022-6-17 21:46:39 今晚夜啲出文

:^(

食蕉啦朋友 2022-6-17 23:17:28

:^(

月牙 2022-6-17 23:36:15 12點前有文

請勿靠近 2022-6-17 23:42:48 18m倒轉

月牙 2022-6-17 23:43:24 「啊武有冇好轉啊？」又到了交更的時候

「都係咁…..」啊烈無奈搖頭

「嗯…..咁啊妍仲有冇打嚟搵佢」啊武出事後我們有通知他的妹妹啊妍，說啊武要準備比賽所以要進行特別訓練，短時間內不能回家

但啊妍還是會致電給啊武，每次我們都要想不同的藉口來應付她

也不知能滿上多久….

而這已是啊武「發高燒」的第四日….這幾天我們都以輪更的方式去陪著啊武，以免有什麼突發事情發生時沒人知道

當然少不了定時定候英叔九叔會進來為啊武換冰封符

皆因啊武的溫度實在太高，如果不定時換符的話，連符紙都會失效焚燒起來

「好…你休息下先」我拍拍啊烈，待他離開之後我就坐到啊武的床旁邊

「武啊，你到底搞咩㗎，咁耐都唔醒」我失落的看著啊武

「武仔佢會冇事嘅」英叔從外進來，應該是到時候要換符

「嗯？」我望向英叔

「武仔佢咁硬淨，點會有事，過多兩日就彈起身同我地講發生咩事㗎啦」英叔把新的符放在啊武胸口

「寒封萬物，結」

符紙在啊武身體表面結了一層薄冰

「𡃁仔…你要記住，永遠都要相信自己嘅同伴做得到，如果連你都唔相信佢，佢點會相信自己做到…

所以我由始至終都相信武仔一定冇事」

英叔說完後就出去了

「……」餘下我呆呆的看著啊武

時間一秒一秒的過

「相信….佢就會做到」我亦突然感到睡意來襲

我的身體慢慢向前傾，漸漸演變成趴在床上睡著了

「相信…..就會做到…」但我口中還是唸著英叔說的話

而我趴下時，手就剛好碰在啊武的手上，然後一道微弱的金光從我的手傳到了啊武的身上

…………

《啊武視覺》

「啊！！依度到底係邊到嚟㗎！！！」不知多久前我突然出現在這個充滿烈火的空間，這裏沒有盡頭，只有烈火，無窮無盡的火

但又很奇怪，無論火怎樣燒我，我身上都不會有任何傷痕，卻又能清清楚楚的感覺到火燒的痛楚

而且我最後的記憶明明是正在跟英叔他們說話

莫非這裏又是九叔他們弄出來的結界……？

但又不太像，以往的結界都不是這樣的

「嗄…啊航 ！！」

「英叔！！」

我忍著持續被火燒的劇烈疼痛，不斷高聲叫喊著他們的名字

「你地到底係邊啊！！」

這裏並沒有分晝夜，我已不知道自己在這裏多久時間，再這樣下去我不確定自己的意志力還能否撐下去

時間又過了不知多久…..

「嗄….你地…嗄…到底係邊」我已被烈火折磨得無力再走下去，任由身體被地上的烈火吞噬身體

「啊武….啊武……」突然，一把熟悉的聲音傳來

是…是誰的聲音啊…

「啊武….你做到㗎….」

是啊航的聲音！！

「啊航…..」我聽到啊航的聲音後，激發起我求生的動力

我撐起身體，再次向前走

「啊航！！你係邊啊？！」我不知啊航人在哪方，所以只能漫無方向的向前行

「武…相信…就會做到…我信你可以…」

啊航的聲音斷斷續續的傳來

「相信就做到？….」我重複啊航說的話

突然！一道金光打到我的身上

「嗯！我一定做到！！依啲野點會難到我李梓武！！你地等我返嚟啊！！」被金光擊中後，我的意志力一下子爆發，像全身充滿力量一樣

我向著一個方向就不斷向前跑！我總不信這裏真的是無盡頭！！！

月牙 2022-6-17 23:44:51 ？？？

:^(

昜⺌寧蒙芖 2022-6-18 01:13:36 倒轉地球

食蕉啦朋友 2022-6-18 09:34:57

:^(

月牙 2022-6-18 19:01:07 《啊武視覺》

天庭上

「嗄…..天尊…點解你要咁做…」四天過去了，紅龍也意識到是太上老君刻意不斷將溫度提高

而這刻的紅龍已是即將油盡的燈，三昧真火已入侵他的所有經脈，早早化回龍形的「牠」，內臟都在燃燒，每一塊鱗片都出現裂痕，裂痕中滲著火花

鬃毛的位置早變成了火球般的存在，雙眼更是被火燻得視力受損

以現在三昧真火的溫度來說，如果不是紅龍有千百年的道行和龍氣加持，相信早就已一命嗚呼

不過這些東西也只是幫牠多拖延了一會，始終都是撐不了七天

但就在這一刻！！！

金光擊中我後，居然連帶影響了紅龍

紅龍身軀突然冒出了薄薄的金光！

「嗯？！」紅龍感應到身體的不同，突然充滿了力量

反正知道自己怎麼都是會死，牠決定大膽一拼！

牠先俯衝到煉丹爐的底部，忍受更強烈的火燒感，然後再盤旋儲力，一下子向著爐頂的開口

衝！！！！

紅龍卯足全力衝破了煉丹爐的蓋口，成功逃出了煉丹爐，但視力受損的牠根本看不清逃生的方向，只能在煉丹房內亂衝亂撞

而守在煉丹爐外的太上老君則被震驚到

「你點走到出嚟㗎？！！」太上老君看著突然衝出的紅龍，一時反應不過來

等他反應過來時，他馬上出手想捉住紅龍

「大膽紅龍！竟敢衝破丹爐！你罪加一等！」太上老君手腕上憑空出現了一條由氣形成的繩鞭

他手一揮就纏住了紅龍的尾巴，把紅龍拉住

但紅龍身上的金光再次滲出，金光一照耀到氣鞭後，直接把整條氣鞭給破散了

氣鞭突然消失，太上老君頓時一失重心往後退了幾步

紅龍沒有了束縛後就撞離了兜率宮，在天庭上亂撞

但他這刻關心的並不是紅龍逃脫了，而是……

「嗯……果然…」太上老君呆了的站在原地

紅龍憑著記憶在天庭上亂闖，終給牠走到了南天門

嗷！！！紅龍的一聲龍哮

吸引了正在鎮守南天門的廣目天王

「紅龍？！」廣目天王看到紅龍突然出現也感到震驚

「七日時限仲未到….點解」廣目天王先呆一下，但好快就知道紅龍是逃跑出來的

「大膽紅龍！本天王已經對你多加寬恕，你竟敢私自逃跑？！」廣目天王馬上吹響一聲口哨

不出一秒間，黑龍就從旁邊的雲霧中竄出，廣目天王一個跳躍就飛身坐到黑龍身上去追趕紅龍

「紅龍！你再走就會成為罪不容誅嘅逃犯，到時我必須將你擊殺！」廣目天王在後緊追紅龍

「偽君子，唔洗再裝模作樣！你從來就冇諗過留我一條活命！」紅龍因為金光的關係壽命暫時得以延長

廣目天王的黑龍速度飛快，很快便追上了紅龍，跟牠並肩而行

「紅龍！你講咩啊？！本天王幾時…..」

嘭！！！

紅龍雖然看不清，但聽得出廣目就在身旁，所以牠一個急轉彎撞向黑龍

二龍相撞一刻，產生了巨響

黑龍被撞歪穿進了雲中

眾天兵天將看到此情此景也不敢貿然出手相助

當黑龍用尾巴撥開雲霧時，廣目發現紅龍已不見了影蹤

「佢去咗邊？！！」廣目問「看熱鬧」的天兵們

「佢….佢走咗入啲雲裏面啊！」天兵們指著前方的雲層，但卻沒有一個人打算幫忙上前追

「成班都係飯桶….」廣目天王對這群手下感到萬般無奈

「黑龍！追！」

月牙 2022-6-18 19:01:17 準時出文

:^(

:^(

食蕉啦朋友 2022-6-18 20:47:36

:^(

肥姩 2022-6-19 01:34:19 但啊妍還是會致電給啊武，每次我們都要想不同的藉口來應付她

也不知能滿瞞上多久….

而這已是啊武「發高燒」的第四日….

月牙 2022-6-19 14:06:30

:^(

:^(

:^(

啊！！！我居然冇發現錯字添

月牙 2022-6-19 19:21:52 《啊武視覺》

廣目天王拉一拉黑龍的鬃毛示意牠加速

嗷！！！！黑龍一聲長嘯回應，加快了速度鑽進前方的雲層更用尾巴撥散雲霧

但，紅龍經已消失得無影無蹤

「啊！！激氣！」廣目天王向天怒吼

他帶著黑龍回到南天門

「廣目天王…」天兵天將看到怒不可遏的廣目都顯得膽怯

「幫我通報」廣目跟那些手下說

「要報通咩啊大人」

「我要見玉帝！」廣目嚴厲的說

「係！末將依家就去通報！」其中一名職位較高的天將領命

而紅龍逃脫後，第一個找的就是啊武

金光的效力經已逐漸失效，紅龍的身體正加速敗壞

鱗片正一片一片的開始脫落，時間….

餘下不多了

紅龍用盡最後一點法力來到了我的意識空間，而這時因為紅龍已脫離煉丹爐所以我意識空間內的烈火亦同時熄滅了

「啊武….」紅龍像一縷煙的憑空出現在我的面前，再變回人形倒在地上

「紅龍啊伯！你做咩啊！！」我果斷衝上前扶著他

「啊武….紅龍啊伯要走啦」紅龍虛弱的說

「到底做咩事？！點解會….因為啲火？！」啊武聯想到那烈火

「三昧真火..居然連你都影響埋？！」紅龍聽到我提起火很大反應

「係，突然隻手好痛，之後我就嚟咗依到，周圍都係火，會痛但又冇傷痕，好似無止境咁折磨」我說出這段時間的情景

「哈哈….啊武，我紅龍畢生跟隨學術者殺過唔少魔、斬過唔少妖，但就冇一個好似你咁….咁純粹嘅內心」

「呃….你唔好講依啲啦….冇事㗎！我帶你去搵我師父佢地，佢地好叻㗎，一定救到你㗎」我想一手把紅龍扶起

但卻被他拉住了

「冇用㗎啦….我依個啊伯…即將油盡燈枯㗎啦，你要聽住！….你地要好好練功，繼續努力，係不久嘅將來….將會有一個大麻煩嚟搵你地」

「大麻煩？係咩嚟㗎？」

「我可以講嘅，就只可以係咁多啦….講太多你地都會有麻煩，啊武我好開心上一世可以同你並肩作戰……再見….」

紅龍啊伯勉強的說完這句話後…..

就化成一股像龍形的煙消失在我面前

「紅龍啊伯！！紅龍啊伯！！！」

「……..」任我再叫紅龍啊伯都不會回來了

「紅龍啊伯……」我低頭跪在原地

而就在紅龍啊伯消失不久後，我的身體也突然開始化成煙霧的形態

「做咩啊？！？！咩事啊！！！」我驚慌的看著手腳開始消失

最後我全身都化成了煙，散開了

⋯⋯⋯⋯

《啊航視覺》

「啊！！！」原本昏迷的啊武突然醒來大叫

「嘩！！！做咩啊！！！」趴在床上睡著了的我被啊武突然的大叫嚇醒了

「喂！𡃁仔咩事！！」英叔聽到我們的叫喊聲後馬上衝了進來

「呃…..啊武醒返啦」我懵呆的看著啊武

「啱啱….係發夢定….」啊武自言自語的說著

「嗱！！係咪啊𡃁仔！我都話你信佢就會醒返㗎啦！」英叔開心的飛撲到啊武的床上

「嘩啊！！！英叔你砸死我啦」啊武被英叔剛剛好壓住

「冇事就好」九叔蹺著手靠在房門口外

「死仔！！終於冇事啦咩！嘩啊！」啊仁從外面跑進來，又是一個飛撲撲到英叔和啊武的身上

「一早估到你會冇事㗎啦」啊烈則慢慢的走進來

「哎呀！你地做乜鬼啊～我冇事啦，你地再唔行開我就真係比你地砸死㗎啦」

啊武想用手推開啊仁和英叔

但發現自己的右手莫名的用不上力氣

「呃….點解會咁嘅」

「做咩啊啊武？」在床邊的我察覺啊武的不妥

「我隻右手…..完全用唔到力」啊武一臉驚慌的說

月牙 2022-6-19 22:17:41

依到就係主角們係結界同九叔英叔交手嘅實地啦！

:^(

九叔就係企係啲鋪頭上面偷襲佢地

英叔就係天井上面

:^(

芋仙慾死 2022-6-20 00:28:52 正喎有圖睇 件事即刻多咗想像

:^(

今次就唔剪住 次次一live咗就想剪

:^(

月牙 2022-6-20 08:07:59 咁啱跑山經過！

:^(

即刻入去影返幾幅相先！

新手初心者 2022-6-20 12:29:16 咁樣阿武係米會無左紅龍之力呀？

月牙 2022-6-20 12:47:54 今晚就會揭曉

:^(