[殭屍/靈幻/鬼怪]《輪迴。道》世界重新輪迴一次之後我都係變咗做現代道士08
上一頁
第 28 頁
下一頁
食蕉啦朋友
2022-5-25 01:02:58
下次唔剪 拎支竿釣
:^(
Ads
月牙
2022-5-25 01:15:21
「嗯……」閻王一臉沉重,迫於無奈之下,拿出了一本古咒
《地王清念咒》
「地藏王….本官都係迫於無奈先要出動依本古咒,希望得到你嘅批准….」閻王望著古咒,口裏像祈禱一般跟地藏王說話
「喂!你係咪有方法啊!有就快手啦」神秘男不斷的閃避,但距離已開始被展瑋追近,顯得有點狼狽
「哞嘛叭噠依喥……..」閻王打開古咒,開始唸起內裏的咒文
咒文一唸,整個地府都像在震動一般
「啊!!!!停啊!!」展瑋聽到咒文後便把斬刀拋下,雙手摀著耳朵,表情變得痛苦猙獰
「嗄….係咩咒…點解連我都有反應…」原來不止展瑋受影響,連神秘男聽到咒文後也感覺到不適
「嘛呼咪噠,哞嗦嗲嚕……」閻王持續唸咒沒有理會神秘男
「閻王!!停手啊!!」展瑋痛苦得在地上打滾
「我唔想再失憶啊!!……」話畢,展瑋就暈倒過去
「嗄….嗄….咩失憶啊….到底係咩嚟….」而神秘男也變得虛弱,已半跪在地上,冷汗直流
「《地王清念咒》,係可以清除人一生中痛苦、、憤怒、執念嘅古咒,連同《地王三世書》、《地王淨獄經》,三本都係地藏王花盡心血寫出嚟嘅古書,經歷萬年,依然奏效」
「痛苦…唔得…我唔可以唔記得我同我老婆嘅記憶㗎….」神秘男嘗試站立,但身體已被咒文的法力入體,無法改變
「咁樣可能對施主你係最好嘅結局,放下啦」閻王跟神秘男說
「唔….可..以」最後神秘男也是抵不過咒文的威力,昏倒過去
閻王輕力拍一拍枱,官座前的氣膜消失了,然後
「地靈武將,前來聽令!」他再呼喚地靈武將
「武將前來聽命,請閻王差遣」聽到呼喚後幾名武將就在官座前以半跪的動作憑空出現
「將展瑋押下,直至佢有返意識,再觀察佢是否一切正常」閻王下令,眾武將就把已變回原狀的展瑋抬走
「閻羅王大人,咁依個男人點樣處理?」剩下的武將指著神秘男問閻王
「將佢送返人界,立令禁止進入地獄,如若再闖!即時拘押!」
「遵命!」武將聽命,合力把神秘男抬起,準備送走
「等陣」閻王突然站起並叫停了武將們
閻王走到神秘男旁
「到底你係咩人…..」閻王猶豫不決的把手伸出一半,想把神秘男的面具除下
「有能力同展瑋一戰嘅凡人….」
最後閻王還是抵不住好奇心的誘惑,把神秘男的惡鬼面具除下了
咔!面具的扣打開,神秘男的真面目被閻王看到
「呃….」閻王顯然知道神秘男的真實身分是誰,表情顯得驚訝
「閻羅王大人,你識佢?」其中一個武將問閻王
「唔識…不過知道佢係咩人,帶走佢啦」閻王搖搖頭說
「好,遵命」於是武將就將神秘男送回陽間
「居然會係佢….」閻王知道神秘男的身分後陷入了沉思
「地藏王你究竟身在何處…若果佢再嚟一次嘅話,我地就未必應付到佢….」閻王苦惱的自言自話
………
畫面轉回人界
人界的時間已過了一天,莫盡靜待了一晚後,主動致電給段天
「喂,段生」
「哦~係莫先生!!你好你好,考慮成點啊?」段天問他
「我決定應承你,做你公司嘅顧問,但我有一個要求」莫盡用一晚時間就是想著一個問題
「嗯?係~請講」
「嗯…..我要求每個月有十萬顧問費」莫盡說出他的要求
「哦~原來係咁姐~Sure!冇問題,待一個月比夠三十萬,合作愉快莫先生」段天爽快答應,而且還多加了二十萬
「好!一言為定,合作愉快」
就這樣,莫盡在段天的安排下成為了段氏集團的玄學顧問
月牙
2022-5-25 01:15:40
終於出到文啦
:^(
可以瞓教
月牙
2022-5-25 01:17:27
:^(
:^(
兩日睇到咁多!咁樣你好快就會睇到live ,到時就催我出文
:^(
btw返工睇小心比老細鬧啊
月牙
2022-5-25 01:29:18
食蕉兄越嚟越殘暴
:^(
綠至居
2022-5-25 12:00:44
:^(
唔敢睇得太快 live咗準時出剪
:^(
三碗細牛腩河
2022-5-25 12:16:42
閻王咁撚求其
:^(
隊冧兩個兄弟都放佢走
月牙
2022-5-25 13:51:12
無能為力
:^(
連暫時最好打個條𡃁都失控,放人走係最好嘅做法
月牙
2022-5-25 21:58:33
要夜啲出文
:^(
月牙
2022-5-25 23:51:17
不久後,我們眾人聚在九叔家食飯時,電視剛好在播新聞
「日前有消息流出指段氏集團有意以高薪聘請玄學顧問,今日由段氏集團主席段天親自回應記者提問」
「嘩,洗唔洗咁都報新聞啊?冇野講咩?」英叔一邊吃一邊說
「係咁㗎啦英叔~依家啲新聞睇唔睇都冇所謂」和王奇一起來吃飯的夢晞說
「有錢人嘅玩意,無聊」葉靈看著電視反了一下白眼
「又係依個怪胎….」我看到他就莫名火起
「喂啊,你唔好成日咁話我老細啦」而陪我來的洛兒聽到我罵他老闆時,又被她打了我一下
「咩姐,講下咋嘛!又打人!」我抱怨道
「鬼叫你亂講野啊~我老闆好好人㗎」洛兒再裝起要打我的勢
這段時間,洛兒已跟九叔英叔他們混熟了,所以已向他們露出了她的「真面目」——粗魯
「係喎~洛兒,你係段氏做㗎喎,有冇收到啲咩內幕消息啊?話比英叔知啊~我見啲師奶篤下篤下咁就賺到錢㗎啦」英叔問洛兒
「冇㗎英叔~我地公司啲消息好神秘㗎,連啲高層都未必知道嘅,如果唔係我都一早發咗達啦~」
「英叔,你幾時咁有錢學人玩依啲咪㗎」王奇笑問英叔
「啊奇哥,你有所不知啦,個次啊烈拜…嗚!!!」啊武正說到一半時,英叔突然伸手把啊武的嘴摀著
「噓!!武仔!財不可以露眼啊!我地唔好話佢聽姐!」英叔活像一個小孩一樣對著王奇吐舌頭
「啊武我幫你講!個次啊烈正式拜師,英叔拎咗啊烈比九叔嘅拜師費」我跟英叔坐得遠,他阻止不了我
「喂啊!𡃁仔!你出賣我!」英叔又學九叔那般瞇起眼看著我
我也學他剛剛對王奇一樣的向他吐舌頭
「哦!英叔~你貪心啊!學道嘅人唔係應該要清心寡慾㗎咩」夢晞指著英叔說
「咩啊!我又唔係和尚喎!同埋我只係幫佢保管咋嘛!!」英叔還擺出一副傲嬌的表情
「喂,你地睇下!」啊仁突然指著電視
「咩事啊?」我們眾人都望向電視
「係咪有啲….」啊仁正說
「唔係似,係莫盡」九叔知道啊仁要說什麼,所以就先答了啊仁
「莫盡個條友仔,居然比佢泊到個好碼頭喎」英叔看著電視,隱約感受到英叔有一種「葡萄」的感覺
「英叔,我地恨唔到咁多㗎啦,莫盡會去做嘅,都唔方會係咩好野啦」啊武知道洛兒很支持自己老闆,所以沒有大聲說出,只在英叔耳邊說悄悄話
「你啱,我一身傲骨,唔會為五斗米而折腰嘅」英叔說完後就瘋狂的把飯推進口中,化嫉妒為食量
這時,夢晞突然拉一拉王奇的衣袖然後打了個眼色,王奇看著夢晞尷尬的點一點頭,我在一旁看得清楚
「呃…大家,今日咁人齊,我有啲野想宣佈」王奇糾結兩秒後終於發聲,我大概猜到他要說什麼了
大家都停下碗筷,把視線放在王奇身上
「咩事啊啊魚」英叔問
而英叔會叫王奇作「啊魚」,是因為我常常笑王奇的名字擺明是要多配搭「吞拿魚」這三個字
久而久之英叔就直接問王奇做「啊魚」,王奇一開始是抗拒的,但慢慢習慣了就沒再出聲
「你兩個神神祕祕咁,係咪有好消息啊?」我看著王奇心領的笑了一笑
「係啊,大家,我準備做人老豆啦」王奇腼腆的說
「WOW!!」大家聽到這個高興的消息後都歡呼起來
月牙
2022-5-25 23:52:51
唔好啦
:^(
你慢慢睇啊!!
不過第二季一段時間我自己都覺得有啲悶
:^(
Ads
綠至居
2022-5-25 23:55:58
今日放工搭車都忍手冇拎出嚟睇
:^(
我已經慢咗好多
:^(
月牙
2022-5-25 23:56:49
:^(
我都盡量出快啲,等你唔好咁快追到live
綠至居
2022-5-25 23:57:16
Btw 一開頭其實都幾好睇
:^(
個個歸位好似睇緊我和殭屍第二季咁
:^(
月牙
2022-5-25 23:59:19
的確係想營造個種感覺嘅
:^(
一種陌生而又熟悉嘅感覺
綠至居
2022-5-26 00:00:36
好似馬小玲望住況天佑咁
:^(
月牙
2022-5-26 00:15:47
實不相瞞
:^(
我前幾日先重睇完第一季
食蕉啦朋友
2022-5-26 00:28:14
:^(
綠至居
2022-5-26 01:43:07
實不相瞞
:^(
我都係
青蛇白蛇
:^(
新手初心者
2022-5-26 09:05:40
我和疆屍的確係經典,如果當年佢有足夠的特技和資金將畫面做好D
我會更加喜歡
我最失望第二季最後天佑打將臣個段,不過整體其實係好好睇
我到而家都仲好記得劇情
三碗細牛腩河
2022-5-26 09:34:42
呢邊算幾快啦
日更
:^(
Ads
月牙
2022-5-26 10:16:23
個段真係有啲強差人意
:^(
兩隻特技怪物打交,然後又突然白髮贏咗。。。
月牙
2022-5-26 11:28:08
:^(
有靈感就係!!
新手初心者
2022-5-26 14:49:10
那希望你靈感大爆發吧!
爆呀!
月牙
2022-5-26 20:10:03
「真係㗎?!預產期係幾時啊?」洛兒聽到後馬上起身跑到夢晞身旁撫摸她的肚皮
「冇咁快啊~醫生話預產期係下年三月」夢晞笑說
「啊魚大個仔啦!做埋人老豆!」英叔笑得開心,像自己兒子有了孩子一樣
「以後生生性性」九叔的臉上也掛著笑容,不過是欣慰的那種感覺,之後九叔更夾了一把菜到王奇的碗裏
「咁我又夾下啦,生性啊魚仔!以後做野要錫身啲㗎啦」英叔也不吃虧的夾了一塊肉給王奇
「多謝九叔英叔,我知道㗎啦,以後做野又要努力啲又要小心啲」王奇點頭說
「你依家粗身大勢,啱啱就唔好幫手煮飯啦啊嘛」葉靈也走到夢晞身旁蹲下
「唔緊要啦~好少事姐」夢晞搖搖頭表示不要緊
「總之嚟緊所有野都等我嚟啦,直至BB出世,唔好操勞」葉靈堅持說
「好啦~知道啦,BB你出世記得叫佢做契媽啊~」然後夢晞把葉靈的手拉到自己的肚皮上
「契….契媽?」葉靈錯愕的望著夢晞
「係啊,佢啱啱知道自己有咗個陣已經係到諗認邊個做契爺契媽㗎啦,佢第一個就話要BB認你做契媽啦,話想BB做事好似你咁瀟灑直接」王奇說
「呃….好啊」葉靈的手在夢晞的肚皮上掃著,嘴角慢慢不知覺的向上揚起,表情是那麼溫柔
「嗱~BB你出世之後都係叫我洛兒姐姐好啦,我永遠都係姐姐嚟㗎咋」洛兒開玩笑的說
「係啦係啦,你永遠都十八歲啦」我說
「緊係啦~」洛兒還擺出一副得意的嘴臉
「你就好啦奇哥,我都好想搵個人同我生BB啊」啊仁用羨慕的眼神看著王奇
「慢慢啦啊仁,可能轉個頭你就遇到你中意嘅人呢」王奇安慰「失落」的啊仁
「奇哥你唔洗理佢㗎,成日係到亂講野」我說
「係囉,唔好鬼理佢奇哥,恭喜你」坐在英叔旁、王奇斜對面的啊武舉杯
「多謝你」王奇也舉杯
冰!!一下碰杯,二人把杯裏的飲料都喝光
「你地兩個當依啲係酒啊?玩乾杯」英叔說
「咁冇酒啊嘛,咪以野飲代住酒先囉~」啊武回答
「今日咁開心,就落去買啲酒啦!」英叔突然拍枱一說
「嘩!」夢晞被嚇一跳
「喂啊!!英叔!」我們在場的所有人都馬上盯向英叔
「呃….唔好意思,我錯…哈哈」英叔立即縮起肩膀認錯
「哎呀~大家唔洗咁大反應啦,當我普通人咁看待得㗎啦」夢晞揮揮手說
「唉!我係罪人啦!我落去買酒!」英叔主動「負荊請罪」,下去買酒
「英叔!我陪你一齊去買!」啊仁居然主動說要陪英叔
「幾時都話啊仁你乖!嚟!我地一齊落去!」英叔搭著啊仁的肩膀一起出發
兩個大大咧咧的大細路就開展了買酒的旅程
「佢兩個真係天生一對㗎喎」洛兒指著二人笑說
「就係兩個都大唔透咁」葉靈無奈搖頭
「但咁樣先係佢地啊嘛」王奇說
這夜大家聊得很開心,王奇跟九叔英叔聊起自己父親年輕的事,我們在旁聽得入迷
而三名女生就坐到一邊大談育兒計劃,不過葉靈就總是提出一些很實際但不美好的的事情
例如:生下來後不聽話、女兒被騙走了、兒子叛逆走歪路等等
有時把夢晞洛兒都搞得尷尬,不過還是能繼續說下去
「喂!咁快飲曬啲酒嘅!」飲到十點多,英叔已經開始有點醺醉,兩邊面頰都開始有點通紅
而九叔一直小酌小酌的,到現在也不覺得有醉的感覺
「英叔,你醉啦,唔好飲啦」啊武勸說英叔不要再喝
「怕咩啊!今日咁開心,醉盡佢啦!!」英叔喝後更像一個瘋子
「由得佢飲,佢好多年冇飲過」這時九叔居然叫我們讓英叔繼續喝
「既然九叔都咁講啦,就等我落去買多啲上嚟再飲過啦!」
上一頁
第 28 頁
下一頁