[殭屍/靈幻/鬼怪]《輪迴。道》世界重新輪迴一次之後我都係變咗做現代道士08
上一頁
第 26 頁
下一頁
月牙
2022-5-12 23:04:54
「九叔啊,啊烈都想跟你學法」由我打頭陣,先為啊烈向九叔說聲
「係啊,九叔,啊烈好有誠意㗎」然後就是啊武
「誠意?咩誠意?」九叔瞇起眼看我們
「係囉~講有誠意冇用嘅~」英叔在一旁添油加醋
「英叔…..」我跟啊武同時盯著英叔看
「得!我收聲囉 ~」英叔攤一攤手,縮縮膊,然後回到沙發上坐下
「有!我真係有誠意」啊烈話畢後便往西裝內袋裏伸手去
「九叔,依到八萬八,係我嘅拜師費,請你笑納」原來啊烈伸手是拿出了一疊鈔票
「嘩!」原來已坐下來的英叔聽到八萬八千這數目後又馬上走回過來
其實不止英叔的反應大,在場的我們都瞪大了雙眼看著啊烈,連平時冷酷的葉靈也不禁多看了兩眼
「喂老野,八萬幾喎,諗諗佢啊」英叔自以爲的悄悄話,但其實我們都聽到
「我唔收」九叔卻竟然一口拒絕了
「喂!你傻咗啊」英叔不敢相信九叔拒絕
九叔回頭瞪了英叔一眼,英叔馬上閉嘴,只在他身邊來回踱步,口中更在咒罵九叔
「九叔….你唔肯收啊烈?」我問九叔
「我係話唔收啲錢」九叔嚴肅的望著我說
「我要嘅誠意唔係錢」九叔續說
「咁九叔你想要咩,你講」啊烈誠懇的看著九叔
「我要你完全脫離所有有關社團嘅人、事、物」原來九叔心裏是想着這個事情
「得,冇問題」啊烈爽快的答應
「你以後同啊航佢地一齊上嚟,記住你應承我啲咩」九叔說完後拍了一拍啊烈,就像是一種認可
簡單而又嚴肅的對話過去後,英叔又準備「發作」了
「嘩!禮成!鼓掌,又多個細路同我玩」英叔自己一個在後面鼓舞
「呃….哈…好野」我勉為其難的跟着他一起鼓掌
「嗱~不過咁啊烈哥仔,我聽閒你都幾抽得㗎喎,不如考慮下做我徒弟啊」
「呃….」啊烈呆住
「我份人好簡單㗎姐,唔洗個啲咩誠意又唔知唔聯絡咩人啦,太複雜啦,係咁咦比啱啱個疊…嘻嘻,就得㗎啦」原來英叔是想打啊烈那八萬八千的主意
「英叔啊,你唔好搞啊烈啦~」啊武主動上前為啊烈解圍
「唔係喎武仔,我好認真㗎喎」英叔卻不放棄
「唔緊要啊英叔,依到少少心意你拎去飲茶」啊烈又真的把手上的鈔票全給了英叔
「多謝多謝!真抵錫啊!烈哥仔你放心啊,我會將我畢生嘅功力傳曬比你㗎」英叔現在就像一個拿著新玩具的小朋友一樣,笑得合不攏嘴
「唉….冇眼睇」九叔搖頭反眼
「嘖嘖嘖」葉靈也是同樣反應,不過分別是她帶有笑容的
「喂!英叔!個陣你都係話將畢生功力傳曬比我㗎喎!咁即係點先!」啊武質問英叔
「下!英叔咁唔得喎,條數點計先」啊烈也加入質問行列,而且更伸手想拿回那疊千元大鈔,但其實也只是配合啊武開個玩笑
「喂嗱!你地唔好行埋嚟啊!我嗌㗎!」英叔把鈔票緊抱在胸前
「搶佢!」啊武衝上前抱住英叔
「好!」啊烈則馬上配合,伸手上前搶走鈔票
「你兩個死仔!救命啊非禮啊!欺師滅祖啊!」英叔大叫
「噓!英叔!好快㗎咋」啊武這句說得像個變態佬一樣,然後便用手捂著英叔的嘴巴
嗯….真的很像一個變態佬
「嗚!!唔%&@$¥\·」英叔自然是說不出話
而啊烈就發出更強烈的攻勢
「啊嗚!」殊不知!英叔突然使出一招金蟬脫殼,他縮一縮肩膀整個人向下一沉
啊武手上就只剩下一件衣服,啊烈就一頭霧水,因為英叔就在自己面前突然消失了
「後面啊」在旁看著過程的葉靈忍不住要提醒他們
Ads
就算在這刻很孤單
2022-5-13 00:45:23
有機會喎,佢性格都唔多正路,會妒忌人地勁,又冇乜義氣
:^(
就算在這刻很孤單
2022-5-13 00:45:49
我唔信
:^(
月牙
2022-5-13 00:48:42
:^(
諗多咗啦~
三碗細牛腩河
2022-5-13 02:42:02
上世嘅呀仁轉生後都係幾cool幾狠
係咁啪野唔理人
不過都有照顧主角算係咁
月牙
2022-5-13 20:55:56
「嗯?!」啊武聽到葉靈的提示後才轉身望去
「死仔!」但已換來了英叔的一個棱角拳,打在前額上
「嘩嘶!痛!」啊武蹲下不斷揉按著前額
「唔痛打你做咩啊!夠膽蝦師父!?」英叔這時還是緊緊抱著鈔票,生怕他們再搶
「英叔…你係點樣去啊武後面㗎」啊烈看到英叔的一頓操作,感到震驚
「哈,小兒科嚟㗎姐,有排你地學啊」英叔擺出一幅傲嬌的樣子
「請問,食得飯未?」在坐搖椅上的九叔問
「食得!我同妹頭今朝買咗餸㗎啦,不過要搵人煮喎」英叔說完後就抱著錢回到自己房間,我想他也是要把錢收起來
「嗱,我買咗餸,你地邊個煮啊」葉靈蹺起手,走遠廚房
「我煮啦」啊烈自告奮勇
「你識煮?」葉靈用懷疑的眼光看著啊烈
「放心,我好細個就自己住,煮飯冇難度」啊烈邊說邊脫下西裝外套,然後把袖口捲起,再把領呔扯鬆,走到廚房準備大顯身手
「喂!烈哥仔!我買咗啲牛肉同苦瓜㗎!我要食苦瓜炒牛肉㗎!」英叔應該是已把錢收起來了,突然衝了出來
「冇問題,交比我」啊烈打開雪櫃,細看有什麼材料
「我肚餓」九叔閉著眼在搖椅上養神
「一個鐘,一個鐘內有得食」啊烈帥氣的拋下一句,然後就把廚房門關上了
「啊….個死仔又幾型㗎喎,妹頭諗諗佢啊」英叔突然跟葉靈說
葉靈第一時間看了我一眼然後又把視線轉回英叔身上
「發神經,食飯叫我」葉靈拋下一句就回房了
「英叔啊,你又亂講野,小心靈姐又打你啊」啊仁過去搭住英叔的肩膀
「唔關我事㗎,係個妹頭自己脾氣差咋嘛,咁樣唔得㗎,咁樣冇男人要㗎」英叔說
「我聽到㗎!」葉靈從房間裏叫出來
「啊仁講㗎!」英叔竟然將責任推在啊仁身上
「喂!英叔….你….我!喂啊,唔關我事㗎靈姐」啊仁解釋
但葉靈沒有回應
「死啦….佢會唔會真係以為我講㗎」啊仁看著葉靈的房間
「放心啦,葉靈冇咁小氣嘅」我過去「安慰」啊仁
「係咪㗎」啊仁半信半疑的看著我
「係㗎,佢最多咪出嚟打你一鑊,冇事嘅」我再笑說
「陳天航!」葉靈又再次在房間叫出來
「啊仁講㗎!」我笑著叫回去
「喂啊!救命啊啊武」啊仁走到啊武身旁
「冇事,唔洗驚」啊武說
「都係啊武你最好」啊仁安慰的說
「係啊,冇事㗎,比人打記得護住個頭,好快就過㗎啦」誰不知啊武也是在耍啊仁
「連你都係咁!!我唔玩啦!」啊仁說完後就走向大門,走出了堅
屋
「喂!你唔係咁小氣啊嘛!」我們問他
「我去買野飲啊!都冇野飲!」原來啊仁是打算下去買飲料
「可樂!」英叔直說
「我要烏龍茶唔該」啊武說
「我都係啦」我說
「九叔呢?」啊仁問
「唔洗」九叔依然閉著眼
「我要橙汁」葉靈聽到我們的對話,所以也叫出來
「好,我去買啦!成班衰人」啊仁臨出發前學九叔般瞇起眼看我們
好快,啊烈就真的煮好了五餸出來,而且全都色香味俱全
「嘩,啊烈真係估唔到你煮野咁好食」我大口大口的把餸菜送到口中
「係囉,見你成日都去嗰間西餐廳以為你淨係出街食飯添」啊武也是跟我一樣,吃得津津有味
「嗯,咁以後你嚟我就唔煮啦,交比你」葉靈雖然語氣上好像很冷淡,但看她的表情就知道,她也覺得很好吃
「係唔錯」九叔也點頭稱讚
「大家中意食就得啦」啊烈在這刻感受到久違的家庭溫暖,要守護大家的心亦在這刻萌生了
月牙
2022-5-13 21:21:03
咁上季我係寫佢寫得幾型嘅,但今季我想偏心啊烈
:^(
雪榚糯米糍
2022-5-15 02:22:43
推
:^(
月牙
2022-5-15 21:48:38
今日出唔到,屋企人生日食飯
:^(
聽日見
你呀媽個波罩你呀
2022-5-15 22:55:17
樓豬enjoy
:^(
:^(
食蕉啦朋友
2022-5-16 00:07:43
:^(
:^(
:^(
Ads
月牙
2022-5-16 11:01:52
食完飯係咁痾
:^(
月牙
2022-5-16 20:35:37
另一邊廂
「仆你個臭街!咁撚大個金主咁就死撚咗!」
莫盡得知西狗死後大發雷霆
「但聽聞件事唔簡單喎,出面有風吹緊話連龍頭都死埋喎,成個社團笠笠亂」說話的是沒了一隻眼的莫逆
「我唔理啦!打假拳已經冇咗,依家連西狗依條老襯都冇埋,點搵錢!」莫盡感到煩躁
「盡哥,其實啲門生都有接下總會啲任務嚟做下㗎,理應我地唔係咁等錢洗」莫逆直話直說
「唉,我唔識講啊」莫盡拿起一旁的茶壺,把裏面的茶一口氣喝光
「係咪….因為凱祺?」莫逆看到莫盡這樣有口難言的表情就猜想
「嗯….」莫盡無奈點頭
「其實….盡哥啊,難聽嘅說話都要講㗎啦,都咁多年啦,佢都係咁對你,你都冇需要繼續啦」莫逆跟莫盡的關係就有點像兩兄弟,大家的事都清楚了,所以莫逆才敢這樣說話
「唔得….依個係我嘅責任嚟,我唔可以好似當年咁再錯一次」莫盡搖頭
「唉,但冇理由要啲門生一齊咁樣捱,但啲錢就比曬….」莫逆也都不客氣的說出自己想法
「痴線!我幾時講過要佢地捱姐,我比凱祺嘅錢從來都係自己賺返嚟,門生搵嘅我都係用嚟維持南陽同分比啲兄弟」莫盡卻解釋從來未用過門派的錢
「咁都好啲」莫逆說
「你啊,唔好比佢地知道條大水喉死咗啊,如果唔係佢地隨時走㗎」莫盡正為這樣擔心著
「得啦,梗係唔會講,但我地要快啲搵到金主姐」
「得啦得啦,我會諗㗎啦」莫盡無奈的說
「咁我行先啦」莫逆起來
「好好好,行先啦,我諗多陣野先」莫盡揮揮手讓莫逆先走
「唔好諗咁多啦盡哥,我都出去搵下有咩財路」話畢,莫逆就離開了
剩下莫盡一人在苦思如何尋找下一個金主
這時他的電話響起,來電顯示正是剛剛他們口中的——凱祺
莫盡馬上調整心情和語氣
「喂凱祺,做咩啊?」
「你有冇五萬蚊係戶口啊?」那凱祺直接問莫盡
「呃….」莫盡聽到數目後愕然了一下
「唉,冇就算」凱祺的態度瞬間變得極為嫌棄
「有!有有有!我有」莫盡怕對方生氣,馬上答話有
「好,咁你一陣轉比我,我等住用」凱祺完全沒有一絲要感謝的打算
「但你要咁多錢嚟做….」正當莫盡想問對方時
咔….
電話已被掛斷了
「呃…..唉….」莫盡無奈的苦嘆一口氣
他拿出香煙點燃
這刻的他多麼想把煩惱和屈悶都變成煙霧吐出
他把香煙抽盡後就起身前往銀行,把錢過帳給凱祺
莫盡來到銀行門外——天譽銀行
「莫先生~咁快又見到你啦,請問今日有咩幫到你?」負責開門的職員以極好禮貌的態度待人
「我嚟過數」莫盡說
「冇問題嘅莫先生~我即刻搵同事幫你處理」開門的職員殷勤的帶莫盡到VIP專房坐下
「莫先生~你想要茶定咖啡?」職員問
「茶得啦,唔該」莫盡也輕輕點頭以示禮貌
「好~轉頭叫同事拎埋比你,我返去做野先~」
「好」
大約一分鐘後,便有職員再次進來
「莫先生你好~實在唔好意思~要你等咁耐」職員進來時手上拿著一杯暖茶
「徐小姐你好,唔該曬你就真」莫盡已對這裏的職員瞭如指掌
「請問今次莫先生嚟銀行係想入錢?~定係需要其他服務?」徐小姐問
「我今次係想過數㗎」
「喔~好啊,咁請問係咪都係平時過開嗰個戶口?」連銀行職員都已記得莫盡常過錢到一個戶口裏
「嗯,係嗰個」莫盡點頭
「請問莫先生,今次要過幾多呢?~」
「過五萬」
「好嘅~」職員在電腦上輸入資料金額
「喔~莫先生,你嘅戶口結餘係五萬八千港元,如果過五萬去另一個唔係你名下嘅戶口的話,咁戶口結餘就會低過最低限額嘅一萬,咁樣可能會暫時凍結你個戶口,直至莫先生你嘅戶口有一萬港元或以上先會再次開通,咁請問莫先生你仲過唔過五萬元到另一個戶口?」
「呃…..咁樣」莫盡顯得有點尷尬和無奈
叩!叩!突然有人在外敲門
三碗細牛腩河
2022-5-17 01:37:55
做埋殭屍都要繼續做港女部atm
:^(
莫盡係難忍之恥
:^(
月牙
2022-5-17 20:10:09
佢依家唔係殭屍
:^(
但遲啲唔知㗎~
家家有本難唸的經
:^(
:^(
月牙
2022-5-17 20:12:19
「實在唔好意思~打搞曬」一個身穿整潔西裝,梳著油頭的男子把門打開了,他身後還跟著一名女秘書
「總裁~你好」職員看到男子後馬上站起來跟他鞠躬點頭
「坐低坐低~」那男子提高手動動手指,示意職員坐下
「莫先生~依位係我地天譽銀行嘅總裁——段先生」職員莫盡介紹面前的人
「你好,段先生」莫盡主動伸出手握手
「你好莫先生」段天也伸出手握手
二人雙手觸碰到的一刻,雙方都向大家投了一個奇怪的眼神
「段先生你個人比較陰喎,應該成日會遇到啲污糟野」莫盡說
「喔~睇嚟莫先生係高人嚟喎」段先生微笑說道
「高咩人啊,平時幫人睇下風水,擺下陣,呃兩餐飯姐~」莫盡謙虛的表示
「莫先生真係識講笑」段先生保持著微笑
「係呢~Jenny ,我啱啱係出邊聽到,莫先生個戶口好似有啲問題喎~咩事啊」段先生問職員
「喔~係咁嘅….」
職員將莫盡的情況完整的告訴段先生
「哦~好小事,照幫莫先生過數,亦唔洗凍結莫先生嘅戶口,順便幫莫先生開通埋我地銀行嘅白金會員」段先生說出令莫盡愕然的話
「段生..咁..咁點好意思啊」莫盡也顯得有點不好意思
「唔緊要,我當識多個朋友姐」段先生笑說
「咁Jenny你幫莫先生好好處理~我出返去先」
「好嘅~段先生」職員點頭,然後再在電腦上幫莫盡更改資料
「莫先生~咁我出返去先啦」段先生跟莫盡揮揮手
「好啊好啊,唔該曬你」莫盡直接站起來送段先生離開
段先生離開後,職員馬上就幫莫盡處理好戶口的問題,並真的為莫盡開通了銀行的白金會員
「唔該曬你」莫盡站起來準備離開VIP專房
「唔洗客氣~能夠為你服務係本公司嘅榮幸」職員也同樣站起來,歡送莫盡並向他微微鞠躬
莫盡離開銀行後就拿出電話,致電凱祺
「喂凱祺~我啱啱過咗數比你㗎啦,你可以check 下」
「嗯,我一陣睇啦」那個凱祺的態度依舊是冷淡
「係呢,其實你依五萬係用嚟做咩㗎?」莫盡用著溫柔的語氣問
「總之有用啦,係咁問!好煩啊」
咔……
通話又再次被掛斷了
「……唉」莫盡有點心灰意冷的感覺
突然一輛長身豪車駛到莫盡的面前並調低了車窗
坐在裏面的人原來就是剛剛銀行裏的段先生
「段生?」莫盡看著車內的人
「莫先生~有冇興趣傾下生意啊?」段先生 把頭從車窗探出
「生意?」莫盡一臉疑惑
「習維~」段先生輕輕呼喚一聲
坐在車副駕駛座的人就立即下車為莫盡打開車門
「先生~請上車~」習維臉帶著詭異的笑容,而且說話的語調跟銀行職員更是如出一轍,這已令莫盡起了戒心
畢竟他怎樣也是一派之首,閱歷相當豐富,戒備心這樣事情不可缺少
「上車啦~靚仔叔叔」突然,段先生的女秘書下車蹺住莫盡的手,軟硬把他拉上車
上到豪車後,內籠非常闊落,後座就能對坐四人
段先生坐進了一個位,讓位給莫盡,而女秘書跟一個光頭壯漢就坐在對面
「莫先生~唔洗咁唔自在,想同你傾下生意姐」段先生蹺起二郎腿
「好啊,係咩生意呢?」因為剛剛段先生幫了他,所以莫盡到現時為止的態度還是保持非常禮貌
「咁首先我想再自我介紹一次先~我叫做段天,係段氏集團、天譽銀行、天朝飲食以及段流公共運輸公司嘅行政總裁」
段天一次過把自己的背景全說出
「嘩….睇唔出段生你年紀輕輕,居然可以有咁嘅成就」聽得莫盡目瞪口呆
「哎~都係靠屋企姐~唔好講到咁誇張」
「不過我地講返正題先~係咁嘅,我想請莫先生,你做我地段氏旗下所有公司嘅風水玄學顧問」
月牙
2022-5-18 19:09:59
「段生,但我地好似啱啱先傾得幾句計,咁快就比重任我?」莫盡內心裏是半信半疑,畢竟大家才剛認識,怎會有這樣便宜的事,但現在的他坐上了別人的車,又不知道對方的底細
所以莫盡暫時都不會輕舉妄動
「呵呵~靚仔叔叔~我Boss係一個好有眼光嘅人嚟~你唔做就浪費曬我Boss嘅一番心意㗎啦」段天的女秘書——媚娘把手輕放在莫盡的大腿上說
「一句,做定唔做,唔好要我波士等」而段天的保鑣——羅東也把手放在莫盡的大腿上,不過他用力的扼著
「咁即係依家我一定要應承啦?係咪啊段生」莫盡也知自己現在處於騎虎難下之勢
「哎!媚娘羅東,唔準對莫先生咁冇禮貌,鬆手」段天揮手打了羅東的手一下
「係嘅Boss 」羅東馬上縮手,媚娘沒有被打,所以施施然的把手拿開
「莫先生~或者你覺得我好似逼緊你咁,但我希望你明白~我真係好希望你可以幫我」段天從容的說著
「比啲時間我考慮都唔得?」莫盡態度開始變得冰冷,已沒了剛剛的友善
「呵呵~有~當然有啦」段天詭異的笑著
「媚娘~拎比我」段天向媚娘彈了一下響指
「係~Boss 」媚娘從自己的衣服內抽了一張支票出來和一張卡片
段天接過支票和卡片並遞向了莫盡
「莫先生~依到係我嘅小小見面禮~你收咗佢~如果考慮完的話,可以隨時打比我」
莫盡低頭看看支票的銀碼
五十萬!!
莫盡的內心十分衝擊震驚,居然一出手就是如此高價,但他不能表現出來,不然就會輸了氣勢
「嗯,我返去考慮完再通知你,多謝曬」莫盡用雙指夾住支票和卡片
「習維~幫莫先生開門」段天又是一聲呼喊
聽到指示後,坐前座的管家——習維就立即下車為莫盡打開車門
「再見啦~莫先生~希望可以快啲收到你嘅好消息啦~」段天微笑著跟莫盡揮手道別
「再講」語畢,莫盡就離開了
習維關上車門再回到副駕駛座上
「波士,到底條友有咩特別,要你親自咁樣請佢」待莫盡走遠後,羅東就問段天
「你地知唔知佢係咩人」段天問面前的二人
羅東和媚娘都搖頭不知
「習維」段天蹺起二郎腿,在車門側的儲物格內拿出了一瓶鮮紅色的液體和一個紅酒杯
「啱啱嗰個男人叫莫盡,年齡54歲,身高174
係道家四派之中南陽派嘅掌門人,本領高強但為人怕死怕麻煩,而奇怪地佢又肯為錢去好多野
武器係佢鎖係佢雙手上面嘅鐵球,破壞力相當驚人
Boss,以上就係我啱啱搵人查到關於莫盡嘅資料~」
「非常好~」段天把鮮紅的液體倒進酒杯內,再輕輕搖晃
「唓!Boss,居居一個臭道士,我單手就打贏佢啦」羅東並不把莫盡放在眼內
「東~我講咗幾多次,做好唔好淨係睇表面個層~佢有好多用途㗎」段天露出了一個江意味深長的笑容
「Boss ~你係打算留佢係身邊去做你唔想出面做嘅事?」媚娘思索一會後問
「聰明~不過唔止係咁~我仲可以用佢嚟對付想對付我嘅人」段天把酒杯內的液體全喝光,喝完後他皺了眉頭
「果然唔夠新鮮」他說
「我地去開餐~」段天直接把酒瓶和酒杯都拋出車窗外
月牙
2022-5-19 18:59:54
而莫盡在確認自己已離開了段天他們的視線範圍內之後就馬上靠著牆,把支票放到自己面前
「嗄….嗄…..五…五…十萬…啲有錢佬真係痴Q線」莫盡到現在都還是不敢相信眼前的事實
所以他決定致電給莫逆
「嗄…嗄…喂!」
「咩事啊盡哥」莫逆一頭霧水
「話比我知我係咪發緊夢!」
「下?…做咩啊」莫逆有點懷疑是自己在做夢
「講啦!」莫盡焦急萬分
「唔係啊!你唔係發緊夢啊!」莫逆無奈之下說
「好!哈哈哈!我轉頭再打比你」莫盡直接掛斷了電話
「做乜鳩野啊佢…..」還拿著電話的莫逆忍不住開口罵了一句
「嘩!我冇發夢啊!!張支票係真㗎」莫盡興奮的望著支票
他小心翼翼的把支票袋好,再四處張望生怕有人偷他的支票似的
他決定先回家,再想想對策,要想一個不會令人有覺得他見錢開眼的形象,這樣才顯得專業點
而與此同時….
一個身穿卡其色長大褸,留著辮子,帶著黑色惡鬼口罩的男子踏足到地府的界線外
「來者何人!速速報上名來」看守地獄門的一名「地靈武將」 用武器指著不速之客
「我?我係平凡人一個,我今日係嚟睇啲野㗎咋」神秘男雙手放在腰後,神態輕鬆自若
「依到係地獄邊界!幾時到你一介平民話嚟就嚟!速速離開!否則後果自負」地靈武將態度強硬
「咁….如果我點都要入去呢?」神秘男問武將
「強闖地獄禁地者,殺無赦!」武將將武器用力擊在地上,產生一聲強響
「咁啊唔好意思啦」神秘男輕輕一笑,然後轉身走了兩步,貌似想離開的樣
「識趣嘅就速速離開,否則後果自負」武將又重複同一番話
「我講唔好意思,係真係唔好意思㗎」神秘男突然再次轉身,並一下跳到地靈武將的面前
「冥頑不靈!殺!!」武將揮動手上的擂鼓瓮金錘,是古時大力士李玄霸所用的同款武器,用者的力氣必需驚人才能揮舞自如
神秘男出手攻擊,他向前一撲,不斷向武將出掌,能被安排守住地獄門的也不會是什麼等閒之輩
武將用金錘把掌全擋住了,看準神秘男的破綻更打算回擊,他用金錘前推,用金錘前方的突刺攻擊神秘男胸口
嘭!!!金錘正中神秘男的胸口
「我已經一再勸退你離開,依個就係後果!」話畢,武將在腰間拿出一個葫蘆,把神秘男吸了進去
之後武將把葫蘆封好,再搖晃幾下
「不自量力」武將輕蔑一笑,然後將金錘重重放到地下,雙手握著錘柄
「喂!」武將身旁突然響起一聲
「嗯?!」武將轉頭望去
神秘男居然安然無恙的站在武將面前,原來在他剛剛轉身裝作離開的時候已神不知鬼不覺的使出了身外化身
「呃?!」用詫異的眼神望著神秘男
砰!!神秘男運功揮拳,一拳就把地靈武將的頭給打爆了,地靈武將當場灰飛煙滅
嗷……..負責看守地獄邊界的地靈武將死後整個地府都傳出了一陣低沉的怒嗚聲,像是給犯惡者的最後通牒
但神秘男絲毫未懼,他從容不迫的推開地獄大門
咔!咦!地獄大門被打開
一陣惡臭狂風撲面
神秘男毫不遮掩、大搖大擺的闖入地獄境內,感覺毫不畏懼會有人來捉拿自己
而地獄裏周遭一片荒蕪,沒有一絲生機,地上全是一副副的殘骨,每走一步都會響起清脆的咔咯一聲
神秘男前行差不多一分鐘,但四周都還是什麼都沒有
「地藏王係邊?我要睇生死冊!」
食蕉啦朋友
2022-5-19 21:14:55
:^(
月牙
2022-5-19 23:20:14
:^(
:^(
:^(
Symbiote
2022-5-20 01:42:45
Ching 其實有冇興趣放落Penana 我諗會吸引啲新讀者
:^(
Ads
月牙
2022-5-20 13:27:23
有咁嘅計劃!!!
:^(
應該過多排就會係個邊出文!
Symbiote
2022-5-20 14:14:46
果邊翻睇同追文都易啲,不過建議儲多啲貨先
:^(
唔知點解有啲我和殭屍有個約會既feel
:^(
月牙
2022-5-20 14:28:13
:^(
因為我係我和殭屍有個約會嘅超級fans,我寫嗰陣都希望盡量唔好太似㗎啦,希望唔好影響你哋觀感
:^(
月牙
2022-5-20 20:42:55
神秘男直接高聲呼叫
「放肆!地藏王豈容係你想見就見!」
「來者何人!膽敢擅自闖入地獄境內!」
果然,好快便有多兩名地靈武將憑空出現在神秘男面前
「講嚟講去都係依三幅被,你地悶唔悶?講,地藏王到底係邊?」
「勸不退!殺!」其中一名武將舉起手裏的大刀就向神秘男揮去
另一名武將也提著一把長柄宣花斧緊隨其後
「地藏王!!我淨係想睇生死冊同地王三世書!唔好再搵啲魚毛蝦米嚟阻住我!」神秘男高聲的說,是在給地藏王最後通牒
「好大嘅膽啊!」拿著大刀的武將已來到神秘男面前,他揮刀由下而上四十五度角的揮斬過去
神秘男一個後空翻躲過大刀的揮斬
「你想見地藏王!我就送你見佢!」但另一名武將已去到神秘男的身後,瞄準他的頭部揮斧
神秘男馬上在空翻的過程轉移力點,將力都集中在腿上,空翻立即變成了一記倒掛金鈎般的後翻踢
砰!!這一腳準確無誤的踢在了武將的後背上,武將趴倒在地上
「唔好阻住我!」神秘男眼神閃出一絲殺氣,然後就提腿把武將的頭踢爆了,再一名武將灰飛煙滅
「楊延德!」拿刀的地靈武將大叫
「楊延德?楊家八將?」神秘男聽見名字後問
「唔關你事!!殺!!」武將為死去同伴感到悲憤
「係咪天地兩界嘅人都係咁固執!!」神秘男也被他們逼得火起,準備出拳應戰
「關勝,停手!」
但突然一把雄厚響亮的聲線傳來
周遭的環境亦慢慢的在變化,空間像一張張紙被撕爛般破開,由荒蕪的屍骸地變成了兩邊站滿了孤魂的古代建築內,像是以前古代審案的公堂上
「地藏王唔係地府,請你離開」坐在公堂正中央官座的人出聲,他身穿一身暗紅色的官服,生死令顯眼的放在桌面上
神秘男抬頭一看,公堂的頂上掛著一塊牌匾
「閻王殿」
不難猜,面前這人就是地藏王轄下地府第二大的閻羅王
「閻王….」神秘男疑惑的面向閻王
皆因面前的閻王,並不像傳說中記載的一樣,傳說中閻羅王應該是身穿鮮紅官服,手執生死令,滿面鬍子,皮膚黝黑,雙眼怒如明球,盡顯霸氣
但現在面前的閻羅王卻像是一名文弱書生似的,面色蒼白,雙眼暗淡無光,唯一跟傳說相通的就只有那身紅官服
「施主,你陽壽未盡,唔應該落嚟依到,放下執悟返上人間好好咁過餘下嘅生活」閻王像地靈武將一樣,想勸退神秘男
「我要睇生死冊同地王三世書」神秘男再次說出自己來到地府的原因
「冇可能,你離開啦」閻王拒絕神秘男的要求
「閻王大人!!佢唔走得啊!殺咗金角同廷德!!」剛剛跟神秘男交手的武將關勝報告給閻王知道神秘男已開殺戒
「?!」閻王聽見後,本來無神散漫的雙眼閃過了一絲神光
「我都唔想,係佢地阻住我嘅去路」神秘男縮縮膊表示自己是出於無奈
「大膽狂徒!係地府犯咗殺戒仲咁狂妄?!」閻王身邊的一名貌似是貼身侍衛的人說
「我講多一次!我要嘅只係睇生死冊同地王三世書!!」神秘男變得不耐煩
上一頁
第 26 頁
下一頁
「係啊,九叔,啊烈好有誠意㗎」然後就是啊武
「誠意?咩誠意?」九叔瞇起眼看我們
「係囉~講有誠意冇用嘅~」英叔在一旁添油加醋
「英叔…..」我跟啊武同時盯著英叔看
「得!我收聲囉 ~」英叔攤一攤手,縮縮膊,然後回到沙發上坐下
「有!我真係有誠意」啊烈話畢後便往西裝內袋裏伸手去
「九叔,依到八萬八,係我嘅拜師費,請你笑納」原來啊烈伸手是拿出了一疊鈔票
「嘩!」原來已坐下來的英叔聽到八萬八千這數目後又馬上走回過來
其實不止英叔的反應大,在場的我們都瞪大了雙眼看著啊烈,連平時冷酷的葉靈也不禁多看了兩眼
「喂老野,八萬幾喎,諗諗佢啊」英叔自以爲的悄悄話,但其實我們都聽到
「我唔收」九叔卻竟然一口拒絕了
「喂!你傻咗啊」英叔不敢相信九叔拒絕
九叔回頭瞪了英叔一眼,英叔馬上閉嘴,只在他身邊來回踱步,口中更在咒罵九叔
「九叔….你唔肯收啊烈?」我問九叔
「我係話唔收啲錢」九叔嚴肅的望著我說
「我要嘅誠意唔係錢」九叔續說
「咁九叔你想要咩,你講」啊烈誠懇的看著九叔
「我要你完全脫離所有有關社團嘅人、事、物」原來九叔心裏是想着這個事情
「得,冇問題」啊烈爽快的答應
「你以後同啊航佢地一齊上嚟,記住你應承我啲咩」九叔說完後拍了一拍啊烈,就像是一種認可
簡單而又嚴肅的對話過去後,英叔又準備「發作」了
「嘩!禮成!鼓掌,又多個細路同我玩」英叔自己一個在後面鼓舞
「呃….哈…好野」我勉為其難的跟着他一起鼓掌
「嗱~不過咁啊烈哥仔,我聽閒你都幾抽得㗎喎,不如考慮下做我徒弟啊」
「呃….」啊烈呆住
「我份人好簡單㗎姐,唔洗個啲咩誠意又唔知唔聯絡咩人啦,太複雜啦,係咁咦比啱啱個疊…嘻嘻,就得㗎啦」原來英叔是想打啊烈那八萬八千的主意
「英叔啊,你唔好搞啊烈啦~」啊武主動上前為啊烈解圍
「唔係喎武仔,我好認真㗎喎」英叔卻不放棄
「唔緊要啊英叔,依到少少心意你拎去飲茶」啊烈又真的把手上的鈔票全給了英叔
「多謝多謝!真抵錫啊!烈哥仔你放心啊,我會將我畢生嘅功力傳曬比你㗎」英叔現在就像一個拿著新玩具的小朋友一樣,笑得合不攏嘴
「唉….冇眼睇」九叔搖頭反眼
「嘖嘖嘖」葉靈也是同樣反應,不過分別是她帶有笑容的
「喂!英叔!個陣你都係話將畢生功力傳曬比我㗎喎!咁即係點先!」啊武質問英叔
「下!英叔咁唔得喎,條數點計先」啊烈也加入質問行列,而且更伸手想拿回那疊千元大鈔,但其實也只是配合啊武開個玩笑
「喂嗱!你地唔好行埋嚟啊!我嗌㗎!」英叔把鈔票緊抱在胸前
「搶佢!」啊武衝上前抱住英叔
「好!」啊烈則馬上配合,伸手上前搶走鈔票
「你兩個死仔!救命啊非禮啊!欺師滅祖啊!」英叔大叫
「噓!英叔!好快㗎咋」啊武這句說得像個變態佬一樣,然後便用手捂著英叔的嘴巴
嗯….真的很像一個變態佬
「嗚!!唔%&@$¥\·」英叔自然是說不出話
而啊烈就發出更強烈的攻勢
「啊嗚!」殊不知!英叔突然使出一招金蟬脫殼,他縮一縮肩膀整個人向下一沉
啊武手上就只剩下一件衣服,啊烈就一頭霧水,因為英叔就在自己面前突然消失了
「後面啊」在旁看著過程的葉靈忍不住要提醒他們