自從入住凶宅之後，屋企嚟多咗一位孟婆（未成年少女版）

西樓月如鈎 2021-12-31 14:51:06 「喔？廣東話我也會一點啊，例如開開心心，還有屌你老母。」

唔知點解呢句莫名奇妙點中我笑穴，我笑咗出聲。

我諗起班班。

「妳還是說國語吧。」

「都好，我學一種人間的語言已經夠我煩。」

「好，拜拜。」

「我覺得你是好人。」

「為什麼？」

「你是唯一一個會跟我說那麼多話的人，其他人都當我是瘋子。」

西樓月如鈎 2021-12-31 14:52:35 其實我都係當妳痴線。

「你是好人，所以要小心啊。之後要住的地方，未必你能應付。」

我內心一驚，諗起之後要住嘅地方⋯⋯唔係掛。

無咁邪嘛？

佢點會知我要住凶宅？

唔係，咪住先，神棍都係咁，會說啲似是疑非嘅說話。

「喔。」

「我說真的，還有，你過馬路小心一點，這個免費。」

台灣，真係一個奇怪嘅地方呢。

黃文廸 2021-12-31 14:52:58 快啲推完第一個po
個po名無結局兩隻字推唔郁

:^(

東邊日出西邊雨 2021-12-31 14:53:28

:^(

MasonMount(世一) 2021-12-31 14:55:22 push

yuenam 2021-12-31 14:57:23 推

西樓月如鈎 2021-12-31 15:01:02 踏出神廟，返去正常世界，忽然覺得視線無咁迷糊。

奇怪。

我打開手機，準備去下一個夜市景點，畢竟都差唔多天黑，去搵下嘢食醫下肚算。

過馬路時，凝望紅綠燈，忽然記起頭先個奇怪女仔講要小心啲。

嗯。

雖然我唔信佢，但都係小心一啲好。

穩扎馬步，稍稍站返入少少一點，就係呢個時候穾然背後感到一股力量，好似有一隻手推咗我一下。

咩事？

一架車喺我面前急速奔馳，我差點就死咗，好彩我站得穩，回頭一望，咩人都無。

係我錯覺？

唔係，確實感覺有人推我一下。

寒意湧上，我回想奇怪少女嘅提醒，難道佢係真神仙？

應唔應該返去？

3心兩意 2021-12-31 15:01:53 LM追故

:^(

西樓月如鈎 2021-12-31 15:04:42 對唔住囉

:^(

下次第一個Po就加結局兩個字

:^(

綠色無毒的蛙 2021-12-31 15:05:26 我係唔應該咁早入黎的

:^(

西樓月如鈎 2021-12-31 15:10:35 我係一有疑問就要解決嘅人，呢個麻煩嘅特質已經為我人生帶嚟唔少災難，不過都唔差在多一單。

返到廟內，空無一人。嗰個女生早已不見，我左右環盼都搵唔到，睇嚟已經走咗。

原本她坐嘅位置，放回一尊觀音神像，而且放得幾整齊。

離開時，我又看見一個全身黑色，帶烏鴉頭嘅男人，好像一直監視神廟，不過只是一瞬之間，他又消失咗。

就咁樣，我帶着唔知點解嘅失落感回到香港，正式開始我的住凶宅計劃。

根據公司想法，凶宅計劃會先試驗一日，試試水溫，看看反應到底好唔好，先決定下文。

如果反應唔好，計劃就無下文，咁我都無下文，基本上就係決定我嘅職涯最後階段。

我同龜梨和也一樣，都是為咗賺點擊率生存嘅人，只不過佢係拍成電影，而我係寫成文章，仲要呢個年代無咩人鍾意睇文章。

西樓月如鈎 2021-12-31 15:11:48 咩人

:^(

yuenam 2021-12-31 15:12:54

:^(

西樓月如鈎 2021-12-31 15:16:29 嗰日，我返到公司，花五分鐘拿返電腦、設備就準備出發。上司又再次提醒，我係最後一次機會。

「你知啦，而家經濟不景，我也想保住每一個人，但奈何真係唔行。」

「我明白。」

「我相信你會成功。」佢假笑，拍拍我肩膀，輕得無咩力，話：「今次你成功咗，話唔定定會坐埋我個位。」

「喔。」我話。

唔會啦，功只會上司領，鍋我揹就差唔多。

何況對着虛假嘅人，我覺得好痛苦，痛苦在唔識相處，但呢個世界偏偏大把咁樣嘅人，仲要多數係佢哋上位，我感到有一股不安感。

離開佢哋存在嘅地方，比較快樂。

西樓月如鈎 2021-12-31 15:20:12 我第一個住嘅凶宅地點，係土瓜灣一幢五十年樓齡嘅大廈，鄰近海岸。七樓嘅一個住宅一直丟空，係香港著名凶宅之一。

一直都有傳聞，唔少街坊聽到有女生哭泣嘅聲音，驚呼：「救命⋯⋯救命⋯⋯」

最可怕係，唔係一個人聽到，而是全層都聽到。

仲有半夜十二點見到一個滿身鮮血嘅女學生坐電梯嘅傳聞。

「鎖匙喺度，」二百磅嘅肥業主將匙交畀我，說：「熱水係儲水式，等耐一啲，最好等半鐘。水電全包。如果要退約⋯⋯早啲同我講。」

佢尾句似乎講咗無數遍，早已唸熟。呢個單位都唔係經地產經紀，而係佢自己擺上網嘅業主盤，據佢所講，係慳咗中介費用，不過我相信就算係放上地產公司都無人願意出租。

因為呢度樓租比外面同樣嘅單位平成40%左右。

「呢度上一手係咩人？」我好奇一問。

業主搔搔頭，似乎唔願意回答。

西樓月如鈎 2021-12-31 15:23:27 我說：「其實我上網有做過調查，知道發生咩事，唔使怕。」

「係印度人，佢全家半夜驚慌地拍我門話要退租。老實講，只係心理作用。」佢講得毫無說服力。

「喔。多謝你。」

「就咁，你自己搞掂。」

我環顧一下，如果唔係發生命案，呢度確實係一個好單位。

實用面積大約300多呎，地板係木紋，完全唔殘舊。四周係米白色嘅油牆，無一絲黑殘。一廳一房，主人房有一張大床，似乎無用過。客廳有一張陳舊嘅皮梳化，有幾處破開嘅裂口，都能見到入面嘅棉花。唯獨有一個神枱，上面供棒土地公公，生果變成灰白，完全無人更換。

坦白講，裝修算係咁。係廁所殘舊咗一啲，鏡都半生銹。

我放低行李，將朋友畀我嘅十字架、佛珠、道符都一一拎出嚟，放喺枱面當眼位置。打開窗，對面大廈隔擋着大部分陽光，僅有少量日光勉強塞照入面，顯得有點陰暗。

拜了一拜四角，就打開電腦，開始記低我今日嘅凶宅生活。

無言想 2021-12-31 15:24:32

:^(

西樓月如鈎 2021-12-31 15:25:25 其實每次都Happy End㗎啦
呢啲唔使講

:^(

西樓月如鈎 2021-12-31 15:30:22 有怪莫怪，小弟都只嚟做嘢。我內心一路默念。

我開始投入工作，呢段時間雖然要住凶宅，不過大家都知道，即使你公幹定放假，屬於你嘅嘢都係屬於你，唔會改變。

我忙着更新網站還有出文，時間唔經唔覺已到晚上。涼風微吹，外面漆黑一片。

放工時間。

好似⋯⋯咩事都無發生。

我鬆咗一口氣，突然電話響起。

嘟⋯⋯嘟⋯⋯嘟⋯⋯

我內心一顫，一個人疑神疑鬼時，連一棵草郁都覺得係鬼影。

鈴聲響徹整間房，更顯四周嘅空洞。

我拎起手機，原來係上司。

「喂。」

「喂？點啊今日，有無事？」

「無事發生！」我呼一口氣，用分享喜悅嘅態度話：「好彩沒事。」

「咁就仆街啦！無事發生咁我請你條冚家產去嚟做咩，三日渡假休閒旅行團？無爆點，無故事，觀眾點會？」

係，我係唔記得咗，我係嚟搵鬼⋯⋯

彈彈花 2021-12-31 15:31:20

:^(

尋羊冒險記 2021-12-31 15:32:56 推

:^(

！

西樓月如鈎 2021-12-31 15:38:10 「你望就望快啲有鬼！如果唔係你份工作真係凍過水。嘟⋯⋯」上司連珠砲發後就收咗線。

想有鬼又唔想有鬼，人生就係咁矛盾。

我嘆咗一口氣。

肚子有啲餓，應該去買嘢食。關上電腦，將其餘嘅梳洗物品放入廁所。

鬚都生晒出嚟，聞說人喺驚嘅時候會生得特別快，不如而家剃？都係唔好，我放低鬚刨喺洗手盆隔離，就落街買嘢食。

街上寂靜得如死城，無一樣識郁動嘅嘢，連一個人都無，四周都係死物。停泊嘅車、燈柱，關咗嘅店舖，就乜都無。

唯有冷颾颾而吹嘅風，仲有淒清嘅鳥叫聲。

西樓月如鈎 2021-12-31 15:40:34 好唔容易搵到一間仲有營業嘅麵店，古舊傳統，幫襯嘅人唔少，熱鬧嘅人氣讓我稍感安全。

「靚仔，埋面坐？」一個金色頭髮，年約二十多歲嘅店員問我。

「唔使啦，我外賣就得。」

「新嚟？生面孔？要咩？」

「係，啱啱搬嚟XX大廈⋯⋯要牛腩河。」

「飲嘢？」佢問。我搖搖頭。佢快速喺紙記低後，說：「唔會係7樓B吧？」

「咩事？」

「無。太猛，唔係癲咗就係重傷，你唔會住咗入去？」

「嗯⋯⋯」

「呵，咁祝你好運啦。」他用可憐我嘅眼神，遞咗牛腩河畀我，仲有一罐可樂。

「我無叫⋯⋯」

「送畀你啦。」金毛MK話。

街，仲係咁凍。有一種無名嘅壓迫感，我嘅腳步加快再加快。

我返到屋企，打開門，將屋內所有嘅燈都打開晒。

東邊日出西邊雨 2021-12-31 15:42:41

:^(

無言想 2021-12-31 15:45:33

:^(