自從入住凶宅之後,屋企嚟多咗一位孟婆(未成年少女版)
上一頁
第 16 頁
下一頁
人肉大聲公
2022-1-16 00:12:14
:^(
Ads
西樓月如鈎
2022-1-16 00:15:00
「靚女,妳由台灣嚟?身材唔錯喎。」
「地獄。」
「哈哈,真識搞笑。」
從阿匡眼中,我知道佢係對孟采蘩動心,啟用佢嘅獵物Mode,每次佢想獵食,都會不斷讚人。我稱呢種係「乞求型」。
我唔擔心孟采蘩,佢係一個沒有心嘅女人,一定唔會受阿匡影響。
「咁妳平常鍾意做乜?」
「煲湯啊。」
「哈哈,妳真係識搞笑。無人讚過妳講嘢好笑咩?」
「倒真是沒有,我以前的都是見鬼比較多。」
「哈哈。」
「我是說真。」
「世上邊有鬼,鬼妹就有。身材真係⋯一流。當然,妳係樣貌取勝。」
「我說真,不信我帶你出去看看,土地廟有不少。」
我坐在喺吧枱,佢哋兩個一齊出咗去,唔使一陣就已經聽到阿匡嘅尖叫聲。
忽然感到空虛感,太孤獨之下,隨便飲咗幾啖酒,就請一個合眼緣嘅女生飲酒,然後直落下場。
出門口時,見到孟采蘩,她望望我身邊嘅女生,問:「你走了嗎?」
「妳同阿匡去玩,夜啲再返嚟。」
就係咁,當第二日醒返,頭係撕裂咁痛,嗰個女生一早走咗。
孟采蘩先咁啱返嚟。
「妳玩咗一晚。」
「他帶我去唱K了,人挺好。」
「只係唱K?」
「我又不是你,像一隻野獸一樣。」
「野獸唔好咩。」
「為什麼要這樣?」
「我都唔知道,好似可以填滿一啲自己。」
「我覺得不可能。」
「妳肚餓未?」
「餓死了,所以才回來找你。」
我們落樓打算買早餐時,又見樓下企住嗰個男人,仍然無目的咁望住大廈。
我只係當佢神經病,但孟采蘩又去撩佢。
「咦,又是你。不入去嗎?」
個男人唔想應佢,但孟采蘩問多兩句,佢終於開口。
「你哋新搬嚟?」
「對。」
「係咪凶宅嗰個單位?」
「你又知?」
「當然知,我係殺死佢嘅兇手⋯⋯」
感性老母(有鳩)
2022-1-16 00:49:31
係咪要殺左佢地兩個?
:^(
小毒毒
2022-1-16 01:02:33
:^(
好危險 殺完人都日日黎睇
定其實佢扮鬼 根本無鬼
:^(
SR
2022-1-16 01:33:24
:^(
鐵拳無敵鍾培生
2022-1-16 02:01:04
沙爹完人仲要返嚟睇
:^(
:^(
鐵拳無敵鍾培生
2022-1-16 02:01:51
殺
完人仲要返嚟睇
:^(
:^(
裸體殺手
2022-1-16 05:00:08
自殺嘅凶手即係自己
:^(
即是咁
2022-1-16 07:59:22
華生 你突破盲腸了
:^(
:^(
椒鹽蝦米
2022-1-16 13:46:46
推
菊花紋字太刀
2022-1-16 15:32:59
出得好慢
:^(
Ads
西樓月如鈎
2022-1-16 22:19:17
故且叫嗰個奇怪男人做Z。
Z同R本身係一對好兄弟,由中二同班開始,佢哋就發現兩個人非常夾,鍾意嘅嘢、性格、喜好都係一樣,所以形影不離,情同手足。Z嘅家境不太好,任職貨車司機嘅父親性格暴躁,經常會大吵大罵同胡亂打人,所以每逢考試季節,為咗專心讀書,Z都會去R嘅屋企住。R亦十分歡迎Z,連自己嘅父母都待Z如同親生仔咁。
兩個人每當溫書到凌晨,就會談心,傾下自己心事,討厭邊一個老師,仲有邊一個女仔。
「我鍾意咗阿瑜。」R話。
「級花嗰個?不得了。」Z恭喜咁講。
R:「係,佢性格好,又溫順,又靚。」
「你,成個春心淫樣都出晒嚟,小心俾阿瑜見到嚇壞人啊。」
Z本來對R呢個消息無咩特別在意,佢嘅好兄弟有鍾意嘅人,佢都高興。
自從R話自己鍾意咗瑜之後,一直時不時就提起佢,永遠都稱讚佢,將佢讚得天上有地下無,如同仙女一樣。
Z都係因為咁,可能潛移默化,多咗注意瑜。某日打籃球時,Z唔小心擦傷。瑜溫柔咁替佢貼膠布。
嗰刻,佢發現自己同R喜好相同到,鍾意埋同一個女仔。
但係R先鍾意瑜,何況佢係自己好兄弟,根本唔應該橫刀奪愛。
Z同自己講,無論點都唔應該出手,好快就唔會再鍾意佢。
佢一段時間疏遠二人,二人都百思不得其解。
好一段時間,R同瑜嘅相處越嚟越親密,就嚟要到情侶,二人形同情人。Z覺得自己都無乜鍾意瑜,就應約食飯,飯局當中,Z見到R幫瑜抹嘴,而瑜亦含情脈脈咁望住佢。
Z內心泛起妒忌,如同火燒一樣,燒得全身苦痛,嗰刻,佢發現自己無放低到,自己都係好鍾意瑜。佢唔決定出手去追求阿瑜。
相對R嘅慢熱,Z嘅攻勢快速,而且佢係瑜面前講咗好多R嘅壞話,令瑜慢慢都疏遠R。
Z同瑜宣布一齊嘅當日,Z見到R落寞個樣,佢都無咩在意,因為得到瑜,已經得到全世界,佢沉醉愛情之中,無記得昔日嘅友情。
隔日,R自殺。
花
2022-1-17 00:34:28
:^(
幸福額度
2022-1-17 00:36:32
推
雙腿太重
2022-1-17 01:30:55
推
抗爭豬
2022-1-17 02:07:18
Push
:^(
:^(
:^(
:^(
鐵拳無敵鍾培生
2022-1-17 02:36:34
真係自殺
:^(
:^(
三個女人一個姦
2022-1-17 03:18:32
LM
:^(
拔萃(女)最強仆街
2022-1-17 12:40:36
:^(
14歲(性病+3P)
2022-1-17 17:07:55
文
:^(
西樓月如鈎
2022-1-17 23:43:19
Z無諗過,R係咁鍾意瑜,失去佢就好似失去一切。自己嘅行為,雖然唔係直接殺死R,因為佢係一時諗唔通,自己都係有份逼佢走上絕路。
R嘅死訊傳出後,Z同瑜嘅愛情亦無幾耐後告吹,因為R嘅死令佢哋兩個人心中總係有條刺。
瑜話:「即使自殺係佢選擇,但我哋嘅感情係幫兇。」
「無啊,我哋阻止唔到佢點諗,唔關我哋事。」Z有嘗試挽救過。
「但係⋯⋯每一日我閉上眼都會夢見佢⋯⋯對唔住⋯⋯」
瑜話,嗰份內疚重到自己好難承受,無諗到感情咁沉重嘅嘢。
R有問過,瑜到底知唔知Z一直鍾意佢。
瑜喺電話答佢,語氣有啲怨恨:「如果唔知,可能就唔會咁大內疚感。」
因為呢句,R對瑜覺得心寒,甚至會認為佢可怕,開始都慢慢唔鍾意呢個女人,但唔鍾意都挽救唔到佢死去嘅兄弟。
Z嘅內疚一直唔能夠清除,所以一直都去探R嘅父母,不過無幾耐佢哋都搬離舊居,移民去咗加拿大,離開呢個傷心地。得返佢仍然不時都會嚟到樓下,回望從前同R相處嘅日子。
一齊溫書⋯⋯一齊傾女仔嘅地方。
Z坐咗喺從前同R睡覺嘅位置,同我們講出以上呢一番說話,一邊講,一邊眼濕濕,不過佢都忍住無喊。
「嘩⋯⋯我都不太懂怎反應。」孟采蘩講:「但我感覺到你好像有點傷心。」
「有進步。」我話:「起碼Feel到有感情先。」
「你是不是欠打。」
「多謝你哋。」Z插斷我哋嗌架:「我都係咁多年,第一次講出以上嘅說話。其實咁多年,傳出鬧鬼我都想見下佢,俾佢報仇都好⋯⋯但都無。」
「可能他不想見你呢。」孟采蘩話:「你就不要再來啦。」
「當嗰個係你一生最好嘅朋友,你點都會嚟。」
「但我不覺得⋯⋯」佢把聲越講越細,我望過去,牆上出現一個黑影。
一個男人的身影從半空浮現。
R?
嗰個男人狠狠咁打咗Z一拳。不過落空。人同鬼係無法接觸。
「賤人!」
Ads
全天候殘廢
2022-1-18 00:12:20
推
SR
2022-1-18 00:20:39
:^(
可能實情唔係Z橫刀奪愛而係移情別戀;搞到R苦戀無果傷心落幕自殺。
:^(
Gay廉係咪同Gay友有咩唔開心事
:^(
唔好諗唔開啊Gay廉
老泥加美極
2022-1-18 01:56:50
:^(
:^(
:^(
想要文
三碗細牛腩河
2022-1-18 02:49:37
摩牙
:^(
上一頁
第 16 頁
下一頁