自從入住凶宅之後,屋企嚟多咗一位孟婆(未成年少女版)
第 1 頁
下一頁
西樓月如鈎
2021-12-31 13:46:10
睇唔順眼之前個名
:^(
同轉口語再開
--------
台北文華東方酒店,係我暗戀女仔結婚嘅場地。
今日要參加佢婚禮,我異常咁緊張。
最緊張係,我身邊有一個麻煩嘅女仔。
我:「記得我講過啲咩?」
佢:「唔好亂咁講嘢嘛,」佢一副明白嘅樣。
「跟住我就好。」我千叮萬囑。
踏入婚禮現場,新娘嘅父母佇立喺門口迎賓,二人笑得合不攏口,向每一位賓客致謝,笑聲滿載。
「伯母,恭喜恭喜,祝新郎新娘三年抱兩,弄孫為樂。」我作揖祝賀。
「喂世伯,恭喜晒!恭喜妳個女兒即將俾人中出大肚,可喜可賀。」佢同樣作揖。
世伯目瞪口呆到,個口可以塞得入一粒西瓜。
Ads
熱檸茶走冰
2021-12-31 13:46:51
留名
:^(
租租巴
2021-12-31 13:46:55
推
虎兔與小布
2021-12-31 13:47:14
lm
租租巴
2021-12-31 13:47:22
留名
:^(
MasonMount(世一)
2021-12-31 13:47:47
推
西樓月如鈎
2021-12-31 13:48:06
「呢個係我哋小小心意。」我遞上利是,求其塞畀已經無咗反應嘅兩老,就急急忙忙拉佢離開。
安坐後,我沒好氣咁問:「呢啲嘢,妳喺邊度學返嚟。」
「一個黃色笑哈哈嘅討論區。」佢一臉無辜咁問:「做乜嬲喎,又係你叫我上多啲討論區學人講嘢,佢哋都係咁樣講嘢啊。」
她轉頭搭住隔離一個五十幾歲嬸嬸個肩膀話:「大嬸,大家都係女人都係雞啫,需要飲一啖遺忘湯嗎?」
「收聲!對唔住⋯⋯對唔住。」我急忙向嬸嬸道歉,但她瞪住我憤然離席。
喂⋯⋯又唔係我串你⋯⋯
食肥美羊腩煲
2021-12-31 13:48:58
新po留名
gay 廉
:^(
:^(
:^(
西樓月如鈎
2021-12-31 13:48:58
「你哋人類好無禮貌啊。」佢皺眉咁話。
「妳再係咁,我幫唔到妳。」
「唔得!我要趕喺鬼節通關前完成⋯⋯」
「妳乖未?」
「我一向都乖啊!我明明學得唔錯。」
全場席滿,只有我們呢枱空空如也,她問我點解,我都答唔到佢點解。
有什麼慘得過,我愛人今日結婚,但新郞不是我。
就係要帶住呢個麻煩少女去赴會。
西樓月如鈎
2021-12-31 13:50:28
「哎。詹天偉,呢個好飲,你哋真係好,可以每日都飲到美酒。」佢臉頰開始半紅。
「咪再飲啦,妳可以幫我搶返新娘嘛?」我捉緊佢嘅酒杯,阻止佢繼續飲落去。
呢個女人一飲酒就會發癲。
「講咗一百萬次,忘記記憶係我強項。」
「咁行啦,我哋去搶新娘。」
「嚟,行!我幫你教訓嗰隻臭雞。」佢捋起衣袖話。
「喂!呢啲說話唔好再學,無人會將網上說話帶嚟現實。」我一額汗,窺望四周,好彩無人留意我哋。
認識呢個奇怪嘅少女,要由幾個月前講起。
西樓月如鈎
2021-12-31 13:51:41
首先要自我介紹。
我叫詹天偉。
由細到大,父親都教我做人對鬼神之信要學莊子所講:存而不論。
我尊重父親。佢童年經歷住戰亂,親眼目睹灣仔空襲,成條軒尼詩道全部都係死屍嘅畫面。
「如果有鬼神,點解釋人間嘅悲劇?」
好唔容易捱過三年零八個月,他白手興家,創立一間玩具公司,令我童年生活無憂,不過無幾耐佢就自殺死咗,公司都倒閉破產,家道中落。
我尊重父親。
只不過,我無同佢講,其實我一直都可以睇到奇怪嘅嘢。
Ads
yuenam
2021-12-31 13:52:20
:^(
無言想
2021-12-31 13:53:44
:^(
西樓月如鈎
2021-12-31 13:54:39
肥嘅、瘦嘅、高嘅、矮嘅、有頭嘅、無頭嘅、有手嘅、單手嘅、四肢破碎嘅、只有一塊肉片嘅。
喺我屋企,喺學校,喺操場,喺我被入面。
自此我明白,呢啲奇怪嘅嘢應該唔係人,至少人唔會高空墮下後仲笑住對我打招呼。
七歲嗰年,母親為我搵咗一個師父「醫治」,講係咩將陰陽變成陽陽,唔知係咩,反正我從此就無再見到古怪嘅嘢。
「點解呢個世界會有鬼?」
「人死咗就變鬼囉。」
「咁點解鬼要留喺呢度?」
「人間嘅鬼,都係放唔低執念,如果唔係都去咗投胎。」師父好似係咁講。
「我只能幫你封到二十多歲,屆時你可能會因一事再開眼,呢個係你嘅命運,改唔到。」佢話。
反正長大之後,我都漸漸遺忘咗見鬼呢回事。有無鬼對我人生無咩太大差別。
直至幾個月前一件事。
隻狠
2021-12-31 13:56:08
lm
淫樣癲佬豬錢心
2021-12-31 13:56:31
太早入
:^(
西樓月如鈎
2021-12-31 13:56:42
話說今年小弟二十七歲,一直喺一間網媒工作,靠寫飲飲食食、歷史文化呢啲專題維生。舊陣時網媒啱啱興起,日子好啲,比較多廣告鱔稿,近年對手數量多咗,競爭大咗,但個餅就係得咁大。加上經濟唔景氣,廣告費下滑,呢排上司壓力山大,多次暗示我寫唔出點擊率高嘅故事,就應該自已辭職。
「你學學日本嗰個乜龜和去試下住凶宅啦。」上司話。
龜和?人哋係叫龜梨和也。
「龜梨和也?」我問。
「係,龜和梨乜,學佢去試住凶宅,再寫故事咪得囉。」上司成個樣都係陶醉緊點解自己會諗到呢條好橋。
「但係⋯⋯我怕。」
「你怕窮定怕鬼?窮鬼就最惡。」
窮。
人窮其實無乜所謂,但喺香港窮就有所謂,因為呢個社會嘅核心價值係勢利,天秤上無嘢比錢緊要。
價值即金錢。
就咁,我被逼上梁山。乞食科出身嘅我,無咩技能,為咗保住飯碗唯有去做凶宅試住員。只不過開展呢個企劃之前,我同公司請咗幾日假。
我想放一放假。
食飯唔食麵
2021-12-31 13:56:43
lm
:^(
:^(
梁小欣
2021-12-31 13:58:01
支持
:^(
每秒都想你
2021-12-31 13:59:11
gay 廉
:^(
:^(
IN石原里美WeLove
2021-12-31 13:59:32
年尾勤力
:^(
Ads
心上之秋
2021-12-31 13:59:42
凍gay廉加甜plz
漿糊筆
2021-12-31 14:01:28
:^(
西樓月如鈎
2021-12-31 14:02:06
原因有一個女仔要結婚。
係,就係一開始嗰個新娘。
班班係我大學時認識嘅女仔。
我留意佢,除咗因為佢外表唔錯、身材傲視全班呢啲膚淺因素外⋯⋯
仲有她點咗我嘅笑穴。
「你好,我叫bye bye。」第一次見面,班班笨拙咁用廣東話同我講。
當時正上緊堂,百幾人嘅禮堂裏氣氛嚴肅,我忍唔住笑咗,回應:「係班班(baan1 baan1)。」
「你在笑我嗎?」她鼓起泡腮問。
「唔係,妳太可愛啫。」
她:「那你叫什麼名字喔?」
「詹天偉。」我說。
「賤天萎。」她又再嘗試以廣東話說。
我又哈哈大笑,引嚟唔少目光。
MasonMount(世一)
2021-12-31 14:05:54
萎萎!
第 1 頁
下一頁
--------
台北文華東方酒店,係我暗戀女仔結婚嘅場地。
今日要參加佢婚禮,我異常咁緊張。
最緊張係,我身邊有一個麻煩嘅女仔。
我:「記得我講過啲咩?」
佢:「唔好亂咁講嘢嘛,」佢一副明白嘅樣。
「跟住我就好。」我千叮萬囑。
踏入婚禮現場,新娘嘅父母佇立喺門口迎賓,二人笑得合不攏口,向每一位賓客致謝,笑聲滿載。
「伯母,恭喜恭喜,祝新郎新娘三年抱兩,弄孫為樂。」我作揖祝賀。
「喂世伯,恭喜晒!恭喜妳個女兒即將俾人中出大肚,可喜可賀。」佢同樣作揖。
世伯目瞪口呆到,個口可以塞得入一粒西瓜。