[少甜]《平安夜同女神一齊訓 但我竟然變左做隻貓》
上一頁
第 10 頁
下一頁
文殊菩提子
2022-1-5 23:35:05
輕輕一推
:^(
Ads
尋羊冒險記
2022-1-5 23:43:38
我停在敏青家的門外,綠則往着夕陽西下的方向走去,夕陽的生輝映在綠三色的毛上異常漂亮。要從住宅區回到停車場,綠走過那條大坑渠上的橋。
「喂。」我從遠處大叫。
「嗯?」綠回頭。
「一定可以搵到變返做人既方法。就算唔靠貓神。」我說。
「嗯。」
「喂!」
「嗯?」
「如果聽日就係世界末日,咁橋下面嘅大坑渠,就係我哋嘅海邊。我、你、嫲嫲、仲有綠,全部都會喺齊度。」
綠沒有回應,只是回頭繼續往橋的另一面走去。
…
謝謝你啊,日。
…
我內心深處浮現出綠的聲音。
(七 完)
尋羊冒險記
2022-1-5 23:45:35
:^(
:^(
:^(
今日係咁多!多咗好多留言,自己都有動力寫多啲!
讀者們覺得今日嘅劇情發展點!歡迎留言正評推post…或者介紹俾你嘅朋友睇!聽日繼續!
:^(
:^(
接下來會返返去敏青條線
各位晚安!
你知唔知冇人想知
2022-1-5 23:50:14
新讀者報到🤭 好好睇 睇到停唔到 一下就睇到最新呢度 期待更新😆🥰
尋羊冒險記
2022-1-6 06:59:19
早晨
:^(
推
松岡菜摘
2022-1-6 08:55:26
硬係覺得綠最後個願望係將月變返做人
:^(
貓奴人生(五世)
2022-1-6 09:26:31
繼續
:^(
Hi-World
2022-1-6 10:04:21
lm
尋羊冒險記
2022-1-6 10:22:55
Push
找一個樂天的少艾
2022-1-6 10:50:34
Push
尋羊冒險記
2022-1-6 11:21:46
:^(
:^(
感謝絲打支持
Ads
尋羊冒險記
2022-1-6 13:21:11
一陣有文
尋羊冒險記
2022-1-6 14:44:46
八
從窗口跳入敏青房間,她或者MK明看來還沒有回家,看來香港的公營醫療系統即使在肺炎肆虐期間,輪候時間還是一如既往的長。有時覺得「急症室」這個詞語,聽起來真的很諷刺。
沒事可幹,唯有在敏青房裡休息一下。
房間裏除了書,還是書,書枱上添置了兩本貓奴的天書。《貓咪家庭醫學大百科》,聽起來很專業的樣子,如果我有幸可以變回人類,我應該可以寫本更加專業的。
現在對於如何在女神家中掙扎求存、以及怎樣避開有躁狂症的收費亭中年男人的攻擊都挺有研究。
我留意到敏青的書架上還剩下一本教科書,是高中中文科的範文集。
這本書不是她的,而是我的。
中六那年,Study Leave那段期間,我經常會去她的家溫習,那時候我們兩個的範文集不小心交換了。
「我拎錯咗你嗰本啊琴日。」我說。
「我知道啊。」敏青說。
「你唔係有打開嚟睇掛?」我問。
「咁我每日都要背一陣範文㗎嘛!」
「快啲交換返啦咁,你自己嗰本寫咗好多notes,我乜都冇寫…」
「唔緊要啦,我當重新溫過囉…你都可以對住我啲note溫書㗎嘛!你呀,中文要考好啲!咁先可以容易啲做到作家…」敏青笑着說,我分不清楚是甜笑還只是禮貌上的笑容。
「同埋呀,你入面都寫咗好多嘢!」
「頂,唔好睇啊。」
好想屌岑麗香
2022-1-6 16:56:13
lived
感覺會係sad故
:^(
:^(
尋羊冒險記
2022-1-6 17:05:35
上課無聊得很,特別是有關範文的,我很討厭背誦的內容。我當然很欣賞這些前人寫的東西,但實在沒理由要把他們全都背起來吧,這樣又有甚麼意思呢?
現代人要讀古人的作品,古人要讀古古人的作品,凡人、學者、政權所犯的錯誤還不是不停的重複起來。
老師教書的時間,我寫了很多詩。當然完全不能與李白、莊周、陶淵明這樣偉大的人比較,卻全都是我自己真實的想法和文字。
「我鍾意呢篇《最最喜歡你》。」敏青說。
//
我喜歡與妳
在新宿御苑的亭下偷懶
雨滴答滴答
還有蟬的叫聲
沒有蓋過我的心跳
新海誠喜歡村上
村上喜歡川端
大雄喜歡靜香
妳喜歡我寫的詩
而我喜歡妳
//
「唔係我寫㗎。」我說。
「真係?」
「嗯。」
「真~係?」敏青把臉哄過來,每次她漂亮的臉龐靠近我,我就會忍不住打乞嗤,大概是我害羞得有點本能上要避開。
尋羊冒險記
2022-1-6 18:00:13
:^(
大家放工放學未
文殊菩提子
2022-1-6 18:31:21
放ed
:^(
尋羊冒險記
2022-1-6 18:53:06
「乞~嗤!」我別過臉掩著嘴。「真係呀。的確係我抄落嚟嘅,不過上網搵㗎咋。」
「白癡仔!」敏青開懷大笑:「好想知道係邊個寫啊,你唔覺得首詩好浪漫嘅咩?」
「唔覺喎。」我說:「純粹上堂無聊冇嘢做。」
「不過我唔想做詩或者小說入面嘅女主角啊。因為通常都好慘。」
敏青說:「通常一係有絕症啦、一係有抑鬱症啦、一係相愛但係唔可以喺埋一齊。全部都係好難過嘅事,我一啲都唔想發生係我身上。如果呢啲係獲得浪漫要隨之而來嘅事,咁我寧願唔要浪漫。」
「咁你想追求點樣嘅愛情?」我問。
「簡單呀。就係簡單咁樣陪伴住對方。喺對方面前,係舒服同埋完全嘅自己,唔需要裝模作樣,但係都同樣可以分享自己嘅喜與樂同埋情感。」
「亦都唔可以嫌棄對方。」我補充。
「無錯!我會想帶我男朋友見我屋企人啦,我都會想佢可以帶我見佢屋企人、朋友。我哋會有各自嘅圈子,不過都有重疊嘅人生部份。冇重疊嘅時候,佢都唔介意會同我分享有關佢嘅事。」
敏青說,「唔單止大家喺大家既『現在』入面,仲係『未來』入面。」
「聽起嚟,唔算係好複雜嘅擇偶條件。」我說,我在想自己到底是否符合敏青的標準。
可是在喜歡的人面前原原本本的做自己,實在是太難了。因為我本來就是一個很差勁的人啊,也沒有厲害的長處,如果放咗一百個人裏面,我大約就是排第70位的那種人。
如果在你面前,不裝模作樣,你大概不會跟我說話吧?
「咁你呢?你想要點樣既愛情?」她問。
「我無諗過。」我說。
尋羊冒險記
2022-1-6 20:38:18
情緒有點問題
對不起大家 今晚更不了
落豉油唔食燒賣
2022-1-6 20:42:41
加油
:^(
倒物詩人
2022-1-6 22:16:28
樓主加油!!睇得出樓主好有心好愛寫文
Ads
倒物詩人
2022-1-6 22:17:01
Push
:^(
:^(
尋羊冒險記
2022-1-6 22:37:15
謝謝你!
李察利臣
2022-1-6 23:09:40
似乎會搞喊人既
哈比人俾人蝦
2022-1-7 01:03:03
樓主保重 唔使對唔住啵
:^(
上一頁
第 10 頁
下一頁