短篇sweet故合集
上一頁
第 8 頁
下一頁
Bottas(已硬)
2022-1-12 23:52:47
I mean一陣嘅凌晨3點
Ads
Bottas(已硬)
2022-1-13 00:08:08
晚安大家,一陣出新故
:^(
:^(
Oceaneyes.
2022-1-13 00:16:30
期待~
不過可能等到瞓著咗laughcry
Bottas(已硬)
2022-1-13 00:17:49
聽朝瞓醒睇
:^(
逆插馬連奴本馬
2022-1-13 00:21:04
喂你
:^(
:^(
:^(
:^(
:^(
咁樣好咩
Oceaneyes.
2022-1-13 00:21:09
好!
:^(
Bottas(已硬)
2022-1-13 00:21:41
分享快樂
:^(
Bottas(已硬)
2022-1-13 03:48:36
《男朋友出軌,所以我去咗溝第三者嘅男朋友》
1.
只要打開連登感情台,我哋就可以見識到人與人之間嘅關係可以係幾咁脆弱。
「啱啱俾人帽咗,你問我答。」
「條女發現咗我有sp話要分手,點挽回好?」
「成日同男朋友鬧交,好想搵過第二個算...」
每次睇親呢啲post,我都係一笑置之。事關我同我男朋友由高form到而家拍咗三年拖,連鬧交都好少有。即使大家升咗上唔同大學,但仍感情穩定。
所以我點都冇諗過連登感情台叫春post嘅情節會發生喺我身上。
幾個月前,我男朋友突然同我講佢啲friend叫佢一齊幫手搞ocamp。雖然不嬲都有人講ocamp組爸食組女嘅事跡,但佢提出嗰下我完全冇往呢方面諗,因為我信佢唔係一個咁嘅人。
事實證明,係我太天真。
當一個陌生嘅ig account dm send佢同我男朋友嘅親密相出嚟,叫我快啲同我男朋友分手嘅時候,我係拒絕相信嘅,仲好仔細咁望清楚相入面個男仔嘅每一個細節,想說服自己只係人有相似。
最後發現相入面嗰個真係我男朋友。
跟住我block晒我男朋友所有嘢。
佢後尾應該知道咩事,有用唔同方法搵過我,但我冇再理佢。
就係咁,我哋分咗手。
最衰我收到相嗰刻唔記得咗cap圖。如果唔係我就可以send晒俾我個ex成個圈子嘅人。
啱啱分手嗰刻,我都只係覺得好嘔心好嬲,所以我以為自己其實冇咁難過。直到幾日後經過曾經同佢去過嘅地方,我個鼻突然一酸,下一刻眼淚已經自己流落嚟。
原來我唔係唔難過,我只係唔想輸俾佢。
呢一日之後,我嘅情緒不斷喺憎恨同難過之間反覆跳躍,但我努力抑壓住。
一個月後,我喺自己學校門口見到個第三者。
我離遠一眼就望到佢,雖然我之前只係見過佢張相,但就算化咗灰我都認得佢,校門嗰個一定係佢嚟。
佢好似喺度等緊人。我喺冇幾遠嘅地方鬼鬼祟祟咁偷睇佢,想睇吓佢等緊邊個。
過咗冇幾耐,我見到佢露出笑容,跑向某個人,仲撟住對方隻手,好似好親密咁。
嗰個人面向我呢邊,我可以望到佢個樣。
望清楚嗰個人嘅樣之後,我不禁瞪大雙眼。
我識佢。
佢係馮嘉培,同我讀同一個major嘅同學。上年我有同佢一齊做過project,不過唔熟。
唔通佢哋……
遠處嘅兩個人一齊平排行,離開咗學校。
連續幾日,我都見到佢哋兩個一齊。
佢哋關係一定唔尋常。
後來有一晚,我收到陌生嘅ig dm。
「何寶澄,我哋傾吓好唔好。」
「我同佢玩吓㗎咋。」
「我真係愛你㗎。」
「我以後真係唔會再傷害你。原諒我好冇……」
一睇內容我就知係邊個,於是我直接block咗佢。
第二日,我又收到陌生dm。
又嚟?我心諗。
我認自己未放低,但我冇可能因為愛而原諒佢。
我㩒入去,又係一連串嘅message,但今次好似唔係我個仆街ex。
「我想提醒你 你同Michael已經分咗手架喇 你唔好再纏住佢」
「而家我先係佢女朋友」
而家係邊個纏住邊個……
睇嚟佢哋關係出咗啲問題。但我對佢哋之間發生嘅事冇興趣。
不過佢兩個又幾夾喎,一前一後咁send message俾我。
正當我打算照舊block嘅時候,對方又send多句嘢嚟。
「你同佢一齊咁耐 佢一早就厭咗 好心你照下自己咩樣啦阿姐 冇仔會要你架」
我知道我好唔爭氣,但呢句的確狠狠刺痛咗我。
分手嘅呢段時間,我嘅心情首先由嬲變成難過,最後變成咗自我厭棄。我無數次咁諗,係咪真係因為我唔夠吸引,所以佢先會咁輕易去搵其他人?
我同佢一齊之前已經好friend,有少少似兄弟。係咪因為咁,佢覺得我冇女人味,所以先同呢個女仔一齊?
我顫抖住咁block咗呢個account,chat record被delete,但對方講嘅嘢已經深深刻喺我腦海。
究竟佢憑咩咁理所當然去介入其他人感情,仲咁不知廉恥對住我耀武揚威?
我唔甘心。
如果係佢男朋友俾人搶返轉頭,佢係咪仲可以咁開心?
呢一刻,我諗起一個人。
馮嘉培。
Bottas(已硬)
2022-1-13 03:49:18
寫寫吓發現有啲劇情唔係好順,所以執耐咗
:^(
Bottas(已硬)
2022-1-13 03:50:12
雖然ch 1唔sweet,但呢個真係sweet故嚟
:^(
朱豔強
2022-1-13 04:03:27
一口氣追到live咗
:^(
好好睇啊樓主
:^(
:^(
:^(
Ads
Bottas(已硬)
2022-1-13 04:04:21
多謝你
:^(
:^(
逆插馬連奴本馬
2022-1-13 08:07:01
:^(
收隻死臭雞皮!
whotfcares
2022-1-13 08:32:49
係真sweet故啊
:^(
LM先
Bottas(已硬)
2022-1-13 08:40:52
:^(
Bottas(已硬)
2022-1-13 10:28:40
2.
如果我當初有cap低佢哋兩個張相,而家就可以直接send俾馮嘉培唔使煩。
唔係,其實就算我有相都唔會咁做。咁樣太便宜第三者喇。
我要佢體會到同我一樣嘅感受。
而機會好快就來臨。
又有一份group project要做。
聽到呢個消息之後,我即刻喺上年開嘅一個group chat入面摷馮嘉培嘅電話出嚟,然後問佢一唔一組。
佢應承咗。
我同佢又另外搵咗兩個人,終於form好一個group,仲傾好咗group meeting嘅時間。不過大家都忙,所以我哋嘅第一次meeting係喺zoom進行。
「Hello聽唔聽到?」入咗zoom之後,我望一望個list。大家都入咗,但冇人出聲。於是我試探性咁打咗聲招呼。
「Hi聽到呀。」一把帶住熟悉感嘅聲音傳嚟,係馮嘉培。
我竟然有啲緊張,可能因為佢係我即將要「攻略」嘅目標。
其他人都打咗招呼。
但接住落嚟,認真討論嘅就只有我同馮嘉培。其他人一係就唔出聲,一係就淨係附和下我哋。
我有種唔太好嘅預感。
「咁下個星期二我哋就學校見啦。」最後我哋勉強約好咗下次meeting嘅時間。
到咗約定好嘅星期二,我嘅預感成真。
其中一個groupmate臨前一日先話嚟唔到,而另一個傾咗冇耐就話要早啲走。
剩返我同馮嘉培面面相覷。
「咁我哋…自己傾住先?」佢有少少遲疑。
「好啦。」我無奈苦笑,其實另外兩個人嚟唔嚟都應該冇乜分別,真係有用心俾意見嘅就只有我同馮嘉培。
過咗三個鐘,我哋已經幫成組人分好埋工。而因為我哋兩個都得閒,所以就留低一齊搵埋可以參考嘅sources。
我有啲驚呢個project最後會得返我哋兩個做嘢。
呢個時候已經六點,我哋決定走人。
執緊嘢嘅時候,我後知後覺咁發現而家係絕佳機會。
「一唔一齊食啲嘢先返屋企?」我鼓起勇氣問。
「好呀,落canteen?」估唔到佢又幾爽快。
落到canteen,我哋各自嗌咗個頹飯。我哋學校canteen選擇真係唔多,嚟嚟去去都係白汁豬扒飯同茄汁雞扒飯嗰類嘢。
「上年我哋好似都有一齊做過project喎。」食緊飯嘅時候,我決定扮下熟,拉近距離。
「係呀,你一搵我我就記得。」好彩佢都記得啫。
其實上年做project嘅時候我哋都有幾句偈傾,但嗰陣我有男朋友,所以會刻意避嫌。做完project之後我哋就冇再聯絡。
喺呢餐飯入面,我哋天南地北咁傾咗好多唔同嘢。一時講吓上年一齊做project時發生嘅嘢,一時又講吓今年上堂啲lecturer。
一餐飯嘅時間過得好快。眨眼間我哋就食完。
其實同佢相處係幾舒服。佢唔可以話好熱情好多嘢講,但一開口總係令人不由自主咁想同佢分享睇法。
有人話,同某個人相處嘅時候,如果你無時無刻都覺得好舒服好自在,即係對方嘅情商同智商都高過你,喺度遷就緊你。
經過過上年嘅相處同呢兩次meeting,我覺得呢句說話真係有啲道理。
真係俾個第三者糟蹋晒。
我哋住嘅地方係相反方向,所以我哋就喺校門口分別。
「星期二見!」我冇忘記自己嘅目的,懶係活潑咁揮一揮手。
但其實我攰到仆街。
長期脫髮
2022-1-13 10:37:39
以為嘉培係女仔
:^(
長期脫髮
2022-1-13 10:38:37
Btw好好睇 夠sweet夠短篇 睇到我喺咁春笑 支持樓主
Bottas(已硬)
2022-1-13 10:39:50
:^(
:^(
漆黑怎信光輝
2022-1-13 13:24:55
支持
:^(
呢幾日追哂
Bottas(已硬)
2022-1-13 19:57:55
推
Ads
我要食甜蝦!
2022-1-13 20:46:43
推
:^(
Bottas(已硬)
2022-1-13 22:46:09
聽日繼續更
麻油雞飯勁香麻油味
:^(
:^(
Oceaneyes.
2022-1-13 23:22:33
推
一次睇咗2篇!
:^(
Bottas(已硬)
2022-1-14 01:46:26
Pish
上一頁
第 8 頁
下一頁