短篇sweet故合集
上一頁
第 23 頁
下一頁
Bottas（已硬）
2022-1-25 00:46:00
5.
周汝程同陸子毅用咗一個鐘討論查案計劃。
等到傾好晒一切，已經差唔多九點喇。
「咕嚕咕嚕——」一聲異響從周汝程嘅肚入面傳嚟。頭先同陸子毅傾得太投入，忘記咗饑餓感，而家搞掂好晒，佢先開始覺得餓。
「行啦，落去食嘢。」陸子毅面不改色咁企起身，「今餐我嘅。」
周汝程跟住佢行咗出房。
出咗酒店，行多二百米左右就係一條小食街。
暑假嘅夜晚特別多人，十分熱鬧。未行到去，唔同攤檔食物嘅香氣已經傳嚟，周汝程嘅飢餓感再度被勾起。
佢冇理會咩矜唔矜持，一行到入口就衝向左邊一個賣臭豆腐嘅攤檔。
行到埋去，周汝程只感覺自己口水都流晒出嚟。
攤檔上擺放住唔同口味嘅臭豆腐圖片，款式琳琅滿目，令人眼花撩亂。
攤位後面係一個大叔，著住白色背心，頸上搭住一條毛巾。炸豆腐時，油煙熱氣將佢塊面熏得通紅，額上亦有點點汗珠。
大叔間唔中會用毛巾隨意抹一抹汗，但好快就繼續手上炸豆腐嘅動作， 幾乎一刻都冇停過。
「識食喎。」陸子毅呢個時候跟咗上嚟，企咗喺周汝程隔離。「試吓佢哋個蒜茸臭豆腐啦，正㗎。」
周汝程點頭。
當熱辣辣嘅臭豆腐終於到咗周汝程手上，佢已經餓到雙眼冒青光。
金黃酥脆嘅臭豆腐靜靜瞓咗喺周汝程手上嘅紙盒入面，不斷冒出熱騰騰嘅白煙。臭豆腐表面被灑上蔥花，又被淋上特製嘅蒜茸辣醬，散發出誘人香氣。
周汝程攞住攤檔提供嘅竹籤，迫不及待咁拮咗一嚿，吹兩吹就擺入口。
熱燙嘅湯汁隨住周汝程嘅咀嚼而喺佢口腔內爆開，香辣濃郁。周汝程瞇起雙眼，一臉滿足。
可惜佢享受咗唔夠一秒，表情又突然變得痛苦。
好熱！
陸子毅默默喺隔離望住呢一切發生。見周汝程咁辛苦，佢諗咗諗，就喺褲袋摷咗張紙巾出嚟，攤開放喺自己手心。
然後佢將呢隻手放喺周汝程嘴邊。
「Lur落嚟啦。」佢笑。佢份人不拘小節，唔太介意污唔污糟，淨係想幫周汝程。
「唔唔！」周汝程雖然已經被熾熱嘅湯汁辣到講唔到嘢，狂標眼水，但佢仍然瘋狂搖頭。
擺咗落口嘅嘢，絕對唔可以lur返出嚟！呢個係周汝程嘅信念。
佢一邊諗一邊擘大口，不斷吸氣同呼氣，又用手喺嘴邊狂撥。
陸子毅見佢咁堅持，唯有收返手。
佢收好紙巾，改為撟手，睇戲咁睇周汝程嘅狼狽樣。
佢咁嘅樣究竟點做到偵探㗎？陸子毅心諗。
食完嘢之後，陸子毅同周汝程交換咗contact，約定第二日會合。
第二日，周汝程搞好check out手續之後就拖住行李喼行出酒店。陸子毅已經喺門口等緊佢。
佢急急腳咁行過去，對方接過佢嘅行李，帶佢去咗一架跑車度。
「你喺邊度搵到架咁嘅車㗎？」周汝程望一望部跑車嘅外觀。紅色流線形嘅車身喺陽光嘅照耀下閃閃發光，十分高調。
乜而家做騙子咁好搵㗎咩？
「租返嚟㗎，做戲做全套吖嘛。」琴晚周汝程已經同陸子毅傾咗佢哋計劃嘅大方向：扮有錢人！
其實都唔完全係扮嘅，周汝程本身家境的確唔差。
但呢一刻，周汝程低頭望住自己成身名牌嘅打扮，有啲唔自在。
佢有好多名牌嘢，但從來冇試過好似而家咁一次過堆晒喺身。
陸子毅琴晚反覆要求佢今日咁樣著。
「我哋得一星期時間，要去到盡。萬一個女人後日就走咁就仆街喇，我哋一定要盡快吸引佢嘅注意力。」陸子毅琴晚係咁講嘅。
而陸子毅自己就著得好普通。
呢樣都係佢哋一早溝通好嘅。
佢幫周汝程放好行李之後，仔細咁打量佢嘅打扮。
然後佢開口：「呢套掂呀，如果我見到你呢種打扮睇落又有錢又冇腦嘅人，一定會主動接觸你。」陸子毅面露讚賞。
周汝程都唔知應唔應該多謝佢好。
陸子毅冇理佢嘅反應，行前為佢拉開車門，仲懶紳士咁示意佢上車。
周汝程毫不客氣咁坐咗上去，陸子毅亦拉開另一邊車門坐上去。
跑車揚塵而去。
最近，田園酒店嚟咗一對好引人注目嘅住客夫婦，佢哋住喺1105號房。
聽講個老婆對老公好差，自己着晒名牌，但老公淨係著普通衫。
聽講個老公先係真正嘅有錢人，只不過為人低調，唔知點解會娶咗個咁嘅老婆。
聽講個個酒店員工都爭住去1105號房，因為嗰對夫婦出手闊綽。
胡彩欣第無數次經過1105嘅時候，裏面傳嚟咗一把憤怒尖銳嘅聲音。
「陸子毅你去死啦！」
房門被打開，一個男人俾人由裏面推咗出嚟，隨即房門被重重關上。
四目交投，男人對住佢尷尬又抱歉咁一笑。
Ads
漆黑怎信光輝
2022-1-25 00:52:30
Live左
:^(
酒釀小丸子
2022-1-25 02:07:21
摩牙
:^(
我要食甜蝦！
2022-1-25 02:49:11
唔想完
:^(
言米
2022-1-25 03:46:47
追曬
:^(
樓主要為我笑到唔識落返黎嘅顴骨負責
:^(
:^(
除咗最新呢個 個個都代入到
搞唔掂甜死
Bottas（已硬）
2022-1-25 06:09:35
:^(
:^(
我唔會開post掛
2022-1-25 07:02:36
呢個幾好睇
冬菇頭抽
2022-1-25 07:56:58
一舊臭豆腐就攻陷左佢個心
:^(
btw唔好quote文
:^(
落豉油唔食燒賣
2022-1-25 09:21:00
樓豬唔煮嘢食嘅？
:^(
Bottas（已硬）
2022-1-25 09:21:59
今朝仍然係酸辣粉 冇影到
:^(
落豉油唔食燒賣
2022-1-25 10:23:50
花椒油gd?
:^(
Ads
Bottas（已硬）
2022-1-25 10:32:50
Jeng
:^(
言米
2022-1-25 11:17:49
求食譜
:^(
989smallpotato
2022-1-25 11:19:35
好睇
:^(
keung_show(邱門)
2022-1-25 11:53:45
朝早食酸辣粉
:^(
羽田BB
2022-1-25 13:01:38
毒撚表示好鍾意睇呢種故
:^(
keung_show(邱門)
2022-1-25 13:04:51
+1
:^(
滿足晒自己嘅ff
:^(
Bottas（已硬）
2022-1-25 17:00:22
勁不建議 食咗2朝 今朝食完個胃就唔舒服了
:^(
Bottas（已硬）
2022-1-25 17:01:35
齊柏林辣雞塊真係好好食
:^(
:^(
Bottas（已硬）
2022-1-25 17:02:26
#539
:^(
Bottas（已硬）
2022-1-25 17:26:19
今日唔煮了，買咗炸蠔南瓜薯餅燒雞髀
:^(
:^(
:^(
Ads
漆黑怎信光輝
2022-1-25 19:06:14
啱啱收工 好肚餓呀
:^(
Bottas（已硬）
2022-1-25 19:06:45
快啲去食嘢
:^(
:^(
冬天就係要食雪糕
2022-1-25 19:39:06
特登隔兩日先過嚟睇
又冇了
:^(
Bottas（已硬）
2022-1-25 20:40:47
對打字厭倦了，嘗試手寫
:^(
:^(
希望10點出到文
:^(
上一頁
第 23 頁
下一頁
周汝程同陸子毅用咗一個鐘討論查案計劃。
等到傾好晒一切，已經差唔多九點喇。
「咕嚕咕嚕——」一聲異響從周汝程嘅肚入面傳嚟。頭先同陸子毅傾得太投入，忘記咗饑餓感，而家搞掂好晒，佢先開始覺得餓。
「行啦，落去食嘢。」陸子毅面不改色咁企起身，「今餐我嘅。」
周汝程跟住佢行咗出房。
出咗酒店，行多二百米左右就係一條小食街。
暑假嘅夜晚特別多人，十分熱鬧。未行到去，唔同攤檔食物嘅香氣已經傳嚟，周汝程嘅飢餓感再度被勾起。
佢冇理會咩矜唔矜持，一行到入口就衝向左邊一個賣臭豆腐嘅攤檔。
行到埋去，周汝程只感覺自己口水都流晒出嚟。
攤檔上擺放住唔同口味嘅臭豆腐圖片，款式琳琅滿目，令人眼花撩亂。
攤位後面係一個大叔，著住白色背心，頸上搭住一條毛巾。炸豆腐時，油煙熱氣將佢塊面熏得通紅，額上亦有點點汗珠。
大叔間唔中會用毛巾隨意抹一抹汗，但好快就繼續手上炸豆腐嘅動作， 幾乎一刻都冇停過。
「識食喎。」陸子毅呢個時候跟咗上嚟，企咗喺周汝程隔離。「試吓佢哋個蒜茸臭豆腐啦，正㗎。」
周汝程點頭。
當熱辣辣嘅臭豆腐終於到咗周汝程手上，佢已經餓到雙眼冒青光。
金黃酥脆嘅臭豆腐靜靜瞓咗喺周汝程手上嘅紙盒入面，不斷冒出熱騰騰嘅白煙。臭豆腐表面被灑上蔥花，又被淋上特製嘅蒜茸辣醬，散發出誘人香氣。
周汝程攞住攤檔提供嘅竹籤，迫不及待咁拮咗一嚿，吹兩吹就擺入口。
熱燙嘅湯汁隨住周汝程嘅咀嚼而喺佢口腔內爆開，香辣濃郁。周汝程瞇起雙眼，一臉滿足。
可惜佢享受咗唔夠一秒，表情又突然變得痛苦。
好熱！
陸子毅默默喺隔離望住呢一切發生。見周汝程咁辛苦，佢諗咗諗，就喺褲袋摷咗張紙巾出嚟，攤開放喺自己手心。
然後佢將呢隻手放喺周汝程嘴邊。
「Lur落嚟啦。」佢笑。佢份人不拘小節，唔太介意污唔污糟，淨係想幫周汝程。
「唔唔！」周汝程雖然已經被熾熱嘅湯汁辣到講唔到嘢，狂標眼水，但佢仍然瘋狂搖頭。
擺咗落口嘅嘢，絕對唔可以lur返出嚟！呢個係周汝程嘅信念。
佢一邊諗一邊擘大口，不斷吸氣同呼氣，又用手喺嘴邊狂撥。
陸子毅見佢咁堅持，唯有收返手。
佢收好紙巾，改為撟手，睇戲咁睇周汝程嘅狼狽樣。
佢咁嘅樣究竟點做到偵探㗎？陸子毅心諗。
食完嘢之後，陸子毅同周汝程交換咗contact，約定第二日會合。
第二日，周汝程搞好check out手續之後就拖住行李喼行出酒店。陸子毅已經喺門口等緊佢。
佢急急腳咁行過去，對方接過佢嘅行李，帶佢去咗一架跑車度。
「你喺邊度搵到架咁嘅車㗎？」周汝程望一望部跑車嘅外觀。紅色流線形嘅車身喺陽光嘅照耀下閃閃發光，十分高調。
乜而家做騙子咁好搵㗎咩？
「租返嚟㗎，做戲做全套吖嘛。」琴晚周汝程已經同陸子毅傾咗佢哋計劃嘅大方向：扮有錢人！
其實都唔完全係扮嘅，周汝程本身家境的確唔差。
但呢一刻，周汝程低頭望住自己成身名牌嘅打扮，有啲唔自在。
佢有好多名牌嘢，但從來冇試過好似而家咁一次過堆晒喺身。
陸子毅琴晚反覆要求佢今日咁樣著。
「我哋得一星期時間，要去到盡。萬一個女人後日就走咁就仆街喇，我哋一定要盡快吸引佢嘅注意力。」陸子毅琴晚係咁講嘅。
而陸子毅自己就著得好普通。
呢樣都係佢哋一早溝通好嘅。
佢幫周汝程放好行李之後，仔細咁打量佢嘅打扮。
然後佢開口：「呢套掂呀，如果我見到你呢種打扮睇落又有錢又冇腦嘅人，一定會主動接觸你。」陸子毅面露讚賞。
周汝程都唔知應唔應該多謝佢好。
陸子毅冇理佢嘅反應，行前為佢拉開車門，仲懶紳士咁示意佢上車。
周汝程毫不客氣咁坐咗上去，陸子毅亦拉開另一邊車門坐上去。
跑車揚塵而去。
最近，田園酒店嚟咗一對好引人注目嘅住客夫婦，佢哋住喺1105號房。
聽講個老婆對老公好差，自己着晒名牌，但老公淨係著普通衫。
聽講個老公先係真正嘅有錢人，只不過為人低調，唔知點解會娶咗個咁嘅老婆。
聽講個個酒店員工都爭住去1105號房，因為嗰對夫婦出手闊綽。
胡彩欣第無數次經過1105嘅時候，裏面傳嚟咗一把憤怒尖銳嘅聲音。
「陸子毅你去死啦！」
房門被打開，一個男人俾人由裏面推咗出嚟，隨即房門被重重關上。
四目交投，男人對住佢尷尬又抱歉咁一笑。