怡紅墨魁 2022-3-10 15:24:50 再推

:^(

怡紅墨魁 2022-3-10 21:49:57 推

:^(

怡紅墨魁 2022-3-10 22:04:25

:^(

阿彌陀三尊像 高麗 原文網址：https://itw01.com/YZTAZER.html

:^(

都係架，而且現存大部分高麗佛畫都保存係日本度添

:^(

怡紅墨魁 2022-3-10 22:05:54 又有工開啦，呀特首想染髮

:^(

怡紅墨魁 2022-3-10 22:07:45 多謝你

:^(

（三十八）出咗啦

怡紅墨魁 2022-3-10 22:07:55 （三十八）出咗啦

:^(

怡紅墨魁 2022-3-10 22:10:40 細蚊仔唔鍾意主角叫佢細蚊仔

「你又叫我細蚊仔做乜……明明你已經唔係架啦嘛。」

你估吓男主角已經唔係邊個

:^(

咁理應邊個先會叫細蚊仔做細蚊仔呢

:^(

矢久保美緒 2022-3-10 22:31:59

:^(

:^(

:^(

怡紅墨魁 2022-3-10 22:34:53 問吓大家，下一部作品大家想繼續睇同一個世界觀地球嘅事，定想知多啲星際/其他世界嘅事

:^(

唔敢實牙實齒開空頭支票，不過地球同星際都好多故可以講

:^(

，地球可以講長庚同童女天照、心師、虎僧、善逝童子、明妃

星際/其他世界可以講男主角係仙俠世界拜天仙同星間戰爭，可以講俾劍俠留低嘅斷頭屍同幫屍體接駁斷頭重生嘅金繼師，只要大家肯追，好多故俾大家睇

:^(

，樓豬愛你地

:^(

怡紅墨魁 2022-3-10 22:56:32 我返睇舊故先知，原來你有係我寫嘅鳩故咆吼師留言

:^(

，如果完咗劍俠故我又寫鳩故抖下氣，你會唔會睇架

:^(

今日心情好撚曳 2022-3-10 23:47:48 why not both

:^(

怡紅墨魁 2022-3-12 02:40:23 訓唔著推

:^(

你好黑人憎 2022-3-17 14:33:36 全部都要！！！

怡紅墨魁 2022-3-24 01:08:52

（三十九）

我記得師傅教落刀背方向順刀，將刀放在牛仔褲來回順廿下，然後再用手臂內側順廿下，初時我唔知飛劍，盪刀時又驚又無留心，宜家知道刀是大威德明王，又怎敢怠慢順多順少！

這次我留心師傅準備的一舉一動，只見師傅先在客人臉上抹油，再拿出毛掃木碗，開始加梘液溝水，再用毛掃在碗打蛋咁打出泡來，像發蛋白，又像日本茶道係度用竹筅打泡，師傅知我今次留心睇，就虎口夾住毛掃，開始指住枱面一支支鼓油辣油樽講解：「呢支鬚前油，用咗毛髮會軟化，皮膚無咁傷；呢細細支有沉澱嘅係剃鬚梘，本身番梘咁，我每次同人飛髮前會磨定溝小小水，打起泡就用嚟剃鬚：呢塊白色係明礬石，隔離係鬚後水，剃完鬚用完兩樣皮膚就唔敏感，呢啲都係熱巾剃鬚好基本嘅野，唔止廣東理髮，外國理髮店都係咁。」

師傅話好基本，我完全唔識，男人老狗剃鬚咁多次，平時用開洗面奶溝蘆薈啫喱，已經覺得自己個秘方好講究，最富貴咪買正式剃鬚膏！鬚前油明礬石我真係第一次聽！

師傅見我盪完刀，就叫我揭走客人的熱毛巾，搭落他左手臂，然後師傅開始將泡塗抹在客人臉上，再用毛掃直接在皮膚上打圈，並開始講到文殊菩薩為屍體剃鬚的心得：「磨泡果時水唔好溝多，濕吓個掃就得，如果多咗水你就磨少少梘片落碗，有啲人塊面完整，你可以係皮膚上面打圈再磨泡，等啲泡滲入去毛髮嘅根，隻手要吊住個掃用，唔好壓住磨，如果塊面裂嘅，你就係碗磨到企身先撻落塊面，唔好拮痛人。」

我見師傅由上至下，先剃額頭點燈，額角，眉頭，眼皮，面，滴水，鬚同頸前後，剃刀嗦嗦聲，刀上面太多泡，就抹在手臂濕毛巾上，一如師傅拎鉸剪，拎剃刀的手勢同樣是手腕轉手臂定的，然後更精彩的就來了，我都唔知聽劍俠故時走漏眼咁多。

師傅將剃刀揚一揚，刀身突然燒出無色光陷來，將最後一刀的刮出的泡與頸毛燒個清光，師傅再將刀片浸在檯面一小桶水中，水蒸氣嗞一聲噴出，師傅又不怕燙手，我沒忍住嘩一聲，師傅膊頭搖搖搖，老套兼得戚：「犀唔犀利？乜撚菌都燒哂，浸浸清水又用得。雖然啲客唔怕細菌，不過把刀乾淨禮貌嚟，以後到你用自己嘅刀剃人面，把刀如果無火，剃完就要記得浸藥水。」

我拎條毛巾浸住盤凍水俾師傅同客人抹乾淨面，心諗自己十把玻璃地獄劍，斬人如墮地獄，𠝹親個客點算。

「師傅！殺菌唔算殺生，因為唔係有情眾生，和尚都要用酒精搓手液啦。」客人自問自答，係咪想人讚？

「戇鳩！」師傅將明礬石濕水，在客人的臉上按摩，再上鬚後水：「如果有日發現平時有種細菌好撚有感情，和尚就以後唔沖涼煮飯咩？學佛還學佛，點解要做埋生物學家？」

我聽出癮來，想搭嘴：「咁咪無人可以唔殺生！咁好多殺業架，係咪乜都唔做最好？」

「你原地唔唞氣死啊，都害死腸入面條蟲啦！」師傅正在水盤洗手，有心講解，就慢慢咁洗：「呢個世界每一樣野都互相影響緊，你今日做一件事，連鎖反應原來十年後害死個你唔識嘅呀茂，入唔入你數？咁原來地球每日死嘅人都可以入你數架喎！」

「唔係『諸惡莫作，眾善奉行』咩？」客人再追問，他是師子蟲再世，雖然煉劍殺人，但對佛理也是有追尋的。
「仲有『自淨其意，是諸佛教』！唔可以淨係記得前面無咗後面架！」師傅洗完手，又拎返起剃刀閻摩降，揈揈水，再答：「修行人見到業，但執迷業嘅唔係修行！人力量有限，知道係啱嘅事咪盡做囉，個業最後幾善幾惡都唔到你去諗架啦，要自淨其意，學佛同佛學唔一樣，你地兩個都諗太多！」

「我問完啦！係咪行得！」客人好似聽得明師傅講乜，想起身就走，大佬咩學佛同佛學，我真係聽唔明啲一語雙關，菩薩境界咁高，唉我邊有咁好悟性！

師傅一下又㩒低客人坐定定，笑笑口：「急住投胎！未剃完眼啊，一陣你用膠袋笠住個頭係街行，對眼唔通點知前面有無生人，到時你亂揭個頭笠俾生人見到就弊家溜！」

眼皮毛都刮咗，咁仲未剃完眼？唔通真係要剃埋眼睫毛咩！

怡紅墨魁 2022-3-24 01:22:59 最近寫緊金繼師投稿天行賞，慢咗更唔好意思

:^(

如果無入圍，我即刻係度更

:^(

話時話，上一屆天行我都有寫故，講香港其他異人，反正入圍但無贏，改一改文都可以係度更

:^(

矢久保美緒 2022-3-24 01:50:11 返黎!

怡紅墨魁 2022-3-24 10:26:46 早晨推

:^(

矢久保美緒 2022-3-24 11:13:58 help push

怡紅墨魁 2022-3-25 01:15:19 訓覺推

:^(

怡紅墨魁 2022-3-31 08:56:55

（四十）

講到剃眼的下文，我還得事先講這門絕活不是正宗廣東理髮的內容，師傅在香港開一間地道理髮鋪，但閻摩降代代傳承，剃頭技藝自然五花八門，師傅是佛教的菩薩，但偏偏唔鍾意講人前世因今世果，往後還常常笑我咁沉迷懷舊太老餅，更加少主動講以前的劍俠故了。

劍俠文殊在地球地位固然崇高，不論俗家或神仙都認識其事蹟，不過日後我遊走星間的時候，去到銀河系另一旋臂的地方都有人能對菩薩為地球眾生剃頭的事蹟娓娓道來，那時才真正意識到今夜我拜文殊菩薩為師傅的意義沉重。

到我第一次從星間人口中聽到我師傅實在是金仙非地仙的講法時，正值我在星間尋找金繼師與他的造物報仇的十年開端，那時我剛親眼目擊師傅被魂造金繼殘忍殺害，所以完全沒有聽入耳，金仙怎會下場這麼慘，金仙怎會用成大半世人掛念地球上渺小的過身人類開唔開心？師傅說過其實慈悲境界好簡單，心地好三個字，就係咁。

原來清涼山沒有文明進駐，是因為星間人都知道菩薩心腸可敬，至於閻摩降能夠一刀救渡剃頭人於苦海，這大悲大智境界除了文殊菩薩無一劍僧能做到，當中真相，也是在我最終救不到明妃的時候才明白的。

關於未說的故事預告至此，本來只想提到文殊剃眼的來由，我就是出奇地從遙遠的某位星間霸主口中聽回來的，來自地球的我口口聲聲為亡師報仇，一個被囚禁幾萬年的外星軍閥竟然知道我不知的文殊剃頭故，幾時回想也是千萬個慚愧。

在大清仍叫做大金之時，皇太極已開始用剃髮為手段脅迫文殊，剃頭匠身邊有把剃頭刀與殺頭刀，要人在剃頭與殺頭之間選一，文殊讓劍警世，世間劍俠地仙從此自覺，劍術不傳清君主，投生不做清太子！

不過皇太極下一位清皇帝，愛新覺羅‧福臨卻立即成了大清國歷史中皇帝學劍的唯一例外，他就是我們前面講過的順治皇帝。福臨敬信佛教的事亦不是野史秘聞，當年董鄂妃身死，心中情意卻綿綿未死，當代文殊茆溪行森就為行屍理髮梳髻，她哀求文殊讓她親眼見多福臨一面，文殊便銀鈴趕屍，來到尋死的哭皇帝眼前，董妃摸住皇帝的臉，文殊解下妃子頭上帛巾，在四目相對的一刻就環頸玉殞，福臨扶住董妃，見她顏貌安整，儼如平時，心中就釋下了死念。

福臨認出了文殊身份，感念驚鴻一瞥之恩，一心歸還閻摩降，怎料文殊卻不肯接受，福臨又求文殊為他剃髮出家，也不肯。

到董妃於景山火化之時，就由文殊秉火炬，投炬之前，便偈云：「出門須審細，不比在家時；火裡翻身轉，諸佛不能知。」

偈語總是耐人尋味，福臨哀傷之際，沒能深思，但偈卻是記下來了，到他不久後決心出家，孝莊皇后便以斬殺天下和尚為理由逼福臨回心轉意，福臨才悟到文殊前半句偈是提他出家要小心，唯有暫時放棄剃髮出家的打算。

偈語說完，董妃在青煙裡化成靈骨，收骨之時，有人拾得金針一支，上面刻有「扶明」兩字，文殊將金針交予福臨，豎如意說：「左金鳥、右玉兔，皇后光明深且固。 鐵眼銅睛不敢窺，百萬人天常守護。」

左金鳥，右玉兔，文殊說皇后在火中光明，對於金針上扶明兩字，福臨想到了當夜再會，董妃軀殼念念不忘的情義，所以把針用那帛巾包好，隨身帶著。

五個月後，福臨不幸患上天花，高燒使他有人在火裡之感，這時他想到下半句偈，醒悟自己出家之時到了，耳邊聽到文殊呼喚「行痴，轉過來吧！」，床上一個轉身，金針飛出就割下了他的頭，身體朝向右側而躺，累足而臥，人頭側枕於右手，定舌合眼，把宮庭嚇破了膽，大清不願被地上劍俠看輕，對皇帝駕崩的原因絕口不提。

福臨的元神又飛進了鬼的身體，痘瘡全消，生龍活虎，金針剃頭等於未死，好像是被文殊用閻摩降為俗人剃頭一樣效果，雖說得閻摩降者人人皆文殊，但真文殊用飛劍時卻是劍劍皆明王，在文殊留劍大清的時代，頭還是一樣地剃的。重生的福臨如願剃度出家，拜了文殊為師，在劍俠界中不算是秘聞，傳到了不知飛劍的俗家人耳中，就變成了順治皇帝假病死，實情在五台山出家為僧的故事版本。

後來福臨在清涼山遭劍俠的敵人暗算，屍骨寒在風雪之中，未有接過文殊衣缽，於康熙四十三年在閩中濉川投胎再世，叫做黃庭鏡，此時文殊行森已圓寂二十七年，不過劍緣深厚，在棄儒從醫後拜劍醫培風山人為師，得傳扶明金針一支，歷四方鑽研治眼術，其眼科著作《目經大成》便有提過刀針之術，往後諸代文殊剃頭亦剃眼，亦是緣起於此，篇章所限，唯有下回續序。

怡紅墨魁 2022-3-31 09:52:34 有錯字，最尾續敘寫成咗續序

成日錯字，樓豬是豬

:^(

怡紅墨魁 2022-3-31 10:01:34 下回唔知會唔會打打下典故提起黃庭鏡拜培風山人，民間主流講法如果呢個人真實存在，會係黃庭鏡去武昌拜培風山人，不過樓豬睇到有考證唔係咁，反而係黃庭鏡請培風山人嚟教醫術，樓豬鍾意後者講法，戴定頭盔

:^(

怡紅墨魁 2022-3-31 10:09:02 天行賞今屆無揀我入圍，魂造金繼嘅故事會係連登以選項故形式同大家玩，寫完剃頭故之後更新，今回提一提男主角日後同魂造金繼係星間嘅仇怨做吓預告，吳王好撚記仇架嘛

:^(

矢久保美緒 2022-3-31 11:54:03 推

怡紅墨魁 2022-3-31 12:47:40 多謝你

:^(