嗚上悠 2021-12-16 15:58:20 以前啲商人喺神聖羅馬帝國應該幾麻煩，成幾百甚至上千個國家，畀關稅畀到煩，有啲仲要唔同貨幣

:^(

去到19世紀中先有比較全面嘅關稅同盟

:^(

高僧 2021-12-16 15:58:40

:^(

東亜の子 2021-12-16 21:06:04 查五世喺一個破碎家庭下長大，老豆食得早，老母就揸白卡。雖然生於帝王家但自細就被人當人球交俾姑姐薩伏伊公爵夫人瑪格麗特看管，查五世同兄弟姐妹就喺公爵夫人嘅領土今日比利時地區長大，童年時嘅教師係日後嘅教皇哈德良六世。



阿爺馬一世死後，查五世繼承咗哈布斯堡嘅產業。佢透過向選帝侯行賄等手段（得到德意志銀行世家富格爾家族資金支持），喺1519年戰勝法國國王弗朗索瓦一世當選為神羅帝國皇帝。




查五世任內有名嘅事跡包括資助航海家麥哲倫環繞地球一周。1519年9月，麥哲倫率領5艘船、265名船員，由西班牙塞維利亞港出發，開始咗人類歷史上第一次環球航行。



1520年11月，由於天氣惡劣同缺乏糧食，船隊中嘅一艘船臨走咗翻西班牙，船員為咗逃避責任，就話麥哲倫叛已逃。於是查五世就憤然放棄對麥哲倫家庭嘅供給，導致佢嘅老婆仔女都餓死咗

:^(

。

麥哲倫喺1521年4月於菲律賓戰死，但係佢船隊最後都有18個人喺1522年9月6日返回西班牙塞維利亞港，完成咗人類世上第一次環球航行嘅創舉。

東亜の子 2021-12-16 21:09:42 克羅地亞、波斯尼亞、塞爾維亞咪同種同源。

東亜の子 2021-12-18 13:21:08 查五世任內亦出現咗宗教改革嘅浪潮。早喺1413年波希米亞人胡斯就提出咗反對教廷濫發贖罪劵斂財嘅手段，但就被教廷視為異端，將佢開除教籍同埋施以火刑。

喺接近一百年後，比查五世年長十幾歲嘅德國教士馬丁・路德讀咗胡斯嘅著作，於是喺1517年10月31日，喺當地教會嘅門上貼出九十五條論綱，列出反對贖罪券嘅九十五個論點。



95條原文用拉丁文寫成，但好快被翻譯成德文並透過當時啱啱開始盛行嘅印刷術風行起嚟，立刻傳遍咗整個歐洲。路德嘅想法引起咗好大嘅迴響，連好多德意志領主都改信咗路德宗。事實上德意志嘅領主見到教會靠賣贖罪劵發過豬頭，早已經睇唔過眼，認為民脂民膏被教會刮曬，自己咸豆都冇得食。

而除咗路德宗之外，法國亦出現咗加爾文教派，加上原來嘅胡斯派，統稱基督新教。

查五世作為天主教嘅擁護者，強烈反對路德等人嘅主張。1521年，佢以皇帝嘅身份傳召路德參加沃爾姆斯宗教會議，會上查五世宣佈路德及其追隨者為非法（1521年沃爾姆斯敕令）。

而德意志諸侯本嚟就唔多聽神羅枝笛，今次有咗大義名份就更加唔聽話。1531年由兩個實力最強嘅新教諸侯黑森伯爵同埋薩克森選帝侯組成咗施馬爾卡爾登聯盟，協定新教盟友如果受到查五世攻擊，其他盟友要出兵幫拖。



由於脫離天主教會能夠帶來顯著嘅經濟利益，陸續有其他諸同帝國自由市加盟，聲勢越嚟越大。

查五世喺聯盟成立嘅最初15年，因為忙於同鄂圖曼和法國打仗，未有時間教訓佢哋。但到咗1546年路德死後，查五世終於決定出兵。1547年，神羅軍擊敗咗新教聯軍，黑森伯爵更加俾佢俘虜咗。但過咗幾年後，新教聯盟得到法國嘅支持，展開咗第二次施馬爾卡爾登戰爭。

第二次嘅抗爭以新教聯軍勝利告終，查五世為咗集中法力對付宿敵法國，同盟軍議和簽署咗奧格斯堡和約。查五世作出妥協，允許新教諸侯自由決定領土上信天主教定新教，給予路德宗喺神羅帝國嘅合法地位，但加爾文同胡斯派仍然係非法。

嗚上悠 2021-12-18 16:30:59 多謝樓主

:^(

題外話當時法國係第一個基督教國家同鄂圖曼帝國締結軍事同盟，去到1798年有成250年


法王同蘇丹深情對望

:^(

法比加拿斯尼 2021-12-20 13:43:28

:^(

小柏林唔係人 2021-12-20 15:27:42 留名

Lghjhgb 2021-12-20 21:39:51 此回覆已被刪除

三個女人一個姦 2021-12-22 06:09:06 留名

在家長肌肉 2021-12-22 06:25:38

:^(

東亜の子 2021-12-22 21:38:45 而除咗要應付神羅國內嘅逆賊，查五世對外亦都征戰連連，最主要嘅對手就係法國同埋佢嘅盟友鄂圖曼。

為咗爭意大利同勃艮第，查五世同法國嘅騎士國王法蘭索瓦一世進行咗多次戰爭。喺1525年嘅帕維亞之戰中，因為波旁公爵夏爾三世·德·波旁嘅倒戈相向，導致法軍大敗，連法一世都被人俘虜咗。





查五世迫使法一世簽署馬德里條約，放棄對意大利北部嘅領土要求。然而法一世獲釋後就馬上推翻呢個條約，仲同教宗克萊孟七世結盟一齊對抗查五世。

作為報復，查五世喺1527年派軍入侵意大利，包圍羅馬。查五世派咗法國25囝夏爾三世帶隊打羅馬，神羅軍隊喺意大利打敗咗法軍，但就因為冇糧出所以決定強迫主帥夏三世劫掠羅馬。

夏三世喺攻城過程中彈身亡，但羅馬教皇國依然俾神羅軍隊燒殺擄掠，死傷慘重，史稱羅馬之劫。

野比大熊貓 2021-12-22 23:07:59 夏世三

:^(

山竹與飛燕 2021-12-22 23:41:18 羅馬之劫(神羅ver.)

:^(

Pepe.GG.Armani 2021-12-22 23:48:27 想稱霸巴爾幹都要問過保加利亞先

:^(

:^(

嗚上悠 2021-12-22 23:54:51 保加利亞：巴爾幹普魯士

:^(

:^(

三個女人一個姦 2021-12-24 07:16:35 下巴斯堡

:^(

KuRuMaDe 2021-12-24 08:30:17 留名

濕鳩liy-好喜歡她 2021-12-24 15:16:47 有中國歷史唔研究 研究個垃圾國家 寧願你講下中國近代史啦 講下中國威水野唔好？

油汁飛濺 2021-12-24 15:36:57 玩二元唔行聯邦
又冇單一大種族
其實撐到去一戰已經係奇跡

根本就係一部老爺車上場同其他人鏈車
無爆偈都真係算係咁

香港民族萬歲 2021-12-24 18:24:03 中世紀/舊時代產物夾硬拖到佢嚟現代
拖到咁耐已經好撚勁

山竹與飛燕 2021-12-24 23:14:57 由大航海時代嘅初期去到工業時代嘅中期

:^(

嗚上悠 2021-12-25 09:59:21 各位聖誕快樂

:^(

:^(

諗起鄂圖曼帝國嘅蘇丹會當呢幾日係一個平日

:^(

我係英國人呀屌 2021-12-25 10:10:33

:^(

wenliyang 2021-12-25 11:09:36 已封鎖會員 - 濕鳩liy-好喜歡她