奧匈帝國的生前死後（長文）

藍田n_賓 2021-12-9 10:00:02 lm

東亜の子 2021-12-9 12:54:52 腓三世晚年喺奧地利嘅林茨渡過，佢老來沉迷星相同埋煉金術，直到77歲高齡去世。雖然佢被後世稱為“神羅帝國嘅爛瞓豬（瞌睡蟲）”，但腓三世亦鞏固咗哈布斯堡家族嘅統治，至少從此神羅皇帝嘅寶座就由哈家壟斷。

腓三世死後由兒子馬克西米利安繼位，馬克西米利安一世繼續下半世堡嘅聯姻政策。佢喺外父同老婆死後繼承咗勃艮第領地，包括法國南部、荷蘭、比利時、盧森堡，而個女則準備嫁俾法國國王查理八世。

:^(

馬一世喺老婆死後想續弦，佢計劃娶布列塔尼女公爵安娜為妻。查八世見到哈布斯堡想食埋自己西邊嘅布列塔尼，自然會擔心會對法國形成夾擊之勢。

:^(

1491年，法國進攻布列塔尼，查八世搶先一步同安娜結婚，呢場女婿截外父糊嘅婚姻導致咗日後法國同哈布斯堡王朝嘅長期鬥爭。

因為娶唔到布列塔尼安嘅安娜，馬一世改為同米蘭公爵個女結婚。得到咗有錢嘅米蘭財力支持，馬一世喺1508年當選為神羅皇帝。而從此神羅皇帝亦無須到羅馬受教宗加冕。

而馬一世亦都為個仔美男子腓力迎娶西班牙公主胡安娜，形成遠交近攻之勢對抗法國。

唔想諗野 2021-12-9 13:10:31

:^(

cheap條片

:^(

Pepe.GG.Armani 2021-12-9 13:54:18

:^(

樓主形容得幾生動

頭號麵粉 2021-12-9 13:57:01

:^(

陸海樞紐駐馬店 2021-12-9 14:10:17 其實奧匈最好既結局就係變做共主邦聯，奈何十九世紀後期民族主義盛行，就算哈布斯堡想搞多元聯邦，但匈牙利人都唔會應承，因為佢地想馬札爾化領土內斯拉夫人同羅馬尼亞人，我反而覺得係推行多元體制嗰陣唔夠快趣，導致其他民族不滿之餘亦俾匈牙利人騎劫，削弱咗國力。

如果靜係奧匈對塞爾維亞既話，收拾佢應該係冇問題，弊在引起咗各國總動員呢吓先慘。其實睇番資料，就算係一戰前夕，其實政府之間都嘗試協調並達成共識，但一發佈總動員，就注定冇彎轉。所以我覺得一戰主要係民族主義同大眾民主興起導致，簡單嚟講民族主義導致上層決策者為咗民族榮光拒絕協調寧願開戰，大眾民主導致極端主義者往往利用民族主義裏挾民意，以社會之名請戰。變咗一場小衝突可以引爆世界大戰，而且由於全社會都參與其中，直接摧毀封建體制，而且一戰最後仲放出咗總體戰同布爾什維克兩大禍患，延綿至今。

B747-400 2021-12-9 14:22:25 其實總體戰係工業革命下必然嘅產物，就算無一戰都會發生。

反而布爾什維克就真係害人不淺

:^(

陸海樞紐駐馬店 2021-12-9 14:45:03 布列斯特同特里亞農笑而不語

B747-400 2021-12-9 15:11:42

:^(

幾年前去匈牙利旅行，行博物館見到呢幅圖，即刻明晒特里亞農條約有幾癲

嗚上悠 2021-12-9 15:19:04 成個匈牙利王國冇咗超過三分之二
可以話五個戰敗國當中最嚴苛

Lghjhgb 2021-12-9 17:21:27 此回覆已被刪除

呼兒中出換美酒 2021-12-9 17:22:58 留名學野

:^(

東亜の子 2021-12-10 18:27:54 西班牙公主胡安娜被稱為癲婆胡安娜，呢個名字嘅背後隱藏住悲慘嘅故事。佢係卡斯蒂利亞女王伊莎貝拉同阿拉貢國王斐迪南嘅第三個仔女，因為兄姊相繼早死而獲得繼承權。

:^(

佢喺16歲時被安排嫁俾哈布斯堡嘅美男子腓力，靚仔通常都冇本心，胡安娜就因為老公時常拈花惹草而患上咗抑鬱症。佢為咗實老公於是走咗去佛蘭德，但比佢發現老公又偷食，於是歇斯底里咁發作。腓力索性操縱當地法庭認定胡安娜精神失常，將佢囚禁。

1504年，其母伊莎貝拉女王去世，菲利普帶埋胡安娜回國，希望用丈夫嘅身份獲得卡斯蒂利亞嘅王位（好似以前劇集啲奸仔角色）。

但係胡安娜嘅老豆斐迪南並唔同意，佢宣告胡安娜已經成為腓力嘅囚徒，兩人嘅衝突差啲引致西班牙內戰。但因為腓力無幾耐就病死咗，所以打唔成交。

靚仔腓力英年早逝，令痴情嘅胡安娜憶夫成狂。佢將老公條屍留喺身邊，喺產下遺腹女後更將老公棺材打開，等佢見下個女

:^(

。

:^(

斐迪南設法使胡安娜承認咗佢嘅共治權，之後就將佢囚禁喺托德西利亞斯城堡之中。斐迪南死後由胡安娜個仔卡洛斯(即神羅皇帝查理五世)繼位，胡安娜繼續被囚禁，直到佢1555年去世。

歷史學家認為胡安娜係精神分裂症患者（可能係產後抑鬱引發），由於佢係正統嘅卡斯蒂利亞王位繼承人，令佢嘅親人都要不斷利用佢先可以得到合法嘅統治權。胡安娜嘅悲劇人生就喺在家囚by父，出嫁囚by夫，老來囚by子中渡過。

伊勢新九郎盛時 2021-12-10 18:59:52 我仲以為樓主係淨係寫奧匈

:^(

瑞士寶 2021-12-10 20:00:12 此回覆已被刪除

一舊好潮既膠 2021-12-10 20:36:10 冇可能
哈家有名你叫下半身堡
幾乎成個歐洲佢都有插手過

:^(

量地工程師 2021-12-12 20:06:29 lm

量地工程師 2021-12-12 20:14:32 btw 好懷念以前膠登蘿蔔絲脾耳巴打個歐洲史post
而家已經冇左

:^(

法比加拿斯尼 2021-12-13 19:05:24

:^(

野比大熊貓 2021-12-13 23:40:46

:^(

瑞士寶 2021-12-14 00:08:55 此回覆已被刪除

帝力林德曼 2021-12-14 05:20:19 我唔覺得南斯拉夫敗在共產，共產國家嚟講東德算係咁，南斯拉夫其實周不時親西方，冇具體窮過富過，係弊在種族問題多。
按今日政治觀點，其實如果有塞族人同希臘人搞共產，我覺得唔奇，根本行咩制度佢地都冇運行。如果唔係點解蘇聯之後佢地一係選極左一係極右咁奇怪

帝力林德曼 2021-12-14 05:22:32 匈牙利其實都唔可以叫「慘」，係弊在Szekely呢個區當時未解決，叫斯洛伐克做上匈牙利其實都幾狂妄。
巴拉圭同玻利維亞慘烈啲。

帝力林德曼 2021-12-14 05:25:42

簡單嚟講民族主義導致上層決策者為咗民族榮光拒絕協調寧願開戰，大眾民主導致極端主義者往往利用民族主義裏挾民意，以社會之名請戰。

20世紀嘅巴爾幹國家全部都係白咭，例如打過兩次大戰但係增加領土嘅保加利亞，係叫巴爾幹版普魯士。一個冇資源但係單憑民族主義可以打到90年代尾嘅地帶。

蔡+讚 2021-12-14 06:16:30 匈牙利自己拎黎，二元制後就打壓境內少數民族
但係外萊塔尼亞馬札爾人都係佔總人口一半
連奧地利係內萊塔尼亞d語言政策同地方補貼做得都好過匈牙利
克羅地亞本身1848年係支持王室，不過俾哈布斯堡交左俾匈牙利之後都要玩獨立

:^(

係王儲暗殺事件個陣匈牙利立場係反對向塞爾維亞宣戰，不過唔係和平主義只係佢地都意識到如果奧地利擊敗塞爾維亞整合巴爾幹，可能會解散二元制分薄匈牙利既特權。匈牙利首相仲耍太極話問左德國先，跟住黎左空白支票就無野講

:^(