奧匈帝國的生前死後（長文）

椰子樹無菇的 2021-12-6 00:58:11 勃艮地遺產

:^(

懶人 2021-12-6 14:05:54 Lm

卡雲尼(曼聯21號) 2021-12-6 14:13:26 lm

東亜の子 2021-12-6 17:40:09 阿爾布雷希特二世喺1404年繼承父親嘅領地奧地利大公國，並娶咗盧森堡王朝嘅神羅皇帝西吉斯蒙德個女伊利沙伯。由於西吉斯蒙德沒有男性子嗣，阿爾布雷希特因此成為咗佢喺匈牙利同波希米亞嘅王位繼承人。

西吉斯蒙德於1437年去世後，阿爾布雷希特先後加冕匈牙利同波希米亞國王。1438年3月18日，佢獲選為羅馬人民嘅國王，稱阿爾布雷希特二世。

:^(

1439年阿二世因為同鄂圖曼打仗，死喺匈牙利，留低咗一名遺腹子拉斯洛。但匈牙利貴族另外選出波蘭國王瓦迪斯瓦夫三世為國王，而德意志選帝侯則選擇咗佢嘅堂叔、內奧地利公爵腓特烈嚟繼任羅馬人國王。

:^(

拉斯洛嘅母親伊利沙伯希望保住兒子嘅匈牙利王位，但結果支持哈布斯堡嘅軍隊被波蘭國王擊敗，伊利沙伯帶同匈牙利嘅聖史蒂芬皇冠同個仔偷走，投靠腓特烈。

:^(

結果堂叔腓特烈不單止冇幫佢哋，仲為咗獲得喺奧地利嘅統治權而將呢對孤兒寡婦軟禁

:^(

。

嗚上悠 2021-12-6 18:23:13 同場加映，15世紀末嘅歐洲地圖

:^(

wenliyang 2021-12-6 18:28:11 留名學野

睇完開頭, 我就明白點解南斯拉夫會喺二戰後加入共產集團.
反正南斯拉夫人喺歷史上都係你地歐洲國家既二等公民,
點解唔試下親俄玩共產主義啫? 然後....就仆街了

NISMO400R 2021-12-6 18:33:34 嶺土奧地利除外而家全部都窮到仆街

一舊好潮既膠 2021-12-6 21:05:10 留名哈家俾俾斯麥暴打既一日

:^(

山竹與飛燕 2021-12-6 21:17:43 呢個要指正返，
南斯拉夫嘅民族係好diverse嘅，冇一個dominate到嘅民族，如下：

:^(

山竹與飛燕 2021-12-6 21:18:31

:^(

wenliyang 2021-12-6 21:25:36 呢個我知, 我只係概略去形容嗰一帶.
佢地民族, 語言, 信仰通通唔一樣.

東亜の子 2021-12-7 17:48:40 1444年，當時嘅國王瓦三世又因為同鄂圖曼抗爭而陣亡，於是匈牙利貴族決定俾拉斯洛繼承王位，佢哋派出使者到維也納要求腓特烈五世釋放伊利沙伯母子並歸還王冠，遭到後者拒絕。貴族們於是選出匈雅提·亞諾什（姓匈雅提，匈牙利人嘅主體民族馬扎爾人被認為來自東方，所以匈牙利人同東方人一樣先姓後名。）為攝政王。

1451年，腓特烈被加冕為神羅皇帝，是為腓特烈三世。由於佢拒絕放棄對拉斯洛嘅監護權，激起奧地利貴族喺1452 年初嘅公開叛亂。叛亂嘅奧地利領主圍攻維也納，迫使腓三世於 9 月 4 日釋放拉斯洛。

:^(

拉斯洛喺1453年加冕，是為拉斯洛五世。喺拉五世在位嘅大部分時間，匈牙利嘅實際統治者係攝政匈雅提·亞諾什。亞諾什死後佢個仔匈雅提·拉斯洛同另一重臣采列伯爵烏爾里希二世不和，烏爾里希二世企圖謀殺匈雅提·拉斯洛，後者為咗報復反過來將佢刺殺。結果拉五世將匈雅提·拉斯洛斬首，引起咗一場政治風暴，拉五世亦都因此要走佬去布拉格，無幾耐就病死咗。

由於無後，佢喺三個國家嘅王位分別由不同人繼承。腓三世兼併咗奧地利大公國；匈雅提嘅另一個仔匈雅提·馬加什繼承匈牙利王位；波希米亞攝政波傑布拉德嘅伊日成為波希米亞國王。

法比加拿斯尼 2021-12-8 09:20:04 大家好好珍惜樓主，佢呢三輯歷史系列可以話係依家學術台少有高質post

:^(

東亜の子 2021-12-8 12:30:13 由於德意志地區有一班各自為政嘅諸侯，腓三世對帝國內部冇咩話事權。所以佢將精力集中喺擴大哈布斯堡王朝自身嘅地盤，對帝國事務唔係幾理。

腓三世為兒子馬克西米利安迎娶勃艮第(位於今日法國)公爵大膽查理嘅獨女瑪麗為妻，助家族取得歐洲最富有國家嘅資源。但係喺同匈牙利國王馬加什嘅戰爭中，腓三世幾乎失去咗全部嘅奧地利領地（包括維也納）。

:^(

當時匈牙利以僱傭兵為基礎建立咗一隊常備軍隊“黑軍”，開始初具國家級武裝水準同埋更加嚴明嘅紀律同戰術調度。相比之下神羅只有以封建聯盟、僱傭兵同民兵拼湊而成嘅雜牌軍。

到咗1485年，馬加什兵臨維也納，決心將哈布斯堡家族的核心據為己有。匈軍以強力火炮轟炸維也納，而維也納嘅防禦設施大多喺12世紀末嘅十字軍時代建造，結果敵不過匈軍嘅重型攻城炮。最後經過半年嘅圍城，負責防守維也納嘅僱傭兵隊長馮-沃爾夫決定棄城而逃，匈軍獲勝攻入維也納。

:^(

匈牙利國力喺呢個時候攀至巔峯，確立其東歐強國嘅地位，喺東歐嘅勢力僅次於鄂圖曼。

Lghjhgb 2021-12-8 13:27:46 此回覆已被刪除

賭物詩人 2021-12-8 14:06:38 斯洛文尼亞同捷克都唔算窮啦，克羅地亞都唔差，調返轉應該話奧匈統治過雖然比唔上西歐中歐北歐，但點都好過其他巴爾幹國家

山竹與飛燕 2021-12-8 14:14:35 斯洛文尼亞嘅經濟屌打其他南斯拉夫加盟國even成個巴爾幹半島

:^(

其實塞狗如果當年冇打十年仗都唔會咁兜踎
:^(

嗚上悠 2021-12-8 14:23:00 奥地利宜家都算係中等強國（middle power）愈近佢嘅國家相對愈有錢

:^(

e.g.捷克一戰後係八大工業國之一

春日野穹 2021-12-8 14:43:22 奧匈已經算唔話得，一個火藥桶都頂到輸一戰先比協約國肢解
題外話課本同一戰後德國人成日話凡爾賽和約太苛刻乜乜乜根本就係個myth，望下蘇聯同奧匈，呢D先叫慘同苛刻

:^(

應該 2021-12-8 16:36:38 lm

Lghjhgb 2021-12-8 17:16:17 此回覆已被刪除

自由之子 2021-12-8 20:31:13 1917年卡爾一世本來同協約國簽咗和約，但係俾德國知道，迫佢同協約國毀約打落去。所以戰後協約國先要解體奧匈。

春日野穹 2021-12-8 21:21:15 解體應該係協約國共識黎，威爾遜直頭話明想要民族自決（當然出到黎有無咁理想就係另一回事）
不過就算無協約國干涉放奧匈一馬，奧匈自己本身頂埋落去唔自爆都機會渺茫（最有希望既皇儲都已經被人殺左）

Lghjhgb 2021-12-8 21:31:21 此回覆已被刪除

wenliyang 2021-12-8 23:00:06

:^(