奧匈帝國的生前死後（長文）

東亜の子 2022-4-20 13:03:58 東亞好早就獨尊儒術(法?)

東亜の子 2022-4-20 18:54:21 塞爾維亞黑手會嘅幕後黑手乃係塞國軍官德拉古廷·迪米特里耶維奇，佢喺1903年參與弒殺塞王亞歷山大，擁立新君彼得一世，從此上位。

:^(

1911年，佢同一班志同道合嘅軍人組成咗黑手會（又名統一或死亡），顧名思義組織嘅夢想就係建立大塞爾維亞，統一所有喺奧匈同鄂圖曼統治下嘅塞族領土。到咗1913年，迪米特里耶維奇更加被任命為塞爾維亞軍隊情報總參謀長，獲得了葉利欽時代普京嘅地位。

迪米特里耶維奇同普京一樣，傾向於以暗殺消除政敵。黑手會隨後喺克羅地亞同波黑政策劃一連串暗殺行動，意圖行刺奧匈嘅官僚，但都未獲成功，不過佢哋好快就搵到一個更合適嘅對象。

1914年，皇帝約一世安排王儲斐迪南去波斯尼亞視察。斐太子乃係約一世嘅侄仔，約一世同茜茜皇后本有一獨子魯道夫，但佢喺1889年因為情緒病，同情婦殉情自殺

:^(

。而茜茜皇后亦都於1898年於瑞士日內瓦，俾一個意大利嘅無政府主義者行刺殺害😔。

:^(

妻死子喪嘅約一世命運悲慘得有如方展博，佢喺同年舉辦咗50周年登基慶典。帝國嘅臣民都對佢嘅遭遇深表同情，幫佢達成咗好大嘅PR效果。

:^(

然而約一世並未擺脫親人離世嘅厄運，薩拉熱窩嘅一聲槍響將會帶走佢嘅繼承人，並且將歐洲大陸化為修羅場。

自由之子 2022-4-21 00:24:49 由印度黎既佛教表示

:^(

帝力林德曼 2022-4-21 01:01:00 南王國嘅成立其實都算係塞族圍內霸權嘅開始，有些少似蘇聯吸收白羅斯、烏克蘭、高加索同中亞

東亜の子 2022-4-21 15:04:19 斐太子相對約一世而言係開明派，佢主張將匈牙利境內嘅克羅地亞、斯洛文尼亞同波斯尼亞等地分拆為一個獨立個體，將奧匈二元帝國擴展為三元帝國。呢個提案不單止受到奧地利同匈牙利貴族嘅反對，亦都引起咗大塞爾維亞主義者嘅深痛惡絕。

:^(

1914年6月，斐太子被皇伯父派遣前往薩拉熱窩，主持一個針對塞爾維亞嘅大型軍事演習，以圖震懾塞國。佢老婆蘇菲因為擔心佢嘅安全，亦都陪同出行。

:^(

黑手會為咗復興大塞，決意借刺殺為契機，捆綁塞爾維亞溫和派上戰車。佢哋安排咗一個7人暗殺小組，伺機而動。

斐太子夫婦喺6月26-27日完成觀看軍事演習，喺6月28日，佢哋計劃到薩拉熱窩市政廳參觀。當日既係佢哋嘅結婚周年紀念日，亦都係塞爾維亞嘅公眾假期聖維圖斯日。喺14世紀嘅當日，塞爾維亞在科索沃被鄂圖曼打敗，被迫投降。似乎冥冥中注定塞爾維亞人要喺呢個國恥之日，以敵酋鮮血祭奠先烈。

斐太子夫婦坐住開篷車，向市政廳進發。埋伏喺路邊嘅暗殺小組，突然向車隊投擲炸彈。但炸彈誤中副車，只係炸中咗隨扈嘅車輛，一名軍官受傷，掉炸彈嘅刺客亦都被捕。

斐太子夫婦毫髮無損，佢哋喺市政廳稍作休息之後，堅持要去醫院探望被炸彈炸傷嘅人，兩人再次乘坐開篷車往醫院方向進發。

:^(

但係因為溝通上嘅問題，冇人話俾司機知行程已經改變。發現錯誤後，司機不得不調頭，將汽車退後去到一條巷仔。

陰差陽錯，暗殺小組成員之一普林西普就喺對面街嘅一間咖啡館。19歲嘅佢見機不可失，馬上向太子兩公婆開槍❗

佢首先射中了咗蘇菲嘅腹部，然後射中斐太子條頸，太子當場死亡，蘇菲喺送院途中不治。

:^(

要叫咩名好 2022-4-21 18:21:52 冇記錯本身個殺手好似蕩失路，點知兩公婆又咁啱行到嗰條路

:^(

跟住就刺殺咗佢哋

:^(

東亜の子 2022-4-21 18:22:27 老鼠摟貓屌

要叫咩名好 2022-4-21 18:30:00 請問係咩意思

:^(

唔明

東亜の子 2022-4-21 18:32:54 上一句係咁啱得咁橋

:^(

要叫咩名好 2022-4-21 18:36:11 原來係咁

:^(

嗚上悠 2022-4-21 21:48:48 成件事好似伊藤博文畀人刺殺咁，佢本身係開明派，反對日韓合併

:^(

帝力林德曼 2022-4-21 23:02:50 1908-1919/22嘅動蕩其實遠遠喺2014-今日之上

帝力林德曼 2022-4-21 23:05:14 換個講法，歐洲嘅動蕩其實真係91年都未完，跟手係南聯盟，而家其實只係冇之前咁chill
南美國界定咗之後過往百幾年幾乎冇主權國家交戰，或者係零星（美帝）軍事干預，福克蘭戰爭已經算大單。對比起波斯尼亞簡直濕碎。

東亜の子 2022-4-22 17:47:44 但而家時局又開始亂

烏克蘭都有排玩

嗚上悠 2022-4-22 18:38:54 之前去德國讀咗科歷史，教授講1991年係歷史轉換期，之前就1918同1945包括，我諗宜家或者2014年開始已經係

一舊好潮既膠 2022-4-22 22:00:52 其實呢場仗根本就係公報私仇

:^(

仲要係出師無名個隻

:^(

我睇左兩個月笑足兩個月

:^(

東亜の子 2022-4-22 23:55:12 當消息傳到維也納嘅時候，約一世自然大為震驚。佢雖然同呢個有覬覦大位之嫌嘅侄仔感情唔算好，但畢竟帝國唔能夠後繼無人。

由於太子夫婦係貴庶通婚（太子妃蘇菲係波希米亞貴族出身，但始終唔係王室），佢哋嘅仔女沒有繼承權，約一世於是改立侄孫卡爾為王儲。

約一世當時已經成84歲，早已經老態龍鍾、風燭殘年。而佢掌舵嘅帝國亦都好似一個彌留之際嘅老人，五臟六腑早已衰竭，距離壽終正寢只有一步之遙。

由於奧匈帝國二元體制嘅緣故，匈牙利有權否決皇帝開戰嘅決定，當時嘅匈牙利總理蒂薩就對開戰百般阻撓，十分唔配合。皆因佢本嚟就對斐太子冇咩好感，更加唔想為斯拉夫人嘅地盤打交。

相反奧匈嘅盟友德國就表示無限量支持，而佢自己亦都有私心想教訓下塞爾維亞，順便挫下佢靠山俄國嘅銳氣。

:^(

喺得到德國嘅支持後，奧匈於7月21日向塞國發出最後通牒，提出一系列要求包括要求塞國停止各種反奧言論同埋解散所有反奧團體，以及由奧匈派官員調查斐太子暗殺事件。

塞爾維亞出乎意料地答應咗奧匈大部份要求，除咗派人到塞國境內調查事件。但得到德國人撐腰，一心求戰嘅奧匈決定不再循外交途徑解決問題，喺7月28日向塞國斷交宣戰，第一次世界大戰正式爆發。

野比大熊貓 2022-4-23 00:08:37 係都要打柒你

:^(

帝力林德曼 2022-4-23 00:09:33 我明，但係我有好幾個烏人朋友，有啲要走難（冇走嘅係因為咁啱唔係住烏）

:^(

帝力林德曼 2022-4-23 00:21:55

塞爾維亞出乎意料地答應咗奧匈大部份要求，除咗派人到塞國境內調查事件。但得到德國人撐腰，一心求戰嘅奧匈決定不再循外交途徑解決問題，喺7月28日向塞國斷交宣戰，第一次世界大戰正式爆發。

Princip結果喺捷克境內監獄患病而死，無錯係好激進，算恐怖襲擊，不過佢同一班兇徒其實都真係被奧方（以及塞方）處置咗。塞方盤數就係覺得black hand係威脅。之後都係歷史

東亜の子 2022-4-23 06:00:05

:^(

東亜の子 2022-4-23 11:05:25 同股市嘅轉角市一樣

賭物詩人 2022-4-23 12:00:27 記得奧匈總參謀長Conrad von Hotzendorf至少十幾次要求奧皇入侵塞爾維亞，佢喺促成七月危機引發一戰都好大責任，跟住呢條軍事奇才仲要廢到俄塞都打唔贏，仲葬送大量奧軍

:^(

東亜の子 2022-4-23 15:47:43 雖然奧匈喺7月28日已經宣戰，但老朽嘅國家機械明顯對戰爭準備不足，一直拖到3日後先正式下達軍事總動員嘅命令。

奧匈動員能力嘅薄弱喺戰時表露無遺，如果話打仗要兵貴神速，咁奧匈絕對係相反。帝國嘅軍官仲喺度hea hea下蹉跎歲月，帝國總參謀長康拉德·馮·赫岑多夫就選擇同二奶去阿爾卑斯山渡假，而唔係爭取時間準備好軍需。

:^(

因為大佬去咗旅行嘅關係，赫岑多夫嘅手下都紛紛請AL去玩，完全唔似面對大敵當前。奧軍更加批准數萬名農民兵返鄉下，幫忙收割夏收。

相反塞國就積極備戰，短時間已經動員咗30萬士兵。俄國亦都宣布全國總動員，以支援盟友塞爾維亞。

協約國和同盟國兩大陣營因為各自嘅盟約所束縛，好快就各自歸邊。德國亦都聯同奧匈向俄宣戰，之後又以俄國盟友法國唔肯宣佈中立為由，向法國宣戰，並且意圖借道比利時攻擊法國。因為比利時係英國安全嘅關鍵，英國亦都只好不情不願地介入戰爭。

:^(

東亜の子 2022-4-23 19:04:48 普京話去打納粹喎

:^(

🤣